اتصل شبل بيونس . الذي رائ الهاتف ولم يرد ..
يونس في نفسه: ماسه اتصلت بيه وله ايه
ليراي الهاتف مره اخري يضئ باسم شبل.
الراجي : رد يا ولدي
يونس : هرد يا بوي .
فتح الهاتف ليجيب علي شبل
. شبل : السلام عليكم
يونس: وعليكم السلام
شبل: عايز اجاي اتكلم معاكم انا وبوي
يونس : خير في شئ
شبل : اكيد مش هتكلم علي التليفون يعني. وله انت مش عايز تتكلم معاي
يونس : لا .ازاي . تعال احنا هنروح الخيمه
شبل : تمام. هجيلك
اغلق الهاتف ونظر لابيه : شبل والشيخ السلماني جاين علي الخيمه
الراجي : ينورو . اطلع بينا علي هناك وكلمهم يجهزو الوكل. وكل شي
يونس : امرك با بوي
………
بعد وقت كان شبل والشيخ السلماني يجلسون في خيمه الشيخ الراجي
الراجي: خير يا شيخ
السلماني: اتكلم يا شبل
حكي شبل ما حدث ما عمه والنفق الذي وجده . وان هناك مخطط لاحداث وقيعه بين القبيلتين
يونس: وانت بتحكيلنا علشان نرجعلك دهب يعني ..
شبل نظر له بغضب كان سيرد
السلماني: دهب مرت شبل و ان كان سبينها ترجع معاك . فده عشان خاطر تعب الشيخ الراجي . غير كده. لا انا وله ولدي كنا هنسمح تبعد عن بيتها.
الراجي: بنتي يا شيخ وخايف عليها
السلماني: خابر انها بتك . بس انا اما طلبت يدها لولدي هي اكده بقيت تخصنا احنا وانت خابر زين ان الزوجه بتدخل بيت زوجها بتكون مسؤله منه وشرفه هو . و زي ما انا تركت ماسه في بيتكم ومبدخلش في اللي بيحصل ليها. لاني خابر زين انها في حمايه رجلها وفي حمايه الراجي كمان
الراجي: خابر يا شيخ .
يونس:شبل هيطلق دهب
شبل : مش موافق . دهب مرتي وعمري ما هطلقها
يونس: هتطلقها .
السلماني: يبق شيل ده من ده. يرتاح ده عن ده ..
رجعلي بنتي يا شيخ . وخد بتك .
يونس بغضب: لا طبعا. ماسه مهتبعدش عني
شبل بنفس الغضب : يحقلك انت بس متبعدش عن مرتك . لكن اي حد تاني تدخل في حياته .
يونس: دي حياه اختي
شبل : وحياه اختي انا كمان.
الراجي. : بس انت وهو . مفيش اي احترام للكبير.
نظرو الي بعض بتحدي
السلماني: احنا جينا وفهمتك اللي فيها. بس انت كده بتكسر قلب بتك. انا متاكد ان دهب بتحب شبل زي ما هو بيحبها
سكت الراجي لانه يعلم ان كلام السلماني حقيقه
يونس: وان عندي حمايه اختي اهم من اي شئ
شبل : يبق ترجع اختي . لان مش هامن تقعد معاكم
خرج شبل والسلماني خلفه
ليقف شبل في الخارج : اختي هطلقها وهترجع لنا
يونس : طلق دهب يا شبل وانسي تاخد اختك خلاص بقت منينا
شبل : يبق انت اللي ابتديت . والبادي اظلم
كل هذا يحدث امام الخيمه. وقف الجميع يسمعون هذا الكلام وهم مندهشون
ومنهم الشامتين
…….
الفصل – 14 –
👑سبحان االذي بيده ملكوت كل شئ واليه ترجعون 👑
عاد شبل مع ابيه الي قبيلته
…
يونس عاد الي منزله مع ابيه
دهب بدموع: يونس حرام عليك .هتفضل قافل علي ماسه اكده ..
يونس : متدخليش يا دهب . هي عايزه تتربي من اول وجديد
دهب: ليه . عملت ايه .
يونس : قولتلك متدخليش .
صعد لغرفته وفتح الباب بالمفتاح الذي في جيبه.
.ليجدها تجلس علي الفراش وهي تبكي . وتضع راسها علي ركبتها
شعر بنغزه وجع في قلبه. ليغلق الباب ويجلس بجانبها
يونس : هتفضلي تبكي اكده كتير
لم ترد عليه
يونس: شكلك لسه متعلمتيش من الدرس اللي فات. وعايزه تتربي تاني
لترفع راسها وهي تنظر له بكره …ليشعر بالحزن من شكلها . كانت عينها حمراء ومنتفخه من اثر البكاء ايعليه
تنهد . وضع يده علي شعرها . لتبتعد عنه
يونس : انتي اللي وصلتيني لكده.
لم ترد عليه
يونس : ماسه
ماسه : طلقني يا يونس .
يونس : انتي اتجننيتي
ماسه : ابق مجنونه لو قعدت معاك تاني.
يونس : مش هطلقك . وهتفضلي محبوسه هنا .
خرج مره اخري واغلق الباب عليها
لتبكي مره اخري .
…………………..
مر اسبوعين وما زال الوضع كما هو. يصعد بالاكل لها وهي ترفض ان تحدثه ويحبسها بالغرفه .
حاول ان يصالحها ولكنها ترفض الكلام معه ليغضب اكثر ..
عندما رجعت شوق لتزورهم مره اخري.
طردها يونس شر الطرد وصرخ بها الا تاتي الي هذا الدار مره اخري.
تزوجت من جابر ابن عمها وارتاح الجميع من مشاكلها
اما دهب فكانت تضعف يوم يعد يوم . تشتاق لشبل وتريد ان تطمان عليه
كانت تشعر بالتعب الشديده .
ام دهب: شكلك حامل يا دهب
نظرت لها بعدم تصديق: لا
ام دهب: باين عليكي اعراض الحمل .
وضعت يدها علي بطنها بفرحه: حامل
ام دهب: مبروك يا بتي
دموع فارقت عينها كانت تتمني ان تكون بجانب شبل لتخبره بحملها. ولكن ما يحدث ضد إردتها
……………
في غرفه يونس وماسه
وضعت يدها علي بطنها بتعب وهي تخرج من الحمام
لتمدد ع الفراش : هحميك يا ولدي.. متخافش انت قوي
دخل يونس عليها . لتعتدل في جلستها
يونس : وبعدهالك يا ماسه . هتفضلي اكده كتير.
ماسه : قولتلك طلقني ورجعني لابوي
يونس : وانا قولتلك لا .
ماسه : مش بمزاجك
يونس : دماغك دي مش هتلين شوي. انتي خابره اني بحبك
ماسه : وانا مبقتش احبك
لينظر لها بصدمه : انتي بتخرفي تقولي ايه
ماسه : بقول الحقيفه . انا بكرهك
احس بوجع في قلبه. كيف تنطقها
رفع يده عليها. لتقف امامه بتحدي. وهي تمسك سكين من علي طبق الفاكهه وتضعه امامه
يونس : هتضربيني بالسكين
ماسه : اه ..يدك لو اتمدت عليا تاني. هقطعها.
يونس : اقطعيها يا ماسه . واقتـ,ـليني كمان
اقترب منها وهي ابتعدت للخلف
يونس : بترجعي ليه . اضربي
لا تستطيع ان تأذيه . وجهت السكين الي قلبها
ليقف في مكانه بصدمه : انتي مجنونه .. ارميها
ماسه : قرب تاني مني وانا هقـ,ـتل نفسي. .
يونس: ماسه ارمي السكينه هتعوري نفسك
ماسه بتعب وحزن : ابعد عني. انا خلاص مش عايزه اعيش معاك
يونس : متقوليش كده. انتي بتحبيني.
هزت راسها بلا قربت السكينه من رقابتها لتضغط عليها
يونس بخوف : لا . لا يا ماسه. ارميها
ماسه : هقـ,ـتل نفسي وارتاح واريحك. مش انا اللي اعيش في سجن. بمـ,ـوت كل يوم.
يونس بحزن : ارمي السكينه واوعدك هعملك اللي انتي عايزاه
ماسه : هتسبني اخرج من هنا
يونس : هسيبك
ماسه : كذب
يونس : لا مش كذب . بس ارمي السكينه
نظرت له لتتاكد من صدقه.
يونس: والله هعملك اللي انتي عايزاه. بس متأذيش نفسك
فتحت يدها لتقع السكين منها .ليقترب منها سريعا
كانت تظن انه سيضربها ولكنه كان يضمها الي صدره بقوه
بكت هي . يونس بصوت مخنوق : اياكي تكرريها تاني.
ماسه بدموع : انت وعدتني
يونس ابتعد عنها بحزن : هرجعك لاهلك . .غضب عني
.ماسه ابتعدت عنه : امتي
يونس: بس اليومين دول يعدو
نظرت له بغيظ
يونس : اديني فرصه شهر واحد بس وكل الامور هتتعدل وهترجعي لاهلك .
ماسه: واشمعانه شهر
يونس : عمك مطاوع اتقتـ,ـل وهو كان مشترك مع ناس من الارهاب وخطفو دهب. وبعديها لاقوه مقتول في بيته . واما شبل فتش عرف انه كان عنده نفق بيهرب فيه سلاح
ماسه : وبعدين
يونس وهو يضمها الي صدره ويتخيل ما فعلته منذ قليل
ليتنهد بتعب من عندها
. ماسه : يونس وبعدين
يونس : اتفقت انا وهو نعمل مشكله قدام الناس. علشان نكشف اللي عايز يوقع بينا ..
ماسه بدموع : يعني انت مش واخد دهب من شبل
يونس : كنت وخدها الاول. بس اما قعد معايا وفهمني المشكله. هو سابها علشان يبان قدام الناس ان في بينا مشكله . وكمان علشان يحميها
ماسه بدموع: ومقلتش ليه الكلام ده
يونس : انتي مش عايزه تكلميني وكمان مردتش اضايقك واخليكي قلقانه
ماسه سكتت
مسح دموعها وقبل جبينها : اللي عملتيه ميتكررش تاني. لو عايزه ترجعي لاهلك هرجعك بس بعد اما نحل المشكله اللي ورانا