بقلم ياسمين علاء-2

دهب : هاتي ادوقها .يمكن اتلخبطت زي ما شبل قال.

ام شبل : خدي دوقي

اقتربت دهب . لترمي ام شبل القهوه عليها

صرخت دهب بفزع وهي تنظر لشبل . الذي وقف امام امه ووقعت القهوه عليه وهي ساخنه

دهب : شبل

ام شبل : ولدي

نظر لامه بعتاب .. لتنظر له بغضب

دهب وادمعت عينها. لتدخل سريعا واحضرت له قطعت تلج

اجلسته امامها وهي تفتح ازرار عبائته بدموع

رات صدره به بقعه حمراء كبيره .

اقتربت ووضعت الثلج عليها وهو ما زال عينه معلقه في عين امه.

دخلت امه غرفتها.

وقف شبل : متخفيش يا دهب . حصل خير

دهب : وقفت ليه قدامي يا شبل
شبل امسك يدها وصعد بها الي غرفته .

ليخلع الجلباب ويبق صدره عاري .

احضرت مرهم الحروق ووضعته مكان الحرق وما زالت تبكي

نظر لها ولطيبتها ليجلسها بجانبه ويضمها بيده جهه الاخري من صدره
اجهشت بالبكاء وهي تلف يدها حول خصره

شبل ؛ بتبكي ليه دلوقتي
دهب : لان اللي حصل ده بسببي . انت ليه وقفت قدامي

شبل : ده قدر يا دهب . وقدري اتحرق

دهب : بس هي اللي رمت القهوه
شبل ؛ مكنتش تقصد . غصب عنها

لا تصدقه ولكن لا تريد ان تحرجه اكثر.

دهب: كنت انحرقت انا .
شبل بابتسامه : بعد الشر عنك . فداكي انا يا دهب

دهب : فداك عمري يا شبل

شبل : يسلم عمرك يابنت الاكابر
قبل راسها . لترفع يده وتقبلها

تنهد ونظر الي فعلتها باندهاش

دهب : شبل انت طيب قوي. بحس انك ابوي واخوي

شبل: مفيش اطيب منك يا دهب . حقك عليا انا
لو عايزه تمشي من البيت هنمشي حالا

دهب : ده بيتك يا شبل . كيف يعني تمشي منه
شبل : انا يهمني راحتك انتي

دهب : راحتي جنبك يا شبل .

شبل : انا جنبك لاخر العمر

امسك ذقنها ورفعها له لتنظر الي عينه التي تعشقها. بسودها ال لامع

ليقبلها🙈

……………….

في المساء.

كان الشيخ السلماني في انتظار ابنه ليتناول الطعام

دهب : هتقدر تلبس حاجه علي صدرك
شبل : في تيشرت واسع

وقف وفتح الدولاب واخرجه ليرتديه .

كان قطني وواسع. ولكن لايطيق شئ علي صدره

نظرت له : بلاش تلبس حاجه انهارده بكره هتكون احسن
شبل ؛ كيف يعني. اخرج اكده ..

نزل معاها

ليمسك طرف التيشرت يبعده عن صدره.

رآي الدموع في عين امه ..ليبتسم لها

جلس .

الشيخ: فيك حاجه يا ولدي

شبل : القهوه وقعت علي صدري يا شيخ
لينظر الي ولده سريعا : مش تخلي بالك يا ولدي

شبل : حوصل خير . الحمد لله جت سليمه
الشيخ السلماني : ام شبل. هاتي. لشبل الخلطه اللي عندي جوه .

دخلت امه. واحضرت العلبه. بها خلطه من الاعشاب التي تستعمل للجروح والحروق

شبل : انا كويس يا امي . متخفيش

بكت هي : اسفه يا ولدي .
شبل وهو يقبل راسها فهي امه في الاول والاخر

شبل : حصل خير يا امي
السلماني ؛: هو انتي اللي وقعتيها

نظرت ام شبل له .
دهب : مكنتش تقصد يا شيخ . اتخبط فيها

شبل بابتسامه : هو ده اللي حصل
السلماني ،: الحمد لله. انا جت . علي قد كده

نظر لها بشكر .
………..ً……………………

يونس رجع مع ماسه بعد ان قضو اليوم بالخارج .

شبل كان يجلس مع امه وابيه ودهب . ليجد الباب يطرق عليهم

نظر لدهب لتصعد غرفتها وامه دخلت الغرفه

فتح الباب ليتفاجا بعمه مطاوع يقف امامهم

شبل بترحيب : اهلا ياعمي. اتفضل

دخل مطاوع ووجهه متجمد

السلماني : حمد لله علي السلامه يا ولد ابوي .
مطاوع : الله يسلمك يا خوي. كيفك

السلماني : بخير . اقعد
شبل : دقيقه والاكل هيجهز

مطاوع : معيزش اكل حاجه . انا مش جاي اضايف

جلس شبل بجانب ابيه

شبل : جاي ليه يا عمي .
مطاوع : جاي اعاتب علي ابوك. اللي دخل بينا الاعداء وراح سلم بنته لابن اللي قـ,ـتلو ابنه

السلماني: مفيش اعداء بينا والتار خلص. اللي فوق تبق مرت ولدي وفي مقام بتي. وماسه هناك عايشه زي الفل وبيعاملوها زي بنتهم

مطاوع : كيف يعني. انا الكلام ده مينفعنيش . احنا بنا دم وعمره ما هيبق في صلح

شبل : الصلح خلاص حصل يا عمي. انت جيت متاخر.

وقف مطاوع وهو في عينه شر : . انا لسه واصل من السفر وعرفت بالمصيبه دي.

السلماني: اقعد يا خويا واهدا . الفتنه نائمه لعن الله من ايقاظها

مطاوع : تقصد ايه . هتكبر وتخيب عاد وله ايه يا سلماني

وقف كالاسد في وجهه عمه وصوته وعينه كالاسد المفترس.

شبل : اياك تتكلم مع الكبير اكده . ابوي ميتقلوش الكلام ده . قسم عظما لو مكنتش عمي لكان ليا تصرف تاني معاك

. نظرت حقد وغل من مطاوع لشبل.

السلماني: اهدا يا شبل يا ولدي . عمك ميقصدش حاجه . هو خانه التعبير بس.

نظر لهم مطاوع وخرج ولم يتحدث بكلمه اخري

شبل جلس مع ابيه : عمي ناوي علي شر يا شيخ

السلماني : ربنا يستر . لازمن يفهم اننا عملنا صلح.

شبل : هخلي رجالتنا تتابعو. لازم نلحقو قبل ما يعمل مشكله .

السلماني : ان شاء الله خير يا ولدي .

……………

شبل يشعر ان عمه سيفعل شئ.

ولذلك خرج لعتمان واخبره ان يعين رجال ليتابعو تحركات عمه مطاوع. حتي لا يرتكب اي مصائب هما في غني عنها ..

…….ً…….
11
👑 صل الله علي محمد … صل الله عليه وسلم 👑

💙 ساصنع حربا ولن يفوز سوي.. واسافر الي القمر واعود بك وحدك 💙

تجمع الرجال في الخيمه الكبيره ليتفقو علي تفتيش بيوت القبيله لمعرفه من له يد في دخول المسحلين بينهم .

يونس: انا معايا خمسين راجل
شبل : وانا خمسين راجل

ليقف رجل من قبيله اخري ولكن اقل شان من قبيله الراجي والسلماني. ومعه خمسين رجل.

وهكذا وقف الكل بدور يعلنو كم عدد الرجال معاهم ..

السلماني : انطلقو علي بركه الله

انطلق الرجال وكل منهم الي قبيلته يفتشون المنازل .
ويتركون المعارضين للاخر ..

مر اسبوع وهم يتابعون التفتيش .. وسط انشغال شبل ويونس بمشاكل القبائل والتفتيش عن البيوت التي تحطها انفاق تهرب الارهابين والاسلحه

لياتي خبر قلب موازين القبائل جميعا ..خصوصا قبيله الراجي والسلماني

بخطف دهب بنت السلماني . وزوجه يونس الراجي

شبل بجنون : كيف . كيف حصل .

اسرع الي البيت ومعه يونس والشيوخ والرجال من خلفهم .

ليري امه تجلس تبكي في خارج البيت وهي تنتحب

شبل : امي فين مرتي
ام شبل : خطفوها يا ولدي

يونس : كيف يخطوفها من البيت.
الراجي : بنتي فين يا سلماني . انا سيبها في امانتك

شبل شعر باختناق وغيره وقهر كيف يحدث هذا .. كيف تخطف من بيته ..من تعدي علي حرمه بيته وخطف زوجته

السلماني بقوه للرجال : مايعديش الليل الا ومرت ابني هنا معايا . اطلعو كلكم وقلبو الصحراء كلها . مرت ابني متبتش بره البيت

شبل بتوهان وهو ينظر لهم ويشعر انه في كابوس .

يونس كان سيجن علي اختفاء اخته. لم يحدث هذا من قبل

الراجي شعر بالدوار ليمسك يد ابنه اللذي اسرع وامسك يد ابيه واجلسه

يونس: اقعد يا بوي ومتقلقش . انا مش هسكت وهرجعها

الراجي وهو يشد علي يد ابنه : اختك ترجعلي يا يونس.

يونس : امرك يا بوي

نظرلهم شبل بغضب : دي مرتي يا شيخ ..

الراجي : مرتك اللي اتخدت من جو بيتك . هي دي الامانه يا سلماني .

السلماني: اهدا يا راجي . بتك هي بتي . وهترجع واللي عمل كده هيدبح
الراجي : بتك شايلها في عيني وعلي راسنا. وانت معرفتش تحمي بتي . دي شرفي يا سلماني

شبل : دي شرفي انا دلوقيت.

الراجي بتجاهل لكلام شبل : اختك يايونس ترجعلي

يونس : امرك يا بوي ..

تنفس بغضب وهو يشعر انه سيمـ,ـوت قهرا . كيف يحدث هذا ..

السلماني : فكر بعقلك يا ولدي . وسيبك من كلام الراجي . هو مضايق علي بته.

شبل : عقل ايه يا بوي اللي هفكر بيه . ومرتي اتخدت من بيتي.

………

في بيت الراجي كان الوضع لا يبشر بالخير .

فقد علمت ام دهب بما حدث وانقلب البيت بصويت وانتحاب. . وماسه تشعر انها في كابوس. فالجميع ينظر لها باتهام كانها هي التي خطفتها ..

لتدخل شوق البيت وهي تنظر لماسه بكره : انتم السبب . هتلاقيها حركه من حركاتكم ال*** علشان تنتقمو

ماسه بقوه : اخرسي يا عقربه . احنا مبنتقمش من حد

شوق : ليكي عين تتكلمي. انتي بتقـ,ـتلو القتيل وبتمشو في جنازته

ماسه : قولتلك اخرسي . واطلعي بره

شوق : انتي اللي هتطلعي بره. من هنا ورايح ملكيش مكان اهنا وسطينا.

لتشعر بالغل منها . اقتربت منها لتضربها . لتجد يونس داخل وهو يسند ابيه .

لتشهق يبدو مريض اسرعت شوق وهي تنتهز الفرصه لتمسك يد الشيخ من الجهه الاخري وادخلته للغرفه .

……….

شبل يبحث مع الرجال والكلاب الذين يتبعون رائحه دهي عن طريق شم قطعه من ملابسها.

يفكر من فعل هذا . هل هم من يتعاونون مع الارهاب . او احد من قبيلته يرفض الصلح الذي حدث بين القبيلتين

يعلم انها خائفه الان فهي رقيقه ولا تحتمل هذا ..

رفع راسه لسماء ليشكو لله ما بقلبه
……

ماسه دخلت غرفه الشيخ لتجده يتمدد بتعب علي الفراش .. وتجلس ام يونس وهي تبكي بجانبه وشوق .

الراجي: امشي يا يونس . روح رجع اختك لهنا .

يونس: اطمن عليك لاول يا بوي
الراجي بحزم : اختك لاول يا يونس

يونس: حاضر يا بوي . هرجعها لهنا

نظرت له ماسه .وهو لم يحدثها خرج من الغرفه وهي تلحق به لتمسك يده : يونس وقف
يونس: عايزه ايه

ماسه وهي تنظر له: انا مقدره خوفك علي اختك . بس انا عايزاك تهدا وفكر بعقلك

يونس ؛ وانا عاد فيا عقل. اختي اتخطفت من وسط قبيلتكم . عقل ايه اللي افكر فيه

ماسه بغضب: قصدك ايه
يونس: اقصد ان اخوكي مقدرش يحميها

ماسه: هو ذنبه ايه . اكيد خايف عليها . انت خابر انها شرفو برضو

يونس بقوه: لا . اختي شرفي انا وشرف ابويا . لو شرفه كان قدر يحميها

نظرت له ماسه بدهشه؛ يعني انا مش شرفك يا يونس

يونس ؛ شرفي طبعا. بس هي لو كانت شرفه كان حمها

ماسه: روح يا يونس . انا مش هرجعك علي الكلام اللي قلته لانه ماسخ . وانا مقدره انك غضبان.

نظر لها يونس وخرج من المنزل . لتقف هي تنظر للمكان بحسره وحزن. من فعل ذلك سيحطم كل شئ .

…………….

حل الليل والجميع ما زال يبحث.

ليتقابل يونس وشبل والوضع اصبح مشحون بينهم . يونس يحمله ذنب اختفاء دهب اخته .

شبل يشعر بالغضب لانه لم يجدها .

نظر له باحتقار ليمسكه شبل من ملابسه بغضب: انت بتبص اكده ليه

يونس وهو يمسك ملابسه بقوه: لانك مش راجل. معرفتش تحمي اختي.
. لكمه شبل بقوه . ليبادله يونس بنفس القوه

تصارعو بقوه. ليطلق السلماني طلقه في الهواء.

ليبتعدو عن بعض

السلماني: هتقـ,ـتلو بعض وتسيبو اللي عمل اكده في شرفكم

يونس بغضب: شرفنا احنا . اختي هتتطلق من ولدك

شبل : دهب مرتي ومش هتطلق

السلماني: ترجع الاول . ونتكلم . وله انتم خلاص معدش ليكم كبير . هما دول اللي هيحكمو القبايل في المستقبل ..

نظرات الكره والغضب بين الاثنين. يود يونس ان يحرق القبيله ويحرقهم جميعا

…………………………………….

ام يونس تبكي بحسره لتدخل ماسه وبيدها اكواب الحليب . للشيخ الراجي وام يونس

شوق: ابعدي عنا . وشك شؤم علينا
الراجي: اخرسي يا شوق .

ماسه : هتتحاسبي بعدين. . اتفضل يا شيخ

شوق: ليكون في سم ولا حاجه

ماسه: ليه وانا ذيك . وعلي العموم

شربت من كل كوب امامهم : اهو علشان تطمنو. .

ام يونس ببكاء : معيزاش حاجه. انا عايزه بتي
ماسه: انتي اكده هتتعبي اشربي ..

تبكي بحسره.. والشيخ لا يتحدث

………