لم تكن حبيبتي -3

رأفت : هتنطقي مين الي زقك و لا اخلي الشباب يشوفو شغلهم
انهى كلامه مع غمزة خبطته كف خماسي الابعاد على وشه و هو كان بيبص للجهة التانية بصدمة مش متخيل الموقف اما هي فتحت عنيها على وسعها و ايدها واقفة قدامها

شمس بخوف : ربنا ياخدني … اقرأي عليا الفاتحة يا منار
رأفت اخذ نفس و هدأ نفسه وقال : ليييه ليييه كدة يا شمس لييه ؟ بتض-ربي خلقة ربنا .. مش حرااام ؟
شمس بتوتر : ااا.. مش انا والله ايدي … انت عصبتني
رأفت بابتسامة : ااااه ايدك
وشدها من حجابها من الخلف وقال : وحياة امك لانفخك يا بنت الك**
شمس بجنون : هتدفع تمن الحركة دي غالي اوي يا رأفت
ابتسم بشر و دفعها بعن..ف على الاض و بعدين خرج

عند رعد و مالك
كرم : رعد .. مالك ..الحقو .. مراتاتكم عند رأفت .. راحو متنكرين .. انا البواب قالي و اتمسكو كمان
رعد بصدمة : انت بتقول ايه يا كرم ؟؟ازاااي ؟؟؟
مالك بغضب : ازاااي يعني يروحوله و ليييه ؟؟
كرم : هو بصراحة هم تدايقو جدا منه وقت الحفله و قررو انهم يربوه بالحركة دي و كمان دول بيخططو لحسام و داليا كمان
مالك بشك : مستحييل ايه الهبل ده ؟ معقولة هما بالغباء ده ؟
رعد بجنون : لا مش مستحيل .. مراتي و انا عارفها …

دي ممكن تعمل كدة و اكتر كمان
مالك : طب هنعمل ايه يا رعد ؟ دلوقتي رأفت هيفتكر ان احنا الي بعتناهم و هتتحسب علينا وحدة
رعد بغضب و نفاذ صبر : مش مهم يحسب زي ما هو عايز .. المهم دلوقتي اني اجيب مراتي من عنده .. كرم انت خليك بالشركة و مالك تعال معايا
مالك : يلا

منار قعدت تتحرك بسرعة لحد ما فكت نفسها
شمس : ايه ده فكيتي نفسك … فكيني فكيني بسرعة الحمار ربطني جامد
قامت منار و فكت شمس بسرعة
منار بخوف : هنهرب ازاي من هنا ؟
شمس : قوي قلبك يا بت لو عرفنا نهرب كويس و لو اتمسكنا عادي محنا كدة كدة ممسوكين … المهم حطي النقاب كويس

طلعو بيتسحبو امسكت شمس عصا موضوع جانبا و اول ما فتحت باب المخزن طلعلها الحارس .. خبطته العصا على دماغه … ثواني و كان مرمي ع الارض و هما طلعو جري
منار بدموع : يا لهوتي … تفتكري ما.. ت
شمس : بت انتي اتلمي مش عايزة اتشل مش كفاية مرارتي فقعت منكو

وصلو البوابة الرئيسية و استخبو ورا شجرة قريبة .. شافو رعد و مالك و هم نازلين من العربية و وشوشهم مرسوم عليها ملامح الغضب الشديد
منار : يا انهار اسود دول اكيد جاين يستلمونا
شمس : بقولك ايه احنا لو رأفت ما قت..لناش اكيد اكيد رعد و مالك هيخلصو علينا عشان كدة احنا لازم نهرب على كل الاحوال
منار بتوتر : طب يلا مستنية ايه
شمس : مش شايفة الحراسة حوالين البيت قد ايه .. لازم نصبر شوية

بعد دقائق ذهب بعض الحراس للغداء و بقي اثنان على الباب
كانو واقفين بيتكلمو و كان واحد بيولع للتاني سيجارة
شمس : اجري يا منار
و فعلا جريو من قدامهم و هربو الحارس بفزع : استنو … تعالو هنا … عماد انده للحراس خلينا نلحقهم و لكن شمس و منار كانو اسرع منهم و بعدو شوية عن الفيلا
وقفت تاكسي قدامهم كانت بتسوقها وحدة لابسة نقاب ايضا
امل : اطلعو بسرعة
ركبو شمس و منار معاها و هربو من المكان بسرعة

رعد بحدة : فين مراتي يا رأفت
رأفت ببرود : عندي تحت … هي الي جات هنا برجليها و معها مراتك يا مالك
مالك بغضب : هما فين؟؟؟ اندهلهم
رأفت ببرود : البنات دول اقتحمو بيتي و قللو ادب و هما محسوبين عليكو ولا ايه يا رعد
رعد بغضب : حساباتك دي بعدين نتكلم بيها … حاليا عايز مراتي
رأفت بهدوء : ماشي .. هعتبرهم عملو التصرفات دي عن طيش .. و هندهلهم حالاً … بس عشان خاطر جيتكم دي
دلف الحارس بسرعة : رأفت بيه .. البنتين هربو
رأفت بصدمة :

ايييه
رعد ببرود : الفيلم ده مش هيمشي عليا … ما تحاولش تلعب بديلك يا رأفت
رأفت ببرود : انا هقدر موقفك يا رعد بيه و اكون احسن منك .. بس البيت مليان كاميرات تقدر تشوف هربو ولا لا

و فتح الشاشة المقابلة لهم
كان موثق لحظة خروجهم من الفيلا و ركوبهم بالتاكسي
مالك بغضب : اهم … انا هتجنن من البنات دول
رعد بحدة : عارف يا رأفت لو اعلم ان مراتي تأذت واحد بالمية بسببك لتكون نهايتك على ايدي
ابتسم رأفت بخبث : برضو مش هزعل منك و هقدر خوفك عليها … دي مهما كان في مقام امل ربنا يرحماها و لا ايه ؟

نظر له رعد نظرة غريبة جداً فيبدو ان رأفت يلمح لشيء ما
اما مالك استفزه كلام رأفت و تقدم منه و امسكه من ياقة قميصه و قال بغضب : ما تجيبش سيرة اختي يا رأفت .. ولو مراتي او مرات رعد حصلهم حاجة بسببك احنا هنمحيك عن وش الدنيا
كان ينظر رأفت له و يبتسم بخبث شديد

وصلو شقة امل
امل بجنون : مش معقول كل الي حصل ده
شمس : جرا ايه امل .. نصيبنا كدة .. قوليلي احنا مطلوب مننا ايه دلوقتي ؟
امل بهدوء : ولا حاجة .. انتو مهمتكم كدة انتهت .. رأفت دلوقتي بدأ يخطط يخلص منكم .. و انا مش هقدر اعرضكم لخ..طر اكبر من كدة … انتو كنتو هتروحو بداهية بسببي
منار بدموع : ما تقوليش كدة يا حببتي … المهم انتي هتعملي ايه
دلف كرم الشقة و قفل الباب
كرم : ايه ده انتو هربتو .. يا بنات الايه
امل بهدوء:

كرم انا شايفة كفاية اوي لغاية كدة .. احنا وصلنا للي عايزينه و لازم رعد و مالك يعرفو اني لسا عايشة
كرم : بس لسا رأفت ما اعلنش افلاسه يعني لسا ما خلصناش … احنا عايزين نخسره كل حاجة و نكسره … انا عايز انتقم لكل احظة اتوجعنا فيها بسببه
امل بسرحان : ما تقلقش . .. لو ما اعلنش النهاردة هيعلنه بكرا .. رعد و مالك مش هيسبوه بحاله خصوصا ان شمس و منار مختفيين .. بس الانتقام مع رعد و مالك هيبقى اقوى بكتير و هما لازم يفوقو بقا
شمس ابتلعت غصة بحلقها و قالت :

يعني خلاص كدة مهمتنا انتهت .. و مش هنرجع نشوفهم تاني
امل بهدوء : امم بالزبط كدة
ننظرت منار الى شمس بوجع شديد و نظرت لها شمس بنفس النظرات مر اسبوع كامل

رعد : و بعدين يا مالك ؟ هما لغاية دلوقتي ما ظهروش
مالك بتفكير : معقولة رأفت يكون لسا خا..طفهم و عمل الفيلم ده علينا ؟
رعد بشك : ممكن جدا يا مالك .. رأفت ده ثعبان و يقدر يعمل كدة
مالك : يعني خصوصا العربية الي طلعو فيها دي تاكسي .. يعني ممكن رأفت يكون متفق معاه
رعد : ممكن برضو .. لو كدة فعلا انا مش هرحمه ابدا
دلف كرم و قعد معهم
كرم بهدوء و تمثيل : شمس و منار ملهمش اي اثر ..

انا حاسس انهم مخطو..فين و احتمال كبير انه رأفت يكون ضحك عليكو
رعد بجنون : كرم .. عايز بكرا كل شركات رأفت الديب تتصفى … و افسخ اي عقود لينا معا … مش عايزه يتهنا من اليوم و رايح .. و مراتي انا هعرف اجيبها كويس

مالك : رعد عنده حق .. احنا لازم نعلمه الادب و ازاي يلعب مع ناس زينا.. بس برضو ده ما يبررش غباء مراتي و مراتك يا رعد
رعد بهدوء : منا عارف بس دول بنات صغيرين ايه الي هيفهمهم بالشغل و المواضيع دي .. هما بيلعبو من غير تفكير و ما يعرفوش العواقب
مالك : اه والله عندك حق
كان ينظر لهم كرم بنظرة ساخرة لانهم مخدوعين بزوجاتهم

في مطار القاهرة الدولي
جميع الانظار مسلطة على الجميلتين كانت كل واحدة تمشي بغرور شديد شمس ترتدي بدلة رسمية باللون الموڤ مع حجاب ابيض و حذاء كعب عالي و كذلك منار لكن البدلة باللون البينك و كل منهما تجر شنطة سفر تتناسق مع لون ملابسها.. و ترتدي نظارة شمسية و تمشي بخطوات هادئة مغرورة بنفس المستوى ركبو الطيارة سويا
خلعت منار النظارة و قالت بابتسامة : ياااه اخيرا خلصنا
شمس بضحك : هم و اتشال عن قلبي

انمحت الابتسامة عن وجه منار و قالت بسرحان : تفتكري وحشناهم ؟؟
شمس بهدوء : مش مهم .. ما تتنسيش عملو ايه فينا … يعني كل الي عملناه يستحقوه .. و ما تنسيش احنا وقفنا معاهم و الفلوس الي خدناها ده اقل تعويض لكل الي استحملناه
منار بهدوء : عندك حق .. و كمان كرامتنا اتهانت اوي بالبيت الي هناك .. انا لو مالك يفرشلي الارض ذهب و الماس مش هرجعله … بس هو وحشني اوويييي
شمس : هشششس انسي بقا حياتك الي فاتت كلها .. دلوقتي هنتولد من جديد … هنعيش حياتنا و لوحدنا
منار بابتسامة:

انتي الحاجة الوحيدة الي طلعت بيها من كل الي حصل .. انتي اجدع بنت شوفتها
شمس بحب : وانتي كمان احن بنت عرفتها احنا دلوقتي ملناش غير بعض يا منار
حضنو بعض بحب شديد و بعد شوية انطلقت الطيارة غادرت شمس و منار القاهرة تاركين وراهم رعد و مالك و الحب و الكر..ه و كل الذكريات الحلوة و الوحشة ..

مر يومين
في الفيلا
كرم بسعادة : رعد الي طلبته اتنفذ بالحرف الواحد و شركات الديب اتصفت زي شركات الرويعي بالزبط
رعد : هو ده الي المطلوب
مالك بنفاذ صبر : طيب و بعدين ؟؟ انا مراتي مختفية ؟؟؟ عايزنا نستنا ايه مثلا يا رعد انا مش فاهم
رعد بهدوء : مالك زي ما مراتك مختفية انا مراتي كمان مختفي معاها.. بس لازم نفكر بالعقل الانفعال مش هجيب نتيجة
مالك بجنون : نفكر بالعقل قولتلي ؟ انت بتستنا ايه يا رعد ؟؟ عايز تخسر شمس زي ما خسرنا امل و ماما ميرفت ؟

هتفضل كدة لغاية امتا ؟
رعد بغضب و صوت عالي : ماااالكككك .. احترم نفسك ..
و كان سيهجم عليه لولا كرم الي مسكه
مالك بغضب : ايه عايز تضر-ب اخوك الكبير عشان قال الحق
رعد و حاول يهدا : ما تعملش نفسك العاقل الوحيد الي فينا … انا مراتي و هعرف اجيبها كويس … ولو عندك طريقة تانية اتفضل ورينا هتعمل ايه

خبط مالك يده بقوة على الطاولة يحاول تفريغ طاقته
اما كرم امسك رعد و قال : جرا ايه يا شباب .. اول مرة تتخانقو كدة … ما تنسوش انكو اخوات و صحاب .. عيب كدة
هدأ مالك قليلا و لكن رعد تركهم و ذهب و هو يشعر بالضيق الشديد
كرم لمالك : مالك انت جرحته اوي بكلامك .. فعلا ما فيش طريقة ترجعو شمس و منار غير كدة لانه ما فيش دليل على رأفت .. انت عارف قد ايه رعد متأثر بمو..ت امه و اخته و انت فتحتله الجرح ده
مالك بحزن :

ما الي ما..تو دول امي و اختي كمان يا كرم و انا اتيتمت مرتين و خسرت اختي الوحيدة .. بس انا مش مستحمل فكرة اني اخسر منار .. صعب اوي بعد ما لاقيت نفسي اضيعها تاني .. و رعد كمان هيتكسر اوي لو خسر شمس .. و انت عارف رأفت دلوقتي اكيد حطهم بدماغه و هو بيدور على فرصة يكسرنا بيها و يتفوق علينا كرم بهدوء : انا فاهمك يمالك .. بس رعد مهما كان هيفضل اخوك و سندك وانت عارف قد ايه بيحبك .. روح صالحه دلوقتي

اتجه مالك الى رعد
كان رعد باوضته واقف بيدخن و بيبص بسرحان للشباك
وضع مالك يده على كتف رعد
مالك بحزن : انا اسف يا رعد .. ما كانش قصدي ازعلك .. بس انا بجد قلقان عليهم
استدار رعد الى مالك و حضنه بقوة

رعد بهدوء : و انت فاكر اني مش قلقان عليهم ؟ الي مختفية مراتي الي عمري ما عرفت معنى الحب الا لما عرفتها و الي معاها مرات اخويا … انا شايل همهم زيك بالزبط … و باليوم بفكر مليون مرة خايف اخسر شمس زي ما خسرت امل .. بس يا مالك الموضوع معقد .. و احنا متهمين رأفت اتهام يعني دي مجرد شكوك … بس احنا لازم نفكر بالعقل عشان نلاقيهم
مالك بهدوء : انت عندك حق .. مفيش دليل على رأفت اساسا

فجأة سمعو صوت ض-رب نار
نزلو بسرعة
رعد : فيه ايه
كرم بضحك : ما فيش كنت بجرب المسد..س
مالك بغضب : ده وقت هزار يعني ؟؟
كرم بهدوء : عايز اوريكم مفاجأة ان شاء الله هتعجبكم
رعد بهدوء : في ايه يا كرم ؟ مفاجأة ايه ؟؟
كرم بصوت عالي : ادخلي
دلفت امل بهدوء و هي توزع نظراتها على رعد و مالك
كانو مصدومين جداً
قالو بصوت واحد : أملللل …. يتبع لم تكن حبيبتي
همس كاتبة

بارت 15 الاخير تقدم رعد نحوها بسرعة و حط ايده على وشها بلطف
رعد بصدمة : امل ؟؟ ده حقيقة ؟؟
قرب مالك منها ايضا نظر الى رعد و هو مصدوم جدا
كانت بتبصلهم و بتعيط
ضمها رعد بقوة و هو لا يصدق ان كان حقيقة ام خيال
لكن مالك كان ينظر بصدمة و لم يستطيع كبت دموعه … بدأ يعيط كأنه ولد صغير و حضنهم بقوة هو ايضا
كانو بيحضنوها و هم مش مصدقين

رعد بصوت مبحوح و مصدوم : انتي امل اختي ! ايوة هيا ….ك.. كنتي فيين ؟؟؟ لييه توجعي قلوبنا عليكي ؟ كنتي فييين ؟؟
امل بدموع و رجفة : هحكيلكم كل حاجة ..
مالك بانفعال و ضعف اول مرة يظهر بصوته و عنيه حمرا : تحكيلنا ايييييه ؟؟؟ حرمتينا منك كل السنين ديي ! ده ليه مبرر !! سبتينا نتوجع عليكي و انتي عايشةة !!! ليييه تعملي كدة ؟؟؟لييييه ؟؟
امل بدموع : سبوني اشرحلكم
نظر لها رعد و كأنه استيقظ من تلك اللحظة
مسكها رعد من كتفيها و قال بوجع و انفعال :

عايزة تشرحي ايه بالزبط !؟؟ ايه الي يبرر غيابك ده ؟؟؟ ليه تعملي كدة ؟؟ احنا كنا فاكرين انك مي..تة .. ليه تعملي فينا كدة ؟؟؟ وانت يا كرم كنت عارف و سايق الهبل علينا ؟!
كرم بهدوء: مكمن تهدو شوية
مالك بجنون و انفعال : نهدااا ازااااي ؟! كل السنين دي و احنا مقهورين على غيابها عايزنا نهدا ازاااي
رعد قرب من امل و قال بصوت عالٍ جدا و انفعال شديد : لييييه تعملي كدة ؟؟ لييييه ؟؟
امل بدموع و صراخ : عشان احميكم ..

نظر مالك و رعد لها بصدمة و بعدين نظرو لبعض باستنكار رعد باستغراب : نعم يختي ؟!
امل بدموع : ده الي جاية اقوله النهار .. ممكن تهدو شوية و تسمعوني ؟
كرم بهدوء : رعد .. مالك .. اسمعوها بجد هتفهمو ليه عملت كدة
نظر رعد و مالك لبعض و بعدين مالك قال : اتفضلي يا امل احكيلنا اين الي حصل بالزبط اخذت نفس و قعدت و قعد رعد قبالها و هو بيبصلها و مستني يسمع كلامها و مالك قعد على طرف الانتريه و ينظر بنظرات مش مفهومة

امل بهدوء : فاكرين يوم الحادثة بتاعتي ؟ هم يومها قالو اني مت و انها حادثة طبيعية .. بس بالحقيقة الحادثة كانت مفتعلة .. و في حد هو الي بوظ الفرامل … بعد بتلات شهور من الحادثة فوقت من الغيبوبة و كنت والدة ابني كريم و انا بالسابع … عملولي عملية قيصرية .. و الولد كانت حالته صعبة .. و محدش كان عارف اني عايشة .. انا لما فوقت لقيت نفسي مع صاحبتي ايليان .. و هي الي اخفتني عنكو و عن الكل طول فترة العلاج و اهتمت بكريم …

هي الي قالتلي كل حاجة حصلت و لولاها مكنتش هفوق من الوهم الي كنا فيه

مالك بصدمة : انا مش فاهم حاجة ؟!
رعد بهدوء : بس يا امل اليان مي..تة من تلات سنين
امل بوجع و دموع : منا عارفة .. هي اتق..تلت … هم لما عرفو انها كشفتهم قت..لوها
رعد بتوهان : هم مين يا امل ؟؟؟ ما تتكلميش بالالغاز ارجوكي
مالك : امل اتكلمي بالتفصيل
امل بدموع : ماشي .. هبدأ معاكم من الاول .. رأفت الديب و ماجد الرويعي و حسام و معاهم نبيل جوز خالتي .. دول كلهم مشتركين بكل الي حصل …البداية ان رأفت كان على عداوة مع بابا عشان جدي حرمه من الورث ..

و كتب كل املاكه لبابا عشان كدة رأفت تبرا مننا و غير كنيته .. بس عشان هو واطي و حقير و قدر ينصب على بابا و يخسره كل فلوسه … بعدها بكام سنة ماما ما..تت و تاني يوم لقينا الخزنة بتاعتها مسروقة … رأفت طلع هو الي سارق الخزنة بتاعتها بالاتفاق مع نبيل جوز خالتي جواهر و سرقو كل فلوسهم … و المبلغ الي احنا ورثناه ده كان قليل حدا مقارنة مع ثروة ماما …. بعد كدة رأفت اكتشف شغلانة الاثار و قرر يبدا يه…رب قطع اثار برة مصر … لغاية ما بقا محترف .. و بيكسب مبالغ ضخمة …

اكيد انتو مستغربين من كلامي بس انا معايا ملفاتهم و عندي ادلة ممكن تدخلهم السجن لاخر عمرهم .. بس كنت مستنية الوقت المناسب … و الي جابلي المعلومات دي كلها هي ايليان … ايليان الي هي صاحبتي الوحيدة … طلعت بنت عمي .. بنت غير شرعية لرأفت .. و من كتر ما هو فاج..ر و مجر..م لما واجهته بالحقيقة خلص عليها … رغم انها بنته من لحمه و دمه فلاش باك

ايليان بدموع : انا لازم اقوله اني بنته … انا لازم انتقم منه و افضحه
امل بجنون : انتي اتجننتي ؟؟ ده شغله كله شمااال اوعك يا ايليان … ده ممكن يخلص عليكي
ايليان ببكاء : يا ريت يخلص عليا .. انا بموو..ت باليوم الف مو..تة .. عارفه يعني ايه اني بنت ز…نا ؟ انا بتقطع كل يوم يا امل … انا اكبر غلطة بحياة ماما الي انت..حرت بعد ما ولدتني بكام يوم عشان ضيعت نفسها و شرفها … امل انا اديتك كل حاجة ..

لو ما قدرتش انتقم من رأفت ارجوكي كملي انتي و انتقمي ليا و ليكي و لابنك و جوزك و اخواتك ..حتى مامتك
امل بعياط : يا ايليان انتي كدة بتخاطري بنفسك انا مش هقدر اخسرك انتي كمان .. و بعدين انا مش هعرف اكمل لوحدي
ايليان بحزم : مفيش قوة هتمنعني اروحله باااك

امل بدموع: ودي كانت اخر مرة اشوفها فيها .. بعدها بكام يوم عرفت انه قت..لها … اليان هي الي أنقذتني بالمستشفى .. و هي خبتني عنكو عشان مش عايزة رأفت يوصلي و يخلص عليا .. خصوصا ان كريم كان محتاج اهتمام كبير و انا فضلت بغيبوبة فهي اتفقت مع الدكاترة انو يقولو اني تشو..هت بالكامل … وقتها انتو استلمتو ج..ثة تانية .. هي حاولت تزبط الخطة ع قد ما تقدر … بعد ما فوقت و تحسنت شرحتلي كل حاجة .. قالتلي عن عمايل رأفت و مخططاته مع ماجد … و ان حسام الي بوظ العربية عشان اعمل حادثة ..

انا ما استغربتش من حسام كتير لاني عارفاه ناويلي من زمان بعد ما رفضواه مليون مرة ..ع قد ما اتصدمت ان رأفت يطلع منه كل ده … كان لازم افضل مختفية عشان ارقبه و اقدر انتقم منه و احميكم من شره … انتو كنتو مغيبين تماما و ماضين معاه عقود ممكن تكسركم بيوم من الايام … رأفت ده زبالة و بيخطط يخلص منكو عشان يحرق قلب بابا … انا بقالي خمس سنين بخطط لليوم الي هكسرهم كلهم بيه و انتقم منه ..

انا الي كنت ورا افلاس شركات الرويعي و بصراحة رعد انت كمان ساعدتني من غير ما تعرف و انا كنت مراقباكو كويس اوي عشان ما تورطوش نفسكو بحاجة مش متوقعينها …. و بعد كدة فضلت العب على رأفت من بعيد لغاية ما بدأ ينهار شوية شوية و بعد كدة انتو ض-ربتو ض-ربتكم القاضية و ده الي كنت مستنيان منكم .. بس افلاسه لوحده مش كفاية .. انا لغاية دلوقتي ما سلمتس الادلة الي معايا للحكومة .. لازم انتقم منه و ادخله السجن …. من كام يوم بس قولت لكرم على كل الحكاية … وهو كان مصدوم زيكم بالزبط

خبط رعد يده على الطربيزة بقوة لحد ما اتكسرت
رعد بجنون مش طبيعي : يعنييييي اييييه كل ده ؟؟؟؟ مستحييييييل ؟؟؟ والله لتكون نهايته عل ايدايا
و امسك المسد..س الي كان مع كرم بس كرم مسكه من ايده بسرعة
كرم : اهدى يا رعد مش كدة … بلاش تضيع نفسك عشان واحد زيه .. احنا لازم نكمل بالي امل بدأت بيه … انا لما سمعت الموضوع من طرفها فعلا دي انسب طريقة نخلص منه
رعد بحنون : عايزني اصبر لغاية امته يعني ؟؟ انا هتجنن …

ازاااي انا كنت غبي للدرجادي و مشكتش بييه
مالك بغضب : انا مش هرتاح ولا يهدالي بال الا لما اشيل قلبه بايديا دول
امل : يا شباب اهدو شوية ارجوكم .. ما تخلوش لحظة غضب تضيع كل الي عملته .. انتو لازم تكملو معايا .. دلوقتي هنسلم الاواق و الادلة للحكومة و وقتها هينالو عقابهم .. رأفت اكيد هيتش..نق لانه مجرم و ارتكب ابشع القضايا .. صدقوني كدة هنخلص منهم من غير ما ندمر نفسنا

مر مدة من الوقت
هدأ رعد و مالك
كان رعد يشرب مسكن و يمسك رأسه من شدة الالم
مالك بنفاذ صبر : مش قادر اقعد .. لازم اخلص عليه بايدي عشان ارتاح
رعد بهدوء: مالك اهدى شوية .. امل عندها حق .. الجنون و العصبية ممكن يخلونا نتصرف بتهور .. احنا لازم نكمل باللعبة دي … بس انتي غلطانة يا امل و انا مش مسامحك .. ازاي ما جيتيليش ؟؟ مش انا اخوكي و سندك ؟ مش احنا دايما ما بنخبيش على بعض حاجة ؟ ازاي جالك قلب توجعينا كدة ؟؟

خمس سنين مرو بطلوع الروح علينا … ليه ما جيتي لجوزك و اخواتك و قولتيلهم كنا ع الاقل عرفنا نحميكي و ننتقم من الكلب ده اقتربت منه و حضنته و قالت بدموع : رعد انا مكنتش قادرة افكر بقلبي ابدا . .. ايليان هي الي كانت بتخطط .. و لما ما..تت انا قررت اكمل بعدها .. خبيت كل عواطفي و مشاعري .. حتى ابني ما قدرتش اهتم بيه و اديته للدادة عايدة تربيه و اهتم بيه … كان كل تفكيري اني انتقم ليكو و ليا و لابني و حوزي و لاليان الي ما..تت مظلومة

حضنها رعد بقوة و قال : والله لو قولتيلي لكنت دفنته بارضه
امل بدموع : خفت عليكو يحبيبي .. كنتو اكيد هتضيعو نفسكو عشان واحد زبالة زيه
رعد بسرحان : ازااي قدرتي تستحملي كل ده لوحدك ؟؟ ازاي قدرتي تراقبي كل حاجة كدة ؟؟؟ و عارفة كل تحركاتنا ؟؟

ابتلعت امل ريقها و قامت وقفت قبالهم الاثنين و قالت : ااا.. عايزة اعترف بحاجة
مالك : ايه تاني يا امل ربنا يستر
امل بهدوء : مش هتصدقو مين الي كان بينقلي تحركاتكم كلها و ساعدني بكل الي عملته
رعد باستغراب: مين ؟؟
امل : مراتاتكم .. شمس و منار
مالك و رعد بصوت واحد مصدوم : ايييه ؟!
امل بابتسامة : و الله زي ما بقولوكو
رعد بصدمة و تعجب : يعني ايييه ؟؟
امل بهدوء : يعني شمس و منار من اول يوم جم البيت ده و هم مشتركين معايا ..

اول حاجة اتكلمت مع منار و بعدها شمس و هم ركبو كاميرات بكل حته في البيت و كانو بينقلو كل تفاصيل حياتكم و حتى الشركة كانت شمس بتدفع للسكرتيرة بتاعتك يا رعد عشان تنقل كل اخبار الشغل لينا
رعد بصدمة : لا يشيخة
مالك : امل هو انتي عارفة بتقولي ايه ؟؟ طب هما فين ؟؟
امل بضحكة : هوووف بالجو دلوقتي.. بعد ما هربو من عند رأفت و جابولي الاوراق الي ناقصة عليا و عملنا التمثيلية عليكو سافرو … مهو خمسة مليون دولار لكل وحدة مبلغ مش قليل .. بصراحة البنتين دول اجدع بنتين شوفتهم بحياتي ..

اول ما كلمتهم و شرحتلهم الوضع صعبنا عليهم اوي و قررو يوقفو معايا و يساعدوني .. بس انا اصريت اديهم حقهم و بعد فترة جم و طلبو مني نتتفق تاني ع مبلغ يضمن مستقبلهم بعد الي شافوه منكو
كرم : مهما معاهم حق بصراحة .. منتو عملتو فيهم عمايل سودا و هم استخملو من سكات
امل : فعلا و لو جينا للحق هما اتظلمو اوي بالبيت ده و كرامتهم اتهانت … بس طلعو اذكيا بقا و اختارو مصلحتهم .. بصراحة مكنتش هوصل لربع الي وصلتله من غيرهم

كان مالك و رعد مصدومين جداً
نظرو لبعض نظرة غريبة
ثم انفجرو من الضحك الهستيري
رعد بضحك : يا بنااات الكااااالب
مالك بهستيريا : لااا و احنا كنا بنتخانق عشانهم ههههههههاااااي
و قعد ع الارض يضحك بطريقة غريبة جدا امل كانت تنظر لهم بصدمة بينما كرم بدا يضحك على ضحكهم و امل شافتهم بيضحكو فضحكت

في فيلا رأفت
كان قاعد ع الارض بيدخن و مهموم
كرستين بضجر : و بعدين الفيلا ما بقاش فيها حاجة ؟؟! انت بعت كل حاجة فيها و بكرا البنك هيحجز على كل املاكك من ضمنها الفيلا دي هنعمل اييه ؟؟ و هنعيش فين
رأفت بسرحان : غوري من وشي .. انا مش طايق نفسي
كرستين بجنون : يعني ايييه هنترمي بالشارع ؟
رأفت بغضب : اخرسيييي كفاية
كرستين بحدة : طلقني يلا .. انا مش مستعدة استحمل فقرك و قرفك مش كفاية مستحملاك على عيبك …

انا لسا شباب و يحقلي اتجوز حد احس معاه اني ست
وقف و صفعها بقوة : بتعايريني يا بنت الك…ب
مسكها من رقبتها بغضب و فضل يخ..نق بيها
بالوقت ده الباب اتكسر و كان البوليس : سلم نفسك يا رأفت … مطلوب القبض عليك .. و ادي تهمة جديدة مش كدة يمدام
كرستين و هي بتعيط و بتكح : حااول يق..تلني بعد وقت
تم القبض على رأفت و حسام و ماجد و نبيل … و تحويلهم للتحقيق

بعد عدة ايام
عرف فيصل ان ابنته الصغيرة و مدللته لا زالت على قيد الحياة .. شعر بالصدمة الشديدة و ما زاده سعادة الا هذا الطفل الصغير .. كانت سعادته لا توصف … كان فيصل يلعب كريم على طاولة السفرة في الريسبشن
مالك بجنون : مش هرتاح الا لما يصدر حكم الاع..دام
رعد بشرود : ان شاء الله هنخلص منهم