شمس باستغراب: اسفة تاخرت عليكي
نادية : ولا يهمك
شمس : مين حضرتك
نادية : انا نادية .. مرات باباكي
شمس بصدمة : ايه ده انتي مرات بابا ؟؟؟ بس انتي باين عليكي صغيرة ! عندك كام سنة ؟
نادية بهدوء : 31 … شمس انا جيالك عايزة مساعدتك
شنس بخوف : في ايه .. بابا حصله حاجة ؟
نادية بدموع : لا .. بس باباكي عليه ديون كبيرة اوي … و انتي غنية اوي … انا جاية اطلب منك شوية فلوس .. عشان باباكي و كدة ..
هو كان عايز يجي معايا بس ملهوش عين يقابلك
شمس بوجع : يعني هو كان سأل عليا قبل كدة عشان يسأل دلوقتي … قوليلي عايزة كام ؟؟؟
نادية : عايزة 250 الف جنية
شمس باستغراب: و بابا عمل ايه بالمبلغ ده ؟
نادية بتوتر : فرشنا الشقة
شمس برفعة حاجب : والله ! على العموم انا هديكي 100 الف جنيه اكتر من كدة صعب … ابقي ادفعي انتي الباقي … مفيش داعي تنامي على ريش نعام و انتي معكيش تمنه
نادية بعدم رضا : انتي عكس ما قالي تماما …
باباكي قال عليكي طيبة و كريمة .. بس واضح انك بخيلة اوي .. ايش حال لو ما كانش باباكي الي هتديه الفلوس دي
شمس بحدة : يا ريت تحترمي نفسك و انت في بيتي … و اقولك مش هديكي حاجة … يلا اتفضلي من هنا نظرت لها بصدمة و خرجت و هي غاضبة
منار : شمس مالك في ايه ؟؟؟ مين دي
شمس بغضب : الزفتة دي مرات ابويا … لو اطلقت هعيش مع الولية دي ازاي
منار بسخرية: و انتي خايفة على نفسك معاها
شمس : منار اتلمي مش ناقصاكي … المهم انا قلقانة على ايمي
منار : تعالي نكلمها
شمس : منار بلاش هبل .. ازاي نكلمها بوقت زي ذه
منا : ليه يعني
شمس : يا بت هي و كرم امبارح اتقابلو بعد خمس سنين … يعني اكيد هيم..وتو على بعض
منار : برضو مش فاهمة و فيها ايه يعني
شمس :
انت فاطرة ايه يا بت ع الصبح افمي بقا … بقولك امبارح اتقابلو … راجل و مراته بقالهم خمس سنين بعاد عن بعض … يعني تفتكري بيعملو ايه مثلا … اكيد بيلعبو عريس و عروسة
منار بصدمة و خبث : اهاااااا فهمت عليكي … بس كريم معاهم .. عيييب
شمس بنفاذ صبر : منار اتلمي بدل ما امسح بيكي بلاط الفيلا
منار : انتي متنرفزة ليه ع الصبح .. شكلك جعانة تعالي نفطر
شمس : اه يلا
في الشركة
رعد : كرم فين يا مالك .. اول مرة يتأخر كدة .. الساعة بقت 10:30
مالك : بعتلي مسج الصبح .. قال مش هيجي الشركة اليومين دول … عايز يرتاح شوية
رعد بقلق : لازم اعدي عليه النهاردة … امبارح ما كانش كويس خالص … مش لازم نسيبه لوحده
مالك بهدوء : عندك حق … انا بجد بقيت اقلق عليه
رعد : عمري ما تخيلت انه الحب بيعمل كدة بالواحد …
ابتسم مالك و قال : اممم انت لسا على اول الطريق
رعد بخبث : و انت وصلت لفين
مالك بضحكة:
لسا برضو زيك على اول الطريق… بس ايه دماغها بنت ستين كلب
رعد بضحكة : البركة في الي عندي … بجد تشل
مالك : منار ما كانتش كدة خالص … مراتك الي بوظتها
رعد بغرور : يحقلها تعمل الي هي عايزاه .. دي مراتي يعم
مالك بسخرية : اش اش رعد بيه واقع بالغرام
رعد بهدوء: عمري ما توقعت اني هحبها .. ما كانتش حبيبتي … بس دلوقتي ما اقدرش استغني عنها
مالك بابتسامة ؛ حالي من حالك يا اخويا
عند امل
صحيت من النوم لاقت نفسها بحضن حبيب قلبها ابتسمت بسعادة و قربت منه و باسته بلطف كانت هتقوم بس هو شدها ليه و قال بعشق : رايحة فين انا ما سدقت رجعتيلي
امل بدلع : انت صحيت
كرم بعشق : امممم البوسة بتاعتك دي اكسجين حياة
امل بدلال : طب هقوم اخد شاور و اصحي كريم
كرم بخبث : مش قبل ما اخد حقوقي الزوجية يا هانم
امل بدلع : لا خلاااااص
سحبها و اخذها بحضنه و رفع الغطاء عليهم
بعد اكثر من ساعة
كانت قاعدة بتسرح شعرها ع التسريحة و لابسة فستان ابيض بيتي مكشوف من فوق بشكل كبير و هو قاعد على السرير بيدخن سيجارة و بيبصلها بسعادة و عشق
نظرت له و ابتسمت بحب
قام هو و حط السيجارة
قرب منها و ازاح شعرها كله على جهة وحدة و هو بيبصلها بالمراية
وضع قبلة رقيقة على كتفها و ثم بدأ يقبلها حتى وصل لشفتيها
و بهذه الاثناء دخل كريم
بدأ يكح كرم باحراج
كريم : بتعملو ايه
كرم بتوتر : ااا ..
اصل مامي كانت عنيها فيها حاجة يعني
قرب كربم منهم و باس امل و بعدين رفع ايديه لكرم بمعنى شيلني
حمله كرم و هو بيضحك .. باس كريم باباه و قال بحب : باباي الليلة عايز انام معاكو مس تسبىني لوحدي
كرم بضحكة خبيثة : اممم طيب يحبيبي
و قعد يقبله و يدغدغه
امل بضحكة : هقوم احضرلكم الفطار بعد كام يوم
شمس : الو انتي فين يخربيتك طمنينا عملتي ايه ؟؟ قولتيه ؟؟ هيساعدنا مش كدة ؟؟
امل بضحك : اهدي يا بنتي خليني اعرف اجاوب … هو اه وافق و اتفقنا على كل حاجة
شمس بخبث : ايه الحنية الي بصوتك دي يا بت ها ؟ انتي غرقانة بالعسل و احنا غرقانين بالوحل
امل : اخص عليكي مستكتراه عليا يا بت … مش هتصدقي يا شمس قد ايه انا مبسوطة … كان واحشني اوي … حاسة اني طايرة من الفرح يا شمس
شمس بخبث : امممم منتو لسا عرسان …
بقولك هاتي كريم يقعد معانا كام يوم عشان تاخدو راحتكم
امل بضحك : بس بس يا بت انتي مالك انحرفتي ولا ايه .. ده مخك طار يا بنتي
شمس بسخرية : هي الي تقعد مع اخوكي يفضل عندها مخ
امل : يختشي اخواتي زينة الشباب بس انتي حولة … المهم الملف المرادي مع رأفت في الفيلا بتاعته … هنجيبه ازاي ؟؟؟
شمس : و بعدين معاكي كل شوية ملف ملف زهقنا
امل : الاوراق الي فيه هتودي رأفت بستين داهية يا شمس ..
النهاردة الساعة 7 هيجيبه ناس خلايجة عشان يتفق معاهم على شغل
شمس : طب انا عندي فكرة … ايه رايك نخلي كرم يشترك معانا
امل : ازاااي
شمس : هعدي عليكي كمان ساعة و افهمك كل حاجة
بعد وقت
منار : لمين الهدوم دي يا شمس
شمس : لينا
كرم : ايوة هنعمل ايه ؟؟
شمس : هنتنكر و نعمل خلايجة
امل : انا كلمت الجماعة الي هيخ..طفو الناس الي جاية … اهم حاجة تتنكرو و تروحو ع الوقت … شمس و منار هم هيجيبو الملف بس انت يا كرم هتلهي رأفت
كرم بصدمة : انتو اكيد هتودونا بداهية
شمس : عادي الموضوع عايز شوية مجازفة بعد وقت
فتح باب الفيلا رأفت
كان كرم متنكر بطريقة مستحيل حد يشك فيه و شمس و منار لابسين نقاب اسود كامل
رأفت : يا هلا بالشيخ سعود ازيك
كرم و هو يقلد الخلايجة بغباء : هلا حياك الله شخبارك
رأفت : نورت مصر يا شيخ سعود اتفضل
كرم : يا رب يا ساتر … خشو يا حريم
رأفت : انا اقول لو الستات يقعدو باوضة الستات مع كرستين مراتي
كرم : اي اي روحو يا حريم ويا بعض و احنا الريايل ويا بعض
جلست شمس و منار جنب بعض و كرستين قبالهم
شمس : وش تبغين انتاي ؟؟ ليه تناظريني كذة ؟؟
ضحكت منار بصوت عالي ولكن شمس وكزتها بقوة
كرستين بصدمة : تحبو تشربو ايه
شمس فذت بها : استحي على ويهك يا حرمة … احنا صايمين
كرستين بصدمة : مش فاهمة
منار : قصدها تقول اننا صايمين .. ابغا اسألك فين الاقي دورة المياه اكرمكم الله
شمس بضحك و همس : احنا بحصة لغة عربية يا بت اتلمي هتفضحينا
منار بخفوت : اقوم اد.بحها يعني
شمس لكرستين : قصدها يخويتي نبغا نروح نتوضا لصلاة المغرب
كرستين : اه اتفضلو
دخلت شمس على اوضة المكتب بتتسحب بينما منار تلهي كرستين عند رافت
رافت : ايه يا شيخ هتفضل تكلمني عن المزارع و العربيات ؟ احنا عايزين نتكلم بالشغل
كرم : اااخ والله انك ريال ما تستحي على ويهك … الضيف له تلات ايام يسوي فيهم وش يبغا .. عيب .. عيب كذا … بيتك هاذ ما هو حلو … عندي انطيه للبواب حقي
اتت كرستين
قام كرم و قال : واه يا حرمة اتحشمي
رأفت بصدمة : ده قلب صعيدي
كرستين بضجر : السات الي فوق مش لاقياهم
كرم توتر شوية و قال : وش تقولين انتي
رأفت : هطلع اشوف راحو فين
اتصلت شمس بكرم
كرم بخفوت : انتو فين الله يخربيبوتكم هتودونا في داهية
شمس : كرم لو عرفت تهرب اهرب بسرعة … احنا لو اتكشفنا مش مشكلة بس انت هتبقى كارثة
كرم : ازاي اهرب و اسيبكم
شمس : مش وقت دلع … اهرب ياض احنا تقريبا اتمسكنا
كرم : انتو فين اصلا
شمس بخفوت : بالدولاب مستخبين
كرم : ربنا يحرقكم انا هنفد بجلدي .. ما تقلقيش هقول لرعد و مالك انكو كنتو بتحبوهم
شمس بخفوت : اهرب يا اهبل يا ابن الهبلة ما ترغيش ..
انت عندك عيال يا اهبل
قفل كرم معاها و خرج من الفيلا و اخذ العربية و فضل مروح
بعد اكثر من ساعة
امل بصدمة : يعني ايه
كرم : والله زي ما بقولك اتمسكو
انل بخوف : هيعملو بيهم ايه ؟؟؟
كرم : ما تخافيش هما قويات و بعدين انا هقول لرعد و مالك
امل بخوف : هتقولهم ايه
كرم : ان شمس و منار راحو لرأفت و هلاقيله كدبة
امل : قوله انهم راحو عشان عايزين يردو حقهم من الي حصل وقت الحفلة
كرم : مش مقنعة يعني
امل : لا رعد عارف شمس هبلة و تعملها … بس المهم يروح يخلصهم بسرعة
كرم : طيب هروح حالا
في مخزن
كان في عمود من كل جهة وحدة فيهم مربوطة و معطية ضهرها للتانية و قاعدين
شمس بضحك : الله عشت لليوم الي اكون بيه مخطو..فة
منار بضحك هي الاخرى : تخيلي دلوقتي مالك و رعد يكسرو الباب و يطخطخو كل الي هنا و ينقذونا … الله .. حاجة تجنن
شمس وهي بتضحك بصوت عالي : عايشة بجو المسلسلات اوي … يا بت احنا لغاية ما يعرفو اننا هنا هنبقى مشنو..قين
منار بضحك : طب شوفتيني و انا بتكلم خليجي
شمس بضحك : احلا حاجة وش تبغين ههه
منار بضحك :
طب هو ما فيش اكل هنا انا جوعت اوي
شمس بصوت عالي : يا بلطجيةةة الي هنا … يا ولاد الكلبب .. طب خط..فتونا قولنا ماشي بس ع الاقل اكلونا ……………. يتبع لم تكن حبيبتي
همس كاتبة قبل الأخير والأخير
بارت 14
كانو مربطين و لسا لابسين النقاب و حواليهم حراسة
شمس : بصي للي واقف هناك
نظرت منار و قالت : ماله
شمس بضحكة : شكله زي برميل الطرشي
منار بضحك : ولا الي جنبه عامل فيها دكر و هو زي الفرخة البلدي و لا شعره عامل مزرعة
شمس بضحك : ده زي العود الي بيلسكو فيه الاسنان … بصي بصي الي لابس اخضر ليه مسقط البنطلون كدة ؟؟
منار بضحك : ده لسا عايش في 2015
شمس فطست من الضحك و قالت :
بصي بيشرب مية ازااي فاكر نفسه جنتل مان
منار بضحك : كفاية تنمر لتطلع في عيالنا
شمس بضحك : مش لما نبقى نشوف وش امهم
اقترب شاب منهم وقال بغضب : كفاية رغي من ساعة ما قعدتو و انتو مش سايبين حد بحاله
شمس رفعت ايديها وواضح انها فكت الحبل : طب تاني مرة قبل ما تفرد عضلاتك … اربطني كويس و ما تسترخصش بالحبل
منار بضحك : يا اروبة فكيتي نفسك ازاي
الشاب : خلاص اخرسو انتو الاتنين … سامح تعال اربطهم كويس
شمس بضحك : سامح لو جيه هيوقع البنطلون …
انت مش شايفه مسقطه ازاي
الشاب : انتي اخرسي خالص
شمس بغضب : هي مين دي الي تخرس يا ابو كرش تقول حرمة حبلة بالشهر السابع
منار بضحك : يخربيتك كفاية .. هتطلع في عيالك
شمس : هي وحمة تطلع بعيالي … مش شايفة طريقته .. مش اخلاق بلطجية كلاس ابداً
الشاب بنفاذ صبر : اعملك ايه و تسكتي
شمس بسرعة : هاتلنا اكل
الشاب : سامح روح هاتلهم رغفين طعمية
شمس بصدمة : طعمية اييه يسطااا …
انا مخطو..فة عندكو مش هاكل اقل من فرخة مشوية و ابقا اخصم تمنها من الفدية الي هتطلبوها
منار بسرعة : وانا وانا و حياة ابوك عايزة فرايد تشكن و بطاطس محمرة
الشاب بشلل : انا هروح اسلم نفسي احسن … اخرسو بدل ما اديكو على دماغكو
بعد شوية
شمس : بت يا منار انا عندي فكرة
منار باهتمام : اييه
شمس : ايه رايك لما نطلق من جوز الخلل جوازاتنا دول .. نسافر الخليج و نشوفلنا ختيار مكحكح معاه فلوس كتييير زي الشيخ سعود و نتجوزه انا و انتي
منار : قصدك ننزل على بعض ضراير ؟
شمس : عليكي نوور و نستناه لما ربنا ياخد امانته و نرث .. هنبقى اغنياااااء
منار بضحك : انتي بتجيبي الافكار دي منين يا ولية
شمس بضحك : بس ايه رايك بالفكرة ؟ حلوة مش كدة
منار : اه …
انا موافقة بس بشرط
شمس : ايه
منار : لو اتجوزناه هيبقى ست ايام عندك و يوم عندي
شمس : و انا هعمل بيه ايه ست ايام يا ولية اتلمي
قاطعهم دخول رأفت
رأفت بتلاعب : انا مستعد اديكو الي انتو عايزينه بس اعرف مين الي مسلطكو عليا
فضلو ساكتين
شمس بتمثيل : يا اخوووي وش تبغاا بعد ، ما نبي نسوي مشاكل وياك .. اقلب ويهك ريال ما تستحي على خشمك
رأفت بضحكة شر : لا مهو الفيلم الخليجي الفاشل بتاعكم خلص و دلوقتي دخلنا ع المصري
شمس بضحك : والله … طب معاك فكة عشرين يسطا
كان بيبص في عنين شمس بخبث نزل لمستواها وشال النقاب بس كانت لابسة حجاب تحته
رأفت : زي ما توقعت .. شمس هانم منورانا .. و كمان الحلوة التانية مرات مالك مش كدة
شمس بضحك : جدع ياض عرفتنا ازاي
رأفت :
مين الي كان معاكو ؟؟ و مين الي زقكو عليا ؟؟؟
شمس بخبث : هتدفع كام و انا اقولك
رأفت : اممم طلعتي مش سهلة ، انا دلوقتي عايز اعرف مين الي باعتكو .. و انا متأكد ان رعد و مالك معندهمش علم بالموضوع ابدا
شمس بسخرية : ليه يعني ما يمكن هما
رأفت : مستحيل … انا عارف اولاد فيصل كويس .. مستحيل يستغلو مراتاتهم خصوصوا لو كانو حلوين زيكم
شمس بحدة : انت بتعاكس بقا ؟!
رأفت بخبث : امممم … كنتي عايزة ايه من اوضة المكتب
شمس :
كنت بدور ع اي حاجة استعملها ضدك .. اصل انا قلبي اسود و من وقت الحفلة و انا نفسي اضرك
رأفت باستخفاف : لييه .. ليه يا شموسة
شمس : الهي شموسة تسلخ بدنك يا معفن
رأفت : واضح ان لسانك طويل اوي يا شمس هانم
شمس : طب بقولك ايه .. ما تكلم رعد كدة و تطلب منه فدية كبيرة و تتقسم على تلاتة
رأفت بضحكة : ازاي مين التلاتة
شمس : انا تلت و منار تلت و انت تلت
ضحك رأفت بخبث شديد و قال :
لا ده انتي كمان دمك خفيف
شمس بقرف : طيب يا سيدي مش عاجبك خد انت نص و انا و منار نص
رأفت بشر : ولا فلوس الدنيا كلها تسوى اني اعرف مين الي باعتكو
شمس بخبث شديد : بص حواليك كويس الي باعتنا مش بعيد عنك … و انت بتأمن فيه اوي
رأفت بصدمة : قصدك مين
شمس رفعت حواجبها بمعني لا اعلم
رأفت بغضب : انطقي قولي مين بدل ما تشوفي الوش التاني
شمس بغضب : لا يا روح امك ما اسمحش لحد يكلمني كدة
منار بدموع :
والله لو عملتلها حاجة لكون مخلصة عليكو
شمس بحدة : جرا ايه يا منار انشفي شوية .. احنا لحمنا مر يا اسطا و ما نتاكلوش بسهولة
رأفت ببرود : خلصتي ؟
شمس : اه