ادهم: حور قالتلى انها هتخلص على 4 كده وسيليا قالت هتخلص بدرى
زين: خلاص هبقى اجيب انا حور وهات انت سيليا
ادهم: اهى جت على السيره اهى ، الو
سيليا: الو يا حبيبى
ادهم: خلصتى يا حبيبتى
سيليا: اه
ادهم: جايلك اهو مش هتأخر
زين: هتيجى هنا تانى ولا هتروح
ادهم: لا هاجى تانى عايز أنجز شوية شغل علشان اعرف اقعد يومين اجازه بعد الفرح
زين: ماشى
بعد مرور ساعتين *فى الجامعه
ريناد: خطيبى خلاص جه اهو يلا باى
حور: باى
حور لنفسها: مفيش مره ترد يا زين
كامل واقف بيراقبها من بعيد
كامل: والله لخدك بمزاجك او غصب عنك
فى الفيلا
ادهم: انا ماشى يلا باى
سيليا: رايح فين
ادهم: هرجع الشركه ورايا شغل كتير
سيليا: تمام خلى بالك من نفسك *فى جامعه عند حور حور لنفسها: الساعه بقت 6 وانت مجيتش يا زين ياريت ميكونش فى حاجه ، هكلم ادهم يارب يرد ، انت كمان موبيلك مقفول
*فى الشركه زين بتعب: اوووف تعبت
ادهم بقلق: يالهوى الساعه كام
زين: 6
الأتنين بخضه: حور
زين: هروح ليها انا روح انت
10 تقايق وزين وصل عند الجامعه
اول ما زين دخل الجامعه لقا حور قاعده على تربيزه وبتعيط
جرى عليها زين: حور انا اسف والله اسف
اترمت حور فى حضن زين: اتأخرت كده ليه
زين: اتشغلت ونسيت خالص، يلا نمشى ونتكلم فى البيت
حس زين بشهقات حور بتعلى من قله النفس
زين بخضه: لا لا اهدى براحه مفيش حاجه والله انا جيت اهو خلاص
حور بنفس متقطع: قق..قلقتنى عل…عليك
زين: هششش بطلى كلام
شالها زين للعربية
*فى العربية زين مقعد حور على رجله وحاضنها جامد :براحه يا قلبى اهدى والله انا كويس
راحت حور فى النوم من كتر العياط *عند الفيلا زين بيبص على حور لقاها نامت فى حضنه شالها ودخل بيها الفيلا
ادهم بخضه: اى حور مالها
زين بهدوء: وطى صوتك حور نايمه
سيليا بقلق: يعنى هى كويسة
زين: نامت من كتر العياط علشان اتأخرت عليها
طلع زين فوق قبل حتى ما يسمع ردهم *فى أوضة زين وحور زين بيحط حور على سرير لقاها مسكت ايده وقالت: خليك جمبى
باس زين حور من جبينها وقال بحنية: حاضر
عدى اليوم فى سلام
تانى يوم الصبح: حور: ما تصحى بقا يا زوزو
زين بنعاس: قلب زوزو
حور: صباح الخير
زين: صباح النور، جهزتى
حور: اه من بدرى
زين: حاضر قايم اهو *تحت على السفرة زين: انا هوقف حراسة على باب الجامعه علشان لو اتأخرت هما يروحوكى
حور: ماشى
ادهم: هوصلكوا انا
زين: لا وصل انت سيليا انا عايز اوصل حور
ادهم بغمزه لحور: الله يسهلك يا ستى
اتكسفت حور
احمد: روحوا انتوا بقا كليتكوا وانا هاخد قطتى دى افسحها
نورهان: بجد هنتفسح انا قايمه اجهز
وكلهم ضحكوا
زين: يلا يا حورى
*فى عربية زين زين بحنية: حور معنتش عايزك تعيط تانى لو سمحتى
حور والدموع اتجمعت فى عنيها: ببقى قلقانه عليك
زين: طب متعيطيش بس ، متخافيش عليا يا حبيبتى
حور: اوعدني تخلى بالك من نفسك
زين: اوعدك، المهم لو اتأخرت عليكى موبيلى مقفول اى حاجه حصلت تطلعى للحراسة على طول
حور: حاضر
زين: وصلنا اهو
حور: باى *فى الكلية بعد ساعتين
ريناد: انا هروح الحمام خليكى هنا
حور: ماشى
كامل: حور
حور بجدية: نعم
كامل: بصى انا هدخل فى الموضوع على طول انا مش بحب اللف والدوران انتى عجبانى اوى وعايزك ليله وضحك بخبث ولو عايزه اكتر انا معنديش مشك…
قاطعته حور بقلم على وشه: انت قليل الأدب ومش محترم واياك تكلمنى تانى وإلا مش هيحصلك طيب
جت حور تمشى مسكها كامل جامد من دراعها: والله لوريكى على القلم ده
حور بوجع: اوعى سيب ايدى
اتلم الناس على صوتهم ودخل واحد من الحرس يشوف فى اى
كامل وهو ماسك حور من دراعها:
هاخد منك الى عاوزه زوق عافية بقا
حور بعصبية: سيب دراعى يا حيوان
واحد من الحرس لسة هيدخل جه الأمن واخدهم على مكتب العميد
أمير(واحد من الحرس) لواحد تانى من الحرس: حور هانم بتتخانق مع حد جوه بس ملحقتهاش اخدوها على مكتب العميد انا هحاول ادخلها خليك هنا
واحد من الحرس: تمام *فى مكتب العميد كامل بكذب: دى واحده مش متربية جايه تقولى تعالى وكلام قله ادب
العميد: تمام يا كامل باشا احنا هنتصرف معاها
حور بعياط: انت كداب والله ما حصل ده كان بيقول كلام وحش اوى
*بره المكتب امير: الو
زين: اى يا أمير فى حاجه
امير: زين باشا حور هانم كانت بتتخانق مع واحد وبتعيط واخدوها على مكتب العميد ومش عارف ادخلها
قفل زين فى وش أمير وركب عربيته و5 دقايق ووصل الجامعه
الأمن: حضرتك داخل فين
زين بعصبية: مكتب العميد فين
وصل زين عند المكتب ومخبطش فتح الباب على طول
العميد بأرتباك: اهلا زين باشا
جريت حور على زين واستخبت فى حضنه
زين بعصبية: اى الى حصل
كامل: الهانم جاية تقولى عيزاك وكلام قليل الأدب وضربتنى بالقلم
زين وهو بيقرب منه:
كرر الى قولته ده تانى كده علشان مسمعتش
مستناش زين كامل يتكلم ونزل فيه ضرب: انت عاااارف دى مرات مين يا حيوان ولا اعرفك
بعدهم الأمن عن بعض بالعافية
زين بعصبية: دى حرم زين العربى تعرفه ولا اعرفك هو مين
قاطعه صوت حور الباكى: خلاص يا زين
زين بعصبية: انتى عامله كده ليه هو مد ايده عليكى
سكتت حور وفضلت تعيط فى حضنه
العميد: اهدا يا زين باشا وقولى الى انت عايزه وانا هعفزه
زين بعصبية: اضربه الأول
كامل بزعيق:
تضرب مين انت متعرفش انا ابن مين
مسكه زين من هدومه وضربه بوكس: لا مش عارف عرفنى يلا هتكون ابن مين يلااااا زين بعصبية: الولا ده يتفصل من الكلية نهائى ويتمنع من دخول اى جامعه فى القاهره
العميد: امرك يا زين باشا
اخد زين حور للعربية
كان زين ماسك حور من دراعها جامد
زين بعصبية: مكلمتنيش ليه
حور بوجع: اه يا زين ايدى اوعى
زين بيحاول يهدى نفسه: انتى ليه مكلمتنيش يا حور او قلتلهم انك مراتى مكنش حد عرف يكلمك
حور بدموع: انا مقولتش اصلا انى متجوزه مش عاوزه يحصلك مشاكل بسببى
زين: فداكى كل المشاكل المهم انتى
فضلت حور تعيط
زين: طيب قوليلى اى الى حصل
حور: لو قلتلك مش هتتخانق تانى صح
زين: على حسب
حور: خلاص مش قايله انت كنت هتمـ,ـوته
زين: طيب وعد انى مش هعمل حاجه
حور: بص هو امبارح كنت واقفة وجه…..
حكتلوا حور على الى حصل
زين بعصبية: يا ابن ال*** ، بطلى عياط كفاية انا ختلك حققك خلاص
حور:
خلاص اهدى يا حبيبى
عدا الأسبوع فى سلام على ابطالنا وجه يو الخميس
فى الفندق فى الجناح المخصص لحور وسيليا بيجهزوا فيها
نورا: لولولولولولولى بسم الله ما شاء اى الحلاوه دى يا بنات
نورهان بفرحه: جمال ودلال والله
حور بحب: انتوا الى عنيكوا حلوه
سيليا بشك: يعنى هعجب ادهم!!
نورهان: طبعااااا
قاطعهم حد بيخبط على الباب
نورهان: محدش يدخل
عماد من ورا الباب: يلا يا نورى العرسان بره
نورا:
العرايس جاهزين
كل واحد خد عروسته ونزله القاعه بتاعت الفرح وكانت احلى ليله فى عمرهم هما الأربعه
نزل كل واحد مع عروسته وطبعا الصحافه كانت فى كل مكان ودخلوا القاعه على اغنية طولى بالأبيض *بعد الفرح
سيليا بدموع: هتوحشينى اوى يا ماما وانت يا بابا
ادهم بتريقة: هو انا هخطفك وكلها كام يوم نرجعلهم تانى
حور بتعيط
زين: مالك يا حورى
حور بدموع: ابيه ادهم محضنيش ولا مره مع ان انت حضنت سيليا كتير
زين بحنية: ياروحى ده الى مزعلك انا هحضنك ولا تزعلى نفسك
حضنها زين وعمل كأنه رايح يحضن ادهم وقاله فى ودانه: خلى عندك دم ورح احضن اختك علشان زعلانه منك
ادهم راح ناحيه حور وحضنها: هتوحشينى يا قطتى لحد ما شوفك
حور:
وانت اوى يا ابيه
حور راحت علشان تسلم على سيليا
حور فى ودان سيليا: بطنى رجعت توجعني تانى مش قادره
سيليا: مش انا قلتلك نكشف
حور بوجع: مش وقته معاكى مسكن
سيليا: اه بس ضعيف آخره ساعه بالكتير
حور: مش مهم اى حاجه
سيليا: ماما هاتى شنطتى كده
زين: اى يا حور انتى تعبانه
حور: لا لا يا حبيبى ده صداع بس
كل واحد روح على بيته
زين وحور فى شقة زين
ادهم وسيليا فى شقه ادهم
نورهان واحمد طلعوا على المطار
نورا وعماد هما كمان طلعوا على المطار
*عند زين اول ما زين فتح باب الشقة ودخلوا وقفت حور مكانها وفضلت تبص للشقة بحزن وبدأت الدموع تنزل فى عنيها…. يتبع….. بقلم/رقية حمدى