حور: انا هروح بقا علشان انام
نورهان: وانا كمان تصبحوا على خير
الأتنين: وانتى من اهله
*فى أوضة زين
دخلت حور الأوضة وقعت على السرير مستنية زين
زين كان خارج من الحمام من غير هدوم لافف فوطه على وسطه بس
اول ما شافته حور شهقت جامد
زين: خضتينى براحه فى اى
حور وهى مغطية وشها: ازاى تخرج كده يا زين
زين: اولا مكنتش اعرف انك هنا ثانية عادى يعنى ما انتى مراتى
اتكسفت حور وعضت على شفايفها
قرب منها زين وقال بخبث:
اتعودى بقا خلاص كلها اسبوع وتبقى مراتى شرعا وقنونا
حور بكسوف: خلاص بقا متكسفنيش، ادخل ادخل البس هدومك بدل ما انت قالع كده
زين بخبث: متيجى تختاريلى انتى
حور ببراءة: ماشى
راحت حور عند الدريسنج لقت زين جى وراها وقرب منها جامد
حور بأرتباك: ااا…اى يا زين
زين بتوهان: مكنتش عارف انى بوترك كده
حور بتوتر: طب بس حا…
قاطع زين كلام حور بقبله كلها حب واشتياق واستسلمتله حور وبادلته القبله
بعد عنها زين علشان تاخد نفسها وشالها وحطها على السرير
زين: خليكى هنا لحد ما اجى
حور بدلع:
حاضر
زين بيكلم نفسه بصوت عالى: يارب صبرنى معنتش قادر وبدلع كماااان
ضحكت حور بصوت عالى
زين بغيظ: بتضحكى كمان اسكتى بدل والله بصى هبوظ اتفاقى مع اخوكى والى يحصل يحصل
حور: خلاص خلاص هسكت اهو ، المهم هنزل الكلية من يوم السبت بقا بقالى كتير قاعده هسقط كده
زين: ماشى يا ستى بس هوديكى واجيبك واحنا كده كده هنا ودادا سعاد موجوده تعمل الأكل
حور: ماشى
*تانى يوم الصبح
حور صحيت ملقتش زين
حور: هو انت كده كل يوم تصحى قبلى
*تحت
عماد:
انا وماما هنسافر عمره ان شاء الله بعد فرحكوا
نورا بفرحه: بجد انا كان نفسى نروح من زمان
احمد: تروحوا وتيجوا بالسلامه ان شاء الله
نزلت حور
نورهان: نموسيتك كحلى يا عروسة كل ده نوم
حور: اخوكى بيخدرنى باين مش عارفة
زين بخبث: انا دة انااااااا غلبااااان (بصوت عادل امام)
ادهم بغيظ: ايوة طبعا ده انا اشهد
حور: سيليا انا هرجع الكلية من بكره هتنزلى معايا ولا اى
سيليا: انا خلاص خلصت الورق بتاع النقل هنزل معاكى ان شاء الله
زين:
تمام كده انا هوصلكوا وادهم يرجعكم مره كده ومره كده ادهم: تمام
سيليا: ممكن انزل انا وحور ونورهان نشترى شوية حجات من المول ؟
زين: ممكن بس تمشوا بالحرس فى كل حته
سيليا بفرح: حاضر ، يلا يا حور يلا يا نورهان نلبس
*فى المول:
نورهان بتعب من المشى والحمل: ياخرابى تعبتينى يا سيليا كل ده لف
حور بتعب: معنتش قادره خلاااص
سيليا: وانا كمان تعبت خلاص تعالوا بس اخر محل ده عنده هدوم عرايس حلوه
نورهان:
تعالوا يلا
دخلوا المحل وحور كانت ماسكه فى قميص نوم اسود قصير مفتوح من الضهر
سيليا بغمز: حلو هاتيه هيعجب زين اوى
حور بكسوف: هيعجبه يعنى اقصد اجيبه يعنى
نورهان بضحك عليهم: هاتيه يختى
خلصوا وطلعوا للجردات
سيليا: احنا خلصنا
واحد من الحرس: اتفضلى يا هانم
روحوا كلهم البيت
حور: بفكر اروح لزين الشركه مفاجأه يعنى
نورهان: روحى بس مع على
*فى الشركه
رزان (السكرتيره): بشمهندس زين فى واحده اسمها حور عايزه حضرتك
زين بقلق: دخليها بسرعه
دخلت حور عند زين
زين بخضه:
فى اى انتى كويسة حد حصله حاجه
حور: براحه براحه مفيش حاجه انا قولت اجى اطمن عليك
زين: خضتينى والله ، تعالى هنا قاعده بعيد ليه
راحت حور ناحية زين وقالت بسخرية: يعنى اقعد على رجلك يعنى ولا فين
زين: اه تعالى على رجلى
حور اتكسفت: لا مش هينفع افرض حد دخل
زين: عادى مراتى وانا حر
قعدت حور على رجل زين وفضلوا يهزروا شوية وبعدين الباب خبط
زين: ادخل
حور بتقوم
زين: خليكى قاعده بقول
مروه السكرتيره الخاصه لزين بدلع: بشمهندس زين اخبارك اى
زين: انا ت…
قطعته حور بعصبية وغيره: هو الحمد لله كويس انتى بقا عامله اى بالبنطلون بتاعك ده
مروه بعصبية: انا كويسة ، انتى مين اصلا اكيد صاحبته ولا حاجه بقعدتك دى
زين كان بيتفرج عليها وهى غيرانه عليه
حور بأستفزاز: انا مراته اى رأيك
مروه بصدمه: مراته!!… يتبع…..
رقيه حمدي
{14}
حور بأستفزاز: انا مراته اى رأيك
مروه بصدمه: مراته!!
حور: اه مراته ، انتى عايزه اى دلوقتى
مروه بتتجاهل كلام حور: كنت عايزه من حضرتك امضه على الورق ده
مضى زين الورق و هو بيديه لمروه قصدة تلمس ايده طبعا حور شافتها ومسكت نفسها بالعافية علشان متجبهاش من شعرها بعد ما مروه مشيت
حور بعصبية: البتاعه دى تمشى من هنا يا زين
زين بيغيظ حور: بس دى حلوه اوى اقصد شغلها حلو اوى
بصتله حور وعنيها مليانه دموع ودموعها نزلت على خدها ومتكلمتش
زين بحنية:
يا خرابى انتى بتعيطى لا لا خلاص همشيها والله انا كنت بدايقك بس
الباب خبط
زين: ادخل
رزان: فى واحده اسمها شاهيناز عايزه حضرتك
زين: تمام دخليها
حور بتريقة: هو انت على طول كده بيجيلك ستات بس
زين بضحك: والله ابدا ده حظك
حور: حاسب كده بس علشان لو عملت حاجة اجيبها من شعرها
زين: حور نهدى انا بحبك انتى بس
حور بهزار: على طول بتثبتنى بكلامك ده
قاطعتهم شاهيناز: ازيك يا زين عامل اى وحشتنى والله اوعى تكون مش فاكرنى ازعل منك
زين بحراج:
معلش فكرينى انتى مين
شاهيناز بتمد اديها علشان تسلم: انا شاهيناز مجدى كنا زمايل فى الكلية
مدت حور اديها وسلمت عليها: اهلا وسهلا معلش بقا مش بيسلم على بنات
زين: اه افتكرتك اهلا وسهلا
شاهيناز بسخربية: دى مراتك
زين: اه مراتى حبيبتى ربنا يخليها ليا
حور : فرحنا يوم الخميس الجى اكيد لازم تيجى
شاهيناز: احم مبروك
زين: الله يبارك فيكى ، كنتى جاية ليه بقا
شاهيناز: طبعا انتوا من أعلى الشركات الى بتصمم الفلل فكنت جاية عايزه اصمم الفيلا بتاعتى تبعكوا
زين:
تمام ان شاء الله حضرتك دلوقتى روحى مكتب استاذ رؤوف وقوليلوا حضرتك عايزه اى بالظبط وشهر بالكتير والتصميم هيبقى جاهز
شاهيناز: ياريت لو فى وقت اقل من كده لأنى هسافر
زين: تمام ان شاء الله هنحاول
شاهيناز بدلع: باااى
اول ما خرجت
حور بتريقة: باى يختى ياريت منشفكيش تانى
زين: يالهوى عليكى لما بتغيرى
حور: انت مشفتش نفسك يعنى عملت اى لما كنا فى الصيدلية والصيدلى كان بيبصلى لحقناك قبل ما تمـ,ـوته الحمد لله
شالها زين: الى يقرب من حاجه ملكى اقطعله ايده ما بالك لو مراتى ده انا امـ,ـوته
حور بكسوف:
نزلنى يا زين مينفعش حد يشوفنا كده
زين: هو انا مقلتلكيش ده احنا هنخرج كده قدام الشركه كلها
خرج زين وهو شايلها فعلا والشركه كلها كانت بتتفرج عليهم
وصلوا للعربية وزين فتح لحور الباب: اتفضلى يا اميرتى
ركبت حور وركب زين جمبها حطت حور اديها فوق ايد زين وهو فضل ماسك اديها طول الطريق *فى الفيلا
زين بصوت عالى: يا استاذ ادهم
ادهم: خير
زين: بعت شاهيناز على عندى ليه
ادهم بضحك: عملت معاها اى
زين بتبريقة: انت كنت عارف ان حور عندى صح
ادهم بضحك: اه الصراحه
زين بغيظ: حور كانت هتجيبها من شعرها يا بنى آدم
ادهم بخبث: هى قالتلى انها عيزاك وانا طبعا مش بدخلك اى حد اساسا بس قولت حور جوه ادخلها بقا
زين قام يجرى ورا ادهم: والله لو مسكتك هعمل منك لحمه مغرومه
ادهم قام يجرى: لا لا استهدى بالله كده يا زين ده احنا عشرة عمر بردو
زين:
والله لجيبك ده انت بدأت اللعب من بدرى اوى
جرى ادهم وقف ورا حور: لو ضربتنى هتيجى فى مراتك انت حر
حور واقفة فطسانه على نفسها من الضحك
وكلهم قاعدين بيتفرجوا عليهم ويضحكوا
سيليا وهى بتضحك: خلاص يا زين مش هيعملها تانى سيبه علشان خاطرى
حور وهى بتضحك: خلاص يا زين ادهم عرف غلطه
زين بتكبر: يعتزر
ادهم: انت مالك انت انا هعتزر لحور هى الى دمها اتحرق انت هتلاقيك كنت طاير فى السما من الفرح
زين بضحك: دى حقيقة الصراحه.. اعتزرلها بقا
ادهم لحور: انا اسف يا قمر
حور:
وانا مش زعلانه اصلا
ادهم همس لحور: استنى هنرفزه دلوقتى
وراح ادهم بايس حور من خدها
زين بغيظ: مش هترتاح غير لما تضرب على فكره
ادهم قعد جمب سيليا: متيجى اقولك كلمه سر فوق
سيليا بكسوف: لا مش عايزه اعرف
ادهم: ادلعى كمان مااشى
خلص اليوم وبدأ يوم جديد بأحداث جديده *تانى يوم الصبح
زين بيصحى حور: حورى … حورى قومى بقا وراكى جامعه
حور بنعاس: صباح الخير
زين: صباح النور ، ادخلى يلا خودى شاور والبسى علشان ننزل
حور: حاضر
دخلت حور اخدت شاور وطلعت بالفوطه وكان شعرها بينقط ماية
اتخضت حور ومسكت فى الفوطه جامد: اى يا زين خضتنى منزلتش ليه
زين بسرحان: اى الحلاوه دى يا خرابى عليا دى امى دعيالى
جريت حور ودخلت الحمام تانى وقفلت الباب
حور بكسوف: اطلع يا زين يلا انا اتأخرت
زين: طب بوسه ونبى بوسه واحده
حور:
لا لا اطلع بقا انا سقعت وعايزه البس
زين: والله بوسه واحده وهخرج
حور: اووف عليك
فتحت حور الباب
زين بحب: بوسيني انتى
حور: طب انزل شوية
نزل زين فى مستواها فجت تبوسوا راحت ماسكه وشه
حور بكسوف: مش واثقة فيك الصراحه
وباسته
زين: انا نازل زى ما وعدتك اهو 5 دقايق والاقيكى تحت
نزل زين لقا كله تحت الا سيليا
زين بتريقة: طبعا الست هانم لسة بتلبس
ادهم: طبعااا
نزلوا هما الأتنين وادهم وصلهم
*عند الجامعه سيليا: دودو انا هخلص بدرى على 2 كده هبقى اكلمك
ادهم: ماشى يا قلب دودو، وانتى يا حورى
حور: لا يا ابيه هخلص على 4 تقريبا هبقى اكلم زين
ادهم: مش فارقة الى فينا فاضى ساعتها هيجيلك ، يلا باى
الأتنين: باى
حور: باى يا سيليا اشوفك فى البيت
سيليا: باى يا حبيبتى *فى كلية حور
ريناد(واحده حور اتعرفت عليها اول ما راحت الكلية): عاش من شافك يا ست حور وحشتينى والله
حور: وانتى كمان والله، معلش بقا شوية مشاكل فى البيت
ريناد: خير ، يلا بس علشان عندنا محاضره لدكتور محسن وده رخم اوى
بعد المحاضره
حور: اوووف اخيرا خلصنا
ريناد: ايوه اخيرا ، تعالى نروح نشرب حاجه على ما يجى معاد المحاضره الجاية *عند الكافتيريا
ريناد بضحك: خليكى هنا يا قزعه هروح اجيب الحاجه واجى
حور واقفة مستنية ريناد لقت حد بيخبط على ضهرها
كامل: انسه حور صح؟
حور: ايوة انا مين حضرتك؟
كامل: انا كامل احمد معاكى هنا فى الكلية وكنت حابب اتعرف عليكى
حور بجدية: اهلا وسهلا ، لا معلش مش بتعرف على حد وحاسب من هنا
كامل برخامه: ولو محسبتش
حور بعصبيه: هجبلك الأمن
قاطعتهم ريناد: يلا يا….مين ده
حور: والله معرف اى الأشكال دى يلا يا بنتى
بعد مرور 4 ساعات
*فى الشركه