9
الفصل التاسع يوماً بعد يوم يذداد تعلقي بعائلة سرحان بكل افرادها…. بسماح والسيدة سناء وبالسيد رأفت الذي لم يعد يسألني عن اي شيىء من يوم ان حكيت للسيدة سناء ما حصل معي يبدو انها أوصلت له فكرة ما على طريقتها عني…ولا يهمني ….لأنه يعاملني بشكل جيد……. اصبحت اشعر انني اعيش حياة طبيعية اتعافى من قدمي وجرحي واتمرن كل يوم على المشي… جسدياً مرتاحة…عقلياً مشتتة كثيراً خاصة ان مستقبلي غامض…نفسياً اتعامل مع روحي على قدر المستطاع بتأن ….ولكن لحظة واحدة اعود فيها الى الماضي تقلب كياني وعقلي وجسدي الى اسفل السافلين …..
ارتعش وتدور بي الدنيا….خاصة عندما اجلس وحيدة….لأرى مجد يقترب مني ويحاول ان يتحدث معي…ويتودد الي ويتقرب مني…. اصده تارة واستجيب لنطراته تارة ولكنني كنت دائماً أتجنب الحديث معه كي لا أقع في شباكه التي يرميها من دون استئذان كلما التقينا…. – مساء الخير انسة ريم.. – التفت الى الوراء لأجده يضع يده في جيبه وينظر الي بتمعن ….قلت له : اهلا استاذ مجد..
– قال بملل: ايه استاذ دي…بقالي هنا اكتر من 10 ايام وبشوفك تقريبا كل يوم كل يوم…صبح وضهر ومسا صبح وضهر ومسا وبتكلمك معاكي ديما كده مع انو قليل بس يعني مش ضروري استاذ دي….حسافر ولسه بتقولي استاذ… – ضحكت قائلة: خلاص…مش مشكلة….مجد – اهو من الاول(ضحكت وانفجرت اساريره) – قال معاتباً: انتي قاعدة ليه ديما لوحدك وحزينة وكلامك قليل – قلت وانا اتنهد: يعني…برتاح كده.. – بس انا ما برتحش كده…. – قلت بإستغراب: وايه يعني…
-شوفي انا جي هنا شهر واحد وبس وراجع…المانيا…بردو زييك عايش لوحدي عمري كله في الغربة..لا زوجة ولا اهل ولا حاجة…يعني مش جي هنا اقعد لوحدي…والي اسمها سناء وسماح زهقت منهم….وفي حد هنا تاني ممكن اتكلم معاه واتعرف عليه…يبقى اقعد لوحدي؟؟ – ليه هما مش جوة.. – من حسن ظني لق..قصدي لق لق…ما فيش…مافيش غير حضرتي…والشغالين…اروح وتقعدي مع الشغالين.؟؟ – ضحكت قائلة: لق ما فيش مشكلة… – جلس على الطاولة في الحديقة قربي وقال :اهو يبقى قعدنا….واحد شاي يا جماعة الي هنا…
– ابتسمت وقلت: انت عايش لوحدك في المانيا؟؟ – يعني…لوحدي ومش وحدي….بتعرف على بنات كتير…بيقعدو معاية فترة وبعدين خلاص كل حد يروح لحاله..هناك الوضع ده طبيعي.. – كده يقعدو معاك!!!!!!!!!!!!!!؟؟؟؟ – ق*لك هناك عادي…بس هنا في مصر اكيد لق.. – قلت بإرتباك: طبعاً هنا مش عادي… – الي هنا الي يمنع مش الدين…الي يمنع بكده المجتمع والناس الي تشوف الموضوع ده عيب تلاقيهم يقولو عيب قبل حرام مع ان الحرام اهم من العيب…. – النتيجة واحدة في الحالتين…
– بس الفرق انك هناك ممكن ما تعمليش الغلط عشان نابع من جواكي انه غلط هنا ممكن ما تعمليش الغلط بس عشان خايفة من الناس حتى لو انتي مش فارقة معاكي الناحية الدينية… – طالما كده ما تجوزتش ليه واحدة من الي عرفتهم وعشت معاهم هناك طالما ما فيش حد يهتم بحد …وما فيش مجتمع يقلك عيب انت اخدت واحدة مش كويسة.. – فسري المصطلح يعني ايه مش كويسة؟؟ – قلت بتلعثم: يعني زي ما قلت…بيعيشو معاك في نفس البيت…
– والي تعمل كده تبقى مش كويسة؟؟ – قلت بحدة: طبعاً مش كويسة… -واما تكون محترمة قدام الناس وتعمل البدايع من ورا الحيطة تبقى كويسة؟؟؟؟ مصطلح كويسة ومش كويسة الي ناس عاوزاه….ممكن نصحى بكرة على عرف معين الناس كلها تتقبلو تلاقيهم عملو وبقى عادي اوي…. – بس الي انت بتقولو ده في ناحية كبيرة من الشرف والاخلاق ما حدش يتقبلها لا في الزمن ده ولا الي بعدو واكبر دليل انك ما تجوزتش ولا واحدة من الي عاشو معاك
– مش عشان هما في نظري مش كويسين..عشان انا ما تفقتش معاهم…. – يعني كان ممكن تتجوز واحدة منهم؟؟ولو حتى كانت عارفة وعايشة مع حد قبلك؟؟ – عادي المهم في الفترة اليهي معاية فيها تبقى مخلصة وساعتها طبعاً اتجوزها.. – ضحكت بسخرية وقلت: ايه العقل الغريب ده… – وايه الصح؟؟؟ وانا ايه الي حيضمني ان الي حخدها بنت بنوت ما تكونش عاملة العمايل قبليها..ما هما دلقوت بعملية زي شكت الابرة يرجعو تمام ولا كأن حاجة حصلت….البنت بأخلاقها …وانا في كل الحالات…مش حتجوز غربية مش عشان هما مش كويسين لا…عشان انا بحب اخد بنت عربية وشرقية…
– قلت بحدة: عشان مش عايشة مع رجالة قبلك؟؟ – لق..عشان الجمال الي عندها مش عند ولا اي ملكة جمال غربية..(نظر الي بشكل مريب اشعرني بالخجل) وقفت للحظات عند ما شعرت به.. هل انا اخجل؟؟؟؟؟؟ هل اشعر بمعنى كلمة خجل.؟…؟ ام الفتاة التي مثلي لا تستحق ان تخجل؟؟لأنها لا تعرف هكذا كلمة من قبل؟؟ولو عرفتها لما وصلت الى ما وصلت اليه… اتت من بعيد سماح تبتسم وتقترب الينا قائلة.. – الله ايه القعدة الجميلة دي…
– مجد: عشان انتي مش فيها جميلة.. – خلاص بقى يا خالو…..اهي ماما وراية ايهي تخدلي حقي منك.. – اتت السيدة سناء تبتسم وقالت: مساء الخير عليكم…ايه اتعشيتو -قلت : لق مستينيكي يا طنط,,,, – اخبار رجلييك ايه… – تمام حبيتي مشيت عليها كويس النهاردة. – سماح بفرح :لازم تبقي كويسةمن هنا لبعد بكرة عشان عاوزاكي ترقصي في عيد ميلادي… – عيد ميلادك بعد بكرة..؟ -السيدة سناء: اه يا ستي واهي مغلباني من الصبح في فستانها والمعازيم ومش عارفة ايه
– قال مجد موجهاً الحديث الى سناء: اتصل نزار قبل بساعة وقال انو جي اخر الاسبوع ده… – طب كويس حخليهم يحضرو قودتو وحكلم استاذ حمدي عشان ينسقو مع بعض, – ايه هو ناوي يتسقر هنا مش كان في السعودية – مش عارفة استاذ حمدي غير مشاريعو كلها ونقلها هنا مش عارفة ليه… ما ان سمعت بإسمه حتى انتفض جسدي من جديد واستأذنت ودخلت….. ………………………………………….. ………….. عيد ميلاد سماح…..داخل الفيلا….الجيمع يرقص ويغني…وانا انظر اليهم بحزن….واصطنع الابتسامة…الى ان حان وقت تقطيع قالب الحلوى….
اغمضت عيوني…..وسرحت… عيد ميلادي العاشر انا واختي مي… في منزلنا الصغير…..مع الجيران والاصدقاء…. الكل سعيد وانا ارقص بفستان جميل خاطته لي امي…وهي ترقص معي على صوت وطبلة جارتنا……..الهدية كانت حذاء جديد لأذهب به الى المدرسة….قضيت الليلة وهو بجانبي كي لا يهرب مني….وتخيلت نفسي وانا نائمة وكأنني سندريلا ….سأذهب الى القصر لأرقص مع الامير وقبل ان تأتي الساعة الثانية عشرة اهرب لارتك فردة من حذائي على السلم واعود الى منزلي مسرعة واعود كما كنت …ليبحث عني ويأتي وينتشلني من كل المأساة والفقر…
ومضت السنوات..ولم يأت الامير…بل انا ذهبت اليه….ولم اضيع حذائي بل ضيعت شرفي وعذريتي كي احصل عليه وليركض ورائي…لكن الحذء يعوج…انا الشرف فإذا ذهب لا يعود….وحده الله يعوضه بشيىء واحد وهو التوبة……. نزلت من عيوني دمعة…اسرعت الى الخارج كي لا يلحظها احد…..ليلحق بي مجد… – انتي كويسة ريم.. – قلت مسرعة وانا التفت اليه: اه كويسة…. – طب مش تدخلي نقطع التورتة مع سماح -لق معلش…اصل …الدوشة بتوجعلي دماغي.. – قال بهدوء لم اعهده قبلها: انا حاولت استفسر شوية عن وضعك ..من اختي سناء…والي فهمتو انك عايشة لوحدك واهلك مسافرين وبعاد عنك صح؟؟
ربط لساني عندما رأيت حمدي يتوجه من البوابة الخارجية ويحمل في يده علبة كبيرة ويتوجه نحوي انا ومجد والشرار في عينيه لكنه وضعها في برواز مبتسم.. – مساء الخير ازيك يا مجد…. – اهلا استاذ حمدي.. – انا عرفت بالصدفة موضوع العيد ميلاد قلت اهدي سماح هدية بسيطة كده وبعدين نتكلم شوية انا ورأفت – اتفضل اتفضل ….. لم اسلم عليه وادرت وجهي عنه …..لمحته بعدها يعطي سماح الهدية ويخبرها بشيىء في اذنها وبعدها اجدها تمسكها بفرح وتصعد بها الى غرفتها…
– قلت مجد: عن اذنك شويك.. – مالك يا ريم..اضايقتي كده ليه – لق بس شوية حشوف سماح وراجعة… صعدت اليها بتوتر…وانا احس ان هناك شيىء غير طبيعي حدث …. فتحت باب غرفتها وجدتها قد بدلت فستانها ولبست فستاناً احمر قصير……اعرف جيداً هذا الفستان!!!!!!!!!!!!!!!!!!!! …انه اول فستان اهداني اياه حمدي عندما كنت في منزله وطلب مني ان البسه له في عيد ميلاده… قلت بعصبية:ايه ده سماح؟؟ – قالت ببراءة: حلو يا ريم…انكل حمدي جبهالوي هدية من مرات اخوي قمر طلبت منو يوصلهولي…
– ازي وقمر في السعودية.. – اتصلت بيه وطلبت منه يجبلي هدية وطلب مني البسها عشان يصورني ويبعتها ليها.. – مش حلو الفستان اقلعي يا سماح(قلتها بتوتر وعصبية) -ليه يا ريم ده جميل….حتى عليه برفان يجنن مش عارفة مع انو باين انو جديد… – قلت بعصبية اكبر وصوت عال : اقلعي يا سماح بقلك…(اقتربت منها اريد ان امزق الفستان) -صرخت وابتعدت عني واقلت : ايه ده ياريم بتعملي كده ليه انتي اتجنننتي…. تراجعت عندها الى الوراء…. انتبهت الى ما افعله…
نزلت وانا تصبب عرقاً وقلبي يطرق بشدة الى ان وصلت الى الوابة الخارجية…وابتعدت عن الجميع ….لم اكن اريد ان ارى احداً… سمعت صوتاً يهتف بإسمي… انه صوت مجد وهو في سيارته… – ريم….اطلعي… – صعدت معه وقلت له: امشي ارجوك…عاوزة ابعد شوية.. – مالك يا ريم كنتي كويسة حصل حاجة مع سماح خلتك تمشي بالسرعة دي وتخرجي… – نزلت الدموع من عيوني وقلت: انا تعبانة شوية كده ومضغوطة – الظاهر اهلك وحشوكي. – جداً,,,,(بكيت كثيراً)
شعرت بالحنان في عينيه….حنان وعطف لم ار مثله في كل الرجال الذين عرفتهم….نظراته لم تكن فقط تريد جسدي….بل تريد روحي….ومعرفتي بالرجال جعلتني اميز هذا الامر فوراً… قلت له: معلش من فضلك…نفسي قاطع عاوزة اشم شوية هوا.. – حاضر… اوقف السيارة ونزلت…..كان الجو بارد قليلاً فأحضر لي بزته قائلاً.. – الدنيا برد……بليل.. – اه…بس انا مش حاسة بحاجة…..ومش عاوزة احس – ليه يا ريم… – عشان الدنيا وحشة اوي اوي….اعمل ايه عشان اخرج من كل الي عشتو قبل…
– سبيه في حالو وهو يروح – بس هو مش عاوز يسبني… .- يبقى اطرديه وغيري مكانك….. – بردو حيجري وراية…اصلو موجود هنا وهنا(اشرت الى عقلي وقلبي) – قال وهو يمسك بيدي ويضع اصبعي نحو عقلي: هو ممكن يكون هنا ….بس مستحيل حيفضل هنا(اشار الى قلبي) – ازاي؟؟؟ – عشان لو ما عملناش كده حنمو*ت…. -ما انا ميتة…بحس اني ميتة.. – معاناها بتحسي….مش فاقدة الاحساس زي ما انتي قلتي قبليها….. – نظرت الىالسماء وقلت وانا ابكي: يارب…يارب انا تعبت…والله تعبت….ريحني يارب…….والله تعبت….
– نظر الي وانا ابكي وقال: الحزن الي جواكي ده مش قادر ما احبوش….حتى حزنك يتحبك…مش بس انتي… – مسحت دموعي وقلت له: نعم؟؟ – قال بإصرار: ايوة…حتى حزنك…حبيتو..مش بس انتي….تحبي تفسير اكتر من كده؟؟ يتبع…