الفصل التاني
تطلعت الى وجهها وانا في حالة متعبة والدموع في عيوني…لقد كنت ابكي وانا نائمة….واغمضت عيوني من جديد ولكنني اسمعها…
قالت بترجي: حبيتي…انا عاوزاكي تبقي كويسة..مش عشان ابني الي في السجن…عشان انا قلبي وجعني عليكي ومضايقة عليكي ….ارجوكي ساعديني…انا ابني الوحيد في السجن….شهادتك الاولى يمكن خففت شوية بس مش حيخرج قبل ما انتي تخرجي من المستشفى…ويطمنو انك كويسة…ارجوكي (بدأت تبكي) انا مستعدة اديكي المبلغ الي انتي عاوزاه….ابني عريس كان فرحو بعد اسبوع ….وانا ما صدقتش رجع من السفر عشان اجوزو وافرح بيه…ارجوكي ما ترفعيش عليه اي دعوة وانا وابوه من الف لمليون بس هو يخرج….
– فتحت عيوني ونظرت اليها قائلة: ما تخافيش…انا مش عاوزة حاجة….ومش حرفع اي قضايا..انا الي اسفة…ما كنش قصدي اورط ابنك….انا اسفة….(عاودت البكاء)
– حبيتي..قوليلي طيب اهلك فين…نتصل بمين….اي حد…انا من امبارح نايمة هنا معاكي عشان اشوفك واطمن عليكي…احنا دلوقت ما نعرفش غير اسمك …تليفون طيب..
– اشرت بالرأسي رافضة: مافيش…انا ما ليش حد….
– بس انتي من شكلك باين عليكي بنت ناس….من شكلك ومن هدومك الي جيتي بيها …..(ثم….اخرجت من جيبها عقداً من الذهب ..واشارت اليه قائلة)…
العقد ده ليكي يا بنتي.؟؟؟؟…الممرضة شالتهولك من لما جيتي هنا..وقلنا يمكن يكون في اي حاجة تدل على اسمك ما ليقناش غير حرف م..
رفعت يدي واخذته منها بقوة قائلة..
– ما حدش يلمسه ده…لية…
– قالت بقلق: حاضر يا بنتي….
………………………………………….. ..
امسكت القلادة بقوة….لامستها دموعي…ولامسها حنيني وشوقي واملي والمي ……..
ولم تفارقني طول مدة بقائي في المستشفى وانا اضعها على رقبتي وامسكها بطرف اصابعي واعبث بها……..
منار….تعالي يا حبيتي…..
-ايوة يا ماما…
– شوفي جبتلك ايه انتي ومي….
– عشان الاعدادية؟؟؟؟
– اه عشان نجحتو انتي واختك في الاعدادية….(اخرجت العقدين من جيبها قائلة)
– ده ليكي وده لمي….(البستنا اياهما بفرح)
– انا مش مصدقة يا ماما…ده دهب…
– اه دهب يا حبيتي…انا بعت الاسورة الي كانت حيلتي وجبتلكم بيهم العقدين دول وهما قمر وحد مقسوم قسمين…واحد ليكي وواحد لمي…عشان ما تفترقوش عن بعض خالص….وديما مهما بعدتو تتجمعو من تاني..
– مي: ماما عملتي كده ليه…انتي بجد عظيمة…وانا حعوضك اما اكبر واشتغل واجبلك احسن من الاسورة مليون مرة..
– مرسي يا ماما…دلوقت ولا حد من صحابي حيفتح بقه بكلمة ويقلي اصل انتو فقرا واصل انتي امك خياطة…انا بلبس دهب وعندي دهب..
– ماما: عمرو الانسان يا منار ما كانش بلي بيلبسه..طول عمرو بلي جواه وبأخلاقه …اوعي تفكري بكده تاني..انا جبتلك الدهب عشان بحبك مش عشان صحابك ولا عشان تتكلمي بالطريقة دي..
– مي: هي طول عمرها كده يا مامي عاوزة كل حاجة ليها وبس…
– المهم اني لبست دهب واخيراً….
………………………………………….. ………
ايقظتني من شرودي الممرضة التي دخلت غرفتي قائلة..
– يلا لازم نتمشى شوية وتتمرني وتحركي رجليكي….
– قلت بتعب: انا تعبانة رجلية وجعاني من امبارح عشان مشيت عليهم…..
-الحمد الله انا شافاكي كويسة وقاعدة النهاردة..بقالك مدة طويلة راقدة في السرير ما بتحركيش…لازم نلتزم بلي قالو الدكتور….والا حتفضلي هنا كتير….واحنا بصراحة زهقنا منك …شهر كتير بقة لازم تخرجي(قالتها بضحك)
– قلت بحزن: اخرج؟؟؟ ….اروح فين…
– قالت بتركيز: قصدك ايه؟؟
– ما فيش حاجة….هي طانط سناء ما جتش النهاردة..
– لق اصلها النهاردة حتخرج ابنها من السجن بكفالة…الست دي طيبة اوي كان حنينة عليكي جدا انتي عارفة ده جوزها واضح ان مركزو مهم ومعاهم فلوس اوي…بس هي ما همهاش غير انك تكوني كويسة
……………………………………
قضيت فترة العلاج في المستشفى وانا اتمنى ان لا اشفى…اتمنى ان تدهور حالتي…لمن اخرج والى من؟؟؟؟
الى مدام نجوى….او الى سراج؟؟؟؟؟
لقد سئمت من ان ابيع جسدي على طاولات رجال الاعمال الأثرياء…..قرفت من الضحك في وجوههم….والرقص والاعمال التي لا تندرج الا تحت مصطلح(الانفلات الاخلاقي بكل اشكاله) وكله من اجل المال….لم اعد احتمل ان اضر*ب مرات ومرات اذا خرجت عن طوع من ارافقه …..يدفعون ثمن جسدي لقاء ان اكون عبدة لهم ولرغباتهم الشاذة….
اخرج من حياة متسخة لرجل ظاهره نظيف لأدخل في بئر اوسخ ……واعود لأهرب من جديد وادخل في دوامة اخرى….لم يحبني احد من الرجال الذين عرفتهم….احبوا فقط جمالي وشكلي ….روحي لم ينظر اليها احد في يوم…والأن هي من تنطق…هي من تصرخ….هي من تقول كفى….كفى….لم اعد اطيق ان ابقى في هذا الجسد اللعين الملوث والحقير……اخرجيني….من هذا المستنقع…سئمت منه طوال ثلاثة سنوات…..ولم اجني منه سوء الشقاء…..والاسى….
كنت اعتقد انني سأخرج من حرمان….وقعت في حرمان اكبر …حرمان معنوي وعاطفي…..
لم استطع ان اخرج بسهولة…دفعت الثمن غالياً……عندما بدأ طفل ينمو في احشائي ضر*بني واتهمني انه ليس منه عندما طلبت منه ان يتزوجني وهو من كان يلاحقني لأكون بطلة سهراته الفاخرة ليصرف على طاولات القمار الملايين ويتزين بي ممسكاً بيدي لأسمع اقذر الكلمات من اصحابه …..رغم انني فتاة سئية واعلم ذلك …ولكن كنت اكتفي برجل واحد طوال الفترة التي اكون فيها معه ولا اخونه الا اذا تركني هو اذهب عندها الى غيره……
بقيت مع حمدي اكبر وقت…تقريباً سنة….كنت عشيقته المعروفة امام اصدقائه والمتخفية امام عائلته الحقيقة……
– حمدي….انا حامل..
– نعم!!!! ينزل ….
– مين ده الي ينزل…دي تالت مرة انزل فيها عيل…انا بكده ممكن امو*ت الدكتوور محذرني…
– يبقى مش عاوزة شوف وشك تاني يا منار..
– بس انا مش حنزله…والي يحصل يحصل..
– وحتكتبي باسم مين اما يولد…
– ملكش دعوة انت مش عاوزاني ولا عاوزه يبقى خلاص اخرج من حياتك وخلاص….
ضر*بني وبدأ يدوس علي وعلى بطني ويصرخ فية بأبشع الكلمات واجبرني على ان انزله والا سيرمي على وجهي مية نار ويق*لني انا وهو….
وفقدت ايضاً طفلي الثالث……..ومعه فقدت رحمي….ولم اعد استطيع الانجاب بعد الأن……
…………………………………..
هربت بعدها الى صديقة تسمى نجوى…تعرفت عليها عندما كان لدي 18 سنة وكنت بصدد الدخول الى الجامعة ….عرفتها في احد صالونات التزيين…..كانت تتصيد من هناك الفتيات الجميلات وتغريهن بالعمل معها كتاجرات مستحضرات تجميل في المنازل …..وتبدأ عندها غسيل الدماغ…والاغراءات….. وبعدها تجد الفتاة نفسها في احضان رجل ثري تحت اسم الحب والزواج ليحصل ما يحصل……
وجدت فيي ما تبحث عنه…الجمال…والرغبة بالثراء…وبعت نفسي لأول رجل ثري عرفتني عليه وبدأ يصرف علي…تحت اسم الزواج والحب الذي لم اعرفه في حياتي من اي الرجال الذين صادفتهم….وتركني…عدت اليها ابكي قالت لي( ما تزعيش راح هو فيغيرو…انتي الف مين يتمناكي)…..
كشفت امي ما انا عليه…..اخبرتها مي انني اخرج مع رجال….تصادمت معها….وطردتني من البيت….ومن يومها…لم اعد…..عايرتها بفقرها وانها هي السبب في ما انا عليه ….ومنذ 3 سنوات لم اراها لا هي ولا مي ولم اعرف عنهما اي شيىء
……………………………..
قبل موعد خروجي من السمتشفى بيوم وانا اجلس على كرسي متحرك دخل الى غرفتي شاب ومعه باقة من الورد…..قائلاً…
– حمد الله على سلامتك…
انا نزار الي…الي…(قالها بتلعثم)الي كنت السبب انك هنا….انا اسف…..
…
يتبع…….