مش هسمح لأى حاجه تأذيكى
___همست ريهام، انتى متعرفيش فهد يا كيان، دا انسان قذر معندوش ضمير
ممكن يعمل اى حاجه علشان ينفذ رغبته
اسكتى؟ صرخت كيان والله لو عمل حاجه
بعد نص ساعه من العياط هديت ريهام، هنعمل ايه طيب؟
هجيبلك الصور من فهد، حتى لو اضطريت اسرق تليفونه
لكن دا مش بيسيب تليفونه خالص من ايده
ثم بعد ما عرف انك عارفه الحقيقه ازاى هيسمح انك تمسكى تليفونه
ابتسمت كيان، هو ميعرفش انى عرفت حاجه لسه
ازاى؟
سألت ريهام بغباء
استنى وهتشوفى دلوقتى، كان فهد يواصل اتصاله بكيان لكن كيان مش راضيه ترد عليه
اخيرا بعد ما تعب من الاتصال ردت عليه، عايز ايه؟ صرخت كيان
همس فهد عايز اعرف انا عملت ايه؟
قعدت كيان على الكرسى وبصت على ريهام
عايز تعرف عملت ايه +؟
همس فهد بقلق ايوه
قالت كيان بلا مبلاه انا عرفت انك تعرف بنات غيرى
نسونجى يعنى
تنهد فهد بارتياح، مين قال كده؟
اخترعت كيان اى اسم متأكده ان فهد مش هيفتكره
كدابه صرخ فهد، دى وأحده مدسوسه عليه، انا بحبك وعمرى ما حبيت غيرك
همست كيان بجد بتحبنى؟
ايوه يا مجنونه بحبك
يعنى متعرفش حد غيرى؟
اقسم فهد انه ميعرفش حد غيرها
ايه مسامحانى خلاص؟
أطلقت كيان ابتسامه، لسه لحد ما اتأكد انك صادق وغمزت لريهام بعينها
ومضت عيون ريهام بآمل وآلم، هل معقول اننى سأصبح حره مرى أخرى؟
انهت كيان المكالمه مع فهد، انا كدة اتأكدت ان فهد كداب وانه فعلا كان فاكرنى بتكلم عليكى انتى وهوه
هنعمل ايه طيب؟
انا الى هعمل، انتى خليكى بعيد يا ريهام، سيبينى انا مع التعبان ده وكل ما يكلمك او يطلب منك حاجه لازم اعرفها
مش هسمح ليه يزلك تانى
هسد عليه كل الطرق، انا هلعب بطريقتى، لحد ما اخد منه الصور وبعدها مش هسيبه
امال هتعملى ايه يا كيان؟
إلى زى ده لازم ينال عقابه لكن فى الوقت المناسب، اوعدك تشوفيه بيبكى بعنيكى زى ما حاول يستغلك
قعد فهد مع نفسه، موقف كيان غريب، فى الأول كانت قاسيه
وبعد كده كانت طبيعيه
فيه سر فى الموضوع ولازم اعرفه
فكر يكلم ريهام، لكنه صرف الفكره، مش دلوقتى، مش دلقوتى
ريهام اقدر اجيبها عندى بأشاره من ايدى وكيان ظاهر انها مش سهله
وابتسم فهد، سيتحلى بالصبر، نعم، الوقت فاضح وكاشف، حتمآ ستسقط غلطه من كيان
كلمه، نظره !!
وتبسم فهد العيون تفضح ما يخبأه القلب، ورأى ان عليه ان يغير تكتيكه حتى تتضح الرؤية
_______
مضى يومين لفحهم السكون والتربص حتى فاجيء فهد كيان بزياره فى بيتها
حمل معه بعض الهدايا، حرص ان تكون منتقاه بعنايه، بوكيه ورد، برفان، دبدوب، وبعض الحجيات الأخرى
وجلس بأدب فى الصاله يتحدث مع والد كيان واخيها والدتها ست الكل
وكانت كيان ترقبه بتحفز وغيظ وانتقام وعلى وجهها ابتسامه رقيقه ولم يفلح فهد فى سبر اغوارها فقد بدت مهتمه به أكثر من اى وقت
لم تسمح كيان بأى خطاء من جهتها وبلع فهد الطمع
أصرت كيان ان يتناول فهد العشاء ولم تتركه يذهب الا عندما انتصف الليل
ثم هاتفته بعد رحيله وتحدثت معه حتى النوم
_____
انا مش مطمنه يا كيان، فهد وقف يبعت رسايل فجأه ودا معناه انه شاكك
همست كيان ولا انا مطمنه ولازم ابعد الشك عنى وعنك
هاتفت كيان فهد بنبره قلقه عيزاك فى موضوع مهم
انا كلى اذان صاغيه يا كيان
انا قررت اورى الرسايل لوالدى
رسايل ايه يا كيان؟
الرسايل إلى ريهام بعتته ليك، لازم تتعاقب خطافة الرجاله دى
ابتسم فهد، شعر بالنصر
همس لا ارجوكى بلاش علشان خاطرى مش عايز مشاكل بينك وبين اختك
هى عرفت غلطها خلاص
مش ممكن صرخت كيان لازم افضحها
ظل فهد يترجى كيان حتى وافقت على الصمت، وتأكدت كيان ان الشك رحل
انا عايزه اقابلك بره البيت يا فهد نخرج نتفسح شويه
وماله ابتسم فهد بمكر
انا كمان عندى كلام كتير عايز اقوله ومش بقدر فى البيت
اتفقت كيان مع فهد تقابله بره
كان فهد فى انتظارها وخدها على كافيه بيقعد فيه دايما
اتكلمو كلام كتير، جميل ورقيق لحد ما وصل اتصال لفهد
معلهش روحى بعد اذنك هرد على المكالمه دى
وماله اتفضل!!
أجاب فهد الاتصال وبدا انه متعصب وبيزعق لما رجع
كيان سألت فيه ايه؟
مشاكل فى الشغل متشغليش بالك
فهد؟ بقولك فيه ايه؟
والله مشاكل فى الشغل يا كيان
مش مصدقه، انت رجعت تلعب بديلك كنت بتكلم واحده صح؟
اقسم فهد انه مكملش بنات ولا يعرف بنات
ورينى التليفون يا فهد عايزه اشوف الرقم؟
ابتسم فهد بتغيرى عليه؟
ايوه، ارتحت؟
هات التليفون
ناول فهد التليفون لكيان اتفضلى
سجلت كيان الرقم فى تليفونها، انا سجلت الرقم لو فيه حاجه اعترف؟
مفيش حاجه والله، دا رقم واحد صاحبي
مش مصدقاك يا فهد
كيان، قولتلك دى واحده مزقوقه عليه، ازاى تصدقى اى حاجه تتقال على؟
خلى عندك ثقه فيه شويه بعد اذنك
انفعلت كيان، كشرت عن غضبها وكان الشيرت ينقل كل الصور لهاتفها
هاتى التليفون خلاص
خايف ليه صرخت كيان؟
مخبى ايه فى التليفون وخايف اشوفه؟
مش مخبى حاجه يا كيان ونظر فى وجه كيان الصارم
يعنى انتى مرتاحه والتليفون معاكى؟
ايوه مرتاحه وابتسمت كيان
طيب خليه معاكى يا ستى
اطمأنت كيان ان كل الصور وصلت لهاتفها، بأصرار عملت اعادت ضبط مصنع لتليفون فهد
انطفاء الهاتف فجأه ثم انفتح بعد دقائق
همست كيان هو تليفونك بيعمل كده ليه؟
الظاهر ضغطت على زرار بالغلط
ولا يهمك همس فهد بقلق
سابت كيان الكافيه وصور اختها عندها
التيفون كان فى ايدها عماله تحركه يمين وشمال، بعدها تنهدت بقوة
دون أن تفتح الملفات، من الخارج حذفت كل الصور بما فيها صورها دون أن تفتح اى صوره
لما وصلت البيت ريهام سألتها عملتى ايه؟
هسمت كيان كل حاجه خلصت خلاص، الصور اتمسحت، لكنها بدت قلقه
ليه نظرتك مش مريحانى يا كيان؟
لازم نلتزم الصمت كام يوم كده لحد ما نتأكد ان الكل_ب ده معندوش نسخه تانيه
لو حاول يبتذك ارفضى ولو كان عنده حاجه هيخرجها
عايزاكى تستفذيه لاقصى حد خلينا نشوف آخره ايه
حاضر، همست ريهام بفرحه، دا لو كان إلى فى بالى حصل ان هطلع ميت _ين ام_ه
الصبر، همست كيان، مش لازم نتسرع، الموضوع حساس وانا مضطره اعصر على نفسى لمونه واستحمل القذر ده لحد ما اتأكد انه لا يملك شيء ودى حاجه مش سهله
فهد كان بيفكر إلى حصل دا صدفه ولا بتخطيط من كيان
عقله كان هينفجر
معقول تكون ضحكت عليه؟
وكان لازم يتأكد من كده، واصل كلامه مع كيان يشوفها متغيره من ناحيه ولا لا
كيان كانت عاديه بتتعامل على طبيعتها ملاحظش عليها حاجه
جربها اكتر من مره ولما ملاحظش عليها تغير، كلم ريهام
عاملها بقسوه وطلب حضورها مره تانيه للشقه
ريهام رفضت، مش هقدر اعمل كده ::
انفعل فهد، هددها بالصور والمحادثات، انهارت ريهام، قالت إنها هتنفذ إلى هو عايزه
لكن كانت بتماطل، كانت متعوده كل ما تعمل كده فهد يبعت صوره او محادثه، لكن فهد مبتعش حاجه، كان كله كلام
وكل يوم تعتذر ريهام وفهد بغضب اكتر ومع كل رفض عزيمتها واصرارها بيزيد
لكن كيان كانت محذراها تفضل زى ما هى، متنفعلش ابدا ابدا
ومر اسبوع دون إحداث كبيره، تحذيرات فهد كانت فارغه من غير أفعال
وصل بيه الحال يروح البيت عند كيان ويهدد ريهام على جنب
ومع كل موقف يزيد يقين كيان ان فهد لا يملك نسخ من الصور
بعدها قعدت كيان مع ريهام، اعتقد ان الوقت حان يا ريهام نعرف الحقيقه
احنا صبرنا بما فيه الكفايه ودا شخص قذر لازم ينال عقابه
معتقدش انه يملك نسخ تانيه مكنش هيستنى اكتر من كده
انا خلاص معتتش قادره أصبر على وجوده فى حياتى
الساعه كانت اتنين بالليل
قعدت كيان جنب ريهام، اتصلت بفهد وفتحت الاسبيكر
همس فهد اهلا روحى!!
عامله ايه؟
انا مش روحك يلا، انت فكرت حتى فى خيالك انى ممكن اكون ليك؟
نسيت نفسك يا حقي_ر؟
المسرحيه خلصت فوق بقا كده واصحالى
هتيجى تاخد حجاتك على الجزمه ولو سمعت اسمك صدفه بعد كده ورحمة امك لاربيك
همس فهد انتى، انتى بتقولى ايه؟
بقول إلى سمعته، بكره الصبح تكون عندى هنا والا والله العظيم همسح بكرامتك الأرض
اغلقت كيان الهاتف فجأه دون أن تسمع دفاع فهد
كان نفسى اقول كلام اكتر من كده لكن مقدرتش يا ريهام
هو فيه كلام تانى اصلا يا كيان؟ انا كنت قاعده ومنبهره
ضحكت كيان اه فيه وبكره تشوفى هعمل ايه
ابتسم فهد رغم غضبة، كيان مطلعتش سهلة، حركة التليفون كانت مقصودة، صور ريهام؟ اها، ازاى سمحت بدا يحصل؟
لا وكمان بتزعق وتتأمر ومش بعيد بكره تعمل فضيحة
كان غاضب من ثقته فى ذاته الزائده عن الحد، وكان عليه ان يجد فكرة تنقذه
رتب الأحداث فى عقله، مماطلت ريهام كانت مقصوده، كانو عايزين يعرفو عندى نسخه تانيه ولا لا
وجلس بقية الليل يفكر ويفتش داخل عقله، لقد نسى ريهام تماما وتحول غضبه لكيان، كيان لازم تدفع التمن
لحد الان هما ميعرفوش انا عندى نسخه تانيه ولا لا
ودا فى مصلحتى، محتاج صوره واحده بس ابعتها هتغير كل حاجه فى اللعبه، بس الصور كلها اتمسحت وانا معنديش نسخه تانيه
اتصل باكتر من صديق يطلب مساعده
جرب يرجع الصور عن طريق جوجل، نزل برامج من غير فايده
غبى، غبى؟ ولا صوره يا فهد ولا صوره؟
ثم تذكر الصوره إلى بعتها لريهام، اكيد لسه فى تليفونها
انا مش محتاج غير الصوره دى لو بعتها لريهام مره تانيه كل حاجه هتتغير
واشتغل الشيطان فى عقله، وكبرها فى نفوخة، ان الكلمات التى سمعها من كيان لم يتوقع ان يسمعها من فتاه حتى فى خياله
وجعل عقله يعمل بقوة ويبتكر أفكار شيطانيه، كان مثل ثعلب جريح واقع فى حفره يفكر كيف يخرج منها
ريهام؟
مفيش غير ريهام، ريهام هى إلى هتنقذنى
وادار الفكرة فى عقلة ولم يسمح بوجود اى ثغرة…….
________
رن هاتف ريهام كانت الساعه تشير للعاشره صباحآ، كيان لسه نايمه فى غرفتها
بناء على توصيات كيان ريهام مرضيتش ترد، لازم كيان تكون موجوده
خبطت على غرفة كيان، كيان كيان؟
فهد بيتصل
كنسلى عليه ردت كيان وهى نايمه
تركت، ريهام التليفون يرن،إلى ان وصلتها رساله من فهد
ريهام ردى عليه ارجوكى، انا عارف انك صاحيه وعارف أن كيان قلتلك مترديش عليه
افتحى اسمع صوتك إلى وحشنى وهقلك كلمتين لو معجبوكيش اقفلى
ترددت ريهام، بيد مرتعشة فتحت الاتصال
سمعت بكاء ونحيب، انا اسف يا ريهام، انا كنت قذر معاكى
انا اسف، اسف وارتفع نحيبه مثل الطفل
انا إنسان مش كويس، حقير وندل، انا استغليتك يا ريهام ونلت عقابى، انا مريض باموت وكان لازم اريح ضميرى واتصل بيكى
سامحينى يا ريهام، ارجوكى سامحينى خلينى
اموت وانا مرتاح ثم سعل وسعل كأنه هيموت
سمحينى من فضلك، انتى قلبك كبير وانا خسرتك، خسرتك واختارت الانسانه إلى فرقت بينا
انت؟ انت بتقول ايه. ؟
ملوش لازمه الكلام دلوقتى يا بنت الناس، اغفرى لى حماقتى وخيانتى لحبك
استنى انت بتقول ايه مالها كيان؟
مش قادر اتكلم يا ريهام تعبان، من فضلك اخر طلب، متقوليش لكيان انى كلمتك، خليه سر بينى وبينك
انا كده كده مش هكلمك تانى ولا ازعجك تانى
انت بتضحك عليه صح؟
مش مكفيك إلى عملته فيه؟
تنهد فهد ببكاء، الكدب هيفيد بأيه شخص ميت؟
طيب قولى حصل ايه معاك
مالها كيان؟
مهما قلتلك مش هتصدقى، انا سمعت كلامها، جريت ورا عقلى المريض
انا عذبتك، عذبتك!! واستمر فى البكاء
قول من فضلك، متعذبنيش اكتر!!
كيان كانت عارفه علاقتى بيكى من اول يوم، رغم كده فضلت تكلمنى لحد ما تعلقت بيها وضغطت عليه علشان اسيبك
ريهام دا سر مش عايز حد يعرفه
كيان مش قصدها تساعدك، دى بتنتقم منك لانى كنت قررت افسخ الخطوبه لأن حبك كان مالى قلبى
انا كداب يا فهد
لو كان ليه مصلحه كنت هبقى كداب، لكن انا بموت ومش هكلمك تانى ولا هتشوفى وشى مره تانيه
سلام يا أطهر قلب واحلى بنوته
اوعدينى محدش يعرف حاجه عن المكالمه دى!!
اانا عارف انك مش بتكدبى
ترددت ريهام، لكن بكاء فهد خلى قلبها يحن، اوعدك اوعدك وقفلت المكالمه وهى بتبكى
_______
بعد ما فاقت سألت كيان ريهام، الحيوان دا رن عليكى تانى؟
همست ريهام لا مرنش انا قفلت فى وشه
طيب ورينى التليفون؟
كانت ريهام مسحت الرساله والمكالمات الوارده
اطمنت كيان، ايوه كده مترديش عليه تانى ممكن تضعفى
خلينا نخلص المشكله دى
_________
أوفى فهد بوعده، لم يتصل ريهام مره اخرى، ولم يحضر للشقه لاستلام حاجته ولم يفسخ الخطبه
مضى تلت ايام وعقل ريهام شغال، هو ممكن يكون مات فعلا؟
وهل كيان بتكدب؟
حاولت متتصلش لكن فى الآخر الفضول اللهفه انتصرت على عقلها
اتصلت بفهد
رد عليها صوت غريب
انت مين؟
انا علاء صديق فهد
فهد فين؟
فهد فى المستشفى مش هيقدر يرد على التليفون، الأطباء بيقولو ان حالته صعبه جدا
طيب، اغلقت ريهام المكالمه
فهد بيموت وانا قاعده ساكته كده؟
وضعت ريهام اصبعها فوق ذقنها، بس هو كان مضطر، كيان هى إلى اجبرتة يعمل كده، فهد بيحبنى
ثم تذكرت ما حدث فى الشقه وكيف انه تعمد ازلالها، هزت رأسها بغضب
لكنه محاولش يلمسنى ودا بيأكد انه بيحبنى، كان بيعمل كده علشان يرضى كيان
كيان إلى كانت عامله نفسها شريفه وخايفه عليه بتخطف حبيبى فهد
كانت صوته وهو يسعل يقطع قلبها، بيموت، بيموت وانا قاعده هنا لازم اشوفه واقوله انى مسمحاه
اتصلت بفهد مره تانيه
رد عليها فهد
راح يسعل بشده، مفيش فايده خلاص يا ريهام، انا بودع وامنيتى الاخيره انى اشوفك
يعنى ايه
مفيش آمل؟ الدكاتره قالو ايه؟
الدكاتره بيقولو ان فيه آمل ضعيف، لكن انا حاسس انى هموت خلاص
متقولش كده همست ريهام بعطف، انت هتعيش، هتعيش
وايه فايدتها اعيش وانتى بعيد عنى؟
اختك عملت إلى عايزاه وعمرك ما هتكونى ليه؟
لا
لا
كيان متقدرش تاخدك منى ولا اى ست تانيه
كيان بتضغط عليه علشان اسيبك وانا مفيش فى ايدى طريقه اوقفها
__اكيد فيه طريقه يا فهد
مفيش يا ريهام
الا اذا وسكت فهد
الا اذا ايه قول ساكت ليه؟
مش هينفع يا ريهام مش هينفع اقول حاجه هتفهمينى غلط؟
لا قول هسمعك
همس فهد، لازم نسكت كيان نجبرها تسكت
ودا هيحصل ازاى؟
فكرى انتى يا ريهام انا تعبان مش قادر افكر
لازم نضغط عليها، اه وهمس فهد بمكر عندك صوره ليها؟
لازم نشربها من نفس الكاس
ايوه عندى لحظه كده؟
دخلت كيان الغرفه فجأه وعرفت ان ريهام بتكلم فهد
حطت ايدها على بقها باشارة هس
وفتحت الاسبيكر
همس فهد فين يا ريهام؟ بدور عليها اهو لحظه واحده
مسكت كيان الفون واختارت صوره وشاورلت لريهام تبعتها
بعتتها ريهام لفهد
حلوة يا ريهام لكن دى مفيهاش حاجه صوره عاديه
بعتت كيان صورة تانيه
برضه لسه يا ريهام صوره عاديه
قالت ريهام معنديش صور تانيه، كيان مش بتسيب تليفونها من ايدها
بس يا روحى احنا عايزين صوره كده بشعرها او بلبس البيت حاولى تسرقي تليفونها كده وتاخدى شوية صور؟
حاضر همست ريهام بروح ميته
____
انتهت المكالمه، صرخت كيان تانى يا ريهام؟ انتى متبوتيش عايزه تورطينى انا كمان
همست ريهام بخوف هو قال انك بتضغطى عليه وانه بيحبنى انا
وانك…… خطفتيه منى
عبيطه وغبيه انا هثبتلك ان الكلب دا كداب
هو قالك ايه!؟.
قال انه مريض بيموت فى المستشفى
تمام
طلعت كيان تليفونها، اتصلت بفهد انت مجتش تاخد حجاتك ليه؟
سعل فهد انا مريض جدا بموت
بتموت؟
اه الدكاتره قالو مفيش آمل
وانت فى المستشفى؟
اه
طيب انا هجيب اخويا ووالدى ونيجى نزورك؟
صرخ فهد لا لا، مجيش انا هبقى كويس
لازم اشوفك انت بتموت
دول كانو شوية وجع وراحو خلاص لما سمعت صوتك
صرخت كيان، يا كداب يا حقير،تيجى تاخد حاجتك زى الكلب والا ورحمة امى هخلى اخويا وابويا يجرجورك فى الشارع
صرخ فهد ببرود متزعقيش، انتى الى هتيجى تحت رجلى، متستعجليش على رزقك وبعت صوره لكيان
وعندى صور تانيه تفضحك
يا ابن الك….. انا هوريك بقا جيته لنفسك وقفلت السكه
صدقتى بقا يا ريهام هانم؟
دا شخص حقير وكداب
وقصته خلصت
انا سجلت المكالمتين وهجيب حقك وحقى
من غير كلام طلعت على الصاله، لقيت ابوها قاعد واخوها
ارتجته ميزعلش منها لما يشمع كلامها
وحكت القصه، قصتها هى بس مجبتش سيرة ريهام
بيهددنى بصور عاديه من يوم الخطوبه
وسمعت والدها واخوها المكالمه المسجله
خلال دقايق نزل اخوها وابوها على شقة فهد، كان قاعد بيسكر
قفلو الباب ورنوه علقت موت كسرو كل عضمه وجروه فى الشارع قدام الناس وفضحوه وخدوه على القسم وهناك اتعملو محضر محترم مرفوق بتسجيل المكالمه بتاعت التهديد
كان هناك ضابط محترم بيعرف ربنا وعمله
محضر محترم مفيهش ثغرات، محضر خلى فهد اترمى فى السجن
فى العلاقات لازم الإنسان يكون حريص حتى لو كان خطيب او صديق لان النفس البشريه سيئه والحياه مليانه بلمامة البشر، الإنسان لازم يحافظ على نفسه.
تمت الحمد لله وأرجو ان اكون وصلت معلومة ونصيحة للجميع ويارب احفظ بناتنا من كل شر ومن كل هم . هستنى رأيكم في التعليقات على البوست .. </div>