انا مش ملكك، انت….
اقفلى بقك هتشتمى تانى هسمعك كلام مش كويس وانتى عارفه انى متهور يعنى ابعت صوره لعدى اخوكى او والدك
وشوفى بقا هيحصل ايه؟
همست ارجوك بلاش تعمل كده، سيبنى فى حالى انت عملت إلى فى مزاجك سيبنى بقا
لا مش هسيبك انتى هتفضلى معايا لحد ما ازهق منك ولو فكرتى او جربت فى مره اتصل بيكى ومردتيش هفضحك
بتعمل كده ليه؟ حرام عليك
لانك مكنتيش مطيعه يا حلوة، فهد ميتقلوش لا
همست كنت عارف ان كيان اختى صح؟
أجاب ببرود ايوه
اخترتها علشان كده؟
___ايوه
يا بجاحتك يا اخى
قطعتى علاقتى معايا ليه يا ريرى، قلتلك هتندمى!!
ارجوك، خلاص بقا، انت عملت إلى انت عايزه، سيبنى فى حالى
قلتلك لا، واقفلى دلوقتى علشان كيان بترن عليه
كان التليفون لسه فى ايد ريهام، عبرتها لمحة شرود من تلك التى تغرقنا لما نكون امام قرار محير او أمر صادم غير مضمون الاحتمالات.
فتحت غرفتها بشك، كيان؟ كيان؟ انتى صاحية؟
_ايوة يا ريهام بكلم فهد
كأن الكلمة سوط نزل على ظهرها النحيل العارى، شعرت بالألم ينخر عظامها __
عايزة اتكلم معاكى
مش وقتة يا ريهام ممكن تأجيلها شوية؟
لا دلوقتى لو سمحتى __
مين بيكلمك سأل فهد؟
دى ريهام اختى عايزانى فى موضوع مهم، ممكن ارن عليك بعد شوية؟
بدلع همس لا خليكى معايا
طيب ادينى خمس دقايق يا ريهام؟
__قلتلك لا، اقفلى معاها لازم اتكلم معاك
اعتذرت كيان لفهد وانهت المكالمه
_خير يا ريهام قلقتينى؟
انا عايز اتلكم معاكى عن فهد خطيبك!
بخضه همست كيان مالة؟
فهد مش الشخص إلى انتى متخيلاه يا كيان
وصلت رسالة تليفون ريهام من رقم غريب، بصت ريهام على الرسالة بخضه
فتحت الرساله وبقها اتعوج من الصدمه، صورة ليها بشعرها مع كلمة بحبك متبوعه باموشن غاضب
كلمينى دلوقتى والا هبعتها لاختك
ماله فهد يا ريهام قلقتينى؟
ملوش يا كيان، اما كنت بهزر معاكى، بلعتى الخدعه صح همست بحزن
يا شيخه وقعتى قلبى، افتكرته مش كويس او بيلعب بديله
تصبحى على خير وغادرت ريهام الغرفه
عايز ايه؟
مش انا الى يتقلى عايز ايه يا ريهام، اما أأمر وانتى تنفذى
كفايه بقا صرخت ريهام بصوت مكتوم انحشر داخلها
كنتى هتقولى لاختك ايه عليه؟ انتى لسه متعرفيش فهد
مشفتيش الوش التانى
اقفل همست بخوف مش هقفل واسمعى بقا يا حلوة، هترجعى لاختك وهتمدحى ادبى
فاهمه ادبى يا ريهام، اصل انا مؤدب جدا
مقدرش ادخل غرفتها دلوقتى بكرة الصبح
لا دلوقتى وارسل لها صوره أخرى جعلتها ترتعش
انت ازاى عندك الصورة دى، جبتها ازاى؟
عندى كتير يا ريرى، يلا خليكى مطيعه لفهود ونفذى الأمر بدل ما……..
ثم بعد ما تخلصى معاها عايزك تكلمينى، اصب مزاجى معكر شويه
قفلت ريهام التليفون وقعدت تبكى، رجعت المحادثات بينها وبين فهد تحاول تطلع منها دليل برأتها، كان حويط جدا ومفيش حاجه تثبت انه متورط معاها فى حاجه
الهم ركبها اكتر وفهد بيرن عليها
رمت التليفون على السرير وفى نوبة غضب قفلت التليفون واترمت على السرير تبكى
متعرفش نامت ازاى، لكنها سمعت صوت والدتها بتصحيها الصبح علشان الفطار
مسكت تليفونها بسرعه وفتحته بخضه، لقيت رسالة تهديد من فهد، رسالة غاضبه محذره
ورحمة امى لاربيك_ى
جلست ريهام على المائده شاردة، اكتر من فكرة بتدور فى دماغها
تحكى لأمها والى يحصل يحصل؟ بس امها هتقول لوالدها واخوها وفهد معاه صور ليها
حست ان صدرها ضاق لما فكرت فى الاحتمالات بتاعت فضيحتها قدام والدها واخوها، ابوها إلى وثق فيها اكتر من اى حد
لا مش هقلهم حاجه، مش هقول همست داخلها وهى تنظر تجاه والدها واخيها ووالدتها
شعرت ان اللقمه واقفه فى زورها، سابت الاكل وقامت على غرفتها
هعمل ايه بس؟
هطلب منه الصور واشوف يقول ايه
اتصلت على فهد، الساعه كانت تسعه الصبح
فتح التليفون، انتى مش عارفه الساعه كام يا بنتى انتى؟
انا كنت سهران مع اختك
شرختها الكلمه نصين لكن تمالكت نفسها
فهد انا عايزة صورى إلى معاكى؟
ضحك فهد، قهقه بصوت عالى، لا دا انا لازم افوق بقا يا ريرى
عايزه ايه يا حلوة؟
عايزه الصور يا فهد
بسهوله كده يا ريرى؟
دخول الحمام مش زى خروجه ياماما
عايز ايه يا فهد؟ عايز فلوس؟. __عايزك انتى يا ريرى
كل الى حرمتينى منه وقطعتى علاقتك معايا بسببه
انت مجنون صح؟
مستحيل دا يحصل
براحتك انا قولت كلامى وبعدين انا عايز انام
طيب استنى لحظه
عايز ايه بالظبط؟
نتقابل يا ريرى
فين يا فهد
فى المكان إلى انا احدده
ايوه فين يعنى؟
فى شقة صلاح يا ريرى
قبل المغرب غيرت هدومها، اختارت شنطه كبيرة واخفت جواها سكينة، اتحججت انها هتزور صاحبتها
اول ما نزلت الشارع رن عليها
نزلتى؟
__ايوة نزلت
حلو اووى، عارفه العنوان؟
ايوه عارفه يا فهد
صمت، فهد ارجوك بلاش انا عملت كل إلى انت عايزة بلاش نوصل لكده؟
مش بمزاجك، بعد ما اخد إلى عايزه هسيبك ولا كأنى اعرفك
وانا اعمل ايه؟ اتفضح؟
اعملى عمليه كلها بألفين جنيه هبقى اديهملك قبل ما تنزلى
همست بلاش يا فهد حرام عليك!!
اركبى تاكسى وتعالى بسرعه، اخلصى وقصرى فى الكلام يا ريرى
وكانت تصر لتريح ضميرها، ان القرار الذى اتخذته كان يحتاج للدعم والتثبيت
هتشق بطنه، تعيش بقية عمرها فى السجن اشرف من انها تقضى بقية حياتها فى العار
كانت عارفه ان فهد حيوان ومش هيكتفى منها، مطالبه هتزيد كل مره اكتر
ركبت مواصلات ونزلت تحت عنوان الشقه، وصلتها رساله من فهد اطلعى بسرعه انا مستنيكى
فى الأول قررت نفسها، لكن بعد تفكير لقيت ان لفهد افضل علشان تحمى كيان من خيانته يدوبك هتتحرك __
سمعت
انتى يا بنتى؟
بصت ريهام على الصوت لقيت ست عجوزة ضهرها محنى نعم يا والدتى؟ قربت ريهام من الست
من فضلك ساعدينى اعدى الشارع، نظرى ضعيف وخايفه عربيه تخبطنى
من غير تفكير قالت ريهام حاضر على عينى
شالت الأكياس من الست العجوزه ومسكت ايدها
وكل ما تروح تعدى الشارع الست تقف بخوف استنى العربيه إلى جايه تعدى
مرتين
تلاته على كده
همست المرأه بعد خمس دقايق، الشارع فضى يا بنتى؟
ايوه فضى يا والدتى
طيب ممكن نعدى دلوقتى، سندت ريهام الست وعدو الطريق ببطيء
اول ما وصلو الناحيه التانيه، الست دعت ليها، روحى ربنا يسترك يا بنتى دنيا وآخره
اوصلك مكان تانى؟
لا شكرا انا عطلتك كتير كفايه كده، روحى مشوارك
تنهدت ريهام، مدخل العماره كان قريب منها، وقبل ما تتحرك
شافت اتنين طالعين العماره
واحد فيهم شافته ريهام قبل كده، صاحب فهد
يا ابن __الو___س
شتمت ريهام برعب، وهى بتختفى لبعيد بسرعه
انتى فين؟ مطلعتيش ليه؟ كل ده على السلم؟
انا مشيت يا فهد، مش هطلعك
هو لعب عيال يا بت؟ يلا اطلعى وسمعت ريهام صوت ضحك جنب فهد
بيد مرتعشة قفلت ريهام التليفون وهى مروحه دموعها مبطلتش تنزل من عنيها
انا كنت هروح فى داهيه؟
الحمد لله يارب، الحمد لله
ايه يا معلم؟
فين البت؟
صرخ فهد ورحمة امى لاربيها واخليها تبوس ايدى
واخد بعضه على بيت خطيبته كيان
ريهام اعصابها كانت منهاره اتأخرت شوية فى الرجوع
فهد وصل قبلها
اول ما فتحت الشقه لقيت فهد قاعد مع كيان
بصت ريهام على الأرض ومشيت ناحيت غرفتها !!
___انتى زعلانة منى ولا آيه؟
خاطبها فهد بكل برود وعلى وجهه ابتسامه صفرة تعكس نيته
مردتش ريهام عملت نفسها مش سامعه وكانت وصلت غرفتها
ريهام _؟ صرخت كيان، انتى مش شايفه فهد ولا ايه؟ تعالى سلمى عليه!
تنهدت ريهام بغضب، رجعت خطوات وسلمت على فهد،
فهد ضغط على ايدها بخفه وهمست شفايفه وحشتينى دون كلام
نزعت ريهام ايدها بسرعه، انا هدخل غرفتى تعبانه شويه
الغريب ان فهد كمان استأذن ومشى بطريقة خلت كيان تشك
دلخت اوضة ريهام
ريهام؟ ينفع تعملى كده؟ فهد زعل ومشى
وانا مالى يمشى ولا يقعد؟ ايه علاقتى بيه؟
__انتى دخلتى الشقه ومعبرتيناش يا كيان ودى مش عوايدك
فيه ايه؟
عايزه تعرفى فيه ايه يا كيان؟
همست ريهام بنبره صارمه
ايوه عايزه اعرف يا ريهام
بصت ريهام على كيان، فهد مينفعكيش يا كيان، دا شخص سيء
فتحت كيان بقها بصدمه، شيء ازاى؟
اخترعت ريهام فكرة، سمعت عنه انه انسان مش كويس ومتعدد العلاقات
ابتسمت كيان، دى اشاعات يا ريهام، اشاعات
لا مش اشاعات يا كيان، انتى لازم تعرفى الحقيقه كلها
فهد كان على علاقه يبا قبل ما يخطبك
علاقه ازاى؟
صرخت كيان
وطى صوتك همست ريهام بخوف
فهد كان يعرفنى قبلك وكنا بنتقابل وكان مسمى نفسه احمد
شخص كذاب وقذر
طول عمرك مش بتحبيلى الخير يا ريهام، لكن مكنتش اتخيل ان حقدك عليه يوصل لكده
تخترعى كدبه علشان تفشكلى خطوبتى
والله العظيم بقول الحقيقه يا كيان، مش بكدب عليكى
ولو سألتى فهد هيقلك كده
اتصلى بيه وانتى تعرفى الحقيقه، دا بيهددنى بصورى إلى عنده، شخص قذر وخاين
كيان مش قادره تصدق واقفه متخشبه بخوف
دى مش خدعه صح؟ ريهام؟
والله بقولك الحقيقه
طلعت ريهام تليفونها واتصلت بفهد
فهد؟
فيه حاجه مهمه عايزه اعرفه منك
قولى يا كيان، خير فيه ايه؟
انت… انت كنت على علاقه بريهام اختى؟
ضحك فهد، كنت متوقع انها هتعكس الحقائق وتعمل كده
بصى بقا اختك عينها منى من اول ما دخلت الشقه عندكم
ولما صديتها هددتنى انها هتقلك كده
صمتت كيان وهى بتبص على ريهام، كمل فهد وهبعتلك رساله علشان تصدقى بس بلاش تخلى اختك تشوفها
مفيش لحظه ووصلت رساله تليفون كيان اسكرين شوت من الواتس من رقم ريهام
وحشتنى اووى مش راضى ترد عليه ليه؟
كان تاريخ الرساله ممسوح ووقتها لكن كيان كانت فى حالة غصب متسمحش بالتفكير
ها صدقتى؟ لازم نتخلص منه بسرعه، الزفت ده مش لازم يدخل الشقه هنا تانى؟
بصت كيان على ريهام بغضب، متفتحيش بقك تانى، مسمعش صوتك ولا كلمه
والله لولا انتى اختى لكنت عملت حجات مش كويسه ووريت الرساله لوالدى ووالدتى، وصلت بيكى انك تراسلى خطيبى؟
للدرجه دى معندكيش اخلاق؟
همست ريهام والله ما حصل، انا صادقه معاكى
__انتى كدابه ومن فضلك اسكتى، من اللحظه دى انتى مش اختى ولسانك ميخاطبش لسانى مره تانيه احسنلك
اعتبرى دا تحذير
وهى خارجه من الغرفه سمعت ريهام كيان بتكلم فهد وبتعتذرله عن الموقف البايخ إلى حصل وبتترجى فيه ميزعلش منها
تأكدت ريهام ان فهد محتفظ بالريكوردات والمسج قبل انفصالها عنه، ياما حلفلها انه مسح المسجات لكنها انتظر ابه من انسان قذر؟
فهد ممكن يعمل اى حاجه، ورغم فشلها كانت مبسوطه انها طلعت إلى جواها لكيان، انها قدرت تتكلم، وكان عليها ان تتوقع العقاب الفورى من فهد
مجموعة رسايل وصور من رقمها لرقمه، صور مخجله، بكره نفس المكان يا ريهام، مش هحلف لكن لو بكره ملقتيش فى الشقه الرسايل دى هتكون عند والدك
ريهام حافظه فهد، شعرت ان دا مش مجرد تهديد وان فهد هيعمل كده فعلا
اتصلت بيه اكتر من مره وطنشها، فضلت تتصل لحد ما رد عليها، ترجته يرحمحها ويستر عليها وانها ممكن تدفعله فلوس او اى حاجه تانيه غير.. جس…….
مه…
لحد ما بكت فى التليفون وعيطت كان فاكراه هيحن او عنده قلب لكن فهد كان صارم
انا ممكن أصفح عنك يا ريهام
بجد يافهد؟
ايوه بجد
هتعملى حاجه بسيطه واوعدك أنهى كل القصه
اعمل ايه يا فهد
هتيجى الشقه، هتترجينى امسح الصور عايز اسمع ده منك وانتى قدامى
عايز أزلك يا ريهام
كتمت صرخه جواها، لكن كانت عارفه ان مفيش حل تانى
لو وصلت الصور لوالدها
وعدت ليله كئيبه كأنها منتظره حكم بالإعدام، وكيان اختها قاطعه الكلام معاها ومديها وش خشب ونظرات
الغريب ان فهد متصلش بيها او بعت اى رساله ودا زاد القلق عندها
فهد ناوى يعمل إلى هددها بيه
اخدت بعضها ونزلت، وصلت مكان الشقه وهى فى الشارع وقفت لحظات مرتبكه
بعدها
طلعت على الشقه، الباب كان مفتوح، جمسها كله بيرتعش من الخوف
دخلت الشقه إلى كانت فاضيه على غير توقعها، بعد عشر دقايق وصل فهد
قفل باب الشقه وبصلها بغضب، انتى عارفه عملتى ابه امبارح؟
احرجتينى قدام صحابى كأنى ولا حاجه
ابعد عنى همست ريهام لما فهد قرب منها
لكن فهد واصل تقدمه، قرب من وشها، اسمعى واوزنى الكلام بقا
انتى ملكى ومفيش حاجه تقدر تغير الواقع ده وكل ما عنادك هيزيد هعند اكتر
عايز ايه؟
همست ريهام، يا اخى خلى عندك دم وسبنى فى حالى
قعد فهد على الكرسى وولع سيجارة، الظاهر انك مش فاهمه الوضع كويس يا ريرى
حياتك كلها ملكى بين صوابعى انا اقدر اسحقك واقدر اخليكى تعيشى كويس
عايز ايه همست ريهام برعب
عايزك مطيعه يا ريرى زى ما كنتى زمان
تعالى هنا؟ قربى! خايفه ليه؟ انا مش هكلك
مشيت ريهام ووقفت قدامه
اعتذرى عن إلى عملتيه امبارح
انا اسفه همست ريهام بخوف
مش كده !!
وطى يا ريهام، ازحفى زى الك…..
مش هعمل كده، صرخت ريهام بغيظ
هتعملى إلى انا عايزة يا ريرى ودلوقتى حالا، وصرخ وطى
مد ايده وهو قاعد على الكرسى اعتذرى يا ب… ت
شافت الغضب فى عنيه، الغدر والخيانه، لو عملت كده هتسيبنى فى حالى؟
ابتسم فهد، ولوح بايده، تعالى
انحنت ريهام، مسكت ايده وباستها
خلاص هتسيبنى فى حالى؟
__أطلق فهد ابتسامة مريضة والقى بنظرة من طرف عينه على تللك المخلوقه التى كانت منذ ساعات من ليلة مستعصيه عليه، شعر برطوبة شفتيها على يده
___همست ريهام بضعف مره اخرى هتسامحنى؟
استطعم فهد الكلمه، شعر ان لها نغمه غريبة، انه لم يشعر بضعف ريهام مثل هذة المرة
وسأل نفسه احقآ استجدائها نابع من داخلها ام مجرد حيلة؟
انا عايزه امشى وجودى معاك هنا غلط كبير، انا ممكن اتفضح فى اى لحظه
متخفيش، همس فهد بنبره قويه صارمة، انا بعت البواب مشوار ومش هيرجع غير لما اتصل عليه
والشقق إلى فى العماره كل فى حالها، غرباء عن المنطقه
يعنى ايه؟ صرخت ريهام بنبره مشروخه؟
متزعقيش ونهض فهد ملوح بيده، صوتك يبقى واطى وضغط على مخارج الحروف
ولمعت عنيه لمعه غريبه وقعد على الكرسى، وهمس بلا مبلاه رجلى وجعانى
دار صوته داخل جدران الشقه ورجع تانى، بقلك رجلى واجعانى
بتكلمنى انا؟
ايوه انتى
وانا مالى راجلك وجعاك ولا لا
ابتسم فهد ابتسامه صفرة، دلكى رجلى يا ريرى
انت فتحت ريرى بقها تشتم…. هسسسسسس، متخلينيش استعمل العنف معاكى او اتهور وانتى عارفه ممكن اعمل فيكى ايه؟
حست ريهام بالخوف، كأنها اول لحظه تدرك انها فى شقه مغلقه مع فهد
همست عايز ايه؟
مد فهد رجله، دلكى رجلى
تنهدت ريهام بغضب ومدت ايد قاسيه على رجل فهد
نزع فهد رجله مش كده، قلعينى الشراب
مستحيل انت بتقول ايه؟
صرخ فهد قلعينى الشراب
_______
على مدار يومين كانت كيان بتفكر فى كلام ريهام
ريهام عمرها ما كدبت عليها ولا بصت لحاجه فى ايدها
لكن كلامها غريب جدا، ازاى تصدق ان فهد بيضحك عليها؟
لو كان صديق ريهام او عايزها، ارتبط بيها ليه؟
اختارها ليه؟
تذكرت الرسائل والفويس، طيب فهد هيكدب ليه؟
مشيت على غرفة ريهام، مكنتش تعرف انها خرجت، ريهام ممكن تشرحلى الرسايل دي سببها ايه؟
طلعت تليفونها وبصت على الرسايل، التاريخ ممسوح والوقت كمان
هو ليه عمل كده؟
معقول تكون رسايل قديمه؟
اتصلت على فهد، مردش عليها، اتصلت بريهام
مين بيكلمك؟ سألها فهد وهو ماسك تليفونه
دى كيان يا فهد!
طيب ردى عليها
همست كيان حاضررر
امرها فهد، استنى متسيبيش رجلى، ردى عليها وانتى كده
ايوه يا كيان ردت ريهام بنبره مكسوره،
كيان انا فكرت فى الكلام إلى قلتيه عن فهد
بجد؟
همست ريهام بفرحه
مسك فهد ودن ريهام وضغط عليها، همس افتحى الاسبيكر
ترددت ريهام، لكن مكنش قدامها حل تانى
فتحت الاسبيكر وفهد امرها ترد عادى
كيان، الرسايل إلى وصلتنى من فهد من غير تاريخ ودا خلانى اشك فيها
ارجعى من مشوارك وانا هسمعك
ابتسم فهد، مكنش عامل حساب كده، يلا ولكز ريهام برجله فى جسمها روحى وخلى تليفونك مفتوح
رجلى هتحتاج تدليك تانى
ريهام سابت الشقه وهى مش مصدقه ان فهد مهجمش عليها
كانت ماشيه فى الشارع تكاد تجرى
هقول لكيان على كل حاجه، مش هخبى عليها اى سر
اتصل
فهد بواحد صديقه فنى تليفونات كلمه على المشكله إلى عنده
صديقه شرحله ان فيه برامج كتير بتعدل النصوص وتضيف عليها
فهد قال ان هاجى عندك فورا تشرحلى اعمل كده ازاى
فى غرفة كيان أقسمت ريهام على كل حرف أخبرت به اختها، منذ اول لقاء وحتى الفراق، ثم ما حدث بعد ذلك، حتى انها قصت على كيان ما حدث اليوم فى شقة فهد
شافت ريهام الرسايل عند كيان وقعدت تبكى،انا كنت فاكراه صادق وحبيته بجد
لكن لما حاول ياخدنى لمنطقه مش كويسه سبته وقطعت علاقتى بيه لحد ما تفاجأت انه جاى يخطبك
___الرسايل إلى بعته فهد
تواريخها ممسوحه ودا مش صدفه
همست ريهام، دا انسان خاين وقذر وممكن يعمل اى حاجه
عنده حل لكل مشكله بيقع فيها
ارجوكى يا كيان متصدقيش على اختك حاجه وحشه والله العظيم مظلومه
لم يتأخر فهد، اتصل بكيان، كيان مرضتش تفاتحه فى حاجه، قالتله كل حاجه قسمه ونصيب، يا ريت تيجى تاخد الحاجه بتاعتك
زعق فهد فيه ايه؟
ليه بتقولى كده؟
حصل حاجه؟
انت عارف عملت ايه، وياريت تحترم نفسك وتيجى تاخد الحاجه بتاعتك، انا خلاص فسخت الخطوبه
ريهام كانت بتسمع الكلام ومش مصدقه نفسها، كيان طول عمرها صارمه
لكن حست ان وجعها خف، حست ان كيان انتقمت ليها
قعدت على الأرض تبكى وتنوح
انهت كيان المكالمه واخدت ريهام فى حضنها، متبكيش انا اسفه انى شككت فى كلامك
اهدى خلاص، بطلى عياط؟
معاه صورى يا كيان بيهددنى بيها، ممكن يبعتها لابونا او اخونا
متخفيش، همست كيان انا هتصرف، هتصرف وربتت على كتف رياهم برقه