بقلم ياسمين علاء-3

في بيت شبل. كان الغضب هو سيد الامر

شبل : كيف يعني يتجوز عليكي. هو مش عارف انتي بت مين.

دهب : اهدا بس يا شبل
شبل : مش ههدا يا دهب . يرضيك اللي عمله يونس ده

دهب : لا طبعا. بس اهدا علشان نعرف عمل كده ليه.

ماسه : انا اللي قولتله يتجوزها

لم يفهم ما قالته : كيف يعني.
ماسه : اهدا وانا احكيلك

جلس شبل وهي حكت ما حدث وكيف ان شوق استغلت معرفه مكان نوح . لتتزوج يونس.

صمت حل في المكان.

دهب : هي عرفت مكان نوح منين
شبل : اكيد هي اللي خطفته علشان تكمل خطتها.

دهب : ممكن
ماسه : معرفش ومش عايزه اعرف حاجه . انا المهم عندي ان نوح معايا ومش هرجع هناك تاني.

شبل : كيف يعني . هتسيبي بيتم وجوزك للحيوانه دي

ماسه : لو مش عايزني هنا. انا همشي واقعد في مكان تاني

شبل : انتي مجنونه

دهب : سبيها يا شبل. هي دلوقتي تعبانه خليها ترتاح

شبل نظر لاخته ليجد علامات التعب والارهاق باديه علي وجهها

شبل : اطلعي ارتاحي فوق في غرفتك

اخذتها دهب وصعدت معاها الي الغرفه.

ماسه : شكرا.

جلست علي الفراش بتعب وخلعت حجابها ووضعت ابنها علي قدمها وارضعته وهي تنظر اليه بحنان.

تمددت بجانبه علي الفراش ووضعته علي يدها ونامت معه .

……..
. يونس نزل لابيه ولامه : محدش يفتح الباب ليها. ولا يطلعلها اكل.

الراجي : كيف يعني. دي بنت عمك
يونس : انا عمري ما كرهت حد . بس كرهتها هي. انت عارف اني مبحبش اللي يلوي دراعي وبنت اخوك هي الوحيده اللي عملتها .

الراجي : اهدا يا ولدي

يونس : اهدي كيف يا بوي .

خرج من البيت وهو غاضب.

تعب من كل شئ.

كان يسير ولا يعلم الي اين. حتي وجد نفسه امام بيت شبل

طرق علي الباب
. فتح شبل وتفاجا به

يونس : عايز اتكلم مع ماسه

شبل : ادخل.

دخل يونس وهو ينظر الي البيت

شبل : شوق هي اللي خطفت نوح
يونس : معرفش ومش عايزه تتكلم .

شبل : ماسه مش عايزه ترجع البيت تاني.

يونس : هي فين
شبل : فوق
يونس : عايز اطلعلها

شبل : تعال.
اخذه شبل الي غرفه ماسه.

فتح يونس الباب وجدها تنام وابنها في احضانها ..

جلس علي الفراش ينظر اليهم .

يونس : عنيده وراسك صخره .

كان يريد ان يوقظها. ولكن احس بالتعب فهو لم ينم منذ يومين .

خلع حذائه وتمدد بجانبها علي الفراش.

ليذهب للنوم سريعا ..

……….

دهب كانت تجلس في غرفتها. ليدخل شبل عليها

شبل : يونس هنا.
دهب ضحكت : اكيد هيصالح ماسه

شبل : ربنا يهديها. بس انا عارف عند ماسه. هترفض ترجع

دهب : بس يونس بيحبها. وهيقنعها
شبل : ربنا يهديهم
دهب : يارب

………….ً

مر اليوم بتعبه وارهاقها

في اليوم التالي.

استيقظت ماسه علي صوت بكاء طفلها

واحست بيد تحيط بها ..

تعلم انه يونس. ابتعدت عنه. وجلست علي الفراش وفي احضانها ابنها.

اطعمته وهي تنظر الي.يونس لن تسامحه علي ما فعله بها . رفع يده عليها لثاني مره . ايضا اتهمها بالاهمال
وانها السبب في ضياع ابنها.

فتح عينه ليجدها تجلس ونوح علي يدها

يونس: صباح الخير .
ماسه: صباح الخير. .

يونس: جيت بليل وكنتي نايمه . وباين عليكي التعب

ماسه:جيت ليه
يونس: جيت علشانك

ماسه: اللي بينا انتهي خلاص. طلقني

يونس : مستحيل اطلقك. انا عارف انك غيرانه علشان اتزوجت شوق. بس هي عمرها ما هتاخد مكانك في قلبي . وله هتكون مرتي

ماسه : انا مش غيرانه. لانك خلاص مبقتش تهمني.

يونس : اتعدلي يا ماسه. وبطلي دلع
ماسه : انا مش بدلع. وانا قولتلك اللي عندي. اللي بينا خلاص خلص.

يونس : انتي فاكره اللي بينا جواز وبس . في ولد. وفي حب وفي حياه بينا

ماسه : ده ولدي انا. وانت معاك مرتك هناك. هات غيره. وعيش معاها. انا مش هرجع تاني وله هضايقك ..

يونس : اهدي يا ماسه . انتي عارفه اني بحبك

ماسه : حب مرتك التانيه
ابتسم. : وهتتحملي يعني احب غيرك

ماسه : ولا يهمني
يونس : بجد . يعني اروح ليها

ماسه: روح مكان ما تحب . واتجوز عشره حتي

يونس وهو يتمدد علي الفراش ويده خلف رقابته.

يونس: فكره برضو اتجوز عشره واعيش ملك واخلف عيال كتير. حوليا كده يلعبو

ماسه بغيظ : مش عايزه اعرف هتعمل ايه . روح اعمل اللي تعمله

يونس : ما انا بفكر معاكي
ماسه : قولتلك ملكش صالح بيا. فكر بعيد

يونس : ماشي.

وقف من علي الفراش : همشي انا

ماسه بغيظ وهي تهمس : يكش تنكسر رقابتك
يونس : بتقولي حاجه يا ماستي

ماسه تركت ابنها علي الفراش ووقفت امامه بغيظ

ماسه : متقوليش ماستك. انا مش ماسه حد.

يونس : كيف يعني. ماستي انا

ماسه بغيره : روح لشوقك هي اللي ليك

ضحك يونس وضمها اليه رغم عنها وهي تتحرك بقوه

يونس : وغيرانه ليه .دلوقت
ماسه : بعد عني . انا مش غيرانه.

يونس : الغيره هتنط من عينك ..
ماسه : دي اوهام في دماغك . ابعد كده

يونس زاد علي ضمتها لتتاوه بالم

يونس : هو انا مش قولت قبل كده انا صوتك ميعلاش عليا . لا وكمان بتتعصبي . مين السبب في كل ده . مش انتي اللي اخترتي الطريق ده .

ماسه : هو ده الطريق الوحيد اللي كنت هرجع بيه نوح

يونس : كنتي قولي يا ماسه وانا كنت قتـ,ـلتها حتي ورجعت ولدي . بس انتي عنيده وراسك صلبه.

ماسه : انت اللي رميت عليا ذنب خطف نوح.

يونس : كنت هتجنن . ولدي اتخطف بعد اسبوع. وانتي عارفه اني اما بغضب مش بشوف قدامي

ماسه : انا مش هرجع تاني هناك.

يونس: لو عايزه تفضلي هنا. خليكي.

ماسه: روح الحق مرتك.

يونس : انتي مرتي يا ماسه. وشوق متهمنيش في حاجه.
ارتاحي ..

قبل جبينها ثم ذهب لابنه وقبل راسه

يونس : خلي بالك من نفسك ومن نوح

تركها وخرج من الغرفه ومن البيت. كله
…………… … ……..

كيف سيكشفون مخطط شوق ؟
ومتي سيعرفون الحقيقه ؟؟

~~~~~~~~~~~~~~~~

بنت اكابر ( ثار)
– 22 –

👑اللَّهُمَّ أَنْتَ رَبِّي لا إِلَهَ إِلا أَنْتَ ، عَلَيْكَ تَوَكَّلْتُ ، وَأَنْتَ رَبُّ الْعَرْشِ الْعَظِيمِ , مَا شَاءَ اللَّهُ كَانَ ، وَمَا لَمْ يَشَأْ لَمْ يَكُنْ ، وَلا حَوْلَ وَلا قُوَّةَ إِلا بِاللَّهِ الْعَلِيِّ الْعَظِيمِ , أَعْلَمُ أَنَّ اللَّهَ عَلَى كُلِّ شَيْءٍ قَدِيرٌ ، وَأَنَّ اللَّهَ قَدْ أَحَاطَ بِكُلِّ شَيْءٍ عِلْمًا , اللَّهُمَّ إِنِّي أَعُوذُ بِكَ مِنْ شَرِّ نَفْسِي ، وَمِنْ شَرِّ كُلِّ دَابَّةٍ أَنْتَ آخِذٌ بِنَاصِيَتِهَا ، إِنَّ رَبِّي عَلَى صِرَاطٍ مُسْتَقِيمٍ👑

تقابل شبل مع يونس ليتحدثو في امر زواجه.

يونس: انا عمري ما كنت افكر اعمل كده. بس اختك دماغها صلبه

شبل : اللي حصل حصل يا يونس. بس دلوقت اهل شاديه. بيفولو ان اللي قتـ,ـل بنتهم ماسه.
يونس: كيف يعني

شبل : انهارده جت امها وابوها. وقالولي ان ماسه هي اللي قـ,ـتلتها. لانها ملهاش اعداء

يونس: وقولتلهم ايه
شبل: قولتهم ان ده محصلش. بس هما مش مصدقين. بس طبعا ان عارف ان بالمشكله دي ممكن يحصل ايه

. الراجي دخل عليهم وهو علي ملامحه الجديه الغضب
.
يونس: في ايه يا بوي

الراجي: اهل شاديه . طالبني بتار بنتهم . وبيقولو ان ماسه هي اللي قتـ,ـلتها
. يونس : وماسه هتقـ,ـتلها ليه

الراجي: بيقولو انها هي الوحيده اللي ليها عدواه معاها . خصوصا اما روحنا ندور علي نوح ابنك وهي كانت معانا.
.

شبل : دي شراره حرب تاني يا يونس. واللي عايز يصطاد في الميه العكره دي فرصته

الراجي: فعلا يا ولدي. هما طالبين بالتار.

يونس: تار ايه الي عايزينهم . بنتهم دي خطفت ولدي . يعني لو كانت لسه عايش كنت هقـ,ـتلها بيدي

شبل : مفيش غير حل واحد . نعرف مين قـ,ـتل شاديه.

يونس: هنعرف كيف .

شبل : مخبرش . فكر.

…………………

كانت تجلس وفي احضانها نوح ابنها.

دهب: نوح نام. خليه علي السرير
ماسه بخوف: لا .

دهب: متخفيش كده . نومه علي السرير احسن ليه
ماسه: مش هيبعد عني

نظرت لها ووجدت الخوف واضح عليها

دهب: ماسه.متخفيش عليه . هنا محدش هيآذيه
ماسه : وافرضي خطفوه تاني. اعمل ايه انا. انا كنت بمـ,ـوت حرفيا وهو بعيد عني

دهب: بس دي مشكله وخلصت. انسيها وكملي الحياه
.ماسه : انتي مش حاسه بالنار اللي جوايا .

دهب : ابنك هو ابني. زي فراس تماما. وهو كمان ابن اخويا. يعني غالي عليا
ماسه: سبيني براحتي يا دهب . نوح مش هيبعد عن عيني ابدا

دهب : بكره يكبر ويروح المدرسه
ماسه : هروح معاه

ضحكت دهب. : يا سلام
ماسه باصرار : مش بهزر . بتكلم بجد نوح مش هيبعد عني.

لم ترد ان تزيد عليها دهب. فهي ما زالت تعاني من صدمه اختطاف نوح. مع الايام ستتخطي حاجز الخوف هذا وتعيش طبيعي .

…………..

يونس وشبل والراجي كاتة يفكرون في حل للخروج من هذه الازمه. يجب ان يجدو الفاعل عاجلا . قبل ان تحدث مشكله كبيره ..

شبل : موبيل شاديه . اكيد كان معاها موبيل وبتكلم حد

يونس : معرفش. هشوف كده

الراجي : كمان هندور في المكان اللي انقـ,ـتلت فيه. ممكن نلاقي دليل

يونس : صح . ازاي غابت عني الفكره دي .

شبل : لازم نبدا من دلوقت .
موبيلها اكيد مع جثتها

يونس وقف. : هاخد الرجاله واروح

شبل : يونس في حاجه تاني.
يونس : في ايه

شبل : شوق. انا حاسس ان ليها يد في كل ده. مش بقول كده علشان انت اتجوزتها. بس عندي احساس ان هي السبب

يونس : نفس احساسي. ضربتها وحبستها ومش عايزه تنطق

شبل : استخدم طريقه تانيه.

يونس : طريقه ايه
شبل : طريقه تانيه يا يونس. هو انا اللي هقولك يعني

يونس : لا . انا وعدت ماسه
شبل : اتصرف يا يونس. سلام

خرج شبل وترك يونس يفكر.
.
خرج مع الرجال وذهب الي مكان الذي انقتـ,ـلت به شاديه وراح يبحث في المكان مع الرجال. ليجد سلسله واقعه علي الارض.

اخذه ونظر له .. اكيد اللي قـ,ـتل ست. لكن هو لايعلم لمن هذه السلسله . بحث في كل مكان ولم يجد شئ اخر .

ذهب الي بيت شاديه. ليجد ابيها وامها

ابو شاديه : حق بتي. انت كبير القبيله . وهترجعي حقي حتي لو كن مرتك

يونس : مرتي مقتـ,ـلتش حد . وعندي الدليل
ابوشاديه : وايه هو

اخرج يونس السلسله من جيبه : ده الدليل.

اللي قـ,ـتلت شاديه هي واحده ست ودي السلسله بتاعتها. عليه دم شاديه ومقطوعه .

ابو شاديه: ده دليل ايه. ما هي ممكن تكون لمرتك
يونس : مش ليها. انا عارف حاجه مرتي
. موبيل شاديه فين

ابو شاديه: هنا كان معاها في ملابسها

يونس : اكيد اللي قـ,ـتلتها اتصلت بيها.

دخل ابو شاديه واخضر الهاتف. ليبحث يونس به. ووجد رقم شوق .

يونس : ليلتك طين.

ابو شاديه: عرفت مين اللي اتصل
يونس : اه . .حق بتك هيرجع . مع انها خطفت ولدي . بس الحق حق .

ابو شاديه: مين اللي قتـ,ـلتها

يونس : هتعرف بليل . بعد صلاه العشا .تعال علي الخيمه

خرج يونس وهو يتوعد لشوق. في الطريق تحدث مع الشيخ الراجي وقص له ما وجده . وكيف تاكد ان شوق هي من قـ,ـتلت شاديه وكانت السبب في خطف نوح

…………………..
في هذا الوقت كان شبل في البيت يطمان علي دهب وماسه

جلسو معا وحكي لهم ما حدث.

شبل : وانا شاكك في شوق
ماسه : يونس قال ايه

دهب : يونس بيحبك يا ماسه وعمره ما كان يفكر يتجوز غيرك . بس انتي اللي اصريتي عليه يعمل كده

ماسه: وكنتي عايزاني اعمل ايه . هي دي الطريقه اللي بيها ارجع نوح تاني

شبل : وعملتي اللي في دماغك . ودلوقتي سيبي يونس هو هيتصرف ويحل المشكله . بس بلاش تكوني عنيده خليكي في صفه مش ضده .

وقفت ماسه : انتم كلكم بتتكلمو اني عملت كده بمزاجي. محدش حاسس بالنار القايده اللي جوايا .

دهب : حاسين بيكي يا ماسه. وعايزين راحتك كمان

شبل: انتي اوقات بتتصرفي غلط .

ماسه نظرت له بدموع ايمكن يكون كلامهم حقيقه وهي تصرفت بطريقه خاطئه

……………..

رجع يونس الي البيت وصعد لغرفه التي توجد بداخلها شوق.

فتح الباب لتنظر له بابتسامه وجد الطعام بجانبها

ليصرخ بهم : مين دخل الاكل هنا

ام يونس : انا. هسيبها تمـ,ـوت يا ولدي

يونس : ليه يا امي تكسري كلمتي
ام يونس: مجليش قلب يا ولدي اسيبها من غير اكل .

يونس : ماشي يا امي ..

دخل الغرفه مره اخري لتقدم وتقف امامه

شوق: واحشتني
يونس : خطفتي ابني ليه.