ظل

ورجالة الجبل وداخل كده لا احم ولا دستور مرعي بص لبتول بغضب وقال..لينا عنديك بهيمه شارده يا عمده حمدان بص للبنت وفهم انو يقصدها ولسه هيرد بتول قالت بسرعه ورعب …لا مجياش معاك…انا مبحبكش ومش هتجوزك..انا..ياما قولتلك انني رايده غيرك مرعي قال بغضب شديد..اتلمي يا بت الواطي وتعالي وياي بتول قالت بتوتر شديد…لا مجياش اني..اني وصلت داري خلاص…انا وحمدان بيه ينحبو بعض..انا بهرب علشانو وحبله في ولده كمان حمدان اتسعت عنيه بزهول شديد ومرعي بصلهم بصدمه ووووو #ظل_العمده_2 _انا وحمدان بيه بنحبو بعض وبهرب علشانو وحبله في ولده كمان حمدان اتسعت عنيه بزهول شديد ومرعي بصلهم بصدمه وغضب ورفع ايده هيضربها وهو بيقول بغضب.

.. بتقولي ايه يا بنت المركوب انتي بس بتول استخبت في ثواني ورا ظهر حمدان وقالت ببكا… في عرضك يا عمده احب على يدك انجدني حمدان وقف قدامها بحمايه وبص لمرعي وقال بغضب شديد نزل يدك يا مرعي… هتضرب واحده في داري ولا ايه.. البت في حمايتي مرعي قال بزهول و غضب شديد…. يعني ايه… اللي قالته صوح.. يعني هيه بتهرب من البيت كل مره علشانك انت…انت غاويها

وبتحرضها تهرب من بيتها مش كده…ما داهيه يكون كل اللي اقالته صوح وتكون فعلا حبله منك…اتكلم يا حمدان البت دي خطت معاك حمدان اتنهد بضيق شديد وقال بغضب… مرعي اتكلم زين ومتنساش اني عمدة النجع كلو بما فيه الجبل…انا بتكلم في حاجه واحده بس ان البت في حمايتي وحتى لو ما كانتش في حمايتي ما يصحش تاجي داري و وتاخد واحده منه غصب وكمان جايب رجالتك وجاي على السرايا شكلك اتخبطت في دماغك ونسيت انا ابقى مين نسيت انك انت وكل اهلك والجبل تما تحت حمايتي خذ رجالتك وعاود ..البنيه دي انا هرجعها لغايه دارها بنفسي مرعي قال بغضب شديد ….مش هيحصل يا حمدان البت اللي معاك دي بت عمي وخطيبتي وهربت مني علشان ما تحضرش فرحها…و انا مش هسيب الناس تتكلم علي وعلى شرفي ويقولو ما عرفوش يربوا….وبص لبتول بغضب وقال …امشي قدامي يا فاجره احسن لك بتول مسكت في جلابيه حمدان بقوه من ورا وقالت بهمس وهي بترتعش…

. احب على يدك في عرضك يا عمده حمدان اتنهد وهو مش عارف يعمل ايه وقال بغضب لمرعي …انا قولتلك همل البت وانا هبقى ارجعها مرعي قال بغضب شديد ….تمام يبقى اللي قالته صوح.. انت اللي بتهرب لاجله….. وسحب سلاحه على حمدان وجهه عليه بغضب شديد وقال…. انا لو ما اخذتش البت دي دلوقتي مش هخلي فيها لا اخضر ولا يابس حمدان ضحك بسخريه وقرب قدام السلاح وقال ببتحدي…. لو دكر من صلب دكر اضرب… خليها تبقى خراب على الكل مرعي اتوتر وبقى يبص له بغضب وخوف و رجاله حمدان والحرس والغفر التفو حواليه بسرعه وشدو السلاح بتاعهم حمدان قال بغضب

..كله ينزل سلاحه …هو مرعي حبيب اخوه بيهزر وهياخد بعضيه ويمشي لان هو عارف زين ايه اللي هيجرى لو قل عقله مرعي بقى يبصلهم بغضب شديد ….ونزل رجاله من العربيه اللي جم معاه من الجبل واحد منهم مسك ايد مرعي وقال… يلا يا مرعي يلا يا ولدي بلاش مشاكل…وشدوه ومشيوا بيه…وهو بيبصلهم بغضب شديد وتوعد بتول اتنهدت بارتياح شديد بس انتفضت بخوف لما حمدان بصلها بحده وقال ….بقى بتحبيني وهربانه عشاني….ومسكها من فكها من فوق النقاب بغضب وقال …لا وحبله مني كمان ده انت ليله اللي خلفوك طين النهارده بتول بصتلو برعب شديده وقالت بالم…. انا هفهمك هفهمك يا عمده بس حمدان دفعها بغضب وقال… بت يا فوزيه انتي يا زفت جات بنت جميله في العشرينات لابسه عبايه سمراء ضيقه جدا وبتندغ لبانه وقالت بدلال ….. نعمين يا سيد الناس حمدان غمض عينيه بغضب شديد وقال…. استغفر الله يا رب الصبر من عندك على البلاوي دي…. خدي البت دي احبسيها في الاوضه فوق واتأكدي انها متعرفش تطلع فوزيه قالت بدلال… انت تؤمرني يا سيد الناس ولسه هتمشي قال بغضب استني فوزيه التفتتله وقالت…. يا نعمين يا سيد الناس حمدان بصلها بضيق لان عبايتها ضيقه جدا وقال..

. وسعي الخلقات يا فوزيه الجو حر وبتخنقي نفسك على الفاضي وسعيها خلي ربك يوسعها علينا وراح على المندره وهي لوت بقها بضيق شديد وبصت لبتول من فوق لتحت كانت بنت صغيره ومنقبه وقالت بسخريه… وانت مين انتي كمان اطلعي معاي لما نشوف اخرتها واخدتها وطلعت بيها على فوق وبتول كانت مرعوبه حرفيا بقلم….زهرة الربيع بعد ساعات اتملى الدار بالرجاله رجاله الجبل كلهم ومرعي… ورجاله النجع قاعدين في المندره مرعي كان بيزعق بغضب وهو بيقول… احنا ما بينا سلام يعني المفروض لما تيجي واحده من الجبل حداكم ترجعوها مش تخطفوها وتخبوها شيخ البلد اتنهد وقال ….. استنى يا مرعي..خلينا نسمع العمده هيقول ايه حمدان قال بخنقه…. يا شيخ البلد لو جات واحده ودخلت دارك وقالت لك في حماك هتسيب حد ياجي ياخدها ويجرجرها وعايز يقتلها كمان شيخ البلد قال بسرعه.

… لا طبعا… بس كمان يا حمدان البت بت عم وعرضه وحقه يخاف وما يامنش تفضل هنا انا رايي نحايل البت ونرجعوها مع اهلها اندهالي ونسألها عن رأيها وانا هكلمها بنفسي حمدان قال …. وانا ما عنديش اي مانع تمام بس قبل ما ناديلها ماحدش هيلمسها هنه في داري ولا ياخدها غصب شيخ البلد قال …اكيد حقك يا عمده واحنا نفهم في الاصول حمدان بعت جابو بتول وهيه فضلت واقفه بخوف شديد مش راضي تدخل عند الرجاله حمدان قال بضيق ادخلي يا بت الجبل مش انت بتقولي في حمايتي يبقى ما حدش يقدر يلمسك بتول دخلت اول ما قال كده وقفت قريبه من الدكه اللي قاعد عليها حمدان شيخ البلد قال بهدوء…. في ايه يا بتي ليه ما عايزاش تعاودي مع اهلك دول ناسك عمك قلقان عليكي اتكلم راجل من وسطهم كبير في السن وقال…. عشان خاطري انا يا بتول كيف ما قال لك شيخ البلد انا قلقان عليك يا بنتي ابوكي الله يرحمه سابك امانه عندي بتول قالت بدموع….مش هعاود يا عمي عشان لو عاودت هتجوزوني لمرعي وانا ما عاوزاش اتجوزو لو هتقتلوني مرعي كان بيص لها بغضب شديد…وشيخ البلد قال بهدوء…

ليه يا بتي ما عاوزاش ده ولد عمك ودايما ولد العم اولى…ولو عندك سبب قوليه هنه واحنا نحاولو نحلوه بتول بصت لمرعي بغضب شديد وقالت ….ما ينفعش اتجوزوا عشان انا كنت عايزه اتجوز راجل يا عمي…و مرعي مش راجل ولا يعرف حاجه عن الرجوله الكل بصولها بدهشه من اللي قالته ومرعي وقف وضربها قلم قوي جدا وقعت عند رجلين حمدان حمدان اتصدم باللي عمله لانهم متفقين قدام الكل انه ما يقربش منها وانها في حماه … وقف بسرعه ووطى وقف بتول اللي كانت بتبكي جامد ومرعي لسه هيتهجم تاني عليها وهو بيقول …بتقولي ايه يا فاجره يا بت الكلب هنا حمدان وقف قدامها وفي حركه سريعه مسك ايده اللي ضربها بيها ولفها بغضب كسرها ووووو يلااا تفاعل قوي يا قمرات لو لقيت تفاعل عالي حماسي هنزلكم بارت كمان بس لو التفاعل حلو مش عادي يلا ابدأوووو🏃‍♀️🏃‍♀️ #ظل_العمده_3 هنا حمدان وقف قدامها وفي حركه سريعه مسك ايده اللي ضربها بيها ولفها بغضب كسرها مرعي وقع على الارض وهو بيصرخ بالم والجميع كانوا بيبصوا للموقف بذهول حمدان قال بغضب شديد …الحاضر يعلن الغايب من انهارده بت الجبل بقت في حمى حمدان الرويعي واللي هيتعرضلها يبقى بيتعرضلي شيخ البلد قال بسرعه .

…بس يا عمده حمدان قاطعه وقال …العمده بيفهم في الاصول يا شيخ البلد…وعارف انها ما هتنفعش تفضل في داري…وعلشان كده هاكتب عليها النهارده قبل بكره بحضور امك لا اله الا الله كلها عشان محدش يفكر يتكلم الكل بصولو بذهول من اللي قاله وعمها ابتسم بسعاده حمدان بص لبتول وقال…. هي بتقول عايز تتجوز راجل فلو عندها مانع برضك تقول بتول بصت له وقالت …عاوزه اتجوز راجل وانت سيد الرجاله كلهم يا عمده حمدان ابتسم برضا من ردها وفضل باصص لها شويه وبعد عيونه بالعافيه عنها وقال…احم … يبقى الليله هنكتب الكتاب والبلد كلها معزومه بالليل تم كتب الكتاب بحضور كل اهل البلد واهل الجبل كمان الا مرعي لان ذراعه اتكسر وراح المستشفى وكان تعبان ونايم حمدان فضل مع الرجاله لنص الليل لحد ما مشيوا كل واحد على بيته لانه معملش فرح كبير عشان الوقت ضيق ولسه هيطلع على الاوضه وقفت قدامه فوزيه وقالت بضيق.. الحاجه اللي قولتلي اشتريها يا عمده….وقربت منه قوي وقالت …ولو اني اتمنيت اني انا اللي البسهم لك حمدان اتنهد بخنقه و اخذ منها الشنط وقال …كلي عيشك يا فوزيه ومتخلنيش اجيب اخري منك …يلا انجري شوفي حياه نامت ولا لا ومشي على الاوضه دخل عند بتول وقال…احم يا رب يا ساتر بتول وقفت بسرعه وحمدان قرب منها وقال… خدي دول جبتلك حاجات عشان تغيري خلقاتك وقعد على الكنبه بضيق ورجع راسه لورا وهو مغمض عنيه بتعب بس اتفاجئ بيها بتمسك الجزمه بتاعته بتقلعها حمدان بصلها باستغراب وقال…. انتي بتعملي ايه قومي بتول بصتلو بارتباك وقالت…هقلعك الجزمه حمدان اتمهد وقال ..

.وتقلعهالي ليه اتشليت اياك بتول قالت بسرعه…. بعيد الشر… بس يعني بما انك جوزي حمدان قاطعها وقال …تعالي جاري هنه يا بتول …مش اسمك بتول بردك بتول هزت راسها بايوه وقعدت جنبه على الكنبه والتفت لها وبقى يبص لعيونها جامد وقال…. سبحان الخلاق العظيم انا مشوفتش في جمال عينيكي واصل بقلم…زهرة الربيع بتول نزلت عيونها بكسوف شديد وحمدان مد ايده ورفع النقاب بهدوء اندهش بشده من جمالها بلع ريقه وهو بيبصلها باعجاب شديد ملامحها الهاديه الجميله زي ملامح الاطفال مرر ايده على خدها برقه وقال…. حلوه قوي يا بت الجبل كنك نازله من السما…والارض مش مكانك واصل ابتسمت برقه من كلامه الجميل وهو قرب منها جامد وهيه غمضت عينيها بخوف من قربه حمدان كان هيبعد بس ما قدرش يتحكم في نفسو وقربها ليه بقوه بتول كانت خايفه جدا وهو ميل عليها على الكنبه ومش قادر يتحكم في اعصابه اكتر بس وقف لما لقاها بترتعش بشده بين اديه بص لها لقى الخوف مالي عيونها ودموعها هتنزل بعد بسرعه وقال باستغراب….مالك خايفه مني بتول هزت راسها بالموافقه بخوف حمدان ضحك على براءتها وقال…. طب خايفه ليه احنا مش كتبنا كتابنا يعني بقيتي حلالي بتول فركت ايديها بخوف ودموع وقالت… اصل ..اصل كل حاجه جات بسرعه.

. وانا..انا مش متعوده عليك و بس قاطعها لما ضحك ووقف وبقى يقلع الجلابيه بتاعته وقال…وايه دخل اللي كنا بنعمله ده بالتعود بتول وقفت وبصت له باستغراب قالت …..كيف يعني حمدان بص لها وابتسم وقال…شوفي يا بتول فيه حجات لازم اقولها ….لاني راجل دغري ومتعودتش الف ودور ….انتي بصراحه ورطتيني في الموضوع ده…انما يا بت الناس انا لا اناسبك ولا انتي اتناسبيني…. انا واحد داخل على ال 35 يعني انتي يا دوب نص عمري ..كمان كنت متجوز ومخلف اكيد عندك خبر بالحاجات دي بتول قالت بسرعه…. عارفه انك كنت متجوز واحده الله يرحمها ومعاك منها بنيه كمان ربنا يخليها لك حمدان ابتسم وقال…علشان كده احنا ما ناسبش بعض خالص

…بس بما اني كتبت كتابي عليكي بقالك حقوق عندي فهماني ..احم حقوق زوجيه يعني بتول نزلت عيونها بكسوف وجمدان ابتسم وقال…فلو انتي مش عايزاها وكارهه للدرجه دي مهيبقاش عندي مشكله بتول قالت بسرعه… لا مش كارهه حمدان بص لها بدهشه وهي قالت بسرعه … قصدي مش لدرجه كاره… بس خايفه شويه حمدان ابتسم وقال…. خلاص فهمتك على راحتك ما هضغطش عليكي خدي راحتك على الاخر بتول ابتسمت وقالت …ربنا يخليك يا عمده انا مهنساش وقفتك معايا دي واصل… لو قولت لي ارمي نفسك في النار ما هفكرش حمدان ضحك وقال…. لا مش هقول لك ارمي نفسك في النار هقولك روحي غيري خلقاتك دي اللي قاعده بيهم تحت البهايم من الصبح عشان تعرفي تنامي بتول قالت بحرج…ايوه معاك حق…بس كنت عايزه استحمى الاول حمدان شاورلها على الحمام وقال

….ده الحمام….وانا جبت لك خلقات بعت الخدامه جابتهم علشان متناميش بالعبايه بتول فتحت الشنط لقيتها كلها عبايات سوداء فتحت الشنطه الثانيه لقت لبس بيتي بس كله اسود برده قمصان سوداء وبجايم سوداء ….بصيت له باستغراب وقالت…. هو انت بتحب الاسود للدرجه دي حمدان قال وهو بيقلع جزمته بلا مبالاه …اسود… لا مبحبوش واصل لون فقر كده بتول قالت باستغراب…. امال ليه كل الهدوم سوداء احنا هنعزي ولا ايه حمدان بص للهدوم لقاها كلها اسود غمض عنبه وفتحهم بغضب لانه عارف ان دي حركات فوزيه.

..اتنهد وقال معلش الوقت متاخر دلوقتي البس اي حاجه والصبح انا هتصرف بتول ابتسمت وقالت تمام …وكانت كل البجايم والقمصان مفتحه قوي اخذت حاجه منهم ودخلت تستحمى و تلبسها بعد شويه خرجت هي لابسه عبايه بيتي مكشوفه وجميله جدا عليها وكانت مكسوفه جدا وقالت بارتباك …انا هنام فين يا عمده في حضني جوه حضني من جوه…قالها حمدان وهو بيبصلها بزهول ووووو

التفااااااعل التفاعل يا بنات علشان نكمل🌹 #ظل_العمده_4

معقوله دي البنت اللي كانت بالعبايه من شويه فضل يبصلها باعجاب وبلع ريقه بارتباك شديد وقرب منها جامد وقال ….. ايه ده يا بت…ده انتي اللي عمده وعمدة العمد كمان بتول ابتسمت بكسوف وحمدان شدها علبه بقوه وقال…. شوفي انسى اللي قولته كله انا نفسي نسيته انت ما تتسابيش واصل بتول ضحكت برقه وقالت… بس احنا اتفقنا حمدان قال بسرعه ….اتفقنا …اتفقنا على اساس اللبس اللي فات انما اللبس ده له اتفاق تاني خالص بتول قالت بابتسامه .

…وبعدين يا عمده هملني بقى حمدان حاوطها بقوه وقال …ههملك بس اديني دقيقتين دقيقتين بس هزت رسها بالموافقه بتوتر وهو مشي ايده على شعرها وقرب منها في لحظه جميله قوي بنهم بتول مكانتش عارفه تعمل ايه وهو سند جبينه على جبينها وقال بهمس…. مقادرش يا بت مقادرش واصل بتول بصت لعيونه وهو كمان بص لعيونها وقال بكل جراءه ….انا بقا لي سبع سنين مدقتش طعم مره ….وانتي مش اي مره يا بتول بتول كانت بترتجف من الخوف بس قالت…. انا.. انا مرتك و..وحقك يا عمده حمدان حتوطها بايديه وقرب منها تاني وهو مش قادر يوقف مشاعره ابدا ولا يسيطر على اعصابه لحد ما بقت مراته بالفعل بعد شويه كانت نايمه جنبه و كان بيشرب سيجاره ومبسوط جدا حمدان فرد دراعه وقال.

… تعالي نامي على كتفي بتول كانت مكسوفه جدا ومنزله عيونها قالت… لا ما عاوزاش ومتكلمنيش دلوقتي مقدراش ارد واصل حمدان ضحك جامد وقال …مقدراش ليه…هو انا جيت جار لسانك بتول قالت بكسوف..لا لساني زين …بس مكسوفه بجد والنبي يا حمدان مكسوفه قوي حمدان بص لعيونها وقال….قولي حمدان تاني كده… طالعه كيف الشهد من بقك بتول قالت بارتباك… حمدان حمدان اخذ نفس باستمتاع و بص لها وقال…. زي العسل يا بت كل حاجه فيكي زي العسل بتول ابتسمت برقه ورفعت عيونها ليه وقالت بارتباك شديد… هو انت هتفضل احم يعني هتفضل متجوزني لميته …هترجعني ليهم ميته حمدان بص لها باستغراب واهتمام شديد وقال… ارجعك..ارجعك ليه…هو انا لو كنت ناوي اسيبك اتجوزتك ليه بتول نزلت عيونها بكسوف وقالت

….ايوه بس انت اتجوزتني مضطر عشان تأمني واكيد هيجي يوم و قاطعها وقال بابتسامه … انا صوح اتجوزتك عشان امنك عشان ابن عمك الحيوان مد يده عليكي وانتي في داري وفي حمايتي… بس انتي بقيتي مراتي خلاص…و بعد كل اللي حصل بينا من شويه بتسالي ميته هسيبك …كيف نزلت عيونها بكسوف وقالت…اللي حصل من شويه ده طبيعي …انت راجل وانا حلالك…وكيف ما قلت بقا لك وقت محروم يعني طبيعي تعملي كده ويمكن بعديها تندم حمدان ضحك جامد وطفى السيجاره وبص لها وقال… انا عمري ما اعمل حاجه اندم عليها ….بصيلي يا بتول بتول بصت له بارتباك شديد..و هو مرر ابهامه على خدها وقال..

. انتي اجمل بكثير من انك تقولي الكلام ده…انتي لا ناقصك شي ولا معيوبه ولا عملتي حاجه غلط.. بتول وانتي بتول يعني سواء انا او غيري فانتي نعمه في حياه اي حد ويحمد ربه عليها بتول حطت ايدها على خده برقه وقالت بابتسامه…. كيف ما سمعت عنك يا حمدان… واجمل من اللي اسمعتو عنك كمان حمدان بصلها وقال…وسمعت عني ايه بقى لعله خير بتول ابتسمت بكسوف وقالت….كل خير… قالوا اهل النجع ساكنين في حمايه راجل.

.. راجل مفيش منيه رغم صغر سنه ..عمده ابن عمده ياخد حق الصغير قبل الكبير الفقير قبل الامير ما بيوقعش في حماه حد و ميحميهوش سمعت اللي خلاني اقدرك قبل ما اشوفك واجي لحماك انت بذات وطلعت كيف ماتقال وزياده حمدان ابتسم باعجاب على كلامها وقال…. انا كمان سمعت عنكم يا ناس الجبل قالوا الجمال والقوه في حريم الجبل ميتوصفش …وكل حاجه اتقالت صوح جمال مفيش بعد كده والقوه كمان متتحكيش انا مصدقتش لما قولتي قدام المجلس كله على ابن عمك مش راجل… كيف تقولي عليها كده …وقرب منها وقال بخبث….الكلام بيني وبينك هو مش راجل في ايه بالظبط انتي سمعانه عنيه حاجه بتول ضحكه جامد وقالت…مش اللي جيه في بالك على فكره حمدان ضحك وقال…. امال قولتي كده ليه بتول ابتسمت بدموع وصوتها ارتجف جامد وقالت..

. مش قادره اتكلم في الموضوع ده دلوك حمدان حس ان في حاجه كبيره في الموضوع شدها لحضنه بقوه وقال… متخافيش مش عايز اشوف الخوف اللي في عيونك ده واصل…خصوصا وانتي بين ايديا معقوله اكون جنبك كده وتكوني خايفه بتول مسكت فيه بقوه وسندت راسها على صدره وقالت بدموع …ولا عمري اخاف وانا بين ايديك يا سيد الناس حمدان حمحم وقال بمشاكسه…بلاش يا سيد الناس دي بقلم…زهرة الربيع بتول ضحكت بخفه وقالت…

. بس انت فعلا سيد الناس ولا عشان فوزيه بتقولها لك حمدان اندهش وضحك جامد لانها خدت بالها وقال..واااه ده انتي مركذه جامد بتول قالت بضيق…ومين مياخدش باله ..قالت 60 يا سيد الناس في جمله واحده… وبتتمايع عليك مياعه ماسخه اصلا مش عارفه كيف مقعدها هنا وانت راجل كده لحالك يعني حمدان ضحك وقال….. دي واحده من الخدم فيه غيرها رجاله وحريم البيت مليان يعني مش لوحدنا…وهي بتاخد بالها من حياه واتعودت عليها عشان كده بتول قالت بابتسامه …حياه دي بتك حمدان ابتسم وقال….ايوه بتي بتول قالت … ربنا يخليها لك …الاب رزق ربنا يخليك ليها و ميحرمهاش منك واصل حمدان قال…امين…قوليلي هو انتي ابوكي مات من زمان بتول قالت بحزن.

..انا فتحت عنيا ملقيتوش كنت قاعده مع عمي فهمي…وعمي منصور كمان ابو مرعي هو وولده… من اول ما بدات اكبر عمامي قالو بتول لمرعي ما زعلتش واصل وايه يعني كل واحده بتاخد ولد عمها وكنت عادي زي غيري لحد ما بدات تحصل حاجات غريبه قوي حمدان كان بيسمعها باهتمام شديد وهي على صدره وماسكه فيه بقوه وقالت بدموع ….بدأ يعمل حاجات تخوف..تخوف قوي بقلم..زهرة الربيع مشى ايد على دماغها بحنيه وهو بيحاول يداري النار اللي بقت في قلبو مش عارف سببها قال ..

..اهدي خالص هو الوسخ ده كان يضايقك كان يقرب لك يعني لمسك او قاطعته لما هزت راسها بدموع وقالت… يا ريت بص لها بدهشه وقال …يا ريت بتول نزلت دموعها على صدره وقالت…. ايوه يا ريت لان اللي عملو اوعر من كده بكتير …كنت دايما استغرب حركاته لما امشي في الجبل ..كان يناديلي ويقولي تعالي سلمي على صاحبي فلان وصاحبي علان كنت استغرب لاني بشوف الرجاله عندينا مبيقبلوش بس قلت عادي فيه رجاله مش بتغير غيره واعره واهو احسن ما يخنقني ويبقى شكاك لحد ما في مره كان عمي ومرته بره وكنت لوحدي في البيت وجيه هو وواحد صاحبه البيت دخلت اعمل لهم الشاي ولما روحت اضيفهم لقيته طالع هو وياه من الاوضه بتاعتي وفي يدهم حاجه خبوها بسرعه وقلي اصل صاحبو بيتفرج على البيت.

… قعدوا سوا كان صاحبه بيص لي كده بصات باين انها قليله حياه وكل شويه يوشوشه استغربت بس برده سكت بعد ما مشيو كان قلبي هيوقف لما لقيت حته من هدومي على الكنبه اللي كان قاعد عليها وحمحمت بحرج وقالت…. حاجه خاصه يعني حمدان كان بيسمعها بذهول شديد ومش مستوعب اللي بتقوله وبقى يضمها بقوه ليه ويمشي ايده على شعرها بحنان عشان تطمن وهي زادت شهقاتها ودموعها وقالت ….وفي مره جاب صاحبه تاني وكان يتقصد اكون لوحدي في الدار ..وقال لي اقلعي النقاب ووووو

يلاااا تفاااعل جامد علشان نكمل ارفعوووو الرتش يا سكاكر ومتنسوش المشاركات علشان الصفحه 😘 #ظل_العمده_5