بقلم زينب مصطفي -6

مدت سناء يدها بالمظروف الورقي وهي تقول باحترام..

= الظرف ده جيلان هانم بعتاه لحضرتك بتقول ان زمايلك في الشغل باعتينه ليكي…

نظرت حبيبه للظرف وهي تقول بدهشه..

=زمايلي انا هيبعتولي ظرف مع جيلان ليه..ما انا بكلمهم كل يوم ولو فيه حاجه كانو قالولي ..

ثم تابعت برقه..
=عموما هاتيه واتفضلي انتي ومتشكره على تعبك…

سناء بقلق وهي تشعر انها قامت بشئ خاطئ ..

=العفو يا هانم..

ثم اسرعت الى دولت هانم لتخبرها بالامر في حين فتحت حبيبه المظروف ..
فوجدت بضع كلمات مكتوبين بخط غير واضح..

= أنا جيلان هانم يا حبيبه ..اتصلي بيا على الرقم الي مكتوب ده 010…….في حاجه مهمه لازم تعرفيها بخصوص عمر..

ثم وجدت شريط دواء موضوع بداخل المظروف الا انها تجاهلته وهي تسرع بالاتصال بالرقم المدون امامها بلهفه و بدون تفكير وهي تتجاهل تحذيرات عمر المتتاليه وتأكيده مرارآ عليها بعدم التحدث مع اي شخص في الهاتف الا بعد علمه وبموافقته..

حبيبه بلهفه…
=ايوه يا جيلان انا حبيبه ..في ايه عمر ماله..

جيلان بإنتصار وسخريه
=أخيرا عرفنا نوصلك يا ليدي حبيبه .. حراسه و امن وارقام تليفوناتك اتغيرت ..دي ولا ترتيبات تأمين الليدي ديانا

حبيبه بتوتر..
=انتي بعتالي رقمك علشان تسمعيني كلامك البايخ ده والا في حاجه مهمه عاوزه تقوليها…

جيلان بغيظ …
=طبعا في.. اسمعيني كويس عمر….

إنسالت دموع حبيبه بألم وهي تستمع الى جيلان تتابع بشماته

= و زي ما انا قلتلك عمر خلاص مبقاش يملك حاجه… دا غير انه ممكن يتسجن كمان

حبيبه برعب ..
=سجن … عمر يتسجن ..مستحيل

جيلان بمكر..
=طبعا سجن أومال انتي فاكره إيه..
طبعا دا الا لو إ….

حبيبه بلهفه
=إلا لو إيه..

جيلان بثقه
=الا لو حد سدد له الي باقي عليه ..

حبيبه بلهفه ودموعها تتساقط..

=انا عندي شقه ممكن ابيعها وكمان عندي حوالي مليون جنيه في البنك..

قهقهت جيلان وهي تقول بقسوه..

=شقة ايه ومليون جنيه الي بتتكلمي عنهم دول شوية فكه و احنا بنتكلم في ملايين..

إنهارت حبيبه في البكاء بصوت مسموع وهي تقول بانهيار..

= يعني ايه عمر فعلا هايتسجن دا انا كنت أموت لو حصله حاجه..

جيلان بتهكم وقسوه ..
=بتحبيه اوي كده بجد والا ده كله تمثيل وهتباني على حقيقتك لما فعلا تعرفي انك الوحيده الي ممكن تنقذيه..

حبيبه بلهفه ودموعها تتساقط..
= انا ..طب إزاي …قولي وانا هنفذ اي حاجه ..اي حاجه بس عمر مايتئذيش..

جيلان بقسوه..
=تسيبيه ..

حبيبه بصدمه..
=ايه..

جيلان بقسوه وتعالي.
=زي ما سمعتي تسيبيه وانا هانقذه من السجن وهادفعله الفلوس الي لسه باقيه عليه..ومش كده بس انا كمان هاديله فلوسي يشتغل بيها ويرجع كل الي راح منه ويرجع تاني عمر الرشيدي الي بتتهز له اسواق المال..

سالت دموع حبيبه وهي تستمع اليها تتابع بقسوه..

=وقبل ما توافقي في شرط تاني لازم تنفذيه..

حبيبه بضعف ..
= ايه هو…

جيلان بقسوه..
=تنزلي الي في بطنك وقبل ما تكدبي وتقولي انك مش حامل انا عرفت من مصادري الخاصه انك حامل ..وده اكيد الي مخلي عمر متمسك بيكي اوي كده ..

حبيبه بصدمه ..
=عوزاني أقتل ابني…

جيلان بتهكم …
= تقتلي ابنك ..ايه الدراما الذياده دي..اولا انتي لسه مكمله شهرين يعني الجنين لسه متكونش وحتى لو كان اتكون فده شرطي علشان انقذ عمر ..تنزلي الي في بطنك وتغوري من هنا خالص مش عاوزه اي حاجه تربطه بيكي ..مفهوم

صمتت حبيبه وبدأت في البكاء بإنهيار دون ان تسطيع ان تجيب..

جيلان بقسوه ..
=ها قولتي ايه..

حبيبه بانهيار
=انا مقدرش ابعد عن عمر او اقتل ابني زي ما انتي عاوزه ..حرام عليكي انتي كده بتحكمي عليا بالموت.. دول هما كل حياتي ..

جيلان بقسوه
= ما تموتي والا تروحي في داهيه ..انا عاوزه رد و دلوقتي حالا هتعملي الي قلتلك عليه والا لاء..

أغلقت حبيبه عينيها التي اغرقتها الدموع بألم وأجابت بصوت ضعيف مهزوز..

=موافقه..انا هنفذ كل الي انتي عاوزاه بس اضمن منين انك هتنفذي كلامك ..

جيلان بارتياح
=متخافيش انا هنفذ كل كلامي وزياده كمان طالما عمر هيبقى ليا..

ثم اضافت بقسوه..
=انا بعتلك شريط حبوب في الظرف الي بعتهولك..هتاخدي منه دلوقتي حبيتين مع بعض والصبح حبيتين كمان وبعدها الحمل هينزل بكل بساطه..

ثم تابعت بقسوه ..
=انا هتصل بيكي كمان نص ساعه عشان أتأكد انك نفذتي الي انا قلتلك عليه..وافتكري ان حياة عمر ومستقبله بين ايديكي ..

ثم أغلقت الهاتف في وجهها وإنهارت حبيبه في البكاء وهي تكاد تغيب عن الوعي من شدة البكاء..

بعد خمس دقائق …

جلست حبيبه في غرفتها تتأمل شريط الدواء في يدها التي ترتعش من شدة الخوف ويدها الاخرى تمر بحب وحمايه على بطنها وهي منهاره من شدة البكاء
= أنا مش قادره أعمل كده..مش قادره ..انا موتي عندي أهون من اني اسيب عمر واموت ابني ..

ثم قررت في لحظه مجنونه التخلص من حياتها نهائيا فقامت بإفراغ شريط الدواء بالكامل في يدها استعدادا لتناوله وانهاء حياتها ..

الا ان وفجأه…اقتحمت دولت هانم الغرفه برفقة ممرضتها الخاصه وهي تقول بشده ..

= سناء لبسي حبيبه هانم الاسدال ده..

أغلقت حبيبه يدها على حبات الدواء تخبئها في يدها ..ومسحت دموعها بيدها الاخرى وهي تقول بدهشه وضعف..

=في ايه يا ماما ..

دولت هانم بشده..
=دي أوامر عمر يا حبيبه إلبسي الاسدال وهو جاي في الطريق..

لبست حبيبه الاسدال ولفت الحجاب فوق رأسها بناءٍ على تعليمات عمر ..

في حين أشارت لها الجده بهدوء ..

= و دلوقتي تعالي معايا..

تبعتها حبيبه لخارج الغرفه وهي تقول بخوف وارتباك..

= في ايه يا ماما..فهميني في ايه

الا انها تفاجئت بفردين من الحراسه يقولون باحترام..

= اتفضلي معانا يا حبيبه هانم

ارتعشت حبيبه وهي تتبعهم بخوف..
وجلست في بهو الفيلا برفقة دولت هانم التي يظهر على وجهها الغضب في حين وقف الحارسين امامها يراقبون بدقه كل حركه او إلتفاته منها حتى ولو صغيره مما جعلها تكاد تموت من شدة الخوف والقلق وهي تنظر الى يدها المغلقه والممتلئه بحبات الدواء التي لم تستطع التخلص منها خوفا من ان يروها..

لتستمع بتوتر و بعد اقل من نصف ساعه لصوت مكابح سيارة عمر التي توقفت بسرعه وعنف امام باب الفيلا الخارجي..

وشاهدت بخوف اندفاع عمر الغاضب الى داخل الفيلا وهو يشير الى الحرس بدون حديث بالخروج والذين اطاعوه وغادرو المكان على الفور ..

ثم أشار لحبيبه بغضب مكبوت أثار رعبها
= اتفضلي قدامي على أوضتنا فوق..

دولت هانم في محاوله لتهدئته
= اهدى يا عمر محصلش حاجه الحمد لله..
عمر بغضب أثار رعب حبيبه..

جدتي أنا مش قادر اتحكم في اعصابي ومش عاوز اي حد يتدخل حتى لو كان الحد ده هو انتي يا جدتي ..

ثم صرخ في حبيبه بغضب اثار زعرها..
= مش قلتلك تطلعي قدامي على الاوضه..ايه مبتسمعيش..

تحركت حبيبه امامه بخوف وعقلها يحاول ايجاد ما اثار غضبه الشديد عليها..حتى كادت ان تسقط وهي تصعد الدرج من شدة خوفها منه..

الا انها تفاجأت به يحملها سريعا ويصعد بها الى غرفتهم ويغلق الباب بالمفتاح من خلفه..

فتراجعت للخلف وهي تنظر له بخوف وتقول بارتباك..

=في ايه يا عمر بتبصلي كده ليه..

نظر عمر حوله ثم سحب هاتفها وألقاه بعنف في الحائط فتحطم بشده وتناثرت اجزائه في الغرفه مما جعلها تنتفض برعب وهو يقول بصرامه شديده..
= فين شريط الحبوب الي اديتهولك جيلان..

حبيبه بارتباك وخوف..
= ش..شريط ايه..

عمر بحده وغضب..
مش عاوز كدب والا متلوميش غير نفسك..

ثم صرخ فيها بغضب شديد
= فين شريط الحبوب ..انطقي..

إنهارت حبيبه في البكاء دون ان تجيب ..

فإقترب منها عمر وسحبها من كتفيها وهو يقول بخوف شديد

=خدتي منه ..انطقي ..خدتي من شريط الحبوب ..

هزت حبيبه رأسها بنفي وهي تبكي وتفتح كف يدها وتظهر كمية الحبوب الكبيره المخبئه بداخل كف يدها..

نظر عمر الى يدها وهو يقول بذهول..

=الحبوب دي كلها في ايدك بتعمل ايه..انتي كنتي ناويه تعملي ايه في نفسك ..انطقي

انهارت حبيبه في البكاء وسقطت ارضا الا ان يد عمر دعمتها قبل السقوط وجلس بها ارضا وهو يأخذها بين زراعيه بحمايه ويده تمر على جسدها يحاول تهدئتها وهو يقول بصوت مرتعش بالرغم عنه ..

=حبيبه ردي عليا يا حبيبتي متخافيش انتي خدتي من الحبوب
دي

هزت حبيبه رأسها بنفي وهي ماتزال تبكي بإنهيار فضمها بشده يحتضنها اليه وهو يغلق عينيه بألم ويقول بضعف..

= الحمدلله ..الحمدلله

ثم رفع وجهها الباكي اليه وهو يقول بجديه..

=انا سمعت المكالمه الي كانت بينك وبين جيلان ..هي قالتلك تاخدي حبيتين بس علشان..

ثم اغلق عينيه يحاول تهدئة غضبه وهو يتابع بغضب
=علشان تنزلي الحمل..يبقى الحبوب دي كلها كانت بتعمل ايه في اديكي…

حبيبه بخوف..
=اصل ..اصل انا..كنت.. كنت

ثم انهارت فجأه في البكاء وهي تحتضنه وتقول بضعف..

=أنا أسفه يا عمر غصب عني انا مقدرتش انفذ الي قلتلها عليه مقدرتش ابعد عنك او اموت ابني ..

احتضن عمر وجهها بين كفيه وهو يقول بذهول..
= مقدرتيش تنفذي الي قولتيلها عليه لكن قدرتي تموتيني يا حبيبه..

حبيبه بوجع ودموعها تسيل وتغرق وجهها
= انا يا عمر..انا أموتك..دا انا عمري كله فداك

عمر بوجع وعينيه امتلئت بالدموع وهو يحتضنها بشده اليه..

= لما تحاولي تموتي نفسك يا حبيبه ..يبقى بتموتيني وبتخلصي عليا وبتعملي الي مقدرش يعمله ألد أعدائي.. لاني من غيرك انا لاهقدر اعيش ولا استمر في الدنيا دي..

شهقت حبيبه من شدة البكاء وهي تضمه اليها بلهفه وتقول بخوف..

= بعد الشر عنك يا حبيبي انا كنت هاعمل كده علشانك ..مقدرتش اشوفك بتنهار و في ايدي انقذك واقف اتفرج عليك..

رفع عمر وجهها اليه ومسح دموعها وهو يقول بتعب..

=يعني مكنش ينفع تستني لما أجي وتسئليني..اي حد يقولك اي حاجه تصدقيها وتجري تنفذي الي بيقولك عليه..

حبيبه بصدمه..
=قصدك ان جيلان كانت بتكدب عليا..

ضمها عمر بتملك وعشق شديد بين زراعيه وهو يقبل اعلى رأسها ويده تمر على بطنها بحمايه وهو يقول بتعب..

=اقصد انك لازم تتعاقبي وجامد جدا علشان كل ما تيجي تتصرفي بغباء تفتكري عقابك ..فتعقلي ..

ثم سحبها من زراعيها وجعلها تستلقي فوق ساقيه وهي تقول بصدمه ..

=عمر انت هاتعمل ايه..

عمر بجديه..
هاعمل الي كان لازم يتعمل من اول ماقابلتك يا قلب عمر..

سيد_القمر_الاسود
الفصل_السادس_والعشرون
في المساء..

خرج عمر من الحمام الملحق بالغرفه وهو يحمل حبيبه بعد ان اعد لها حمام دافئ ثم وضعها بالفراش وهو يمرر يده بحب بين خصلات شعرها المبتله ..

ثم قرب من شفتيها كوب من الحليب الدافئ وبعض الطعام وهو يقول بحنان..

=يلا يا حبيبي علشان تاكلي وتنامي

ًحبيبه بحزن..
= انت لسه زعلان مني مش كده..

مرر عمر يده في شعرها وهو يقول بجديه..

=ايوه لسه زعلان منك ومش قادر انسى انك كنتي هتضيعي مني ..
بس دلوقتي مش وقته..المهم دلوقتي تتعشي وتحاولي ترتاحي وبكره نبقى نتكلم..

هزت حبيبه رأسها ترفض الطعام وهي تقول ببكاء..

=خلاص مش عاوزه أكل ..وبعدين كل الي عملته فيا دا وإعتذاري ليك وبرضه لسه زعلان..

عمر بتسليه..

= كل الي عملته فيكي ..

ثم مال على بطنها يقبلها بحنان وهو يحدث طفله..

= بذمتك انا عملت فيها حاجه..

ثم نظر لها وتابع
=وبعدين مش كفايه بتدلعي وسيبا ابني لحد دلوقتي من غير اكل

إلتمعت الدموع في عيون حبيبه وهي تقول بوجع…

=انت تقصد اني انا مش بحبه ومش مهتمه بيه علشان كل الي حصل مش كده

مسح عمر دموعها وهو يقول بجديه..

=انا اقصد انك لازم تاكلي وتاخدي بالك من نفسك وتفصلي مابين زعلك والي حصل مابينا وبين مصلحتك ومصلحة البيبي..

ثم تابع وهو يقرب الطعام من فمها …
=يلا كلي يا حبيبتي ..

سحبت حبيبه الغطاء فوق رأسها وقالت بتعب
=مش عاوزه أكل انا محتاجه انام بس ..
عمر بمحايله
=طيب لو قلتلك علشان خاطري وخاطر ابننا الي ملوش ذنب تنامي
من غير أكل

عقدت حبيبه حاجبيها وهي تقول بغضب

= متخافش انا سئلت الدكتوره وقالتلي حتى لو انا مكلتش البيبي بياخد الي هو محتاجه من جسمي يعني لو مكلتش هو مش هيتئذي من حاجه

مرر عمر يده على حاجبيها يفك عقدتهم بأصابعه وهو يقول بحنان..

= عارف انه هياخد احتياجته منك بس انا كمان خايف عليكي وعاوزك تحافظي على صحتك كفايه اوي كل الي شفتيه في شهرين الحمل دول..

ثم تابع بحنان
= يلا يا حبيبي افتحي الشفايف الحلوين دول وكلي علشان خاطري

هزت حبيبه رأسها بطاعه ثم بدأت في تناول الطعام من يده حتى انتهت ومسح فمها وقبل رأسها بحنان وهو يسحب الغطاء من حولها يدثرها جيدا به وهو يقول
= تصبحي على خير يا حبيبتي..

ثم اغلق الضوء واتجه الى الاريكه المقابله للفراش واستلقى عليها..
فجلست حبيبه في الفراش وهي تقول بغضب..

= انت هتنام عندك …

عمر بهدوء..
= ايوه.. تصبحي على خير..

حبيبه بغضب ..
= وانت بخير..

ثم اغمضت عينيها تحاول النوم الا انها فشلت واحداث اليوم تهاجمها بقوه.. فشعرت بالبروده تجتاح جسدها بقوه فسحبت الغطاء تحاول تدفئة نفسها وهي تشعر بالخوف والوحده تجتاحها بشده ودموعها تغرق وجهها وصوت من داخلها يئنبها بشده على ما كانت على وشك فعله ..
=هل جنت حتى ترتكب جريمه كجريمة الانتحار ..تقتل نفسها وطفلها وتكفر بنعمة الله عليها وتموت كافره بنعمه التي لا تحصى لمجرد وقوعها في شده ..
فأغمضت عينيها تزرف دموع الندم وهي تستغفر الله بشده وترتعش بشده واسنانها تستطق من شدة الخوف والندم
حتى شعرت بزراعي عمر تلتف من حولها وهو يحتضنها بشده ويقول بحمايه..
= حبيبه خلاص يا حبيبتي دي كانت ساعة ضعف والحمد لله انتهت على خير ..

نظرت حبيبه له بأمل ودموعها تسيل..

= يعني ربنا ها يسمحني على الي كنت هاعمله..انا خايفه اوي يا عمر..

قبل عمر رأسها وهو يقول بحنان..

=ان شاء الله يا حبيبتي هايسمحك وبعدين كفايه انك ندمتي وعرفتي غلطتك

ثم ضمها اليه يلفها بين زراعيه بحمايه وهو يهمس في إذنها مطمئنآ..

=بعد كل ده ما يخلص انا هاخدك انتي وجدتي ونحج ونعمل عمره كمان..

ضمته حبيبه وهي تقول برجاء..

= ياريت يا عمر ياريت نبتدي حياتنا مع بعض بدايه جديده نحاول نمحي فيها كل ذنوبنا..

ابتسم عمر وهو يقول بحنان ..
=ان شاء الله يا حبيبتي انا ناوي اعمل كده..

ثم رفع وجهها اليه وهو يقول بمرح..

=احنا هانقضيها عايط وادعيه دينيه والا ايه ..

حبيبه بدهشه
=قصدك ايه…

مسح عمر دموعها وهو يقبل شفتيها برقه ويهمس فوقهم بعشق..

=يعني تصالحيني يا روح عمر..

حبيبه بدلال..
=بذمتك اما الي اصالحك برضه بعد الي عملته فيا..

عمر بشقاوه
=خلاص انا الي هصالحك وخصوصا الجزء الي زعلته..

حبيبه بحرج واحتجاج
=عمر ..

ضمها عمر اليه بقوه يغرق وجههةفي عنقها وهو يهمس بشكر لله انها نجت ومازالت موجوده في حياته تنيرها..

بعد بعض الوقت..
ضمها عمر بتملك اليه وهو يمرر يده بحنان على جسدها وهو ينظر لها وهو يقول بحب..

=انا عاوز افهمك على كل حاجه علشان الي حصل النهارده ميتكررش تاني بس توعديني انك متتكلميش ولا تتدخلي في اي حاجه هاتحصل

هزت حبيبه رأسها موافقه وهي تستمع بصدمه لما يقصه عليها..

في عصر اليوم التالي..

جلست حبيبه بجوار عمر في الطائره المتجهه الى باريس و هي تغلق عينيها بغضب تحاول عدم النظر لجيلان التي تجلس بجوار عمر وتقول بكل تكبر ..

= انا مش فاهمه انت جايبها معاك هنا ليه..

عمر ببرود..
= علشان انا عاوز كده ..وبعدين الي بتنكلمي عنها دي تبقى مراتي واظن انا فهمتك مليون مره لما تتكلمي عنها تتكلمي باحترام.

ثم تابع بغضب
=وبعدين انتي بتكلميني كده ليه ..ايه فاكره ان العرض بتاعك فارق معايا و عشان كده بتتكلمي بالطريقه دي..

جيلان بتوتر ..
=انا مقصدش يا عمر بس انا بغير عليك..

عمر ببرود..
=اشربي العصير يا جيلان وبلاش كلام في المواضيع الي زي دي دلوقتي انا مبفكرش غير في ازاي اخرج من كل ده بأقل الخساير الممكنه…

ثم تناول جهازه المحمول وبدء في العمل عليه وهو يبتسم بحنان بعد ان لاحظ احمرار وجه حبيبه بغيظ وهي تستمع اليهم و تدعي النوم..

في المساء …

استيقظت حبيبه على قبله رقيقه من عمر وهو يقول بحنان..

=يلا يا كسلانه فوقي ناسيه ان ورانا حفله والا ايه..

حبيبه بإرهاق وهي تبتسم..

=حاضر هاقوم حالا اهوه..

قام عمر بمساعدتها على الاستحمام وارتداء ثيابها .. فإرتدت ثوب بنفسجي اللون في غاية الاناقه وحجاب مناسب من اكبر دور الازياء في باريس مصمم خصيصا لها واستسلمت ليد عمر التي وضع على عنقها ومعصمها وأصابعها طقم من الماس المطعم بالزمرد المماثل للون ثوبها ثم ابتعد قليلا يتأملها برضى وهو يقول بعشق..

=زي القمر يا روح عمر ..تعالي..

حبيبه بغيره..
=هو احنا هانعدي على بيت جيلان ناخدها من هناك..

عمر بابتسامه مرحه..
=لا يا ستي اطمني هي اكيد راحت قبلنا علشان تقابل صادق ويتفقوا على تدميري..

حبيبه بتوتر..
انت بتتكلم باستخفاف على الخطط الي بيعملوها ضدك مش خايف ينفذوها …
عمر بمرح وهو يغمز بعينه بشقاوه
لا طبعا خايف مش شيفاني برتعش إزاي..

حبيبه بحيره
= والله ما انا فاهمه حاجه ..طيب قولي على الاقل انت ناوي تعمل فيهم ايه..

ابتسم عمر وهو يفتح لها باب السياره ويجلس بجانبها…

=و أضيع عليكي متعة المفاجأه..
اهم حاجه اني اوعدك انك هتتسلي وكل واحد فيهم هياخد جزائه الي يستحقه ..

ثم تابع بمداعبه ..
=بس هو انا قلتلك انك زي القمر النهارده والا لسه..

احمر وجه حبيبه بحرج مما دفع عمر للضحك بقوه وبصوت عالي..

بعد قليل …

وصل عمر برفقة حبيبه الى مقر الحفل ليجد الحفل ممتلئ بالمدعويين وجيلان تقف بجوار صادق وشركائه وهم يتحدثون بصوت منخفض..

مال عمر على إذن حبيبه وقال بمرح ..

= مش قلتلك ..

ثم لف زراعه بتملك حول خصرها وهو يقول بجديه..
= متبعديش عني مهما حصل ومتخافيش رجالتي حواليكي ومنتشرين في كل المكان..

ثم ابتسم بقسوه وهو يقابل صادق الذي مد يده لحبيبه محاولا مسك يدها و تحيتها وهو يقول باعجاب واضح ..

= حبيبه هانم اخيرا شفناكي هو عمر بيه مخبيكي عننا والا ايه..

مد عمر يده وإلتقط كف صادق الممدود محييا وضاغطا عليها بقوه شديده كادت ان تكسرها وهو يقول ببرود

= لو عاوز كل الي اتفقنا عليه يتلغي ارفع بس عينك فيها وبصلها ساعتها لا هايهمني سجن ولا فلوس وهتشوف وش تاني خالص ..وش اكيد هايرعبك…

حاول صادق سحب يده من يد عمر الا انه فشل وكاد ان يصرخ الا ان عمر تركه ودفعه بعنف الى الخلف وهو ينظر لحبيبه التي تنظر بصدمه لما فعله بصادق
وقال برقه
=تعالي افرجك على المكان يا حبيبتي..

تراجع صادق للخلف و هو يدلك يده ويقول بألم..

=يا ابن المجنونه ..بس استنى عليا لما تمضي وناخد الي عاوزينه منك ان مارميتك بره زي الكلب..

في نفس الوقت إقتربت جيلان من عمر وقالت وهي تنظر لحبيبه بغل..

=صادق بيه والشركا الي معاه عاوزني ابقى انا مقدمة الحفله..وانت طبعا هتقول كلمه تهنيهم فيها على الصفقه ..

ابتسم عمر وقال بمرح..

=لا من الناحيه دي متخافيش انا مجهز لهم تهنئه هاتسامع من باريس للقاهرهبس لما ييجي وقتها..

جيلان بارتباك وهي لا تفهم سبب مرحه وارتياحه الغريب ..

=طيب انا رايحه علشان اقدمكم للحضور

ثم نظرت لحبيبه باحتقار دفع حبيبه للتنهد بغيظ الا ان عمر قال بمرح وهو يلف يده حول خصرها يضمها الى جانبه وهو ينظر الى ساعته واشار لاحد الاضواء في المكان ..

=اهدي يا قمر واتفرجي ..المسرحيه هاتبتدي دلوقتي..

ثم لدهشتها اغلق اول ضوء ثم الثاني فالثالث فالرابع حتى عم الظلام المكان ..
ضمت حبيبه نفسها لعمر اكثر وهي تقول بتوتر

= هو في ايه..

قبل عمر وجنتها في الظلام وقال بهدوء
=متخافيش يا حبي انا جنبك..

ثم ارتفع صوت جيلان وهي تقول بغضب بالفرنسيه..

=ايه التهريج ده مين المسئول عن تنظيم الحفله دي..

لتعود الاضائه مره اخرى فجأه وقد خلت القاعه من كل الحضور ..
ولم يبقى سوى جيلان تقف وحيده امام الميكرفون وهي تنظر حولها وتقول بدهشه..

= الناس الي كانت هنا راحت فين..
وفين صادق وعزت بيه والباقي انا مش فاهمه حاجه..

ثم صرخت بصدمه وهي تجد صادق يلقى في منتصف القاعه وهو يرتدي قميص نوم حريمي احمر اللون ووجهه ممتلئ بمكياج يكاد يكون متقن ..فأغلقت حبيبه عينيها بصدمه وهي تحاول الا تنظر اليه
في حين تبعه شركائه الخمس الذين يرتعدون من شدة الخوف ولكنهم مازالوا بكامل ثيابهم فقال احدهم برجاء وهو يتأمل المكان الذي امتلاء برجال حراسة عمر يقودهم نادر الذي وقف وهو على اهبة الاستعداد لتنفيذ اوامر عمر..

= ممكن نفهم الي بيحصل ده بيحصل ليه يا عمر بيه..احنا عرضنا صفقه وانت قبلتها يبقى ليه كل ده..

عمر بسخريه..
=عاوز تعرف انا عملت كل ده ليه..اولا لانكم حاولتم تقتلوني وحاولتم تقتلوا مراتي وحاولتم تخطفوها وتغتصبوها دا غير محاولتكم تدمير شغلي وسرقة فلوسي وشركاتي و سجني ها اعد كمان..

ارتعش الرجل وهو يقول بخوف ..

=احنا ملناش دعوه صادق هو الي عمل كل حاجه..

ابتسم عمر وهو يقول بقسوه…

=لا ملكش دعوه بصادق لان صادق ده بقى يخصني وخليك في نفسك انت وصحابك وبصوا على الشاشه الي قدامكم..

نظروا جميعا للشاشه واتسعت عينيهم بصدمه وهم يشاهدون الشاشه تنقل لهم اخبار نجاح شركة عمر في الاستحواذ على المناقصه العالميه التي اقامتها الشركه الفرنسيه وصعود اسهم شركات عمر في البورصات العالميه مما تسبب له في مكاسب خرافيه…

صادق بصدمه ..
=طب ازاي ..دا انا شايف الايميل بعيني بيتبعت للشركه الفرنسيه..

تناول عمر كأس عصير وأعطاه لحبيبه التي تتابع ما يحدث بدهشه وهو يغمز بعينه لها ويهمس بشقاوه..
= اشربي العصير يا حبي علشان متتعبيش و الليله لسه في أولها..

ثم نظر لصادق وقال بقسوه..

=انت فاكر ان لعبتك الخايبه الي عملتها انت وجيلان دي نجحت ..
طيب اتفرج..

صرخت جيلان وحاولت الذهاب لعمر وهي تقول بانكار..

=انا مليش دعوه يا عمر انا معرفش اي حاجه من الي عملها صادق..

عمر بسخريه..
=مصدقك طبعا يا جيجي حتى شوفي.

ثم ضغط على زر الريموت وبدئت الشاشه تعرض مشهد جيلان وهي تقفذ داخل غرفة المكتب ثم محادثتها كامله مع صادق وهي تدخل البيانات المزيفه بداخل الحاسب..

جيلان ببكاء..
= انا كنت بعمل كده علشان…علشان..

عمر بقسوه ..
=علشان انتي مجرمه..كلبة فلوس وطماعه مكتفتيش بإنك تحاولي تغرقي حبيبه على اليخت بعد ما خليتي الخدامه متساعدهاش..

جيلام برعب..
=كدب.. كدب انا معملتش كده..
عمر بقسوه ..
=اخرسي.. الخدامه عندي من بعد الحادثه باسبوعين واعترفت بكل حاجه بالفلوس الي اديتهالها علشان تعمل عملتها الحقيره والفلوس الي اديتهالها علشان تهرب و تختفي من بعد ما عملت الي عملته ومساعدتك ليها للهروب ومكتفتيش بكل ده رايحه بكل جبروت تطلبي من مراتي انها تسقط نفسها وتموت ابني وتختفي كمان من حياتي..

جيلان بانهيار..
=متصدقهاش يا عمر دي كذابه وبتوقع بينا ..

عمر باحتقار..
= انتي الي كدابه يا جيلان وعلشان تعرفي تليفونك انتي وصادق ورجالته والي معاه متراقب وكل همسه بتقولوها بتوصلني ..

صادق بصدمه ..
=مراقب تليفونتنا ..

ابتسم عمر وهو يقول بقسوه..
= مش تليفوناتكم بس لا بيوتكم شركاتكم عربياتكم اي حد بتتعاملوا معاه كان تحت عيني وانا كنت مستني بس تتجمعوا علشان لما اضرب ميبقاش ليكم قومه تانيه..

رفعت جيلان وجهها وقالت بتحدي..

=مش هاتقدر تعمل معايا حاجه ياعمر انا معايا جنسيه فرنسيه ومش هارجع مصر تاني..

ابتسم عمر وهو يقول بمرح