بقلم زينب مصطفي -3

تراجعت حبيبه للخلف وهي تقول بتوتر ..
=في ايه انتوا بتبصولي كده ليه..

نظر عمر لنادر باعتذار وهو يتجاهل الرد عليها
= معلش يا نادر سامحني انا اعصابي باظت لما ملقتهاش في اوضتها إفتكرتها اتخطفت

ثم تابع وهو ينظر لها بغضب

=مكنتش اعرف انها واقفه في المطبخ بتنضف الساعه اتنين بليل..

نادر بهدوء
=ولا يهمك يا باشا انا عاذرك و عارف الضغط الي انت فيه و المهم عندنا ان حبيبه هانم كويسه و بخير ..

ربت عمر على كتفه بهدوء
=طيب روح انت واشكرلي الرجاله وإصرف لهم شهر مكافأه على تعبهم معايا..

ابتسم نادر بهدوء
= شكرا يا باشا..وتصبحوا على خير

ثم غادر بهدوء برفقة الحارس الاخر وتركهم وحدهم

تقدم عمر بغضب من حبيبه التي تراجعت للخلف وهي تقول بخوف

=في ايه .. انت بتبصلي كده ليه..انا عملت ايه دلوقتي..

الا انه تجاهل الرد عليها وهو يتقدم منها بخطر لتتفاجأ به يسحبها من زراعها يجرها خلفه بصمت غاضب وهي تقاومه بعنف محاوله ابعاده عنها تكاد تركض وهي تحاول مجاراة خطواته السريعه الغاضبه..
وهو يسحبها من خلفه بغضب اثار غيظها فحاولت مقاومته وركل قدمه بغضب و هي تنزع زراعها من يده وتقول بغيظ

=سيب ايدي ..انت واخدني ورايح بيا على فين..

الا انه تجاهلها وهي تتحدث بغضب وصوت عالي تدفعه بعيدا عنها رافضه الصعود معه الى الاعلى
حبيبه بغضب

=سيب ايدي بقولك ..احسن اصوت وألم عليك الفيلا كلها ..

ثم صرخت بغيظ بعد ان تجاهلها

=سيب ايدي احسنلك يا عمر

توقف عمر فجأه ثم ترك يدها وقال ببرود

= بس كده…حاضر…

ثم رفعها فجأه فوق كتفه وصعد بها للاعلى وسط مقاومتها الشديده التي تجاهلها وهو يدخل بها الى جناحه و يغلقه جيدا من خلفه ثم استدار وألقاها بإهمال فوق الفراش..

فحاولت النهوض عن الفراش بغضب الا انه اشار لها بغضب صارم اخافها

=متتحركيش احسنلك ..

ثم تابع بغضب شديد ولده شعوره بالخوف الشديد من فقدها

=ممكن اعرف انتي كنتي بتعملي ايه في المطبخ الساعه اتنين بليل

حبيبه بتوتر
=كنت..كنت جعانه فحضرتلك العشا وبعدين نضفت المطبخ ورايا من الحاجات الي وسختها وانا بطبخ

هز عمر رأسه بحيره
=ايه….يعني ايه كنتي جعانه فحضرتيلي العشا..انا افهم الي جعان بياكل مش بيحضر لغيره العشا

اعتدلت حبيبه في جلستها وهي تنظر له بكبرياء
=كنت بعمل بلقمتي زي ما إنت قلتلي طبختلك العشا وطلعته هنا و غسلت الاطباق ونضفت المطبخ ورايا كمان اظن ده تمن كفايه اوي قصاد ساندوتش جبنه وكوباية شاي هتعشى بيهم..

مرر عمر يده في شعره بغضب يكاد يذهب عقله وهو يقول بصدمه

=انا اكيد فهمت غلط..عيدي الي انتي قولتيه تاني كده..

حبيبه بتحدي
=ايه الي مش واضح في كلامي اشتغلت ونضفت قصاد اكلي زي ما انت طلبت مني

صرخ بها بغضب مجنون
=انا طلبت منك تمن لاكلك..انا قولتلك ماتكليش الا لما تشتغلي

ثم تابع بعدم تصديق
=يعني انتي من الصبح رافضه تاكلي علشان مشتغلتيش..

حبيبه ببرود
= ايوه طبعا انا مشتغلتش فمكلتش ومعييش فلوس اشتري اكل من بره وعلى بليل حسيت اني دايخه وجعانه جدا فعشان كده ..

اكمل لها عمر بحده

= عشان كده عملتيلي عشا ونضفتي المطبخ..اه..طبعا نسيت..وده طبعا قصاد ساندوتش الجبنه العظيم وكوباية الشاي الي هتتسبب في افلاسي الي هتتعشي بيهم مش كده..

ليصرخ بها فجأه بطريقه أفزعتها

=انتي بقى مجنونه والا عاوزه تجننيني معاكي والا عاوزه مني ايه بالظبط

تراجعت حبيبه بخوف للخلف

=انا مش فاهمه انت زعلان ليه دلوقتي..انا بنفذ الي انت طلبته مني

عمر بغضب
=لا وانتي مطيعه وبتسمعي الكلام اوي ..اشمعنى دلوقتي الي جريتي ونفذتي الكلام بالحرف..

حبيبه بعناد
= مش انت الي قولت…

قاطعها عمر بغضب
= ايوه انا الي اتنيلت وقلتلك وانا برضه الي بتنيل وبقولك دلوقتي انسي كل الكلام الفارغ الي انا قلته ..

عقدت حبيبه حاجبيها وهي تقول بتجهم
=يعني ايه..

سحبها عمر من زراعها من الفراش لتجد نفسه تقف في دائرة زراعيه
وهو يقول بنفاذ صبر

=يعني يا حبيبه انتي مش عايشه في معسكر تعذيب حرمينك فيه من الاكل وممنوعه فيه انك تاكلي الا بعد ما تشتغلي وتدفعي تمنه..

حبيبه بغضب
=بس انا مش هاكل هنا الا لما ادفع تمن اكلي شغل او فلوس..

ثم تابعت بحده
=ولعلمك انا مش هشتغل خدامه في الفيلا زي ما انت طلبت مني ..انا من الاول ماكنتش بشتغل هنا خدامه علشان اخدم دلوقتي..وان كان على تمن اكلي وعيشتي هنا فانا هدفعه فلوس كأني عايشه في لوكاندا او
شقه مفروشه

اقترب عمر منها وهو يستدرجها بخطر..
=كده..وهتدفعي تمنه منين انا عارف انك زي ما بتقولي معكيش فلوس

حبيبه بكبرياء
=لا ما انا خلاص لقيت شغل وهبتدي فيه من بكره

جز عمر على اسنانه وهو يبتسم ابتسامه مزيفه

=كده وهتشتغلي ايه بقى..فرحيني

حبيبه بتحدي
=هبيع هدوم واكسسورات اون لاين يعني شغلي كله بالتليفون ابلغ أوردرات وكده.. وليا نسبه على المبيعات..

ثم تابعت بحده بعد ان شاهدت علامات الاستهجان على وجهه

=وعموما متقلقش محدش هيعرف ان انا مراتك لاني هشتغل بأي اسم مزيف

عمر بهدوء خطر

=وانتي لقيتي الشغل العظيم ده ازاي..

حبيبه بحده
=عادي يعني واحده من الي بيبيعوا اتصلت بيا على الموبايل بتاعي وعرضت عليا اشتري منها هدوم واكسسورات والكلام جاب بعضه فلما عرفت اني بدور على شغل عرضت عليا اني اشتغل معاهم في التسويق ..

اغمض عمر عينيه بغضب وقال بصرامه أخافتها

= هاتي تليفونك..

حبيبه بترقب
= ليه..

صرخ عمر بها فجأه بغضب
= بقولك هاتي تليفونك من غير أسئله كتير

حبيبه بارتباك
=مش ..مش معايا..الظاهر سيبته في الاوضه تحت

عمر بغضب
=حبيبه بطلي كدب وهاتيه بدل ما اخده منك بالعافيه..

اخرجت الهاتف من جيبها و اعطته له وهي تقول بتردد

=طيب بس قولي عاوزه ليه

أخذ منها الهاتف وقال بجديه

=فين الرقم الي كان بيكلمك..

حبيبه بتوجس
=ليه..

عمر بغضب افزعها
=هو مفيش على لسانك غير كلمة ليه من غير ليه ..فين الرقم ..خلصيني

ففتحت الهاتف ..واظهرته له وهي تقول بارتباك

=هو ده بس انت عاوز الرقم في ايه..

اشار لها بالصمت ثم ابتعد عنها وذهب للشرفه ثم قام باجراء اتصال هاتفي مع احد الاشخاص لتمر عدة دقائق وعاد وهو يقول بصرامه شديده

=هترد عليا امتى..

ثم صمت قليلا يستمع لمحدثه ثم قال بجديه
= خلاص يبقى انا مش هنام الا لما ترد عليا

ثم اغلق هاتفه ووضع هاتف حبيبه بداخل احدى الادراج واغلق عليه جيدا

حبيبه بغيظ
=انت بتحط التليفون في الدرج وبتقفل عليه ليه لو سمحت رجعلي تليفوني .. انا مش هعرف اشتغل من غيره..

عمر ببرود
=طول ما انتي هنا مفيش تليفونات لما تحبي تكلمي حد ابقي عرفيني وانا اديكي تليفوني تتكلمي منه

وضعت حبيبه يديها في خصرها بغضب
=ليه في السجن وانت السجان والا ايه..انا عاوزه تليفوني هو الحاجه الوحيده الي بتسليني هنا وكمان شغلي كله هيبقى من عليه

عمر بحده قاطعه
=عارفه يا حبيبه لسالك تكه واحده معايا وهحققلك احلامك واخليكي تعيشي السجن بحق فبلاش تستفذيني

ثم سحبها من زراعها فجأه و ألقاها بداخل الحمام وهي تصرخ باستغراب

=في ايه ..انت بتعمل كده ليه

لتتفاجأ به يلقي في وجهها قميص قطني وشورت قصير خاصين به
وهو يقول ببرود
قدامك خمس دقايق تاخدي فيهم دوش وتخرجيلي بره

ثم تابع بتحذير
=لومنفذتيش الي انا قلته بسرعه وفورا هدخل اديكي دش بنفسي
وعلى فكره انا مبهزرش..

تراجعت حبيبه للخلف بخوف الا انها قالت بشجاعه
=إسمع ياعمر بيه انا مش لعبه في…

اشار لها عمر بالصمت وهو يقول بغضب يحاول السيطره عليه

=اسمعي انتي تدخلي تاخدي دوش وبعديها تتعشي وتنامي من غير ما اسمع منك ولا كلمه وادعي ربنا ان
الي انا متوقعه ميكونش صحيح عشان ساعتها هخلي ليلتك سوده وهوريكي السجن والسجان على حق

حبيبه برفض
=هو انت بتتكلم عن ايه انا مش فاهمه منك حاجه انت كل شويه برأي وتقول قرارات وتغيرها والمفروض اني انفذها من غير تفكير..

ثم تابعت بحده
=انا مش هنام معاك هنا لو السما اطربقت على الارض.. وهشتغل
وهادفع تمن اكلي ونومي ..

لتتابع بارتباك وحزن
=وعلى فكره بلاش ضميرك يئنبك علشان قولتلي كده..انا اصلا واخده على كده طول عمري ..طول عمري مسئوله عن نفسي وعن مصاريفي ومفيش حاجه حصلت علشان تغير الوضع ده

اقترب عمر منها وقال بصوت هادئ
= لاء فيه..انتي بقيتي مراتي ومسئوله مني ولحد مانخلص من بعض والرابط الي مابينا ده يخلص هتفضلي مسئوليتي ودلوقتي اتفضلي اعملي الي قلتلك عليه..

ثم اكمل وهو يراها على وشك الاعتراض مجددا

=وقبل ما تعترضي انا مش بعمل كده عشانك ولا علشان خاطر خايف على مشاعرك الي متهمنيش ولا حتى ضميري بيئنبني زي مابتقولي
بمنتهى البساطه انا بعمل كده علشان جدتي الي هددت انها هتسيب الفيلا وتمشي لو انتي نمتي تحت في الجنينه
ثم تابع بتهكم..

=بتقول اني بفتري عليكي متعرفش ان الكيوت الي خايفه على مشاعرها حاولت تقتل حفيدها ودلوقتي اتفضلي اعملي الي طلبته منك انا مستنيكي بره

ثم غادر وتركها تحاول منع دموعها من النزول الا انها فشلت وغرقت في نوبه قويه من البكاء
بعد قليل خرجت وقد ارتدت ملابسه التي اظهرتها بمظهر طفولي ومثير في أن واحد ببنطال عمر الازرق القصير الذي يصل لبعد ركبتها بقليل وقد ربطته بقوه وفوقه قميصه الاحمر القطني الواسع الزي يصل لمنتصف ركبتيها وقد لفت على شعرها بمنشفه صغيره تخفيه بها عن عينيه وقد ظهر على وجهها وعينيها الاحمرار والتورم من اثر البكاء

نظر عمر لها بندم وقد اثار مظهرها الباكي مشاعره فاقترب منها ومرر اصابعه بحنان على وجنتيها ثم قال بلطف
=تعالي عشان تتعشي انتي مكلتيش حاجه من الصبح

هزت حبيبه رأسها برفض وقالت بصوت متعب ومبحوح من أثر البكاء

=انا خلاص مش عاوزه اكل ..انا هروح انام

رفع عمر المنشفه عن شعره ومرر يده بافتتان في خصلات شعرها السوداء المبلوله وقال بحنان
= مفيش نوم الي لما تتعشي الاول تعالي ناكل انا وانتي ..انا مكلتش حاجه من الصبح واليوم كان طويل ومتعب وحاسس اني ميت من الجوع

ثم اضاف بمرح
=وبعدين الاكل الي انتي طبخاه شكله حلو اوي والا انتي حطالي فيه حاجه وخايفه تاكلي منه

نظرت له حبيبه بصدمه ثم انهارت في موجه قويه من البكاء وهي تدفعه بغضب بعيدا عنها

=انا..انا مش كده ارحمني من كلامك ده او مشيني من هنا ..انا مبقتش متحمله حرام عليك .. طلقني يا عمر.. وسيبني وملكش دعوه بإلي هيحصلي انا عاوزه اموت وارتاح

ضمها عمر اليه وحاول تهدئتها وهو يقول بندم
= انا مقصدش انا كنت بهزر معاكي وعشان اثبتلك اهوه شوفي ..

ثم تناول قطعه من الطعام ووضعها في فمه
= أهو يا حبيبتي شوفي..

ثم رفعها بين زراعيه واجلسها فوق ساقه وهو يضمها بحمايه وعشق شديد ويده ترفع وجهها الباكي اليه في حين تمر شفتيه على وجنتيها تمسح تلتقط دموعها وتمسحها بحنان
ثم همس لها ..
=خلاص بقى يا بيبه انا اسف تعالي ناكل سوى والا خايفه طبخك يكون وحش وميعجبنيش

عقدت حبيبه حاجبيها وقالت بطفوليه اثارت مشاعره الملهوفه عليها

=على فكره انا بطبخ حلو جدا..

مرر عمر اصبعه على شفتها وقال بحنان
=طيب خلينا ندوق طبخ الاميره بيبه كده

ثم بدء في اطعامها بيده وهو يحتضنها بشده كأنه يتمسك بلحظه غير حقيقيه .. يعلم كما تعلم انها لحظات مسروقه و لن تدوم للابد ..

ابتسم عمر بحب لها وهو يمسح بقايا طعام عن شفتها السفليه وقد اقترب بشغف من شفتيها وهو على وشك تقبيلها الا ان ارتفاع صوت رنين هاتف جعله يتراجع وهو يبتسم لها ويجيب على الهاتف بجديه

=الو ..ايوه يا حسن انا معاك اتكلم

عقد عمر حاجبيه ثم ابعد حبيبه عنه بغضب وهو ينهي المكالمه
تراجعت حبيبه للخلف بخوف وتوتر وهو يتصل بنادر بغضب شديد

= ايوه يا نادر عاوزك تجيبلي كل المعلومات عن واحده اسمها كامليا محمد البيومي مشاركه صادق ابو الدهب في شركة تسويق وعلاقات عامه عاوزك تجيبلي ملفها وملف شركتها الاسود كله ..

ثم اغلق الهاتف وهو يقول بغضب
=ورحمة امي لاعملهم عبره لمصر كلها

ثم التفت بغضب الى حبيبه التي تراجعت للخلف وهي تقول بخوف

=في ايه يا عمر ما انت كنت كويس

جذبها عمر من زراعها بغضب الصقها به

=بفكر يا حبيبه اعمل فيكي ايه اقتلك واخلص من مصايبك والا اسلمك ليهم بايدي وارتاح من غبائك ..

حبيبه بخوف
=هو ..هو في ايه بس

انفجر عمر بها ..
= لا ولا حاجه الشركه الي كنتي هتشتغلي فيها من ورايا طلعت شركة دعاره مقننه صاحبتها تبقى كامليا بيومي الي سمعتها زي الزفت والي تبقى في نفس الوقت شريكة صادق بس في السر..

حبيبه برعب
=يا مصيبتي السوده والله ماكنت اعرف حاجه من الي انت بتقوله ده

ثم تابعت بخوف
= وبعدين انا استحاله كنت هعمل حاجه زي دي ..دا انا لو كنت بس شكيت فيهم كنت سبتهم علطول

عمر بتهكم
= بجد ..لا كده طمنتيني..مش بقولك انك غبيه وسازجه ..هما مش محتاجين منك انك تشتغلي معاهم
كل الي محتاجينه هو انك تمضي عقد الشغل وكام صوره ليكي وانتي داخله وخارجه من شركتهم المشبوهه وساعتها هتبقى فضيحه يعني حتى
لو كنتي معملتيش حاجه مجرد وجودك وسطهم هيتاخد ضدك وهيسوء سمعتك خصوصا وانتي مش محتاجه الشغل و متجوزه واحد من اكبر رجال الاعمال في مصر

جلست حبيبه على طرف الاريكه وهي تقول بضياع
=وانا كنت هعرف منين ده كله ..انا افتكرته شغل عادي ومعرفش انه هيبقى وراه مصيبه زي دي

عمر بغضب ..
= ليه متعرفيش ان فيه حيوان اسمه صادق بيحاول يوصلك بأي تمن
المفروض بمجرد ما واحده كلمتك في التليفون وعرضت عليكي شغل كنتي تقوليلي علطول مش تصدقيها علطول من غير حتى ما تشكي فيها

حبيبه بارتباك
=طيب دلوقتي انا هعمل ايه ..دي اتفقت معايا اني لما انزل القاهره اقابلها علشان امضي العقد واستلم الشغل..
اتصل بيها اقولها اني عرفت كل حاجه والا ارمي الخط بتاعي واغيره والا مكالمتي معاها دي ممكن تعمل بيها حاجه..

نظر عمر لها بغضب ثم خلع قميصه والقاه ارضا واتجه للفراش واستلقى عليه وهو يقول ببرود

= معرفش..مشكلتك وحليها لواحدك انا مليش دعوه بالموضوع ده ..انا راجل ليا اسمي واخاف على سمعتي ومحبش اسمي يجي في في حاجات زي دي

ثم اغلق الضوء وتركها تجلس على طرف الاريكه تفكر بخوف..

بعد مرور ساعه
تابع عمر بعينين نصف مفتوحه حبيبه التي تجلس وهي تضم ساقيها تفكر بخوف في المصيبه الجديده التي وجدت نفسها متورطه بها ..
فطبعا عمر لن يتدخل فهي بالنسبه له زوجه مؤقته مجبر عليها لا تعني له شئ فحياتها وموتها بالنسبه له سواء..بل هي تشعر ان موتها سيحل له جميع مشاكله ويجمعه بجيلان بحبه الحقيقي

لتهمس فجأه بيأس شديد
=يارب اموت وارتاح

ثم انهارت فجأه في نوبة بكاء قويه وهو تكتم صوتها خوفا من ان يسمعها
ليتنهد عمر بتعب وهو يقول بهمس

=كفايه عليها اوي كده..

ثم تابع بغضب
=كان لازم اعمل كده علشان تفهم ان كل تصرف غلط هتعمله هيكون له تمن وتفكر كويس قبل ما تتصرف

ثم اتجه اليها وحملها بهدوء بين زراعيه واتجه بها للفراش ومددها عليه ثم استلقى بجانبها وهو يضمها اليه بحمايه
حبيبه ببكاء
= عمر انا خايفه اوي ومش عارفه اعمل ايه ..

مرر عمر يده على وجهها يمسح دموعها وهو يقول بمكر

=معاكي حق تخافي..الموضوع مش سهل خالص .. بس اكيد بكره لما تفكري كويس هتلاقي حل

انسالت دموع حبيبه وهي تقول بخوف حقيقي

=بس انا والله ممضتش على حاجه وكل الي عملته اني قلتلها اني موافقه اني اشتغل معاهم..تفتكر هي ممكن تئذيني بالمكالمه دي..

نظر لها عمر مطولا ثم ضمها اليه بقوه وهمس لها بحمايه..
= متخافيش يا حبيبه مفيش حد يقدر يئذيكي طول ما انا عايش..انا اتصرفت وخلاص الموضوع في حكم المنتهي بس ده مايمنعش اني لازم اردلهم الضربه بضربه اقوى منها عشان يحرموا يقربوا لحاجه تخصني..

انسالت دموع حبيبه براحه وقالت بارتجاف
=طيب ليه قلتلي انك مش هتتدخل ..

قبل عمر عينيها وزاد من ضمها بقوه وحمايه وامتلاك بين زراعيه
وهو يهمس في إذنها بحنان
=دي كانت قرصة ودن صغيره علشان نفكر قبل ما نتصرف ..
ثم قبل إذنها برقه ويده تمر في خصلات شعرها الناعمه بشغف وحب حتى غرقت في النوم ليقول بحنان وهو يضمها بتملك اليه

=نامي يا حبيبتي نامي .. و متخافيش انا عمري ودنيتي كلها فداكي

الفصل الرابع عشر❤

فتحت حبيبه عينيها بتعب لتجد نفسها مستلقيه في فراش عمر وهي تنام بأمان بين زراعيه فتملكها شعور بالارتباك والصدمه وذهنها يعيد عليها كل ماحدث لها سابقآ فأغمضت عينيها بألم وهي تهمس لنفسها باستنكار

= انا ليه ما مشيتش لحد دلوقتي ..
وبعمل ايه في سرير واحد بيكرهني ويحتقرني واتجوزني غصب عنه ..
كفايه اوي لحد كده المفروض اختفي وابعد بعيد عن كل الوجع والتعب ده

لتغمض عينيها وهي تهمس بألم

=بس انا خايفه ..خايفه أوي امشي وصادق ده يئذيني وعمر الوحيد الي بيقدر يحميني منه ..

ثم ابتسمت بوجع..

=انتي هتكدبي على نفسك كمان يا حبيبه.. انتي ممشتيش عشان مش بس خايفه من صادق ليئذيكي لا ..انتي بتحبي عمر وبتعشقيه ..بتعشقيه حتى وانتي عارفه ومتأكده انه بيكرهك و بيحتقرك وبيحب واحده تانيه غيرك برضه مش قادره تبعدي عنه وتسيبيه..

ثم تابعت بتصميم
=يبقى على الاقل ابعد عنه واحط حدود ما بينا كفايه وجع و لعب بمشاعري لحد كده ..

فحاولت رفع زراعه التي تحيطها بتملك و الانسلال بهدوء خارج الفراش..
الا انها تفاجأت بيده تشتد من حولها تمنعها من التحرر وتعيدها مره اخرى الى احضانه وهو يقول بهدوء

=رايحه على فين احنا لسه الفجر والصبح لسه مطلعش

حبيبه بارتباك
=هروح انام هناك على الكنبه

مرر عمر يده في خصلات شعرها وهو يقول بحنان

=ليه ..المكان هنا مش مريحك ..تحبي اخليهم يغيرو السرير والا نغير الجناح خالص

حبيبه بتوتر
=لا الجناح كويس ..والسرير مريح وكل حاجه بس انا هرتاح هناك اكتر وعلشان انت كمان تعرف تنام وترتاح في سريرك

ضمها عمر اليه أكثر وهو يقبل عنقها بحنان ويزيد من قوة ضمها اليه..

= مين اقلك اني مش مرتاح بالعكس دا اول يوم انام فيه كده بعمق وراحه..

تململت حبيبه وهي تحاول الابتعاد عنه ..

=معلش خليني اروح انام هناك احسن

ابتعد عمر قليلا عنها ثم اضاء نور الغرفه ونظر اليها بعبوس

=في ايه يا حبيبه..مالك

ابتعدت حبيبه عنه وجلست وهي تقول بتوتر

=مفيش حاجه ..انا بس قلقانه وعاوزه اعرف مصيري معاك ايه ..انا متلخبطه انت شويه تعاملني كويس وشويه تعاملني وحش وانا حقيقي تعبت..

اعتدل عمر جالسا هو الاخر ..ثم قال بجديه

= مش عارف..دي الحقيقه وبمنتهى الصراحه ..مش عارف هاعمل معاكي ايه

ثم اضاف بجمود
= المفروض كنت طلقتك من اول ماسمعت بالصدفه من شريف كل الي عملتيه..لا مش طلقتك بس ..المفروض كنت نهيتك خالص وعملتك عبره زي مابيقول قانوني الي انا عايش بيه
بس انا معملتش كده او عشان اكون اكتر صدق معاكي مقدرتش اعمل كده ..لحد عندك وقوانيني كلها بتتكسر ومبقدرش أنفذها ..

ثم تابع بغضب من نفسه قبل ان يكون منها..

= لا انا قادر انسى واسامحك على خيانتك ولا انا قادر اعيش معاكي طبيعي زي اي اتنين متجوزين..

سالت دموع حبيبه وهي تقول بألم

= بس انا عندي الحل ..الحل انك تسيبني امشي وتنساني وتعيش حياتك مع الي بتحبها بجد

عمر بتعب
= و ان كانت الي بحبها خانتني يبقى ايه الحل

حبيبه بارتعاش
= سامحها وعيش حياتك معاها هي بتحبك والكل شايف كده ..

نظر لها عمر بدهشه وهي تتابع بألم

=يمكن جيلان تكون قبل كده سابتك واتجوزت واحد غيرك وانت اعتبرت دي خيانه..بس هي رجعت ليك وندمانه فبلاش تعاقبها وتعاقب
نفسك معاها..

تحولت نظراته من الدهشه الى الصدمه وهو يضحك بقوه ويتراجع للخلف مستندا على الوسائد ثم قال بتهكم اثار غضبها

= حقيقي كل مره بتبهريني لدرجة مببقاش عارف ارد واقولك ايه ..

مسحت حبيبه دموعها وهي تنظر له بغضب
=ممكن اعرف انت بتضحك على ايه دلوقتي ..

عمر بتهكم غاضب

=ماهو الكارثه انك فعلا مش فاهمه انا بضحك ليه..بس اقولك خليكي كده احسن وخلينا نوصل لحل يريحنا احنا الاتنين

تجمعت الدموع في عيون حبيبه مره اخرى وهي تقول بابتسامه مرتعشه

=الحل سهل نتطلق وانا همشي وانت تكمل حياتك مع الي تحبها

اغمض عمر عيونه وهو يستمع لها بتعب وعقله وقلبه يتصارعان بداخله فقلبه يريد مسامحتها وبدء حياه جديده معها وعقله يرفض مطالب قلبه بل وينكرها عليه وينكر حبه وعشقه لها ويطالب بابعادها بل ومعاقبتها على كل الجرائم التي ارتكبتها بحقه ..

عمر بجديه

=اسمعي يا حبيبه انا عندي حل لكل الي احنا فيه..

ثم تنحنح وهو يشعر بثقل كلماته عليها وعلى نفسه

=انا يمكن مبحبكيش وبحب واحده تانيه زي ما انتي بتقولي ..
بس الحقيقه ان انا كمان عندي افتتان بيكي والافتتان ده مش هيروح الا لما نمارس حياتنا الزوجيه زي اي اتنين طبيعين شهر اتنين لحد ما ازهق ولعنة الافتتان دي تروح ساعتها بس هقدر هطلقك وانا مرتاح وهسيبك تمشي..

ثم تابع بجديه
= واوعدك اني قصاد ده هحميكي من صادق و من اي حد يحاول يتعرضلك بأذى وهديكي كمان فلوس تقدري تبتدي بيها حياتك من جديد

نظرت له حبيبه بارتباك وابتلعت ريقها وهي تقول بتوتر

=مش فاهمه حاجه..انت تقصد ايه بكلامك ده..

تنهد عمر بنفاذ صبر ثم قال بجديه

=بالبلدي كده ..راجل الي هو انا ..عاوز ست وعنده رغبه فيها .. الست دي الي هي انتي وعاوزها وراغبها جامد جدا كمان .

حبيبه بصدمه
= عاوزني ازاي يعني وانت مبتحبنيش وبتحب واحده تانيه

عمر محاولا الظهور بمظهر بارد

=وايه المشكله رجاله كتير زي وعادي جدا بيحبوا واحده وبيرغبوا في واحده تانيه.. والطريقه الوحيده للخلاص من المشاعر دي اننا منقاومش الرغبه دي ولا نحاربها وبعد شهر اتنين تلاته بالكتير شعلة الرغبه بتنطفي وكل واحد بيروح لحاله ويشوف حياته.. وده الي احنا هنعمله

انتفضت حبيبه واقفه بغضب وزهول

=طيب وانا ابقى ايه لما اوافق على حاجه زي كده..

سحبها عمر من زراعها واوقعها على الفراش بجانبه ثم احاطها بزراعيه وقال بهدوء ويده تتلمس شفتيها برقه

= تبقي مراتي..واي حاجه هنعملها مع بعض في الشهرين تلاته دول ..حلال

حاولت حبيبه نزع يده بعيدا عنها وهي تقول بغضب

=يعني عاوزني في حياتك لمدة مؤقته علشان ترضي رغبه عندك وبعدين هترميني وتطلقني وتقولي حلال

عمر ببرود
= ايوه يا حبيبه حلال ..على الاقل حلال اكتر من محاولتك قتلي علشان الفلوس و حلال اكتر من شغلك هنا جاسوسه لصالح اعدائي

ثم ضغط على زراعها بقوه وهو يقول بغضب مكتوم

= وحلال اكتر واكتر من تمثيلك الحب عليا بأمر من إلي بعتوكي هنا

انسالت دموع حبيبه وهي تقول بألم شديد

= الكلام ده مش مظبوط في حاجات كتير انت فاهمها غلط..

ترك عمر زراعها وهو يقول بقسوه

=غلط والا صح دي حاجه مبقتش تهمني.. المهم موافقه على كلامي والا لاء..
وقبل ماتتكلمي اعرفي ان انا هنفذ كل طلباتك من غير مناقشه لاني تعبت يعني لو رفضتي هطلقك وفورا بس بطلاقك مني هتعتبر حمايتي مرفوعه عنك يعني صادق او غيره هيقدرو يوصلولك وبسهوله وافتكري برضه ان اقل حاجه عملوها انهم بمكالمة تليفون صغيره كانو هيلبسوكي قضية دعاره.. ودا غير انك هتخرجي من هنا بشنطة هدومك يعني من غير فلوس او اي حاجه تساعدك في حياتك الجايه

ثم تابع بقسوه شديده
= وبرضه لازم تعرفي قبل ما توافقي ان جوازنا هيبقى لمده محدده انا الي اقررها واظن انها مش هتتعدى شهرين تلاته هنعيش فيهم حياه طبيعيه زي اي زوجين وبعدها كل واحد يروح في طريقه

ثم تابع بجديه شديده
=وفي شرط تاني و ده اهم شرط عندي مفيش حمل ولا خلفه ولا اي حاجه ممكن تربط مستقبلنا ببعض.. يعني قبل ما ألمسك هتروحي لدكتوره تديكي حاجه تمنع الحمل ..

انسابت دموع حبيبه وهي تستمع اليه يكمل بقسوه..

=انا عارف ان الي بقوله ده يمكن يكون صعب عليكي او تحسيه ظلم
او اهانه لكرامتك بس الصراحه مابينا في المرحله دي مهمه علشان لما توافقي تبقي عارفه انتي بتوافقي على ايه بالظبط

اغمضت حبيبه عينبها التي انسابت الدموع منها وهي تقول بألم

=كفايه يا عمر ..انا فهمت ..بلاش تجرح فيا اكتر من كده

عمر بجديه وهو يحاول تجاهل النظر لدموعها

=انا مش عاوز اجرح فيكي انا بقولك على الوضع الي هيكون مابينا
جواز طبيعي زي اي اتنين بس من غير حقوق الزوجه الطبيعيه.. يعني احب جيلان او غيرها اخرج مع دي او اسهر مع دي ميخصكيش .. و طبعا برجع أئكد عليكي مفيش حمل ولا خلفه لان لو حصل فرد فعلي مش هيكون كويس..

حبيبه بوجع
=يعني هتعمل ايه اكتر من كده

عمر بصرامه أخافتها..
=لا هعمل كتير والي هعمله مش هيعجبك ..لان ساعتها مش هيبقى قدامك غير خيارين لأما تنزلي الحمل ده او يكمل بس ساعتها هاخده منك ومش هتشوفيه تاني ..

شهقت حبيبه وهتقف و تبتعد عنه بخوف

=وانا ايه إلي يجبرني على كده دا الموت بالنسبالي اهون..انا هلم هدومي وماشيه حالا ومش عاوزه منك حاجه

عمر بهدوء
=طيب قبل ما تمشي ياريت تسمعي المكالمه دي وبعديها قرري

ثم فتح ميكروفون هاتفه واسمعها مكالمه مسجله بينه وبين نادر رئيس حرسه

عمر..

= ألو ..ايوه يا نادر عملت ايه

نادر بثقه

= روحنالها في الفيلا بتاعتها و اتعاملنا معاها وطلع فعلا صادق ابو الدهب هو الي عاطيها امر بالاتصال بمدام حبيبه علشان يعملها فضيحه …
بس مش بشوية صور ليها وهي داخله وخارجه من الشركه المشبوهه بتاعة كاميليا البيومي عشان يعملوا شوشره على سمعتها زي ما كنا فاهمين

عمر بترقب غاضب
= أومال ايه..

نادر بجديه
=كانت هتخليها تسلم اوردارت وتغريها بمرتب عالي وبنسبه على المبيعات وبعدين هتوديها لاكتر من شقه وكل ماتدخل مكان تصورها لحد ماتجمع لها صور لدخولها لاماكن كتير مشبوهه وفي الاخر ..

ثم تابع بحرج
= اسف في الي هقوله ..هيخدروها و..و.. ويعني حضرتك فاهم ..وبعدين يبلغوا عنها بوليس الاداب وهناك هيبعتوا لجهات التحقيق صوارها وهي داخله وخارجه من امكان مشبوهه كتير علشان التهمه تثبت عليها والفضيحه تبقى اكبر

عمر بغضب شديد
= هي حصلت يا ولاد الكلب ..طب اسمعني واعمل الي هقولك عليه……..

ليضغط عمر مغلقا الهاتف دون ان يسمعها باقي المكالمه ..

وقفت حبيبه تنظر له بذهول والدموع تسيل من عينيها التي تتسع بصدمه شديده من شدة الرعب وهي تصرخ بانهيار

= انتوا بتعملوا فيا كده ليه ..انا عملت ايه لكل ده ..حرام عليكم.. انت وصادق وشريف وعصمت ..كلكم بتعذبوا فيا ..
كل واحد فيكم بينهش فيا علشان يحقق مصلحته ..لكن انا مش مهمه عندكم.. اتعذب ..اموت..اتحرق مش مهم ..المهم تحققوا الي انتم
عاوزينه وبس..

اقترب عمر منها وقد ألمه رؤيتها وهي تنهار امامه باكيه فحاول احتضانها وهو يشعر انه قد قسى عليها كثيرا..

= حبيبه اهدي وإسمعيني ..

نفضت حبيبه يده بعيدا عنها وهي تقول بغضب..

=انت الي تسمعني ..انا موافقه يا عمر موافقه عشان اخلص من كل الي انا فيه ده.. مش مهم اخسر شهرين تلاته من حياتي بس المهم اكسب الي باقيلي منها وانا بعيده عنك.. بس انا كمان ليا شروط..
و أولها انك تبعد ايدك دي عني و متلمسنيش..الا بعد ما اخد وسيله لمنع الحمل لان انا الي مش عاوزه اخلف منك ولا عاوزه اربط حياتي بواحد قاسي واناني زيك

تنفس عمر محاولا السيطره على غضبه

=حبيبه خدي بالك من كلامك انا ساكت ليكي بس علشان خاطر انا عارف قد ايه إنتي مصدومه من
كلامي

حبيبه بوجع وتحدي

=لا قلبك حنين اوي ..عموما متزعلش اوي كده احنا بنتكلم بصراحه علشان لما كل حاجه تخلص ميبقاش فيه مشاكل..وعشان كده انا عاوزه بعد طلاقي منك اخرج بره مصر خالص بعيد عنك وعن صادق وعن الكل ومش مهم فلوس انا اقدر اشتغل واصرف على نفسي المهم ابعد عن هنا..

عمر بتردد
=هنشوف..لما نيجي لوقتها نبقى نقرر..

حبيبه بغضب
=لا دا اهم شرط عندي لاما يتنفذ ..لاما خلاص نتطلق دلوقتي وكل واحد يروح لحاله..

وقف عمر يتأمل نظراتها الباكيه والمتحديه قليلا ثم اجاب بغضب
وهو يسايرها وينوي عدم تلبية مطلبها ..

=موافق..ودلوقتي اتفضلي ارجعي للسرير ونامي.. الصبح هيطلع واحنا لسه منمناش..

اتجهت حبيبه للاريكه ونامت عليها واجابت بغضب وهي تسحب الغطاء فوق رأسها وجسدها

=انا هنام هنا لحد ما اروح للدكتوره بكره ..اظن حقي

عمر بغضب وهو يشعر انها تطعن فيه وفي رجولته كلما تتحدث عن رفضها الاقتراب منه الا بعد اخذها وسيله لمنع الحمل وكأن ما تقوله ليس شرطه هو من البدايه

=بطلي جنان و سيبي الكنبه وتعالي نامي على السرير وانا مش هقربلك متنسيش ان ده شرطي انا من البدايه

الا انها صمتت وهي تعطيه ظهرها وتغلق عينيها استعدادا للنوم..
مما اثار غضبه وجعله بتجه للفراش ويستلقى عليه بغضب وهو يطفئ إضائة الغرفه قائلا ..

= انتي حره..تصبحي على خير..

ثم اغلق عينيه بغضب محاولا النوم ..
لتمر اكثر من نصف ساعه حاول فيها النوم الا انه فشل وهو يشعر بافتقاده لها بين زراعيه..
فهب واقفا فجأه واتجه اليها وحملها فوق زراعيه ووضعها بالفراش هو يقول بغضب محاولا اخماد مقاومتها الشديده له..

=هتسكتي وتنامي هاديه والا استغل الساعتين تلاته دول معاكي في حاجه تانيه طالما كده والا كده صاحيين..

زادت مقاومة حبيبه اكثر وهي تقول له بغضب شديد ويدها تضربه بشده في صدره وزراعيه..

= قولتلك متقربليش ..اتفاقنا لسه مبدأش..انا مش الجاريه الي انت شاريها وبينا اتفاق لازم تحترمه ..

حاول عمر السيطره على غضبها وهو يقيد يديها الاثنان فوق رأسها و يقول بغضب
=اهدي ياحبيبه وبطلي حركه و جنان ونامي
صرخت به حبيبه بغضب شديد

=قلتلك ابعد عني ومتقربليش الا لما اروح للدكتوره بكره واخد حاجه لمنع الحمل .. مش ده كان اتفاقنا

لا يعرف لماذا اصابت مره اخرى كلماتها الغاضبه ورفضها الشديد له كبريائه و كرامته بشده وكأنها ليست كلماته او شروطه التي طالبها هو بها

هزها عمر بغضب ثم ترك يديها وابتعد عنها وهو يقول بغضب ..

=اخرسي وروحي نامي في المكان الي يعجبك ..

الا انها لم تستمع لكلماته اوتستوعبها لشدة غضبها منه فعندما شعرت بتحريره ليديها فجأته بهاجمتها الشديده له ضربا وركلا وهي تصرخ فيه بغضب

= انا بكرهك ابعد عني ..مش طايقه انك تلمسني ..ابعد بقى

سيطر عمر عليها مره اخرى وهو يقيد زراعيها مره اخرى للاعلى مستنكرا بغضب

=ايه ..انتي بتقولي ايه..

حبيبه وعينيها تلمع بدموع الغضب والتحدي
=الي سمعته ..ايه فاكرني هخاف منك..

نظر عمر لها بغضب تحول لتهكم

=طيب خلينا نشوف انتي بتكرهيني قد ايه
ثم بيده الاخرى شق بغضب القميص الرجالي الذي ترتديه نصفين ثم نذعه عنها بسرعه شديده ..
فصرخت به بخوف وخجل وهي تحاول ابعاده عنها فلا تستطيع ..

فتساقطت الدموع من عينيهاوهي تقول برعب ..

=ابعد عني .. انت اتجننت الي انت هتعمله ده اسمه اغتصاب..

جالت يد عمر على جسدها برقه ورغبه شديد بعد ان نزع باقي ملابسها عنها وهمس بتوعد امام شفتيها المرتعشتين ..

=الاغتصاب ده لما تكوني مش موافقه بس اوعدك كلها دقيقتين بالظبط وهتترجيني مبعدش عنك..

ارتعشت حبيبه بخوف
= عمر ..
مال عليها عمر محتضنا لها ومقبلا لشفتيها بشغف وعشق شديد
=ششش سيبي نفسك ليا ومتخافيش يا حبيبتي
ثم زاد من احتضانها بعشق وتملك شديد وقد ذابت معارضتها واختفت ادراج الرياح ..

بعد مرور شهر ..

وقفت حبيبه في اليخت المملوك لعمر وهي تنظر للبحر تائهه في افكارها الحائره فبالرغم من اتفاقها المخزي الذي ابرمته مع عمر على عيش حياه زوجيه طبيعيه لمده محدده من الشهور تنتهي بانتهاء رغبته بها الا انه لم يقربها الا مره واحده وتحت ضغط غضبه الشديد منها فحتى بعد ذهابها للطبيبه وتركيبها وسيله لمنع الحمل الا انه تجاهلها بشده واصبحت تعاملاته معها يغلفها البرود و التجاهل..

فيبدو ان الشغف الذي تحدث عنه انتهى قبل ان يبدء ..ويبدو ان الفراق اصبح اقرب مما تتصور.. حتى وجودها هنا على اليخت فهو للتغطيه على وجود جيلان معه و منعا للقيل والقال ..
تنهدت حبيبه وهي تحاول بغضب عدم النظر لجيلان التي تضحك باغراء وهي ترتدي ثوب سباحه احمر اللون من قطعتين لا يخفي شئ تقريبا و تسبح بكسل واغراء في بركة السباحه المقامه فوق اليخت مع عمر الذي يسبح هو الاخر بكسل بعد ان قطع بركة السباحه اكثر من مره بقوه ذهابا وعوده
فهمست حبيبه بغيره وغضب

= قلة ادب ومسخره ..

فأشار لها عمر وهو يضحك بمرح..

=حبيبه تعالي عاوزك ..

اقتربت حبيبه منه وهي تتوقع ان يدعوها مره اخرى للسباحه معهم..فهو طلب منها السباحه معه اكثر من مره الا انها رفضت وبشده لانها لاتجيد السباحه وتخاف من احراجها امامه وامام جيلان التي تسبح بمهاره شديده … الا انه قال باستفزاز

=قولي للطباخه تجيب كاسين عصير فريش هنا ..

ثم تابع باستفزاز اكبر
=او هاتيهم انتي ..

نظرت حبيبه له بغضب ..

= ليه فاكرني الخدامه الي اشترتها من سوق العبيد.. ماتروح تطلب انت والا خلي عروسة المولد الي جنبك هي الي تطلب..

عمر ببرود
=اظبطي لسانك احسنلك وروحي هاتي العصير

مررت جيلان يدها على عضلات زراعيه باغراء وقالت برقه مسطنعه

= خلاص يا بيبي ..انا عارفه طلبك كويس و هاروح اجيبلك العصير بنفسي..

احمر وجه حبيبه بغيره وهي تشاهده يبتسم لها برقه ثم يلف يده حول خصرها بتملك وهو يقول ببرود متحديا لها ان ترفض طلبه ..

= لا خليكي انتي.. حبيبه هي الي هتروح تجيب العصير..انا شايف انها مش عاوزه تعوم ولا تعمل اي حاجه غير انها تقعد تبص للبحر ..فخلينا نشغلها بحاجه تسليها ..

ثم همس لحبيبه بصوت خفيض متحدي…

= روحي هاتي العصير يا حبيبه بدل ما اخليكي تتطبخيلنا الغدا والعشا باديكي الحلوين دول ..

نظرت حبيبه له بغضب ثم قالت بحنق

= بس كده حاااضر..

عمر بتهكم
= شاطوره يا بيبه

ثم تابعها بتسليه وهي تتجه للداخل ثم رجعت بعد دقائق بصنيه فضية اللون وعليها كأسين كبيرين من عصير المانجو المثلج ..
فابتسمت له برقه وهي تنحني لاعطائه كأس العصير و تقول برقه

= العصير يابيبي

مما اثار ريبته ..الا انه لم يتوقع جرئتها عندما رمت محتويات الكأس البارد فوق رأسه وهي تقول بغضب

= ها العصير طعمه حلو يا بيبي

ثم حاولت التراجع للخلف بسرعه الا ان يده كانت اسرع و هو يتشبس بقدمها ثم يجذبها بقوه الى داخل المسبح..

صرخت حبيبه بخوف وهي ترتطم بالمياه تحاول التنفس والسباحه بعيدا عنه الا انها فشلت عندما وجدته بجانبها يجذبها معه بقوه الى اسفل المياه ..

فحاولت مقاومته بقوه والسباحه للاعلى لالتقاط انفاسها الا انها فشلت وهو يمسك كتفيها بقوه ويده تضغطها لاسفل تجبرها على المكوس معه تحت الماء ..
حتى شعرت بنفاذ احتمالها على البقاء بدون اكسجين وبانها ستموت لا محاله فاغلقت عينيها التي تسيل منها الدموع برعب مستسلمه لقدرها ..
الا انها وفي اللحظه الاخيره وجدته يرفعها معه للاعلى وهو يربت بقوه على وجنتيها منبها ..

= حبيبه خدي نفسك..

فشهقت بقوه وهي تسعل بشده
تحاول التقاط انفاسها بفزع ..
في حين ربت هو مهدئا على ظهرها و هو يقول بصلابه..

=اهدي ..اهدي وخدي نفسك بالراحه..
خدي نفسك بالراحه.. ايوه كده

بعد ثواني قليله انتظمت انفاسها فنظرت له بغضب..

=انت مجنون .. انت كنت هتموتني ..

ليرتفع صوت جيلان فجأه وهي تقول بغضب وغيره

=خلاص سيبها بقى يا عمر دي شكلها يا حرام مبتعرفش تعوم

ابتسم عمر بتسليه و سحب الحجاب عن رأس حبيبه وألقاه لخارج بركة السباحه وهو يقول بابتسامه مرحه

=مبتعرفش تعوم يبقى أعلمها..

ثم تراجع للخلف قليلا تاركا لها تتخبط في المياه وكأنها على وشك الغرق الا انها وجدت يده تسندها من الخلف وصوته يقول بهدوء ..

=سيبي نفسك للمايه وهي هترفعك .. متخافيش..

فنظرت اليه بارتباك ووضعت يدها على صدره العاري تتشبث به بخوف وارتباك ..وهو يقول ببرود

=بقى بتكبي عليا العصير يا بيبه .. اظاهر انا دلعتك زياده عن اللزوم..

حبيبه بتوتر وهي تستشعر الخطر من كلماته البارده فقالت بخوف ..

=عمر انت..انت هتعمل ايه..

اشار عمر لجيلان بالخروج من المياه وهو يقول بمرح

=اطلعي غيري هدومك و تعالي علشان نتغدى..

ثم إبتعد عن حبيبه وهو يقول بمكر

=يلا يا بيبه اخرجي انتي كمان وتعالي
علشان نتغدى..

تشبثت حبيبه بيده وقالت برعب

=عمر متسبنيش هنا لواحدي انا مبعرفش اعوم ومش هعرف اخرج
من حمام السباحه لواحدي

سحب عمر يده منها ثم قال بمرح زائف..
=الي تعرف تكب العصير فوق راسي ومتخافش تقدر تخرج لواحدها من حمام السباحه

ارتعشت حبيبه وهي تحاول الوقوف بصعوبه في الماء ..
ثم صرخت برعب

=عمر متسبنيش انا اسفه بس متسبنيش هنا لواحدي..

الا انه تجاهلها وهو يشير لها دون ان يلتفت اليها وذهب الى غرفته للاستحمام وارتداء ملابسه استعداد
لتناول الغداء برفقة جيلان ..

الا انه توقف بجوار احدى الخادمات وقال لها بهدوء
= عشر دقايق وروحي لحبيبه هانم ساعديها تخرج من حمام السباحه ..

ثم توجه بهدوء الى جناحه يستحم ويستعد لتناول طعام الغداء ..

في نفس الوقت ..

اشارت جيلان للخادمه وقالت بتعالي
= عمر بيه كان عاوز منك ايه

الخادمه باحترام
=كان عاوزني اساعد حبيبه هانم في الخروج من حمام السباحه

جيلان بقسوه
=طيب روحي انتي شوفي شغلك وانسي الكلام الي هو قالهولك..

الخادمه بخوف

= ازاي بس ياهانم دا اقل حاجه هيطردني..

جيلان بخبث
=انتي هتقولي انك روحتي تساعديها وهي زعقت فيكي ورفضت انك تساعديها ..وانك روحتي تبلغي عمر بيه لقاتيه في الحمام واستنيتي لحد ماخرج وبعديها بلغتيه علطول ..

ثم تابعت بابتسامه خبيثه
=ومتخافيش انا هأكد على كلامك وهقول ان انا شفتها وهي بتزعقلك وبترفض مساعدتك
ثم اضافت وهي تقول بتكبر
= ومتخافيش هحليلك بوقك و هخليهم يزودوا مرتبك ..بس انتي اول ما تشوفيه تقوليله علطول انها رفضت مساعدتك علشان يصدق كلامنا

ابتسمت الخادمه وهي تقول بطمع

= امرك يا هانم ..

ابتسمت جيلان وهي تقول بخبث
= لا خلاص روحي انتي هاتي الغدا اصل نفسي اتفتحت على الاكل
ثم ارتفعت ضحكاتها بلهو

مرت اكثر من نصف ساعه وهي تقف وسط الماء لاحول لها ولا قوه تنظر حولها بخوف تحاول التقدم للامام ببطئ فلا تستطيع من شدة الخوف ..
ومشهد الشمس الغاربه امامها على الرغم من روعته الا انه اصابها بمزيد من الرعب ..دموعها تتساقط وزكرى اخرى سيئه تهيمن عليها ..

صوت شيخ يتلو القرأن بخشوع ونساء يتشحون بالسواد وبكاء و عويل يملاءان المكان..وبينهم يرتفع صوت زوجة عمها الحاقد وهي تصرخ في زوجها بغضب

=البت دي مش هتدخل بيتي..دي نحس وقدمها قدم شوم وخراب اتسببت في موت امها وابوها وهما بيحاولوا ينقذوها من الغرق.. وانا
مش هستنى لما تيجي تنحسني انا
والا ابني وتتسبب في مو.ت حد فينا