يونس باستغراب
= عنوان ايه!
و انتي روحتي فين اصلا!!!
اتكلمت بخوف
= مش وقته المهم تيجي بسرعه الموضوع مهم
قالت كلامها و قفلت المكالمه
قام بسرعه و خوف من ان يكون حصلها حاجه لبس هدومه و نزل بسرعه ركب عربيته و طلع على العنوان اللي بعتتهوله
وصل للمكان لاقها واقفه قدام العماره
اتكلم بحده و هو بيروح عندها
= انتي ازاي تخرجي في وقت زي دا لوحدك و موضوع ايه اللي انتي جايبني عشانه انا مش فاهم حاجه
غصون بهدوء
= تعال معايا و انت هتفهم كل حاجه
قالت كلامها و مسكت ايديه و طلعوا قدام باب شقه جاسر
اتكلمت غصون بخوف
= اكسر… الباب
بصلها باستغراب و اتكلم و هو مش مستوعب
= فيه ايه يغصون انا بجد مش فاهم اي حاجه
غصون كانت لسه هتتكلم بس قاطعها الباب اللي اتفتح و خرج منه جاسر
جاسر بصلهم بصدمه كبيره و كان نظره متوزع ما بينهم و ما بين الشقه
زق يونس بقوه و جري على تحت
يونس بص لغصون بعدم فهم و غصون بصيت لجاسر بغضب و كانت لسه هتتكلم بس قاطعها مي اللي كانت خارجه بقميص النوم و بتتكلم برقه
= نسيت محفظتك ي…..
قاطعت كلامها لما شافت غصون و يونس واقفين قدامها و يونس كان بيبصلها بفحيح و عينيه حمره من الغضب
كان لسه هيروح عندها بس دخلت الشقه بسرعه و خوف شديد و قفلت على نفسها باب الاوضه بالمفتاح
يونس كان عامل زيي الاعمى وقتها
اتكلم بغضب مفرط و هو بيضرب… الباب برجليه
= يولاد الـ*****
مفكره ان الباب اللي قفلتيه دا هيمنعني عنك افتحي
كانت بتلبس هدومها بخوف شديد و بتحاول تلاقي مخرج من اللي هي فيه
كان جسمها كله بيترعش و هي حاسه بنهايتها خلاص قربت
فتح يونس الباب بكل قوته و راح عندها و مسكها من شعرها بقوه و اتكلم بفحيح
= تعالييي بقى انا تخونيني… يا زباله… مفكره انك هتقدري تفلتي انا هخلص… عليكي و عليه
مي بخوف شديد و بكاء
= هفهمك و الله دا هو ….
بقلمي يارا عبدالعزيز
قاطعها و هو بيقعدها على السرير و بيضربها… بكل قوته بالكفوف على وشها و هو عامل زي الاعمى
اتكلمت غصون بخوف و دموع
= كفايه يا يونس هتمـ,ـوت… في ايديك
متنساش انها حامل في ابنك
يونس بغضب مفرط
= ابنييييي و بعد اللي شوفته دا هصدق ان اللي في بطنها مني هي تستاهل المـ,ـوت…
غصون بغضب و بكاء
= بس هو بجد ابنك انا اتأكدت بنفسي سابها و فكر في ابنك ارجوك يا يونس متوديش نفسك في داهيه عشانها
قالت كلامها و بعدته عنها بالعافيه
مي استغلت بعد يونس عنها و في لحظه كانت جابت السكينه…. من طبق الفاكهة و حطتيها في رقبه غصون
أتكلمت بغضب مفرط و بكاء
= همـ,ـوتها… و هحرق… قلبك عليها لو مسبتنيش امشي من هنا دلوقتي
يونس بصلها بغضب و كان لسه هيقرب منها بس بعدته لما ضربته… بالسكينه… في ايديه
اتكلمت غصون بخوف و بكاء
= يووونس
ابعدي عنييي يونس
مسك ايديه مكان الجرح.. و هو بيتأوه بالم مي استغليت انشغاله و خديت غصون و خرجت بيها برا الشقه و كانت لسه هتنزل السلم بس لاقيت يونس وقف و اتكلم بغضب مفرط و ارهاق
= ابعدي عنها احسنلك
اتكلمت بغضب
= مش همـ,ـوت… لوحدي يا يونس هي كمان هتمـ,ـوت… معايا هي متستاهلش تبقى معاك محدش هيحبك ادي و الله العظيم هو اللي هددني… و انا مكنتش عايزه اخونك… تعال نفتح صفحه جديده و انا هسبها تعيش
كان بيقرب منها و هي بتبعد لحد اما وقعت هي و غصون من على السلم و معاها غصون يونس بصلهم بخوف شديد و اتكلم بخوف
= غصون!!
نزل بسرعه و حط ايديه على درجة السلم قدام غصون و شالها بس كانت فقدت الوعي اما مي ففضلت لحد اما نزلت الدور الارضي نزلت و هي فاقده للوعي و بتنزف… من دماغها
يونس كان شايل غصون على ايديه
حاطها في العربيه بسرعه و كان لسه هيطلع بس افتكر غصون و هي بتقوله ان اللي في بطن مي يبقى ابنه
جري بسرعه و شالها من على الارض كانوا كل اللي في العماره حواليها
حاطها في الكنبه اللي ورا و طلع على اقرب مستشفى سايق بسرعه جنونيه متجاهل المه.. و مفيش في دماغه غير غصون و ابنه اللي في بطن مي
وصل اقرب مستشفى و دخلوا بيهم غرفه من غرف المستشفى و بدأوا يعملوا الاسعافات الاوليه
نقلوا مي غرفه تانيه عشان يخيطولها… جرحها… فيها
يونس كان واقف قدام باب اوضه غصون بخوف شديد
بمجرد ما خرجت الدكتورة جري عليها
اتكلمت الدكتورة بهدوء
= متخافش الاتنين كويسين
مي احنا نقلنها غرفه تانيه و فيه دكتور دلوقتي بيخيطلها جرحها و بالنسبه لمدام غصون هي كويسه اغمى عليها بس من الارهاق و الخضه
يونس بخوف
= و الجنين
الدكتوره بهدوء
= ما انا قولتلك مدام غصون كويسه و الجنين كويس في بطنها
يونس بأستغراب
= لا انتي فاهمه غلط اللي حامل مي اللي الدكتور دلوقتي بيخيطلها الجرح…
فتحت الدكتورة باب الاوضه و شاورت على غصون و اتكلمت بتساؤل
= مش دي مدام غصون
هز يونس راسه بالايجاب و هو بيبص لغصون بخوف
فاق على صوت الدكتورة و هي بتتكلم بهدوء
= يبقى انا كدا فاهمه صح مدام غصون اللي حامل
انما مدام مي اللي نقلنها اوضه تانيه مش حامل
يونس برق عينيه بصدمه كبيره و اتكلم و هو مش مستوعب
= ازاييي
انتي اكيد فاهمه غلط يمكن بسبب الوقعه… اجهضت.. بس هي حامل
الدكتوره بضيق
= حضرتك مفيش اي حاجه من اللي انت بتقولها مدام غصون حامل في بدايه الشهر التاني اما مدام مي مفيش حمل نهائي هي بس فيه نزيف… من دماغها من اثر الوقعه مش اكتر
يُتبع…. بقلمي يارا عبدالعزيز
غصون
#الفصل_الرابع_عشر
بقلمي_يارا_عبدالعزيز
الفصل الخامس عشر
يونس كان بيبصلها بصدمه و مش مستوعب حاسس انه في حلم الصدمات كلها بتجيله ورا بعضها
طب ازاي و الدكتور كان قايل انها حامل!!!
معقول تكون متفقه مع الدكتور طب الاختبار اللي شافه
مليون سؤال في دمااغه و مش لاقيله جواب
اتكلم بحده و هو بيبص للدكتوره
= هاتي اللي يثبت كلامك
بصتله الدكتورة باستغراب و اتكلمت بهدوء
= تمام هبعت حد ياخد عينه من الاتنين و نعمل تحليل الدم.. و هو اللي هيثبتلك ان كلامي دا صح
هز راسه بغضب و اتكلم بحده
= و انا مستني
الدكتوره بصيت لجرحه… و اتكلمت بهدوء
= ايدك بتنزف…
خليني اشوفها
سحب ايديه لبعيد و اتكلم بحده
= بعدين
قال كلامه و دخل اوضه مي بسرعه بس انصدم لما ملاقهاش في الاوضه
فضل يدور في الاوضه بس بدون اي جدوى
الممرضه كانت داخله الاوضه اتكلمت بقلق
= المريضه راحت فين!
يونس بغضب مفرط و صوت افزع الممرضه
= انتي اللي بتسألي
هي مش كانت هنا معاكوا
أتكلمت الممرضه بخوف
= بس انا معرفش انا سبتها هنا و روحت اجيب العلاج
شكلها مشيت
بقلمي يارا عبدالعزيز
زق… التربيزه برجليه بغضب مفرط و مكنش شايف قدامه من غضبه
= ازايييي و انتوا كنتوا معاها بتعملوا ايه!!!
قال كلامه و خرج من الاوضه
نزل من المستشفى و ركب عربيته و فضل يدور عليها في الشوارع اللي جنب المستشفى
رن على رقم القصر و طلب منى بمجرد ما رديت عليه اتكلم بهدوء منافي للغضب اللي جواه
= غصون في المستشفى متخافيش عليها هي كويسه بس روحيلها عشان هي لوحدها هناك السواق هيقف بالعربيه في جنينة القصر
قال كلامه و قفل من قبل ما يسمع رد منى
فضل يسوق العربيه بتاعته و اتكلم بفحيح و هو بيضرب.. دريكسيون العربيه بايديه
= هجيبك يا مي
هجيبك مهما كنتي فين و مش هرحمك لازم تجاوبي على كل الاسئله اللي في دماغي و لازم اخاد حق خـ,ـيانتك… ليا و الله ما هرحمك
فضل يسوق عربيته بسرعه جنونيه
كلم واحد من رجالته في القاهرة و اتكلم بغضب مفرط
= مراقبه اربعه و عشرين سااعه لعاصم السيوفي و لو مي ظهرت معاه في اي مكان تبلغني انت فاهم
قال كلامه و رجع بالعربيه بسرعه متوجه ناحيه المستشفى
منى وصلت المستشفى و سألت على غرفه غصون و دخلت لاقيتها قاعده على السرير و بتتكلم مع الممرضه بدموع
= لو سمحتي انا لازم اخرج لازم اشوفه
طب هو فين كانت ايديه مجروحه…. ما ترديي عليااا
الممرضه كانت لسه هتتكلم بس قاطعتها منى اللي دخلت الاوضه بسرعه و اتكلمت و هي بتاخد غصون في حضنها
= ايه اللي حصلك يحبيبتى
مالك حاسه بي ايه
غصون بدموع و خوف
= يونس فين يا ماما انا خايفه يعمل اي حاجه في نفسه و ايديه كانت مجروحه… جامد
كلمي جدي أو عمي خلي اي حد يشوفه فين
منى كانت بتبصلها بعدم فهم
دخلت الدكتوره و اتكلمت بهدوء
= لو سمحتي التوتر و الخوف اللي انتي فيه دا غلط عشانك انتي لازم ترتاحي على الاقل علشان الجنين
منى بصتلها بصدمه و اتكلمت بتساؤل
= جنين!!!
الدكتوره بهدوء
= ايوا الجنين المدام حامل في بدايه التاني
انا جبت التحاليل اللي جوزك طالبها و …..
قاطعتها غصون و هي بتتكلم بدموع
= انتي قولتيله اني حامل!!!
الدكتوره بهدوء
= ايوا و طلب مني تحاليل منك انتي و مدام مي لان مش مصدق انها مش حامل بس انا ملاقتهاش…..
غصون بلهفه و صدمه
= لحظه
مين دي اللي مش حامل
مي البنت اللي جايه معانا!!
انتي متاكده من الكلام اللي بتقوليه!!!!!!
الدكتوره بضيق
= ايوا و الله هي مش حامل انا متأكده و دي تحاليل حضرتك لما يجي ابقي ادهيله عن اذنك
منى كانت بتبص لغصون بصدمه و صدمه غصون لا تقل عن صدمتها
اتكلمت بدموع و خوف
= ماما ابوس… ايديك رني على عمي خليه يشوف يونس راح فين ربنا ينتقم منها
منى خدتها في حضنها و اتكلمت بخوف
= اهدي يحبيبتى يونس كلمني و كان كويس هو اللي قالي انك تعبانه و قالي اجاي اقعد معاكي شويه و هتلاقيه جاي بس انتي اهدي مااشي يروحي
قالولي برا انك عادي تخرجي تعالي معايا يلا انا جبتلك غيار غيري و يلا عشان نروح
خديت غصون منها الهدوم و دخلت الحمام وقفت على باب الحمام و اتكلمت بدموع
= طب رني على يونس على ما اخرج مااشي
اطمني بس انه كويس و قوليله يجي المستشفى عشان الجرح… اللي في ايديه
خرجت بلهفه و مسكت فونها و اتكلمت بخوف
= لا انا مش هقدر استنى هرن عليه انا و اشوفه فين
خديت منى الفون منها و اتكلمت بحده
= طب روحي انتي غيري و ارتاحي و انا هرن عليه يلا يا غصون انا مش حمل مناهده معاكي
هزيت راسها و هي لسه ملامح الخوف عليها و دخلت الحمام تغير بمجرد ما دخلت يونس كان دخل الاوضه و فيه حامل على ايديه
قعد على الكنبه بارهاق و اتكلم بخوف و هو بيبص لمرات عمه
= غصون فين!
منى بقلق
= ايه اللي حصلك
ممكن تفهمني انا مش فاهمه حاجه
اتكلم بارهاق و حده
= بعدين يمرات عمي
لو سمحتي ممكن تقوليلي غصون فين
منى كانت لسه هتتكلم بس سمعت غصون و هي بتسفرغ و بتتاوه بالم
جريت مع يونس و وقفوا على باب الحمام
فتح الباب بخوف لاقها واقفه على الحوض و بتصب عرق..
اتكلم بخوف و هو بيسندها
= مالك فيه ايه
غصون انتي كويسه ردي عليا
هزيت راسها بارهاق و سندت راسها على صدره و مسكت فيه بمجرد ما مسكت هدومه فضلت تعيط بقوه
ربط على ضهرها بحنان و قبل.. راسها
طلعها من حضنه و غسل وشها و كل دا تحت نظرات الحزن منها
اتكلمت بدموع
= الدكتوره جابت التحاليل بتاعتي
بقلمي يارا عبدالعزيز
سحبها لحضنه و اتكلم بهدوء
= مبروك
يلا عشان نمشي
لسه تعبانه