غصون بمجرد ما طلعت مع منى
قعدت تحت رجليها و اتكلمت ببكاء
= و الله العظيم يا ماما ما عملت حاجه
انا اتخطفت و صحيت لاقيت نفسي بالهدوم اللي انتوا شوفتوها في الصور انا معملتش حاجه انا مستحيل اخون ثقتك فيا انا تربيتك
منى بحنان و هي بترفعها لمستواها
= عارفه يحبيبتى
انا واثقه فيكي و عارفه ان اكيد فيه حاجه غلط في الموضوع و زي ما ربنا نجاكي انهاردة اكيد هيجي اليوم اللي هتنكشف فيه الحقيقة و هترجعي ترفعي راسك في وسط الدنيا بس لحد ما دا يحصل انتي لازم تكوني قويه و تواجهي
_دخلت غصون جوا حـ,ـضنها و منى حـ,ـضنتها بقوه
اتاوهت بالم لما منى حركت ايديها على رقبتها
خلعت منى حجاب غصون بخوف و بصتله بصدمه لما لاقيت فيه علامات زرقه عليه
اتكلمت بدموع و هي بتجري تجيب مرهم
= العلامات دي لازم تختفي يونس لو شافها كدا هيشك اكتر و مش بعيد يتحول عليكي مش هيقبلها على نفسه انا عارفه كويس
غصون بصتلها بخوف و جريت قدام المرايا و اتكلمت بتلقائية
= هفضل قاعدة قدامه بالحجاب لحد اما يروحوا
منى بشك
= انا مش عارفه ايه اللي في دماغ يونس بالظبط أو ممكن يعمل ايه
غصون بصتلها بعدم فهم
اتكلمت منى بحنان و هي بتحطلها المرهم على رقبتها
= يلا عشان تجهزي
شويه و كل ستات العيله هتيجي و لازم تباني قدامهم عروسه بجد عشان محدش يشك في حاجه
بعد مرور تلت ساعات
كان انكتب كتاب يونس و غصون و اهل البلد كلهم كانوا ما بين الفرحانين و ما بين الحاقدين على غصون بانها بقيت مع واحد زي يونس بكل سُلطته و هبيته
_غصون كانت قاعدة في اوضه يونس بعد ما كامل امر الخدم ينقلوا حاجتها
دخلت غيرت الفستان بسرعه لانه كان مكشوف و مكنش عليه حجاب لانها مخرجتش من الاوضه
دخلت و لبست بيجامه بكم و مقفوله من عند الرقبه
بقلمي يارا عبدالعزيز
_بمجرد ما حسيت بحركته كانت لسه هتتصنع النوم بس دخل بسرعه و خلع الجلابيه اللي كان لابسها بضيق و هو متجاهل وجودها تماما
_لاحظ البيجامه اللي لابسها و حركتها بانها ترفع الرقبه بتاعتها
بصلها بشك و دخل غرفه الملابس
خد اول بيجامه قصيره قابلته و هو قاصد عشان يعرف مداريه عنه ايه
و كانت عباره عن برموده نازله من عند الاكتاف و شورت… قصير
اتكلم بحده و هو بيحطها قدامها
= قومي البسي دي
الجو مش برد لي اللي انتي لابسها دي!
بقلمي يارا عبدالعزيز
_خديت منه البيجامه بخوف و دخلت الحمام
بصتلها بخوف و لبستها
فضلت واقفه في الحمام و هي بتفكر في اي طريقه تداري بيها العلامات الزرقه اللي في رقبتها
فجأة لاقيت اكوره الباب بتتحرك و سمعت صوت يونس الغاضب
= افتحي الزفت.. دا بدل ما اكسره… على دماغك
خايفه من ايه و عايزه تداريه عن جوزك يست غصون
اظن كل حاجه بقيت على المكشوف معندكيش اي حاجه تخبيها
_اتنفست بخوف شديد خوفها منه بيمنعها تروح تفتح الباب
بعدت بسرعه عن الباب لما لاقته بيكسره
اتفتح الباب من قوه يونس عليه
راح عند غصون
كانت بتبعد و هو بيقرب لحد اما خبطت في حيطه وراها
_بصتله بدموع و خوف لما لاقته قرب منها ، بص لكل انش في جسمها لحد اما لاحظ العلامات اللي على رقبتها
كور ايديه بغضب و قرب منها
غمضت عينيها بخوف شديد و اتكلمت بتلعثم
= يونس لأ انا
_قاطعها لما لاقته بيحاوط خصرها و بيضغط عليه بقوه كبيره
مسكت في كتفه و ضغطت عليه بقوه من المها و مقدرتش تتكلم من خوفها منه
مسك رقبتها و ضغط عليها بقوه
اتكلمت بدموع و الم
= اااااه
ابتسم بشك و اتكلم بهدوء
= بتوجعك اوي كدا!
_هزيت راسها باستغراب من طريقته
حسيت ان دا هدوء ما قبل العاصفه
انصدمت بخجل لما لاقته بيد.فن وشه في رقبتها و بيطبع علامات ملكيته عليها
غمضت عينيها بخجل و حطيت ايديها على صدره بضعف و هي بتبعده
حرك ايديه على العلامات اللي سابها و اتكلم بهدوء
= نفس الوجع!
_بصتله باستغراب و هزيت راسها بالنفي و هي شبه مغيبه
رفع حاجبه بشك و اتكلم بحده
= ادخلي غرفه الملابس و البسي بيجامه مققوله عن دي و تعالي نامي
_قال كلامه و خرج من الحمام و قعد على الكنبه و هو شارد
بصيت غصون لطيفه باستغراب و خرجت بصتله و دخلت بسرعه غرفه الملابس تغير البيجامه اللي لابسها
_خرجت و هي لابسه بيجامه مقفوله نوعا ما و قعدت على السرير
سمعت صوت اشعار جاي لفونها
فتحت الفون لتنصدم بخوف شديد من اللي شافته
كانت نظراتها متوزعه ما بين يونس و الفون و علامات الخوف الشديد على وشها
بقلمي يارا عبدالعزيز
_يونس بصلها بشك و خد منها الفون
كور ايديه بغضب مفرط لما شاف محتوى المسدج اللي مبعوته
” نسيت اقولك يروحي ابقي ادهني مرهم على العلامات اللي في رقبتك بعشقك هستناكي تكلمني عشان انتي بتوحشيني اوي و ااه متنسيش تمسحي المسدج اول اما تشوفيها ”
يُتبع…..
نتفاااعل يولاد شجعوني عشان نكملها مع بعض 🥰”)))
بقلم_يارا_عبدالعزيز
#الفصل_الثاني
الفصل الثالث
” و ااااه حاسبي جوزك ياخد باله ”
دي كانت محتوى المسدج التانيه اللي وصلت بعدها بثواني معدوده
يونس بص للرسالتين بغضب مفرط و مشفش اي حاجه قدامه
رمى الفون بكل قوته ليسقط أرضا و هو متفتت لقطع من اثر الرمي و قوه يونس عليه
_غصون بصيت للفون و بعدين بصيت ليونس و جسمها كله بقى بيترعش بخوف و هي شايفه تحوله
عيونه بقيت حمره من الغضب و عروقه برزت
بمجرد ما شافته كدا دمعت بخوف شديد منه و جريت بسرعه و هي بتحاول تهرب منه
_كان بيحاول يتحكم في غضبه عشان ميأذيهاش
لكن مقدرش
مين الراجل اللي يستحمل على نفسه ان رساله زي دي تتبعت لمراته!!!!
رساله بتحمل كل معاني الاهانه… ليه
مقدرش يسيطر على نفسه و جري عليها بسرعه قبل ما تفتح الباب و مسكها… من شعرها بكل قوته و اتكلم بغضب و صوت عالي اتفزعت على اثره
= مين دا!
مكانه فين
اسمه ايه
قولي بدل ما امـ,ــوتك…. في ايدي
مين داااااااا!!!!
انطقي
اتكلمت ببكاء و صوت مرتعش من فرط خوفها
= و الله العظيم ما اعرف هو مين!
بصلها بفحيح و زقها… على السرير
حسيت بضلوعها اتكسرت من قوه زقته ليها
مسكت جسدها بالم و دموعها نزلت بغزاره
اتكلمت بصوت عالي و بكاء
= يعمي
ماما حد يلحقني يا ناااااس
بقلمي يارا عبدالعزيز
_جريوا كلهم على اوضه غصون بعد ما سمعوا استغاثتها بيهم
و قلوبهم مليانه بالخوف و خصوصاً رأفت و منى
_اتكلمت غصون بدموع و جسمها كله بيترعش بخوف
حسيت بدوار شديد و الصوره قدامها بقيت منغمشه
ميلت على السرير مغشيا عليها
دخلت منى بخوف شديد و راحت قعدت جانبها و اتكلمت بدموع و هي بتهز وشها برفق
= غصون فوقي يبنتي
عملت فيها ايه يا يونس حرام عليك و الله بنتي ما عملت حاجه منكم لله
نواره بغضب
= يعني و هو كان عاملها ايه!
بنتك بتدلع يا منى
منى اتجاهلتها لانها مكنتش شايفه قدامها غير غصون اللي مغمى عليها قدامها
زاد خوفها لما حاولت تفوقها بكل الطرق بس بدون اي جدوى
يونس كان واقف بيبصلها بخوف و خصوصاً بعد ما منى حاولت تفوقها كتير بس معرفتش
دخل غرفه الملابس و جاب عبايه مفتوحة و طرحه و لبسهملها تحت نظراتهم
و شالها من على السرير بسرعه و اتكلم بحده
= مش عايز اي حد يجي معايا
انا هاخدها المستشفى
منى بغضب
= يعني ايه محدش يجي معاك!
انا عايزه اطمن على بنتييي
كامل بحده
= منى خلاص هو جوزها و هيعرف ياخد باله منها
خرج يونس متجاهل كلامهم اللي مكنش ليه اي لازمه بالنسباله
نزل و حاطها في العربيه من ورا و ساق بسرعه جنونيه
وصل المستشفى و دخلوا بيها الاستقبال
كان واقف جنب الدكتورة و هي بتفحصها و مركز بنظره عليها
اتكلم بحده و صوت متلعثم
= لو مش عارفه تفوقيها قولي و انا اشوف واحدة غيرك
متسبيهاش كدا بقالك ربع ساعه بتفوقيها و مفيش فايده!!!
الدكتوره بخوف من لهجه يونس اللي برغم انها كانت فيها رعشه الا انها كانت مليائه بالغلظه و الحده اللي اي حد يخاف منها
اتكلمت بخوف
= ممكن اعرف ايه اللي حصلها بالظبط
ضغطها وطي اوي و مش هتفوق الا لما يرفع
هز راسه بخوف و اتكلم بحده
= ماشي يلا ارفعيه متسبيهاش كدا
بدأت الدكتوره تعلق محلول لغصون و مشيت
يونس فضل قاعد جنب غصون و متابع المحلول و مستيناه يخلص بفارغ الصبر
بعد مرور نصف شاعه
بدأت غصون تفوق تدريجياً بارهاق
لاقيت يونس واقف قدامها
اتعدلت بارهاق و اتكلمت بدموع و صوت مرتعش
= و الله ما اعرف حاجه يا يونس
متضربنيش…. يا يونس انا معرفش حاجه
يونس جري عليها و اتكلم بخوف
= انتي كويسه
هنادي على الدكتوره تيجي تشوفك
اتكلمت بشهقات و هي بتبصله بخوف
= انا عايزه اروح البيت عند ماما
مش عايزه افضل هنا معاك
انا خايفه منك
كلكم عايزين تعاقبوني على حاجه انا معاملتهاش و الله العظيم انتوا كلكوا ظالمني و انا مستحيل اسامح اي حد فيكم
فكرت لما جدي يقولك تعال مـ,ـوت… غصون هتقف جانبي باعتبارك ابن عمي و اخويا الكبير
انا مكنتش شايفه غيرك السند بعد بابا الله يرحمه بس انت كمان زيهم
انت بتقسى عليا اكتر منهم!!
مقدرش يتحكم في غضبه وقتها
اتكلم بغضب مفرط خلاها تخاف اكتر
= اكون ليكِ السند في الغلط
اسقفلك على انك ضيعتي شرفك..
كمل و هو بيطلع الصور من جيبه و بيرميها في وشها و بيتكلم بغضب
= اكون السند على دول
و لا على الرسايل و لا على العلامات اللي في رقبتك و لا الحاجات اللي لسه احنا منعرفهاش
انتي اللي حطيتي نفسك في كل اللي انتي فيه
بدل ما تشكريني لان بسببي انتي دلوقتي لسه عايشه
انا لو مكنتش اتجوزتك كان جدي**…
جايه دلوقتي تلومني انا
انا اللي انتشلتك من مصيرك اللي انتي عارفه كويس كان هيكون ايه
مسكت في ملايه السرير بخوف و جسمها اتنفض بقوه
شافها كدا جري عليها و اتكلم بخوف
= غصون انتي كويسه
اهدي
أتكلمت بانهيار و هي بتبعده عنها
= ابعدددد عنيييي
انا مش كل شويه هفضل اقولك انا بريئه و انت تفضل تسمعني نفس الكلام
ياريتك كنت مـ,ـوتني… ارحم بكتير من اللي انا فيه دلوقتي
قالت كلامها و شالت المحلول من الكانيولا اللي في ايديها
جت تقوم من على السرير قعدت تاني بتعب
مسك كتفها و اتكلم بهدوء
= استني هنادي الدكتورة الاول
كانت لسه هتتكلم بس قاطعها و هو بيتكلم بحده
= انا مباخدش رأيك
خليكي قاعدة دقيقه و رجعالك
بقلمي يارا عبدالعزيز
بصتله بعتاب و دموع ليبادلها نظراته بحده
مشي بسرعه ينادي للدكتوره
مددت على السرير و غمضت عينيها بارهاق و هي حاسه بدوخه شديده
دخلت الدكتوره و بدأت تفحص غصون اللي كانت مغمضه عينيها بتعب
اتكلمت الدكتورة بهدوء
= الضغط رفع شويه بس لسه واطي
حاولي تهدي شويه عشان صحتك اول اما المحلول يخلص امشي
بعد منتصف الليل
وصل يونس مع غصون
منى نزلت بسرعه بمجرد ما سمعت صوت عربيته
جريت على غصون و اتكلمت بلهفه
= عامله ايه يحبيبتي
غصون بهدوء
= كويسه يا ماما
منى بهدوء و هي بتمسك ايديها
= تعالي هتنامي معايا انهاردة عشان اخاد بالي منك
رفع حاجبه بأستغراب و اتكلم بحده
= و انا عيل صغير مش هعرف اخاد بالي منها!
منى بحده
= اااه هي تعبت و اغمى عليها بسببك
غصون هتعقد معايا انهاردة لحد اما تبقى كويسه
يونس بحده
= انا ساكت بس احتراما لعمي الله يرحمه
بنتك دلوقتي بقيت على زمتي يعني انا اللي احدد تعقد فين و انا عايزاها معايا
و مش من الاصول خالص يمرات عمي انك تاخدي مراتي مني يوم فرحنا
رأفت جيه و سمعهم
اتكلم بهدوء
= ساعديها يمرات اخويا تطلع جناح جوزها
هزيت منى راسها بقله حيله
يونس كان لسه هيمشي وراهم بس قاطعه رافت اللي اتكلم بهدوء
= عايزاك شويه
يونس بصله بانتباه
اتكلم رأفت بهدوء
= انا سبتها تطلع جناحك عشان مصغركش قدام مرات عمك
بس خليك فاكر انت اتجوزت غصون ليه يا يونس
رفع حاجبه باستغراب و اتكلم بسخريه
= هههههههه
متخافش مش هيحصل حاجه
و انا فاكر كويس اوي انا اتجوزت غصون ليه
قال كلامه و مشي من قدامه
قاطعه رأفت و هو بيتكلم بحده
= انا طول عمري واخد طريق العلم بعيد عن القسوه و الانانيه اللي جدك علمهولك
بس قسما بالله لو عرفت انك قربت من بنت عمك غصبن عنها و ندمتني على قرار جوازك منها و انك استغليت الموضوع دا هزعلك مني جامد يا يونس
ابتسم بسخريه و فضل واقف مكانه من غير ما يبصله و اتكلم بهدوء
= شهرين بالظبط و هطلقها حلو كدا
هز رأفت راسه بهدوء
= تمام
في غرفه حامد
نبيله كانت بترمي كل حاجه في الاوضه بغضب مفرط
اتكلمت بغضب
= ممـ.وتهاش و خلصنا منها ليييه!!!
طول عمره قاسي و معندوش قلب ايه اللي حصل
معقول يكون بيحبها!!
حامد بنفي
= معتقدش
ابوه هو اللي منعه
نبيله بغضب
= انت متعرفش يونس و لا ايه
يونس محدش يقدر يمنعه عن اي حاجه هو عايزاها جده نفسه ميقدرش يقف قصاده
يونس لو وقف في صف غصون احنا كدا هنخسر كل حاجه يا حامد لازم نشوف حل و نبعدهم عن بعض
لازم يكرهها و ميحبهاش ابداا
هز حامد راسه بشر… و اتكلم بخبث
= متخافيش يقلبي
هنخلص من الاتنين في اقرب وقت
دخل يونس الجناح بتاعه
كانت غصون نايمه في حـ,ـضن منى
اول اما شافته داخل قامت و خرجت من الجناح من غير ما تتكلم
بص يونس لطيفها بحزن و اتنهد بقوه
قعد جنب غصون و حط ايديه على رقبتها
بربشت عينيها بالم