دلفت منار و معها العصير
منار : اتفضلي العصير الي بتحبيه … شمس قالتلي انك بتحبي عصير البرتقال … عملتهولك بايدي
ليلى اخذت العصير وقالت : تعالي شوفي سلفتك الهبلة يا منار … قال ايه لغاية دلوقتي جوزها ما قربلهاش و فوق كل ده هيتجوز عليها
نظرت الى شمس و قالت : بصي يختي لسلفتك وشها منور ازاي .. جوزها بيم-وت عليها و شكلها كدة بتتوحم … و انتي خليكي بخيبتك
كحت منار باحراج
شمس بسخرية : امممم و النبي بتتوحم ؟ يهبلة دي حالها من حالي و انيل دي الي جوزها اتجوز عليها هدى
ليلى بصدمة : يا انهار اسود هو انتي مرات مالك ؟
منار بضحكة غبية : اه
ليلى : يا خرابيييي انتو اكيد هتشلوني .. اقوم اروح لجوزي و عيالي قبل ما اتنقط منكم
شمس : لا استني اتغدي معانا و بعدين تبقى تروحي
ليلى : بس لو مكنتشيش تحلفي يا شمس .. امري لله هقعد اتغدا
ضحكت منار و شمس عليها
منار بضحك : اتفضلو الغدا جاهز
على طاولة الغداء
ليلى : ليه بس تتعبو نفسكو و الله خيركم سابق
فيصل : ده اقل واجب يا بنتي اهلا وسهلا
ليلى : بقولك يا جوز اختي
نظر لها رعد باستغراب
ليلى : ما تعملك همة كدة و تخلينا نشوفلك عيال .. اصل شمس بتحب الاولاد اوي
نظرت شمس لاختها و هي بتبرقلها بينما رعد ينظر لشمس بتلاعب
رعد : ان شاء الله عن قريب ما تقلقيش
ليلى : يا رب
نظرت لمالك و قالت : وانت يا اخويا ناوي تخلف امته ؟؟ ع الستين ما تخلفلك عيلين تلاته تشد ضهرك بيهم
بدأ يكح مالك و يضحك و قال : ولا يهمك الليلة هيكونو بالبيت
نظرت له منار برفعة حاجب بينما ليلى ابتلعت ريقها بخوف من نظرات شمس
رعد بجدية : مالك بكرا هنروح ع الساعة 5 مش لازم نوصل قبل كدة
مالك باستغراب : ليه يعني
رعد : هقولك بعدين
سمس : هتروحو فين ؟
رعد : احتفال لشركات الديب بمناسبة اطلاق قناة فضائية تابعة ليهم
شمس : اممم
منار : و هتروحو لوحدكم
مالك : لا طبعا كل واحد و مراته
شمس : امم طيب هطلع ارتاح انا …ابقي قوليلي يمنار حصل ايه بالحفل لما ترجعي
رعد بهدوء : ليه تقولك منتي هتروحي
شمس ببرود : بس ما تنساش انك خاطب .. و خطيبتك من مستواك ابقى روح معاها
رعد بخبث : لا بس انا حابب مراتي الي تروح معايا
شمس بحدة : انا لسا تعبانة و مش رايحة لمكان
ليلى بغضب : بت يا شمس اتلمي و اسمعي كلام جوزك يا خايبة ده بدل ما تطفشيها
رعد بضحك : والله اختك عارفة مصلحتك اكتر منك
في اليوم التالي
وصلو قاعة الاحتفال
دلف مالك و رعد و كل واحد ماسك ايد مراته
شمس و منار كانو لابسن نفس الفساتين بالزبط حتى اللون نفسه
بعد شوية تقدمت داليا من رعد و شمس
داليا بحنق : مش قولت هتيجي لوحدك
رعد بهدوء : اممم و انا حر حبيت اجيب مراتي معايا عندك مانع ؟؟
داليا بقهر : لا طبعا
و وقفت جنبه و هي غير راضية عن هذا التصرف
تقدم رجل اربعيني (رجل اعمال مشهور جدا) و معه زوجته
رأفت : رعد بيه ازيك
و سلم عليه
رعد برسمية: ازيك يا رأفت بيه .. الف مبروك
رأفت و نظر الى شمس باعجاب و قال : انا كويس جدا ..ربنا يبارك فيك
كريستين : ازيك يا رعد بيه وحشتنا جدا زمان اوي ما شوفناك
رعد : الحمدلله.. معلش دايما مشغول
كرستين : ومين الحلوة دي
رعد بهدوء : شمس هانم مراتي
كرستين بصدمة : و كمان اتجوزت .. الف مبروك
و مدت ايدها لشمس التي سلمت عليها بابتسامة صفرا
رأفت باعجاب شديد و هو ينظر لشمس من اعلى لاسفل : اهلا يا شمس هانم
و مد لها يده
نظرت ليده بصدمة و رفعت نظرها له مرة اخرى
حط رعد ايده بايد رأفت وقال بغيرة : ما بتسلمش على رجالة
سحب رأفت يده و قال : و شمس هانم اتجوزتها عن حب يا رعد ولا ايه .. عشان داليا و كدة
رعد نظر لشمس و قال : طبعا شمس هانم الحب الاول و الاخير
بينما رأفت ينظر لها باعجاب شديد
تقدم رجل اعمال اخر و سلم على رعد الذي انشغل بالحديث معه
كان ينظر رأفت لشمس من فوق لتحت باعجاب و كانه بيخطط لشيء و يشرب من الكاس
تضايقت شمس جدا من نظراته و ادارت وجهها للجهة الاخرى
التفت رعد الى رأفت الذي ينظر لشمس سرعان ما اشتعل بركان من الغيرة و الغضب
احاطت يده بخصرها تحت اعين رأفت نظرت شمس لرعد باستغراب بينما هو قال لها بخفوت : يلا يا حببتي من هنا
عند مالك
منار : هو انت ليه بتحضر الحفلات دي
مالك : شغل
منار : يعني انت ناوي تشتغل معاهم
مالك : امم يمكن
منار : طب هو مين صاحب الشركات دي
مالك : رأفت الديب …ليه الاسئلة الكتيرة دي
منار بهدوء : منا زهقانة اعمل ايه يعني
مالك : طب تعالي نقعد مع رعد و شمس
منار : يلا
جلسو جمعيا على نفس الطاولة
كرم : ازيك يا شمس ؟ ان شاء الله تحسنتي ؟
نظر رعد لكرم باستغراب و ضيق
شمس بهدوء : انا كويسة جدا ميرسي
كرم : الحمدلله على سلامتك .. ابقى رجعيلنا رعد للشغل انا شايل كل حاجة لوحدي
رعد : و مالك راح فين
كرم بغمزة : اخوك في حد واخدله مخه .. ده مش معانا خالص
مالك بضحك : لا يشيخ …….يتبع
لم تكن حبيبتي
همس كاتبة
بارت 12
رن موبايلها
شمس : عن اذنكم شوية
و قامت عشان ترد
شمس بخفوت : الو
امل : حصل ايه طمنيني
شمس بخوف : تعرفت عليه … امل انا خايفة ده ما نزلش عنيه من عليا
امل : منا قولتلك انه بتاع ستات … المهم حاولي تدخلي اوضة المكتب و تجيبي الاوراق الي قولتلك عليها
شمس بتوتر : مش عارفة هدخل ازاي كل المكان مراقب
امل : طب شوفي حد من الخدم زبطيه بقرشين كويسين … او اي حاجة
شمس : امري لله بس لو اتكشفت و دبحوني قولي لاخوكي اني كنت احبه اوي
امل بضحك : ده وقت هزار يا شمس
شمس : الا قوليلي يا امل هو رأفت ده عمك ازاي و هو من عيلة مختلفة ؟
امل بتنهيدة : هو غير كنيته و تبرأ منا و احنا تبرينا منه .. الي بينه و بين اخواتي شغل يا شمس و هما متفقين مفيش خلط بين الشغل و الحياة الخاصة …. رعد و مالك مش واخدين بالهم خالص من مخططاته … بس هيجي اليوم الي اقدر افضحه و نخلص منه
كانت شمس هترد عليها بس خبط فيها شاب ثلاثيني ، وقع التلفون من ايدها
نزلت شمس لاحضار هاتفها و قالت بحدة : مش تفتح
الشاب ببرود : ما …..
و توقف عن الحديث مجرد ما لفت وشها ليه
الشاب باعجاب : ايه ده … انتي تبع مين في الحفلة دي
شمس بقرف : وانت مال امك
الشاب بصدمة : نعم
شمس برفعة حاجب : انت مال امك بيا .. ده بدل ما تعتذرلي … بجد ناس معندهاش ذوق
كانت ستذهب و لكن الشاب امسكها من كوعها
نظرت له شمس بصدمة
خلال ثواني كان الشاب مفترش الارض بسبب لكمة قويه طاحت بنص وشه
صرخت شمس بخوف و حضنت رعد الي كان واقف و مكور يده و عروقه بارزة من شدة الغضب
رعد بجنون و هجم عليه : انا همو.. تك يا كلب
امسك مالك برعد من كتفه و حاول تهدئته
اتى رأفت و قال : في ايه يا شباب حصل ايه
قام الشاب و انفه يسيل دم و اتت داليا بسرعة ساعدته ( حسام أخوها )
رأفت : في ايه يا حسام
حسام بغضب لرعد : وانت مالك بيها يا رعد بيه كانت تخصك بحاجة ؟
رعد بجنون : دي مراتي يا زبالة
حسام بصدمة : ايه
نظر لها بصدمة ثم نظر لداليا التي اشارت له بنعم
داليا بخفوت : حسام انا ما صدقت رجع ليا .. ارجوك اعتذرله
حسام بهدوء : انا اسف يا رعد بيه مكنتش اعرف انها مراتك
كان رعد يتنفس بسرعة و يكتم غضبه
رأفت بغضب : حتى لو مش مراته … انت مش شايف شكلها … دي بنت محترمة و محجبة … عيب الي عملته ده
نظرت منار و شمس لبعضهم بصدمة و استغراب من كلامه لانهم عارفينه واطي
شد رعد ايد شمس بعن..ف و خرج من المكان
مالك لمنار : يلا يحببتي احنا كمان نروح
نظرت منار له و سرحت بالكلمة و قالت : هااا
مالك : في ايه ياا بنتي يلا نروح
منار بانتباه : اه يلا
مالك : كرم هتروح معانا ولا لوحدك
كرم بهدوء : انا هفضل شوية هنا .. عيب لما نروح كلنا مش حلوة بحقنا
مالك : طيب زي ما انت عايز
في العربية كان بيسوق بسرعة كبيرة و شمس مغمضة عنيها بخوف
شمس برعب : يا رعد …
رعد بجنون : مش عايز اسمع نفسك
شمس بدموع : انا بخاف من السرعة
وقف العربية فجأة و هي اندفعت للامام
رعد بغضب : انتي تحمدي ربنا اني ما خنقتيكيش
شمس بدموع : وانا عملت ايه يعني
رعد بغضب : عملتي ايه ؟؟ انتي سبتيه يكلمك عادي
شمس بصدمة : والله انا كنت بهزق بيه
رعد بجنون و ض-رب الدركسيون بايده : انتي ما شوفتهوش ازاي مسك ايدك ؟ عايزاني اقف اتفرج
شمس ببكاء : هو ده الحب الي بتحبهولي ؟ انت زعلتني اوي ..هو الي معندوش دم و قليل الادب …انا مليش ذنب
هدأ نفسه رعد لما شاف دموعها و قال بهدووء : طب خلاص ما تعيطيش
شمس بدموع : بعد كل ده مش عايزني اعيط
شدها ليه و حضنها و قال بغيرة : مقدرش اشوف حد يقربلك و اسكت .. انا بحبك اوي يا شمس
كانت تنظر له و الدموع عالقة بعنيها قالت لنفسها : لو ع الحب فأنا همو-ت عليك … بس مش هقدر انسا الي عملته و الي بتعمله بيا … مش هقدر اعيش من غير كرامة يا رعد … الحب لوحده مش كافي … الاحترام اهم بكتير…و انا مشفتوش معاك خالص
عند مالك و منار
منار بتوتر : تفتكر هيأذيها ؟
مالك باستغراب: ليه بتقولي كدة ؟؟ رعد مستحيل بأذيها ما تقلقيش هو مش سفاح
منار بقلق : شمس لسا تعبانة … انا خايفة يض-ربها
مالك : مش للدرجادي يعني
نظرت له منار و قالت بدموع : ما انت كنت بض-ربني و بتزعقلي دايما … و ده اخوك يعني ممكن يأذيها
نظر لها نظرة غريبة و لكنها تحمل بعض الندم ..وقف العربية و نزل و سند عليها
ولع سيجارة
منار نزلت من العربية و لفت له
منار : في ايه ليه نزلت
مالك بشرود : هنفضل كدة لغاية امته
منار : مش فاهمة
مالك : ولا انا فاهم …. هو ليه الدنيا ماشية كدة ؟ ليه حياتنا كدة ؟؟ احنا قادرين نصلح حياتنا مش كدة ؟
منار ببرود : اممم ممكن
مالك مسك ايدها و قال : منار انا عايزك … عايز اكمل عمري معاكي … انا بجد بقيت ما اقدرش استحمل الحياة من غيرك
سحبت ايدها و قالت بوجع : سهل اوي الكلام يمالك …. انا ايش ضمني لو سلمتك قلبي انك مش هتكسره تاني …. انت كنت بتخوني على عيني يا مالك … كنت كل يوم بتهين كرامتي و بتجرحني …صعب اوي ارجع اسلمك قلبي و نفسي … العلاقة الي مفهاش احترام للست بالناقص منها
شدها مالك من خصرها و قرب شفايفه من شفتيها وقال : تنكري انك بتحبيني ؟ تنكري انك عايزاني و ما تقدريش تبعدي عني يا منار ؟
نظرت له بصدمة و خانتها دموعها و قالت بكبرياء: الكلام ده مش صحيح
التهم شفتيها بقبلة طويلة
بعد شوية دفن رأسه بعنقها وقال : انتي كدابة … لو كلامي مش صح مكانتش نزلت دموعك
بدأت تشهق و تبكي بصوت عالي كالطفلة الصغيرة
نظر لها مالك بصدمة سرعان ما اخذها بحضنه
مالك : قوليها يا منار … انطقيها ارجوكي … نفسي اسمعها منك
منار ضر-بته هلى صدره و قالت بدموع : ايوة بحبك يا حيوان
ابتسم بسعادة و عصرها بحضنه
مر الوقت سريعا
بعد كام يوم
شمس : الو ايوة يا امل الاوراق بقو معايا
امل بصدمة : جبتيهم ازاي يا بنت الايه
شمس : بقولك ايه هعدي عليكي انا و منار النهاردة ادهوملك
امل بخنقة : كويس وانا كمان يا شمس عايزة اتكلم معاكم بموضوع مهم اوي
شمس بقلق : امل مال صوتك ؟ موضوع ايه ؟ انتي كويسة ؟
امل بدموع : ما تقلقيش عليا
شمس : امل في ايه مالك ؟
امل ببكاء : وحشني اوي يا شمس .. مش قادرة افضل بعيدة عنه … و كريم ما بيبطلش اسئلة عن باباه … نفسي اقوله كل حاجة انا تعبانة اوي يا شمس
شمس بحزن : يحببتي اصبري شوية … مش فاضل كتير و ينتهي كل شيء … هحاول اجيلك بسرعة و نتكلم براحتنا
امل : اوك يا حببتي مستنياكو .. و اعملي حسابك هتتغدو عندي
شمس : اوكك
بعد وقت و صلو عند امل
امل : ممتاز الاوراق مزبوطين اوي دلوقتي رأفت تلاقيه هيتجنن عليهم … بس انتي جبتيهم ازاي
شمس : من الخادمة الي في البيت .. المهم مالك يا امل انتي مش على بعضك
تركت امل الورق و نظرت الى كريم بسرحان و قالت بدموع : تعبت اوي
منار : ليه بس يا امل … انتي استحملتي كل السنين دي فاضل الكام شهر دول استحمليهم
امل بدموع : يا بنات انا صعبان عليا كريم … ده عاش خمس سنين من عمره من غير باباه … و كرم وحشتي اوي … نفسي اقوله انه عنده ابن … مش قادرة استحمل بعده
شمس بجدية : طب ليه ما تقولي ؟
امل : خايفة… كرم هيحمل نفسه المسؤولية و انا مش متخيلة رد فعله هيكون ازاي
شمس بهدوء: انا شايفة انك لو قولتله مش هيجرا حاجة … المصيبة لو رعد و مالك عرفو … بس كرم ممكن نقنعه انه ما يقولش حاجة
امل بخوف : لا يا شمس .. كرم مش هيسكت و لا هيعدي الموضوع … انتي متعرفهوش
منار : بس هو بيحبك اوي و طالما بيحبك اكيد هيسمع منك و يشترك معنا كدة الشغل هيبقى اسهل و انتي هتبقي مرتاحة معاه … حرام تسبيه كدة … مش خايفة انه يتهور و يعمل بتفسه حاجة
امل برعب : انتي بتقولي ايه لا لا مستحيل يأذي نفسه
شمس : منار عندها حق .. ده قالهالي مرة … انا شايفة انك كدة بتأذيه مش بتحميه يا امل
امل بعياط : انا مش قادرة افكر
شمس : انتي وافقي و انا هزبط الموضوع
امل بخوف: انا خايفة اوي
منار : امل قوي قلبك شوية انتي جدعة لحد كدة كملي للاخر
امل : ماشي … الموضوع ده عليكي يا شمس
مرت عدة ايام