حور بحنية: بلاش كلام دلوقتى يا بابا
حور قامت علشان تجيب الكمدات
وهى بتعمل الكمدات لقت زين عنيه بتدمع
حور بحنية وهى بتمسح دموعه: اى مالك
زين بحزن: كل لما اشوفك بتعمليلى اى حاجه ضميرى بيأنبنى بقول يعنى انا عملت فيها كل ده وهى بردو بتعاملنى كويس وبتحبنى
حور: ليه بس كده انا مسمحاك والله انا عايزه اشوفك مبسوط بس
زين: خلاص يا حور اول ما اعرف اخرج من البيت هطلقك علشان ترتاحى منى
حور بدموع: انا مرتاحه كده
زين: هو اى الى مرتاحه ده انتى هتمـ,ـوتى كده والله
*فى الجنيه
حكى ادهم لسيليا الى حصل
ادهم: ده كل الى حصل يا ستى
سيليا بضحك: ياااه تحس الى حصل ده فيلم هندى
ادهم: اه والله بس الحمد لله اخيرا لقيتها
سيليا: الحمد لله ، يلا بقا ننام معنتش قادره
ادهم: يلا تصبحى على خير
*عند زين
حور بعصبية: انا مش هرد عليك علشان احنا اتكلمنا فى الموضوع ده قبل كده
زين: انا مش عايز أفضل شايل ذنبك الطلاق انسب حل
حور بعصبية وصوت عالى ودموعها مغرقة وشها: انت انانى و مش بتفكر غير فى نفسك مش همك انا هيحصلى اى اقولك طلقنى وريح نفسك ومش هتشوف وشى تانى اوعدك
زين: انتى طا….
يتبع…
بقلم/رقية حمدي
9/10
الحلقة التاسعة
زين: انتى طا….
دخل عليهم عماد فجأه
عماد بعصبية: اى الى بتهببوه ده هى لعبه القرار ده مينفعش يتاخد كده
حور: عمو بلاش عصبية ونبى هتتعب وزين مش حمل خناق ونبى نتكلم بعدين
عماد بحزم: انا مش هتكلم دلوقتى بس انتى هتروحى تقعدى فى أوضة تانية مش مع زين
حور: بس يا عمو…
عماد بعصبية: مفيش بس هو ليه ام واخوات ياخدوا بالهم منه ومشفكيش عنده هنا تانى لحد ما نتكلم
زين: بابا انا….
عماد بصوت عالى وعصبية: بلا بابا بلا زفت اسكت دلوقتى خالص يلا معايا يا حور
خرجت حور مع عماد برا لقت البيت كله ملموم على الأوضة
نورا بخضه: اى يا عماد فى اى
عماد بجدية : سعاد خودى حور وديها ابعد أوضة عن أوضة زين
سعاد: حاضر يا بيه تعالى يا حور يا بنتى
نورهان: فى اى يا بابا اى الى حصل فهمنى
عماد: البيه الى جوه زعلها والعايز يطلقها من غير تفكير
ادهم بعصبية: ماشى يازين الزفت
سيليا: انا الى هقعد بزين يا بابا
زين من وراهم: انا بقيت كويس مش عايز حد يقعد معايا
عماد سابهم ومشى
احمد بعتاب: ليه يازين بس كده
نورا: معلش يبنى هو عماد بس عصبى شوية
نورهان: هو الى معلش يا ماما هو غلطان والبت مش قده
سيليا: خلاص يا جماعه الى حصل حصل زين هيحل كل ده ان شاء الله
دادا سعاد: الفطار جاهز تحت
نورا بلطف: تسلم ايدك يا سعاد انزلى واحنا وراكى
سعاد راحت عند عماد
دادا سعاد: عماد بيه اقول لحور هانم تنزل علشان الفطار؟
عماد: اه طبعا هى مش متعاقبة ولو قالت لا قوللها انى الى قايل
سعاد: حاضر
سعاد راحت لحور
سعاد: حور هانم يلا علشان الفطار
حور:…..
سعاد: حور هانم انتى كويسة
حور:….
فتحت سعاد الباب لقت حور واقعه على الأرض ومش عارفة تاخد نفسها
سعاد: يا زين بيه يا عماد بيه الحقووونى
*على السفره
ادهم بقلق: دادا سعاد بتصوت يا جماعه
زين بخضه: حور
وقام جرى وكله وراه
زين بخضه: اى يا دادا
سعاد: حور هانم واقعه على الأرض ومش عارفة تتنفس
ادهم بخضه: يانهار ابيض
جرى ادهم على أوضة حور بس زين كان سبقه
زين بخضه: حور اهدى يا ماما انا اسف والله اهدى
حور بتحاول تاخد نفسها
زين بعصبية: اطلعوا كلكوا واقفلوا الباب
زين قرب من حور وفضل يبوسها فى كل حته فوشها ولحد ما بدأت تهدى
زين بقلق: حور اهدى علشان خاطرى براحه مفيش حاجه
فضلت حور تعيط
زين بعصبية: بطلى عياط هتمـ,ـوتى كده
حور بعصبية: لو مت هيبقى احسنلى ابعد عنى
ونزلت حور ليهم تحت
ادهم بقلق: انتى كويسة….شفايفك عامله كده ليه؟؟
حور بتحسس على شفايفها بأرتباك: انا كويسة شفايفى ما…مالها
وبتلف علشان تشوف نفسها فى المراية لقت نفسها خبطت فى حد بتبص لقته زين
حور: مع…معلش
زين: روحى كلى يلا
ادهم بعصبية: انت عملت اى يا زين
بصله زين وابتسم بخبث
بعد ما خلصوا فطار
سيليا: انا خارجه اعمل شوية ورق وحجات علشان خلاص مش هسافر تانى
نورا: الحمد لله يارب اخيرا هتقعدى معانا
عماد: ماشى بس متتأخريش
زين: وخودى معاكى السواق والحراسة
سيليا: حاضر يلا باى
ادهم: اطلعى نامى شوية يا حور شكلك تعبانه
حور: اصل انا يعنى مش بعرف انام لوحدى
زين بضحك: انا قولت متجوز طفله ، قومى يلا ننام مين قالك انك هتنامى لوحدك
حور بهمس: عمو عماد
بصت حور لعماد نظره كلها رجاء انه يوافق انها نطلع مع زين
عماد: اوووف يا حور متبصليش كده ، قومى يا حبيبتى روحى معاه وبليل هنهى المهزله دى
قامت حور جريت على عماد وباسته من خده
حور بطفولية: بحبك بحبك بحبك ، لما يبقى يجى بليل بقا وضحكت زى الأطفال
حور راحت لأدهم وباسته: متخافش هبقى كويسة
ادهم: ربنا يسعدك يا حبيبتى
حور مسكت ايد زين وبصتله لفوق : انت طول اوى كده ليه يلاااااا نفسى اناااام
زين بضحك على طفولتها: يلااا
عماد: والله البت دى غلبانه وطيبة اوى شوفتى عامل فيها اى ومبهدلها وفى الأخر طلعت معاه وهزرت عادى وضحكت
نورا: ربنا يهديك يا زين يبنى
*فى مصنع مهجور:
سيليا بزعيق: انتوا مين وعايزين منى اى
مجهول 1 : احنا مين احنا أعداء جوزك ومش عايزين منك حاجه احنا عايزين منه
سيليا بأستغراب: جوزى!!! انا مش متجوزه
مجهول 2: انتى هتستهبلى يابت مش انتى مرات زين العربى
سيليا : مراته!! لا انا سيليا اخته
مجهول 1: انت متخلف مش الباشا قلك عايزين مراته
مجهول 2: ايوة الباشا مقليش على شكلها قالى انها شكلها صغير بس
مجهول 1: استنا لما اكلم الباشا اشوف هنعمل اى
سيليا: على فكره زين لو عرف انى مخطوفه هيقلب الدنيا على ما يلاقيني وهيمـ,ـوتكوا احسنلكوا سبونى
مجهول 2: اخرسى يا بت مش عايز صوت
مجهول 1: ايوة يا باشا زى ما بقولك كده الى اتخطفت طلعت اخته مش مراته
طارق: انا جايلك دلوقتى علشان اشوف المصيبه دى
ياسر: ليه مصيبه بس ما اكيد اخته غالية عليه بردو نساومه بيها
طارق: شيطان انت والله
*فى فيلا العربى
نورهان: هى سيليا مش اتأخرت بردو
نورا: قلبى واكلنى عليها والله هكلمها
نورا بقلق: موبايلها مقفول
نورهان: هتلاقيه فصل شحن ولا حاجه
*فى أوضة زين
حور رايحه فى سابع نومه وزين سرحان فيها
زين فى سره: مش عارف انتى عملتى فيا اى بقيت بخاف عليكى اوى ومش بقدر اشوفك بتعيطى نفسى اسعدك والله وهحاول صدقينى مش عارف ازاى فكرت اطلقك…بس انا اسف
وباسها من جبينها
*بعد ساعتين فى فيلا العربى
زين فاق لقا حور لسة نايمه فقام من جمبها براحه ونزل تحت
نورا بقلق: كويس انك صحيت يا زين اختك اتأخرت اوى وموبيلها مقفول
زين: دادا سعاد ناديلى على (على)
دادا سعاد: ثوانى
على: نعم يا زين باشا
زين: آنسة سيليا خرجت من اكتر من 4 سعات ولسة مجتش اخدت مين معاها من الحراسة والسواقين؟
على: هى مرضتش تاخد حراسة خالص وراحت مع عم عبده بس
قاطعهم صوت عم عبده
عم عبده: زين بيه يا زين بيه….
يتبع…..
بقلم/ رقيه حمدي
الحلقة العاشرة
قاطعهم صوت عم عبده
عم عبده: زين بيه يا زين بيه
زين: فى اى وفين سيليا
عم عبده بخوف: آنسة سيليا اتخطفت
عماد بصدمه: اتخطفت!!! ازاى؟؟
فلاااش باااك
فى عربية كسرت على عربية سيليا
سيليا: اى ده مين دول يا عم عبده!!
عم عبده: معرفش والله يا سيليا هانم هنزل اشوف مين دول ومتتحركيش من العربية
نزل عم عبده علشان يشوف الناس دى راح واحد ضربه على راسه ووقع أغمى عليه
باااااك
عم عبده: والله ده كل الى حصل يا سعادة البيه
نورا بعياط: بنتى اخطفت!! يحبيبتى يا بنتى هتولى بنتى ونبى
نورهان: اهدى يا ماما ان شاء الله تبقى كويسة
*فى مصنع مهجور
طارق بشماته: هاتلى يبنى الموبيل علشان نكلم زين باشا
طارق بشماته: الو اهلا اهلا زين بيه
زين: مين معايا
طارق: مش مهم مين معاك المهم معايا اى اختك معايا عاوزها تتنازلى عند صفقه ارض العين السخنه
زين بصعبية: يا ابن***** والله لو لمست شعره منها لهمـ,ـوتك بإيدى
طارق بوقاحه: براحه على نفسك يا زين متخفش مفيش حد هيقربلها بس لحد بكره بعد كده معرفش ممكن الرجاله تعمل فيها اى أصلها حلوه اوى عجبانى انا شخصيا
زين بعصبية: يبقى حد يقربلها
طارق: يبقى تجيب ورق الصفقه فى المكان الى هقولك عليه وتاخد اختك ، خودى كلمى اخوكى
سيليا بخوف داخلى: الو يا زين انا كويسة متخفش
زين: اى يا حبيبتى متخافيش هاجى اخدك والله متخافيش
سيليا بتحاول تبان شجاعه بس هى هتمـ,ـوت من الخوف: انا مش خايفة يا حبيبى المهم خلى بالك من حور هما اصلا كانوا عاوزينها
زين بعصبية: يأبن ال**** كمان مراتى
راح طارق قفل فى وش زين
طارق: محدش يقربلها لحد ما أقول ليكوا
الرجاله: تمام
*فى فيلا العربى
الجو متوتر جدا
حور بخضه: اى يا جماعه فى اى مالكوا
نورهان بدموع: سيليا اتخطفت يا حور
ادهم: هتعمل اى يا زين ، انت عرفت هما مين اصلا؟
زين: طارق المغربى…هديهم الورق طبعا
ادهم بزعيق: حور مفيش خروج برا باب الفيلا انتى فاهمه
زين: براحه متزعقلهاش
ادهم: انا مش بزعق انا قلقان عليها هما كانوا عاوزينها هى اصلا
حور: حاضر يا ابيه متخافش
زين: احمد ادهم تعالوا معايا
*فى أوضة المكتب
احمد: هنعمل اى
زين: اولا هنستنى يكلمونا ثانية دى الخطه………
بعد مرور ساعتين
موبيل زين رن
زين: الو
طارق: ده العنوان*** الى هتقابلنى فيه على 10
زين: تمام
*عند سيليا
طارق: اخوكى بيحبك اوى ده هيضحى بصفقه بملايين علشانك
سيليا بقرف: جتك القرف
*فى فيلا العربى
زين: يلا
عماد: خلى بالكوا من نفسكوا
ادهم: حور خلى بالك من نفسك مش هنتأخر واوعى تخرجى
حور حضنته: حاضر يا ابيه
وقفت حور تبص لزين بنظره ممكن احضنك
ابتسم زين وحضنها هو: خلى بالك من نفسك وبلاش عياط
حور: حاضر ، باى
نورهان: خلى بالك من نفسك يا احمد ربنا معاكوا يارب
عماد: اى يا جماعه مش هيحاربوا هما يعنى
نورا: اسكت يا عماد ونبى
*الساعه 10 عن العنوان المتفق عليه
زين: كنت عارف انك انت الى تعمل الحركات الزباله دى
طارق: المهم هاخد الى انا عايزه
زين: سيليا فين
سيليا بتجرى على زين
زين: انتى كويسة يا حبيبتى حد قربلك
سيليا: انا كويسة يلا بس نروح
زين: الورق اهو
طارق: عفارم عليك… يلا يا رجاله
*فى عربية زين
ادهم بيضحك: يبله ويشرب ميّته بقا
احمد: اهبل فاكرنا هنديله الورق بجد
سيليا: هو انتوا عملتوا اى
فلاش باااك
زين: بصوا احنا هنحطله ورق مضروب والكلام الى فيه زى كلام الصفقه الحقيقة وفى نفس الفولدر وهو اكيد هيبص باصه سريعه مش هيدقق والورق هيكون شبه جدا يعنى مياخدش باله غير لما يقرأه كله كلمه كلمه
ادهم: دماااغ والله انت
بااك
سيليا: يا خرابى عليكوا انتوا مخفتوش الخطه دى اصلا مكنتش مضمونه انها تنجح
زين: انا كنت مجهز الرجاله بتاعتنا لأى حركة غدر بس الحمد لله عدت على خير يلا يا احمد بسرعه شوية زمانهم قلقانين فى البيت
*عند طارق وياسر
طارق: الورق اهو
فتح ياسر الورق وبيقرأه
ياسر بعصبية: يا متخلف ده مش الورق ده ورق تانى خالص
طارق: ازاى يعنى
ياسر بحقد: يعنى زين علم علينا مااشى يازين يا عربى إنما وريتك
*فى فيلا العربى
نورا: بنتى حبيبتى عملوا فيكى اى يا نور عينى
سيليا بإرهاق: انا كويسة والله يا ماما متخافيش
نورهان: حمد لله على السلامتك يا حبيبتى
سيليا: الله يسلمك
حور: تعالى يا حبيبتى اطلعى غيرى ونامي شكلك مرهق اوى
سيليا: ممكن تطلعى معايا يا حور عايزاكى فى حاجه
حور: اه اكيد
زين: انا مش هنام هستناكى
حور حركت راسها بمعنا ماشى
*فى أوضة سيليا
حور: كنتى عايزانى فى اى بقا يا ستى
سيليا بدموع: انا كنت خايفة اوى انهرده ياحور
حور: يا حبيبتى الحمد لله عدت على خير بس انتي ليه معيطيش تحت
سيليا: مش عارفه حسيت انى عايزه اعيط فى حضنك
حور: ياروحى بلاش عياط يا حبيبتى ادخلى يلا خودى شاور ونامى علشان ترتاحى
خرجت حور من أوضة سيليا وراحت عند زين اول مادخلت لقته نايم
حور بصوت واطى: مش انت قولت هتستنانى، عادى مش مهم ولا يهمك يا حبيبى
دخلت حور فى حضن زين براحه علشان ميصاش
حور باصه فى وشه وسرحانه : انت عارف انى بحبك اوى والله مكنتش متخيله انى اشوفك من قريب كده الحمد لله يارب تصبح على خير يا روحى وباسته فى خده
زين كان كل ده صاحى بس مرضاش يكسفها
*تانى يوم الصبح
ادهم بيخبط على أوضة سيليا : الى كانت مخطوفه وخضتنا عليها صحت
سيليا بضحك: فرحان فيا انت صح
ادهم بمغازله: هو انا اقدر ، ما تيجى نخرج
سيليا بفرحه: بجد! نروح فين ، نروح السينما
ادهم بمعاكسه: الى انت عايزه يا قمر
اتكسفت سيليا: هدخل البس ثوانى
بعد نص ساعه نزلت سيليا
ادهم بتريقة: هى دة الثواني يا خرابى عليكوا انتوا يا بنات
سيليا بتبريقة هزار: مش عاجبك ولا اى
ادهم بمعاكسه: لا ده عجبنى ونص وتلات تربع
زين: ما تتلم يا عم ابوها واخوها قاعدين
سيليا بدلع: بابا ممكن اخرج انا وادهم هنروح السينما ونيجى بلييييز
عماد: بس متتأخروش
زين: طب شوية بس علشان عايزكوا فى حاجه
سيليا: مدام الباشا عايزنا يبقى مفيهاش خروج ياسى ادهم نأجلها بقا
ادهم: ياااخرابى عليك رخم
بعدها بشوية
صحت حور ملاقتش زين جمبها قامت غيرت هدومها ونزلت تحت
حور بضحك: متجمعين عند النبى ان شاء الله كده تقعدوا مع بعض ومتصحونيش
زين: لقيتك نايمه مرضتش اصحيكى والله تعالى بس اقعدى علشان فى حاجه مهمه عايز اقولها
حور: أدى قعده قول يلا
زين بحماس: مستعدين
كلهم فى نفس واحد: مستعدين
زين بفرحه: انا قررت اتجوز….
يتبع…..
رقيه حمدي
11/12
الحلقة الحادية عشر
زين: انا قررت اتجوز
الكل اتصدم حتى حور
حور بكسره: مبروك يا حبيبى
عماد بصدمه: نعم تتجوز مين وامتى
زين: مين واحده اعرفها من زمان وحسيت انى بحبها واعترفتلها وطلعت بتحبنى، امتى بقا الفرح بليل انا مجهز كل حاجه
حور بصدمه بتحاول تخبيها: بليل!!!
ادهم: انت ازاى تفاجأنا كده
احمد: مش فاهم والله انت بتفكر ازاى
نورهان: لا انا تعبانه ومش قادره ازعق والله يا زين
سيليا: اى الهبل الى بتقوله ده
نورا: حرام عليك يبنى والله