سيف:تقريبا يلا ياختي يلا
دينا:يلا
في عربية سيف
دينا:سيف هو احنا رايحين فين
سيف:قولتلك قبل كده مفاجاة صح ولا لا
دينا:طيب
وبعد شوية كانوا وصلوا وسيف طلع شريط اسود وربطه علي عيون دينا
دينا:في ايه ياسيف
سيف:استني بس 5دقايق وهتعرفي
دينا:ماشي اما اشوف
ونزلوا من العربية ودينا سانده علي سيف لغاية ماوصلوا لمكان معين
بس في دوشة وكل شوية حد يخبطها وبعد كده وقفوا في مكان هادي شويه وبدا سيف يفك الشريط ودينا بدا تفتح عينها براحة وبعد كده صوتت
دينا بتنط بفرحة:عاااااااااااااااا حمااااقي مش ممكن
ولفت وحضنت
سيف
دينا بفرحة:سيف انا بحبك اوي
سيف بابتسامة:وانا كمان ياحبيبي بحبك اوي
سيف كان عارف ان دينا نفسها تحضر حفله لحماقي بس مكنش في حد بيشجعها ولما عرف ان حماقي عامل حفلة في باريس قال لازم يسافروا باريس ويخليها تحضر الحفلة
وبعد ماالحفلة خلصت
دينا بحب:انا بحبك اوي ياسيف
سيف:وانا كمان ياحبيبي بحبك
دينا:ربنا يقدرني اني اسعدك زي مابتسعدني
سيف:انا سعادتي في اني افضل شايف ضحكتك وفرحتك علطول
واخدها في حضنه وهما بيتمشوا
في مصر
عند محمد في القسم
محمد:ها يااحمد في اخبار
احمد:في ياباشا
محمد قام
من قدامه ولف وقعد علي كرسي مكتبه
محمد:طب ها قول يلا في ايه جديد عندك
احمد:في شحنه مخدرات داخله البلد كمان اسبوع
محمد باهتمام:تعرف اليوم بالظبط
احمد:يوم الخميس الجاي
محمد: تمام….
هتدخل ازاي
احمد:حضرتك تسمع عن رجل الاعمال يوسف مراد
محمد باهتمام وترقب:مم ماله
احمد:فهمي ناوي يحط ليوسف جزء قليل من المخدرات في الشنط بتاعته ويبلغ عنه في حين ان اول مايوصل مطار القاهرة ويجي يعدي من الجهاز الشرطة تيجي تمسكوا وفي وسط الدوشة دي والهوجه اللي هتحصل ساعتها هتكون بقيت الشحنه اللي هو الجزء الاكبر من المخدرات بتدخل من المداخل التانيه بمساعة ضباط برده
محمد:يابن ال******……… وبكده يوسف هو اللي يلبس الفضية
احمد:بالظبط ياباشا هو اصلا كده كده عايز يخلص منه فكده يعتبر ضـ,ــ,ـرب عصفورين بحجر واحد ومش خسران حاجة
محمد:تمام روح انت يااحمد ولو
حضل جديد ابقا بلغني
احمد:حاضر ياباشا بعد اذن حضرتك
محمد:اتفضل
بعد مااحمد مشي محمد قام اخد مفاتيحه والفون بتاعه وخرج راح لمديره
محمد:سعد باشا جوا يابني
العسكري:ايوه ياباشا
محمد:طب ادخل قوله اني برا
العسكري:حاضر ياباشا
وبعد دقيقة
العسكري:اتفضل يابااشا
محمد دخل وقفل الباب
محمد:ازيك ياباشا
سعد:الحمدلله ازيك انت يامحمد
محمد:تمام الحمدلله ياباشا
سعد:ها حصل حاجة جديدة
محمد:اه ياباشا احمد جالي انهاردة وقالي ااا وبدا يحكيلي احمد قاله ايه
سعد:وانت شايف ايه
محمد:انا عايز مساعدت حضرتك
سعد:عايزني اساعدك ازاي
محمد:انا عايز حضرتك تجبلي
با………. وكمان انا بفكر اني اعمل ااا…………. ايه راي حضرتك
سعد:انا معنديش مانع اعمل اللي انت عايزه يامحمد انا واثق فيك واللي انت عايزه هيكون موجود بكره علي مكتبك
محمد باتسامه:متشكر جدا يافندم بعد اذن حضرتك
سعد:اتفضل
في تركيا
عند يوسف وفاطمة
يوسف نايم بقاله كتير ومش عايز يقوم
فاطمة:يووووسف حبيبي يلا قوم بقا
يوسف نايم
فاطمة:يووووووووووووووسف قوم بقا
يوسف بنوم:اممم عايزه ايه يافاطمة
فاطمة:قوم يايوسف بقا انا بقالي كتير قاعده لوحدي وزهقت وانت مش عايز تقوم خالص
يوسف قام واتعدل واخدها في حضنه:وانا ميرضينيش تقعدي زهقانه ياحبيبي قومي البسي يلا عملك مفاجاه
فاطمة:بجد هييييه
هقوم البس حالا
يوسف بضحك:متجوز طفله ياربي
فاطمة:سمعاك علي فكرة
يوسف بضحك:ده انا بكح ياروحي
وبعد مالبسوا نزلوا من الفندق وركبوا عربيه يوسف
يوسف:هنروح نتغدي الاول وبعد كده المفاجاة
فاطمة:ماشي
وبعد شوية وصلوا المطعم
يوسف:تاكلي ايه
فاطمة:هاتلي زيك
يوسف:امممم ماشي لو سمحت
(طبعا المفروض الكلام بالتركي بس انا هكتبه بالعربي)
الجرسون:تحت امرك يافندم
يوسف:عايز اتنين……….. واتنين عصير………….
الجرسون:تمام يافندم
وبعد شوية الاكل جه واكلوا وخلصوا اكل وخرجوا ركبوا العربية
فاطمة:يوسف ايه هي المفاجاه
يوسف:خلاص ياحبيبي مش فاضل كتير وهتعرفيها
فاطمة:طيب
وبعد 10 دقايق كانوا وصلوا
نزلوا من العربية ومشيوا شوية وبعد كده
فاطمة بفرحة:الله ملااااهي هييييي
فاطمة بفرحة:الله ملااااهي هييييييييييييييه
يوسف بابتسامة:خلاص اهدي بقا فرجتي علينا الناس
فاطمة:فرحانه اوي يايوسف ربنا يخليك ليا
يوسف:ويخليكي ليا ياقلبي وربنا يقدرني وافضل دايما سبب سعادتك
فاطمة حضنته:بحبك
يوسف:وانا كمان بحبك
وبعد مادخلوا ولعبه كل الالعاب روحوا وطلعوا اوضتهم
يوسف:مبسوطه ياروحي
فاطمة:اوي اوي يايوسف
يوسف:ربنا
يديم الانبساط ده علطول
فاطمة:يارب
يوسف:تعالي بقا كده في حضني عشان عايز اتكلم معاكي في موضوع خطيييييييييييير
نسيبهم بقا شوية بلاش رخامه
بعد اسبوع
يوم الخميس
في مطار القاهرة
سيف ودينا راجعين من باريس
ويوسف وفاطمة راجعين من تركيا
عند يوسف وهما لسه هيعدوا من الجهاز
الضابط:استني عندك انت وهي
يوسف باستغراب:نعم في ايه
الضابط:فتشوا ااشنط
يوسف بعصبيه:وانت باي حق تفتش الشنط وبعدين انت مش عارف انت بتكلم مين
الضابط:لا عارف انا بكلم مين وده اذن نيابه بامر التفتيش وبعدين انا بعمل شغلي لا اكتر ولا اقل
العسكري:لقيت دول يافندم
الضابط:تمام خدوهم
يوسف وفاطمة واقفين مصدومين
ياتري يوسف رد فعله ايه؟
وياتري يوسف هيسمح ان فاطمة يتقبض عليها؟ #الحلقة_الثالثة_والعشرون الضابط:خدوهم
يوسف بصلهم بصدمة وبعد كده بص لفاطمة اللي مسكت في دراعه بخوف
وبعد كده
يوسف بزعيق:اوعي ايدك من عليها انت مش عارف انت ماسك مين ولا ايه
الضابط:خلاص يايوسف بيه اهدي نزل ايدك يابني
وبعد شوية كانوا في القسم
العسكري:محمد بيه حسن بيه برا ومعاه اتنين
محمد:طب دخله
العسكري:تمام يافندم….
اتفضل ياحسن بيه
حسن:محمد باشا ازيك
محمد بيسلم عليه:تمام يااباشا اخبارك انت ايه
حسن:تمام
محمد:العسكري قالي ان معاك حد
حسن:اه معايا اتنين اتمسكوا في المطار بمخدرات وسعد باشا قالي اجيبهملك
محمد في نفسه”اكيد يوسف ومراته” :طب دخلهم ياحسن
حسن:تمام….
تعالوا
عند يوسف وفاطمة
فاطمة ماسكه في دراع يوسف وبتترعش
يوسف:اهدي يافاطمة اهدي ياحبيبي متخفيش
فاطمة بخوف:هما هيعملوا فينا ايه يايوسف
يوسف:مش هيعملوا حاجة ياحبيبتي اهدي
فاطمة:يوسف هي المخدرات دخلت الشنط ازاي
يوسف بحيره:مش عارف يافاطمة مش عارفة
وفجاه خرج حسن
حسن بصلهم:تعالوا ادخلوا
يسوف قام وقوم فاطمة
يوسف:يلا يافاطمة
وفاطمة برده ماسكه في دراع يوسف بخوف
ودخلوا لمحمد
يوسف بدهشة:محمد
محم بابتسامه:تعالي يايوسف..تعالي يامدام فاطمة اتفضلوا اقعدوا…..
معلش ياحسن سيبنا شوية
حست:تحت امرك ياباشا بعد اذنك
محمد:اتفضل
وبعد ماحسن خرج
يوسف:انا عايز افهم بالظبط ايه اللي بيحصل يامحمد
محمد:اهدي يايوسف انا هفهمك كل حاجة… اهدي يامدام فاطمة انتوا معملتوش حاجة
يوسف بزعيق:مادام احنا معملناش حاجة احنا ليييييه
محمد بعصبية:طب ماتهدي شويه واديني فرصة افهمكوا اهدي بقا
يوسف:تفهمني ايه بالظبط
محمد بتنهيدة:هقولك من فتره كده قبضت علي شاب اسمه احمد واد غلبان بيصرف علي اخواته وشايل مسؤليتهم لما قبضت عليه كان ساعتها واقف في اشاره بيبع مخدرات وسط شوية المناديل والفل اللي معاه وبعد مافضلت وراه اعترف علي واحد اسمه
فهمي هو اللي مشغله كده عرفت منه ان هو يبقا الدراع اليمين ليه وكمان ان فهمي بيسهر في ديسكوهات معينه وعنده ولد وبنت صغيرين وبيحب مراته بس في نفس الوقت بيخونها زي ماتقول عينه فارغة المهم عرفت منه كمان ازاي كان بيدي المخدرات للشباب من غير مايعرفه ويعد ماعرفت كل ده اتفقت معاه ان يشتغل معايا وهتكفل باخوه وبالعمليه بتاعته وهجبله شغل بمرتب حلو وهخرجه من القضية تمام
يوسف:تمام..
وبعدين انا مالي بكل ده
محمد:انا جايلك في الكلام..المهم من اسبوع جالي تاني وقالي ان في شحنه هتدخل الاسبوع الجاي يوم الخميس اللي هو انهاردة ميعاد رجوعك وقالي ان الشحنه هتدخل في الوقت اللي انت وصلت فيه وبتعدي من الجهاز ازاي بقا اتفقوا مع اتنين ضباط ان هما هيدخلوا الشحنه ازاي وكمان اتفقوا مع العامل اللي هيشيل الشنط بتاعتك واثناء ماهو بياخد الشنط من غير ماحد هياخد باله هيحط كميه قليلة من المخدرات عشان يعني الضباط يفتشوكوا ويحصل دوشة والكل ينشغل معاكوا والشحنه تتدخل
يوسف:واشمعنا انا اللي يعمله كده معاه مافي ناس كتير غيري
محمد:عشان هو في الاساس
كان عايز يخلص منك
يوسف:ايه.. هو انت قولتلي اسمه
محمد:اسمه فهمي
يوسف بيحاول يفتكره :فهمي فهمي فهمي “وبعد كده برق” يبقا هو مفيش غيره الكلب ده
محمد:مين يايوسف
يوسف:عزيز… “وبيكمل وهو سرحان” عزيز سيف الدين
محمد:مين ده ايه اللي بينكوا يخليه عايز يخلص منك
يوسف:دي حكايه طويلك هبقا احكيهالك بعدين بس الاول عايز اعرف وضعي انا وفاطمة ايه
محمد:هقولك اول حاجة هنخلي سبيل مدام فاطمة وهنقول ان اااا شنطها مكنش فيها حاجة وان انت اعترفت وقولت انها بتاعتك اي حاجة هنتصرف يعني وبعد كده هنتعامل معاك علي انك متهم ونشوف الدنيا هتودينا لفين
يوسف:تمام طب انا عايز افهم
حاجة
محمد:قول
يوسف:ايه الخطوات اللي همشي عليها وايه اللي هتعمله
محمد هقولك بس نخلي سبيل مدام فاطمة الاول عشان شكلها مرهق اوي وبعد كده نتكلم وارجوكي مدام فاطمة محدش يعرف حاجة عن كلامنا ده حتي في البيت عندكوا فاطمة:تمام
محمد:واا ابقي قوليلهم ان الشنط بتاعتك كانت فاضية مفيهاش حاجة والحاجة كانت في شنط يوسف عشان كده خرجتي تمام
فاطمة:حاضر… بس انا هطمن ازاي علي يوسف
محمد:تقدري تيجي تزوريه في اي وقت لان كده كده هو مش متهم فعلا وكمان انا مش هنزله الحجز يوسف هيبات هنا في مكتبي لحد مانشوف هنوصل لايه
وكمان هيبقا
معاه تليفونه يعني هتوصليله في اي وقت
فاطمة:ماشي..يوسف
يوسف:نعم
فاطمة:خلي بالك من نفسك
يوسف بابتسامه:حاضر اول ماتروحي كلميني طمنيني عليكي
فاطمة:حاضر
يوسف:ومتنسيش وانتي بتكلميني تبقي واخده بالك ان محدش سامعك
فاطمة:حاضر
يوسف:يلا سلام وخد بالك من نفسك وانتي ماشية
فاطمة:حاضر سلام
يوسف:سلام
وبعد مافاطمة مشيت
يوسف:هااا قولي بقا ايه اللي هيحصل
في فيلا مراد
سيف ودينا وصلوا وبعد وصولهم بشوية عرفوا اللي حصل ليوسف
مها:ابني عايزه يوسف
مراد:اهدي يامها انا بتصل بالمحامي عشان يروحله عقبال مانروح احنا كمان
سيف:انا عايز اعرف ازاي لقوا الحاجات
دي مع يوسف…اصلا يوسف استحاله يعمل حاجة زي دي
مها:ودوني ليوسف انا مش هفضل قاعده كده
دينا:الحقوا فاطمة جت
الكل جري علي فاطمة بس للاسف قبل مايوصلوا لفاطمة لقوها؟؟؟
في القسم
عند محمد