#الحلقة_الحادية_عشر
.سيف بعصبية:امال في ايه عمال احايل فيكي وانتي باردة وبسالك في ايه مالك بتردي بكل برود وتقولي مفيش انا زهقت وانتي عارفة اني مبحبش الطريقة دي
دينا بصدمة ودموع:ايه اللي انت بتقوله ده
سيف:دينا انا ااا
دينا:انت ايه انت زهقت مني مش عايزني في حياتك
سيف:مين قالك اني مش عايزك في حياتي
دينا:ده معني كلامك
سيف:انتي غبية عشان بتفهمي زي ماانتي عايزة وبعدين انا مقدرش اعيش من غيرك حضرتك
دينا بتريقة:ماهو واضح
سيف:بت انتي روحي البسي عشان نتنيل نروح البيت عندي
دينا:مش هروح في حته
سيف:يادينا والله لو ماطلعتي تلبسي دلوقتي ااا
دينا قاطعته
دينا:هتعمل ايه
سيف:هخدك بالبجامة اللي انتي لبساها دي
دينا:والله!!!
سيف بتحدي:والله
ديناا خافت من نظرة التحدي اللي في عنيه
دينا بارتباك:اااا انا ااا هطلع وو
وفي لحظة كانت دينا جريت علي اوضتها
سيف قعد يضحك عليها
عند يوسف وفاطمة
فاطمة:يوسف
يوسف:نعم
فاطمة:هو انت حبتني امتي وليه
يوسف:معرفش حبيتك امتي…وحبيتك ليه حبيتك عشان طيبة وحنينة وجدعة ومطيعة وصوتك مبيعلاش غير انك حته قمر وعسل وحاجة كدة ملهاش وصف