السلام عليكم
انا اتطلىقت من سنه ومعايا ولد عنده ٤ سنين
بعد الىطلاق هو سافر تاني لانه كان نازل اجازه وبعد ماسافر اتفا.جئت بدعوي من اهله ضدي علشان رؤية الولد رغم اننا في شارع واحد وكانوا قبل كدا بعتوا اخدوا الولد كام مره وقت المشا.كل
اخدوا حكم ب ٣ ساعات في الاسبوع والرؤيه كانت في مكان عام قريب لبيت والدي
اهله كانوا بيجوا يوم الرؤيه لانه كان مسافر مره جد الولد او جدته او عمه او كلهم مع بعض كدا يعني
في اي مقابله لازم هو بيتصل باهله يكلم الولد وكنت ببعد عنهم شويه علشان يبقوا
علي راحتهم وطول الوقت كنت ببص في ابني وهو بيكلمه ودا كان بىيأثر فيا اوي واحيانا كنت بتعمد اقرب علشان اسمع كلامه مع الولد
اخر مره روحت لقيت طىليقي هو اللي موجود واتفا.جئت لاني معرفش انه نزل خالص رغم ان البيتين في شارع واحد انا كنت عايزه امشي اول ماشوفته
وهو اول ماشاف الولد حض.ىنه اوي وبعدين سلم عليا
ولقيته مره واحده بيقولي بالله عليكي ابنك دا مش صىعبان عليكي انه هيىتربي بعيد عني ليه وصلتينا لكده
انا دخلت في نوبة عيىا.ط مش عارفه جاتلي ازاي وكل اللي انا مريت بيه كان في بالي وقتها
هو
حاول وقتها يتفاهم معايا واتكلمنا في كل حاجه حصلت ولقيت نفسي مرتاحه جدا هو بصراحه كان ند.مان جدا واعتذر لي كتير اوي وقالي انا دعيت ربنا كتير ان اللي بيحصل دلوقتي دا يحصل
الغريب بقي اني اكتشفت انه متفق مع اهلي من ورايا علي المقابله دي وانه كلم بابايا من حوالي اسبوع وكانوا مخ.بيين عليا حتي انا كنت باخد اخويا كل مره وفي المره دي اتحجج وقال انه وراه حاجه هيعملها ومش هيعرف يجي معايا
والله العظيم المش.كله اتحلت بأبسط الطرق رغم جلسات الصلح اللي مكانش ليها عدد اللي كانت قبل الىطلاق مايتم
رغم كل اللي حصل العند
فعلا بيولد عند والناس اللي اتدخلت بينا للصلح وهما ناس قريبين جدا لينا كانوا بيد.مروا مش بيصلحوا وكانوا بينقلوا كلام بالغلط ومبهىد.لين الدنيا اوي خصوصا بيني وبينه
وجود طرف تالت معندوش ضمير في اي مش.كله بيكبرها اوي وبيخر.ب الدنيا
جاب والده وجه بيتنا كأنه بيتقدم لي من اول وجديد
انا لما شوفت استقبال اهلي ليهم عرفت فعلا ان ربنا قادر يقلب القلوب ويغير كل حاجه في لحظه
اتكلموا يومها كتير مع بابا
واقسم لبابا قدام حمايا اني هسافر معاه بعد كدا ومش هيسيبني تاني هنا ابدا
ردني بعدها بيومين علي طول ورجع لي كرامتي قدام
الكل
ورجعت بيتي معاه
ابني مع باباه وبيتي مقفول عليا ودي اجمل نعمه من ربنا
والله مهما اتشالت علي الراس في بيت ابويا بس كس.رة النفس كانت ملاز.ماني في كل موقف وكنت بحاول بكل الطرق اخبيها احساس ربنا مايكتبه علي حد يارب
رغم ان اللي حصل لي مش قليل بس مقدرش اقول غير الحمد لله
كتبت تجربتي علشان اقول نصيحه لوجه الله لما تيجوا تدخلوا حد بينكم للصلح دخلوا حد عاقل علشان دول والله كانوا عامل اساسي وكانوا سبب في ان الىطلاق يتم بسرعه
اسفه جدا والله اني طولت عليكم
مش عايزه منكم غير
دعوه من قلبكم براحة البال ولكم بالمثل