روايه رحماكِ 1 للكاتبه اسما السيد الجزء الاخير

صاح حسام من الاسفل،ياكيان،سامحني ياكيان،أرجوك..
دانا حسام،صاحب عمرك..
ابتسم،بوجع،وهو يستدير،آخذا بيده محمد وفهد،
شالله ياصاحبي
استدارو أخيرا،خارج الغرفه،ونظر كيان لمحمد،وربت علي كتفه..
قائلا..
خد تارك يامحمد..
اشعل محمد قداحته،وقذفها،فاشتعلت النار وعلا صراخهم من الاسفل..
خرجا مسرعين..
يشاركو الجد جلسته،نصف ساعه وكانت النار تأكل الدوار،بأكمله..
التف اهل البلده حولهم،يتودودون فيما بينهم
متعجبون من الجد المجنون،واحفاده..
ساعه أخري،واستمعو لدوي انفجار هائل أتي من الدوار..
نظر الجد لهم،وقال..وهو يستقيم،تم المراد،اتصلو بهيئه الآثار،تلم الغنيمه،وتستلم الدوار..
كيان،بابتسامه،تم ياجدي..
خرجا واغلقا البوابه،واصبح المكان رمادا..

واغلقت صفحه من حياتهم البائسه والي الابد
معطين درسا..غاليا،حصد العديد،من الارواح بطريقه..
ان بعض الحقوق لا تسترد الا بالقوه،ومااخذ بالقوه،لا يأتي الا بالقوه،معلنين شعار،ان العين بالعين والسن بالسن،والبادي أظلم..
ـــــــــــــــــــــــــــــــــــــــ
بعد أياااام
بببيت راضي
ناداها
سمر
التفت له وابتسمت ابتسامه حزينه،وأجابته،نعم
ليه عملتي كدا ياسمر،ليه ضيعتي حقك،ومقولتيش اللي حصل..
سمر،بحزن،عشان زهقت،أنا مش حمل عداوه تاني،أنا عاوزه اعيش في سلام،ياراضي..
أرجوك،خلينا نمشي من هنا..،مش عاوزه حاجه غيرك..
راضي بابتسامه،خلاص ياقلب راضي،طلب النقل اللي قدمته اتقبل،وانتقلت القاهره،هنسافر بكره باذن الله..
أنا وعدتك ياسمر،هنمشي من هنا،مش هنرجع تاني..

سمر وهي ترتمي بأحضانه،أنا بحبك اوي ياراضي،ربنا يخليك ليا،أنا مليش غيرك..
راضي،بحب،وأنا من انهاردا مليش غيرك..
من انهاردا،سمر وراضي وبس..
ابتسمت،فنظر لها،وقال،قولي ورايا،سمر وراضي وايه؟
ابتسمت وقبلت ثغره،قائله،وبس..
رفع حاجبه،لها،وهمس،أد البوسه دي..
سمر بخبث،أممم،ادها..
راضي وهو يعتليها،طب تعالي بقي،انتي اللي جبتيه لنفسك
ضحكت بسعاده، وقالت، راضي،عيب.
ـ راضي،بمكر، وانا بم*وت في العيب.
سمر،ايه دا،ايه دا؟
راضي بخوف،ايه في ايه؟
سمر بقهقه عليه،بدور علي راضي جبل الجليد
راضي بغيظ وهو يعتليها،هوريكي جبل التلج هيعمل فيكي ايه؟
يابجره انتي..

ــــــــــــــــــــــــــــــــــــــــــ
هتفضلي،كدا أتحايل عليكي و مبتكلمنيش بردو…
نظرت له بغل وأدارت وجهها،عنه..
جلس بجانبها،وهمس،قلبك ابيض بقي،دانا كيان حبيبك،خلاص بقي..
طب وحياه البت اللي حرقت قلبي بدري،بدري دي،لتسامحيني..
لكذته بكوعها،وقالت بغل،اسكت،بطل تقول علي بنتك كدا..
ماانت اللي سرك باتع،اعمل ايه..؟
كيان بغيظ،طب ايه مش الاربع شهور عدو ولا ايه،هفضل متسلسل كدا..
جحظت عيناها وهي تستمع لوقاحته
انت خلاص مفيش أمل فيك…راح فين كيان المحترم..
كيان،الله ماحقي دا ولا مش حقي يادكتوره..
فريده،بغيظ،متوهش،في الكلام،انا زعلانه منك..
كيان،باستنكار،كمان انتي اللي زعلانه!
ماشي ياستي،وأنا بقالي اسبوع اصالح في امك،ومفيش فايده..
فريده،بغيظ،سافل..

كيان،أنا سافل،وانتي بقي ملاك،تقدري تقوليلي،ليه محكتليش عن موضوع حسام دا..
فريده،بغيظ،تاني حسام،واقولك ليه؟
موضوع وقفلناه من زمان..انت ليه مش مقتنع ان مكنش ينفع اقولك،انا متربتش علي كده،افهم بقي..
كيان،بهدوء،ماشي يافريده،ماشي يامراري،هسكت حاضر،الكلام معاكي مش جايب نتيجه
خلينا فينا دلوقت،هااا،هنتهبب نتصالح ولا لا..
فريده باستنكار،لا.
كيان،بغيظ،وحياه امك،دانا اصورلك جنايه،هنا
فريده
فريده بدلع،كيان
ـ اقترب بحب، عيون كيان،فريده صالحيني بقي حرام عليكي..
ابتسمت بس بشرط،توديني الكوخ بتاعنا..
كيان بفرح،بس كدا،انت تأمر ياجميل..
فريده،بسعاده،طب ايه يالا بينا…
كيان،يامجنونه،يالا يختي،بينا..
ياكشي،الهرمونات ماتشتغلش،وترجعي تخاصميني..
فريده،تؤتؤ،مش هيحصل..
ـــــــــــــــــــــــــــــــــــــــ
بالحرم المكي.

أمام الكعبه..
رفعت يدها،تبكي بدموع،مردده بالدعاء،يارب انا اذنبت كتير،اغفرلي ذنوبي،وسامحني،يارب
أنا خايفه امو*ت وانت مش راضي عني،سامحني يارب..
اقترب منها،وحاوطها، بذراعه،قائلا
يالا بينا
أومأت،وسارت بجانبه قائله..
ربنا يخليك ليا ياقاسم..
قاسم،بحب ويخليكي ليا ياأحلي أمل..
ايه،رأيك نعمل عمره لوالدك
أمل بفرحه،بجد،ينفع..
قاسم،ايوا ينفع،أنا هعمل لامي الله يرحمها،وانتي لوالدك
أمل،بفرحه،ربنا يباركلي فيك،ويرزقني منك بالذريه الصالحه،نفسي في ولاد كتير يكونو شبهك،انت احلي حاجه حصلتلي في حياتي..

ابتسم وقبل جبينها،ربنا يجمع بينها علطول تحت طاعته،ويقدرني وافضل اشوف لمعه عنيكي دي
ابتسمت،وأراحت رأسها علي كتفه،مطمئنه،سعيده،لاول مره بحياتها،ماذا تتمني أكتر،هي هنا بأطهر بقاع الارض،وبجانبها احب شخص لقلبها،وكل عالمها،تشعر بأنها طفله،صغيره،ولدت من جديد،لا شئ آخر تريده بالحياه..
أغمضت عينها وتنهدت،متذكره أخيها عابد،ودعت بقلبها، يارب يسامحني،يارب بحق حبيبك النبي،يسامحني..
ـــــــــــــــــــــ
كان يجلس هو وأخيه وياسمين ودينا،بشقه عابد،أخيرا انهت،ياسمين ودينا،امتحاناتهم
ياسمين،بفرح،يعني خلاص هتكتبو الكتاب الاسبوع الجاي،مبروك يادينا..
دينا بسعاده،يبارك فيكي يارب..عقبال ماافرح بنتيجتك..

لكذتها ياسمين بجنبها،اخرسي،لازم تفكريني وتوجعي بطني،ال يعني،الحلوه مش مستني النتيجه
ضحك عابد،ليه كدا يادينا افتكري لينا حاجه عدله،دانا حاسس ان انا اللي بمتحن،نظرت له بغيظ،وتأففت،رفع يده،وقال،باستسلام،آسف يابرعي..
سكت،وهو ينظر لاحمد الذي يكتب شيئا بهاتفه
عابد،مالك ياأحمد سرحان في ايه…
أحمد،بحسن نيه،أصل بكلم امل،بتعمل عمره،هي وقاسم،بقولها هترجع امتا،عشان تحضر كتب الكتاب..
صمت،عابد
ونظر لياسمين،ابتسمت له..ولمحت حزنه..
هي بالاخير اخته..
صمت احمد،بعدما انتبه لما قاله،وقال،أسف.
مش يالا يادينا،بقي..
فهمت دينا،وقالت،اه اتأخرنا اوي..
نزل احمد ودينا،وبقي هما..
ابتسم لها وفتح لها ذراعه،فاقتربت بهدوء وجلست بأحضانه..
همست،عابد..
ـ مممم،نعم..

ـــ وضعت يدها علي بطنها المنتفخه،وقالت،
أنا مسامحه أمل
اعتدل،ونظر لها بذهول،بجد؟
ـ هزت راسها قائله،بجد،أنا مسامحاها،هي كمان ضحيه،بص،أنا مش عاوزه ولادي يكبرو يلقونا معادين بعض،وبعدين اذا كان ربنا بيسامح انا يعني مش هسامح..
ـ استدارت له،عابد أنا مسمحاها،كفايه لحد كدا،الكره خد مننا كتير،ومن حياتنا..
كلمها ياعابد،متخلنيش احس ان انا السبب،أنا عارفه انك هتمو*ت وتسأل عنها..

تنهد وحاوطها،بذراعه، ياسمين، متجيش علي نفسك عشان خاطري
ابتسمت، وأحاطت خصره، والله أنا مسمحاها
وبعدين، أنا عارفه انك مش قادر علي، فراقها
ودا ميقلش منك في نظري، دا بيكبرك اكتر، أنا فخوره بيك يابوده
ابتسم وقال بحزن، أنا فعلا هم*وت واكلمها، كل ماافتكر اني كسرت فرحتها،وخليتها تمشي بالطريقه دي،وتتجوز كمان وهي نفسها مكسوره،قلبي بيتقطع عليها
سامحيني ياياسمين،دي اختي،حته مني،وصيه ابويا وهو بيطالع في الروح
أنا عارف انها غلطانه،بس غصب عني،مهما عملت،هي اختي
ياسمين،بابتسامه،انا كمان أسفه محستش بنفسي اول ماشوفتها،خلينا نقفل صفحه الكره والحزن،ونبدأ صفحه جديده،يالا كلمها..
نظر لها بتردد،وقال،متأكده؟
أومأت له،وقالت متاكده؟

ــــــــــــــــ
انتهيا من اداء العمره،وعائدان الي الفندق،دق هاتفه،فرفعه ونظر به وجده،هو
ـ سألته، مين ياقاسم.؟
ابتسم،وقال،دي الدعوه اللي دعيتي بيها انهاردا،شكلها اتحققت.
نظرت له باستفسار،فوجه هاتفه لها،فصدمت،عابد..
اومأ لها،ورد عليه، ازيك ياصاحبي..
تكلم قليلا،وقال،معاك اهي
نظرت له بسعاده،واخذت الهاتف منه،وسبقها هو لتتحدث بحريتها..
همست، عابد..
عابد،بحب،أموله،ازيك يا حبيبتي
سالت دموعها،وهمست،كويسه،انت كويس؟
عابد،كويس طول ماانتي كويسه..
سكت قليلا وقال..
حقك عليا ياأمل،كسرت فرحتك ومشيتك زعلانه…
امل من وسط دموعها،مش مهم،المهم انك رجعتلي من جديد،وسامحتني..،مش انت سامحتني؟

عابد،سامحتك ياقلب اخوكي،سامحيني انتي،وادعيلي،هستناكي في كتب كتاب احمد
أمل،بابتسامه،حاضر ان شاءالله.في رعايه الله،مع السلامه..
اغلقت، ووجدته آتيا ارتمت بأحضانه،تبكي،بفرحه،مردده،الحمدلله،دلوقت بس حسيت ان توبتي اتقبلت
قاسم بحنان،الحمدلله،ياقلبي..الحمدلله
ـــــــــــــــــــــــــــــــــــــــــ
انتي يامجنونه انتي،انتي بقيتي واكله شيكاره مانجه،بتودي دا كله فين
سلمي وهي تقذفه بالقشره،اف منك،انت بصيصلي في الكام حبايه اللي كلتهم،اخص عليك
وبعدين معرفش،في ايه،نفسي هفاني عليها
فهد،بتفكير،تكونيشي بتتوحمي ياعملي الاسود..
سلمي،بتفكير،تفتكر انت؟
فهد بغيظ،افتكر انا ايه،يابقره انتي،هو انا اللي هحمل ولا انتي؟
عليا النعمه انا اتغفلت بالجوازه دي
سلمي،بغيظ،طب اوعي كدا ياأمور،خليني اعرف احسبها بقي.

ـ صمت بصدمه وهو يراها تعد علي يديها..
ـ ها ياختي وصلتي لحاجه؟
ـ سلمي،ببلاهه،لا ولا حاجه،فكك،هات المنجايه دي
فهد وهو،يزيحها، بغيظ، يمهل ولا يهمل،منك لله ياسلمي..
سلمي باستنكار،ليه بقي؟
فهد،بقي في واحده في الدنيا،متعرفش تحسب اذا كانت حامل ولا لا..؟
سلمي بتفكير،طب بص،فريده مش هنا،عشان تفيدنا،روح هاتلي اختبار من الصيدليه علي ماأخلص المانجه دي.
فهد،باستنكار،نعم يختي،دا اللي ناقص،لا خليكي في المانجه احسن
أنا نازل
سلمي،استني افهد،خد اقولك
فهد،بغيظ،بلا فهد بلابتاع،ياشيخه..
ـــــــــــــــــــــــــــــــ
بعد ساعه،ها ياسلمي خلصتي..
سلمي من خلف الباب،اف استني يافهودي
فهد،بغلب،أديني مستني ياقدري..

خرجت،بيدها الاختبار،اهو..
اخذه ونظر به،ايه دا انا مش فاهم حاجه
سلمي وهي تجلس ممسكه بالمانجه،معرفش روحي نادي لامك ولا لامي،بقي،انا عملت اللي عليا
فهد بغيظ،منها،طب فين العلبه
سلمي،معرفش،شطحتها من الشباك
أمسك بشعره،بغيظ،وخرج،مناديا عمته ووالدته،بصوت مرتفع..
هرولت ناديه،وخلفها زينب،في ايه يافهد مالكو..

فهد وهو يشير لابنتها،بنتك البقره بقت مخلصه شيكاره مانجه،وبقولها انتي حامل،بتقول معرفش،قالت يافهد انزل هات اختبار،جبت زفت،عملت الزفت،وبقولها في ايه،رمته كدا،وقالت معرفش
بلتيني ببلوه ياناديه
نظرت ناديه لابنتها التي تأكل،ولا تهتم لما يقولونه،وقالت،وهي تنظر لمنظر الغرفه،والله عندك حق
زينب،بسعاده،طب فين الاختبار ده،وريني
أعطاه لها،خدي ياامه اهو
نظرت،به وضحكت،بسعاده وأطلقت زرغوطه،مبروك ياولدي،مرتك حبله..
نظرت لها سلمي،ببلاهه،بجد،ياعمتي؟
زينب،بجد ياجلب عمتك،انتي تجعدني،اجده،واحنا نخدموكي.
نظرت له،بشماته،سامع،الكلام..
نظر لها بغيظ،واستدار لعمته،عجبك كدا،وتقولي أنا خايفه علي بنتي منك..
بقي بذمتك دا منظر واحده يتخاف عليها..
ضحكت،وقالت بصراحه،لا..

نفض جلبابه،وخرج،متمتا،ماشي ياسلمي،ماشي
ـــــــــــــــــــــــــــــــــــــ
مد يده لها،يالا ياسولاف،تعالي..
سولاف،بسعاده،اوعي توقعني
محمد،ابدا،هفضل ماسك فيكي،لاخر العمر
سولاف،وهي تستقر امامه،علي الحصان،توعدني؟
محمد بهمس،لها،أوعدك.،تعالي بقي اوريكي مكان سري، محدش يعرفه غيري.
سولاف،بجد،فين دا؟
محمد،أهو، أشار بيده لشجره كبيره بأخر أرضهم.
أهي،تعالي ننزل..
سولاف بانبهار،الله،ايه الجمال دا؟
محمد وهو يجلسها اسفلها،أمام البحيره،دا بقي مكانا،من دلوقت،سولاف ومحمد..
سولاف،خلاص نكتب عليه
محمد،نكتب عليه..حفر اسمه واسمها،علي الشجره
ناقشا بجانبه، بحبك، والي الابد….
نظرت له بخجل،وصمتت
ابتسم علي خجلها،وهمس بأذنها،بحبك
نظرت له بخجل،وقالت،وأناكمان..
ــــــــــــــــــــــــــــــــــــــــ
فريده..

ـ اقتربت منه وحاوطت عنقه،قائله،عيون فريده
وقلب فريده..
ـ كيان،ايه الرضا دا كله،لو اعرف انك هترضي عني كده،كنت جبتك هنا من زمان..
فريده،بحب،اممم،ياريت،أنت مش عارف انا بحب هنا ازاي؟
كيان،بحب،وأنتي مش عارفه انا بحبك ازاي،بحبك أوي يافريده..
بعد مايأست،وتعبت،ان الاقيكي،ربنا يراضي قلبي بيكي،أنا اسعد واحد في الدنيا..
ـ وأنا بحبك أوي ياكيان،بحبك كل يوم اكتر من الاول..
انت احلي صدفه،بحياتي..
ـ وانتي،اجمل واحلي ست في الدنيا كلها..
همست بأذنه،علي فكره،الثلاث شهور عدو..
نظر لها بصدمه،بجد؟
ضحكت،وأومأت له
ابتسم،قائلا،أخيرا،هو دا..
كيان، احترم نفسك..،بتعمل ايه..
كان يغازلها بوقاحه..

جرت من امامه، وهو يجري خلفها،بعينك انا قتيلك انهاردا..
ضحكت بسعاده،وهو يجري خلفها،حررت شعرها،وعادا معا،مراهقان صغيران،لا اثنان ناضجان
احدهما علي وشك الاربعين
والاخري،ستنهي الثلاثون،وهل تحسب السعاده بالسنين؟ (ياأعزائي اقتنصو من العمر،فرصه،واستغلوها جيدا
لربما لن تأتي،مره اخري،واعلمو، أن، السعاده لا تحسب، بالسن،ولا بالشكل ولا بالعرق ولا بالجنس،هي هبه يهبها الله،لنا،إما نستغلها،وإما نضيعها،ونظل نعاني من حسراتها،وان لم تجدو الفرصه،اخلقوها بأيديكم،لا تستسلمو..) ناداها،وهو يجري خلفها
غني يافريده…وقفت واستدارت له
وحاوطت عنقه،وقالت بسعاده
هغنيلك،أغنيه ليك انت..بس..،ألفتها عشانك..
همس،بجد،غنيلي ياقلب ياكيان..
عانقته،وشقت حنجرتها سكون الليل..
ـــــــــــ
واتقابلنا،بعد سنين

بعد ماقلبي داب من الشوق والحنين.. ياحبيبي،قلب من غيرك كان حزين ضايع،تايه،كنت بدور عنك وسط الليل الحزين بعدت عنك،بس روحي كانت معاك كنت املي،وعشت أتمني لقاااك يا حبيبي،انت روحي،والامنيات.. ضحكه صافيه،وسط كومه ذكريات.. اه،ياقلبي،اه لو تعرف كنت عايشه ازاي هناك.. زي ميت،والحياه من غيرك مش حيااه.. وانهاردا،بعد عمر،اجتمعنا، وانتهي العمر الحزين نفسي اصرخ،نفسي أقولك يا حبيبي من زمان انت كنت فين..؟ نفسي اقول للكون بحاله،انك انت عشقي المستحيل.. بحبك،ياكيان..
وانا بعشقك،ياقلب كيان..
ـــــــــــــــــــــــــ
رحماكي
أسما السيد
الي اللقاء بالخاتمه،ان شاءالله،مستنيه تعليقاتكو عالروايه
أتمني اكون ساهمت بحاجه،استفدتو منها،والنهايه تكون عجبتكم،الي اللقاء،بالخاتمه ان شاءالله
دمتم برعايه الله..

الخاتمه
رحماكي
أسما السيد
ــــــــــــــــــــــــــــــــــــــ
(لقا الاحبه)
ـــــــــــــــــــــــ
متنهدي بقي،يازفته،خيلتيني..
سلمي بغيظ،اف منك،ياأخي حرام عليك،مش حاسس،باللي انا حساه،دي ناديه هتولع فيا لو مجبتش مجموع،عااا،وانت عمال،تقطم فيا..
نظر لها،بشماته،وأنا مالي،اللي نجح نجح ياماما
اقتربت منه بقلق،طب ادخل كدا عالموقع شوف النتيجه،قالو بعد قليل
فهد،بخبث،تدفعي كام،وأكلم واحد صحبي يجبهالك من الكنترول
نظرت له باستنكار،يعني انت تعرف حد يجبها،وساكت؟
فهد بفخر،طبعا،نسيتي ياسلومه ان جوزك مهندس كمبيوتر كبير،يابت دا جوزك مهم أوي..
صمتت قليلا،وهي تنظر له بحقد
خاف هو من نظرتها،ورجع للخلف،ايه في ايه ياسلمي،بتبصيلي كدا ليه،لا استني،دانا زي جوزك بردو،اهدي.

سلمي،بهدوء اممم اهدي،طب تعالي بقي..
انقضت عليه كالأسد الثائر،يابت المجنونه،اتهدي انتي حامل،ياغبيه،اصبري طيب،اااه،طب هقولك والله نجحتي
سلمي،لا كداب،بتقول كدا عشان أسيبك..
فهد،بضحك،والله نجحتي،جبتي ٩٦٪ انهدي بقي
كان ممدا علي الفراش،مستسلما لضرباتها،حتي لا تؤذي نفسها،وهي تجلس فوقه،اعتدلت،بصدمه،قول بجد،والله انا نجحت..
فهد وهو يرفع راسه لينظر لها،والله نجحتي،مبروك ياسلومه،بس ايه يابت دا مكنتش اعرف انك شاطره كدا،قري واعترفي غشيتي من مين؟
سلمي،بفخر،وهي تزيح شعرها،أغش،لا طبعا،دااحنا جامدين أوي..
فهد بخبث وهو ينظر لمنحياتها بوقاحه،لا من جهه جامده،فهيا جامده بصراحه
سلمي بصدمه،آه ياسافل،اوعي هروح اقول لماما..

فهد وهو يجذبها لتصبح اسفله،لا مش أما اباركلك انا الاول
سلمي،بمكر،ماانت قولتي مبروك مره،اوعي بقي هي قصه
فهد،بمكر وماله اقول تاني،وهو احنا ورانا حاجه..
همست بدلع،فهد
فهد،بحب،عيون فهد..
ـــــــــــــــــــــــــــــــــ
استمعت لفتح قفل الباب،فهرولت كالعاده،لتستقبله،
بوده
التقطتها بذراعيه،قلب بوده..،مالك وشك مخطوف ليه؟
ياسمين،بخوف،ها بجد؟
عابد،بمكر،أه مالك كدا
مسكت بطنها،وقالت بغيظ،هو وشي بس،دا بطني وكل حاجه فيا مخطوفه؟
ضحك بعلو صوته،عليها،ليه ياقلب بوده؟
ياسمين وهي تدب بالارض،عابد متحورش انت عارف،اف بقي،النتيجه ظهرت،وخايفه اخش اجيبها
عابد بحنان،أخذها من يدها،وأجلسها وجلس بجانبها،اهدي كدا،ياياسمينه.
الموضوع مش مستاهل،ياقلب عابد،أنا متاكد انك هتنجحي.

ياسمين بتوتر،بردو خايفه
مد يده وجذبها لأحضانه،يعلم انها تتوتر وتخاف بسرعه،وهذا خطر عليها،خدي نفس ياقلب عابد.،واستهدي بالله كدا
نظرت له وجدته يعبث بهاتفه..
نظرت له بخوف،بتعمل ايه؟
عابد بهدوء،هوريكي حاجه.
فتح هاتفه،بسعاده،وأعطاه لها،شوفي كدا.
ياسمين بخوف،اشوف ايه؟
عابد،بصي بس،متخافيش..
شجعت نفسها،ونظرت،لما أمامها،نتيجتها،أغمضت عينيها عده مرات،وهمست،دا بجد؟
ابتسم،واحتضنها،جد الجد،ان شاءالله تلحقي طب القاهره،انا فخور بيكي ياياسمين..
وضعت يدها علي فمها بصدمه.
عابد انا جبت ٩٨.٥بجد..؟
عابد بضحك عليها،وهو يزيح يدها عن فمها،بجد ياقلب،عابد،مبروك ياأحلي ياسمين
ياسمين،بسعاده،حاوطت عنقه،وبكت،مش مصدقه بجد،الحمدلله يارب..

أبعدها،هامسا بحنان،الحمدلله ياقلبي،مبسوط انك هتحققي حلمك
ياسمين،بامتنان،لولاك كنت ضعت وضيعت حلمي،ربنا يخليكي ليا،أنابحبك اوي يابوده..
عابد،بهمس،وهو يلتقط شفتيها.
وأنا بعشقك ياقلب بوده..
ـــــــــــــــــــــــــــــــ
بقاعه المحكمه..
حكمت المحكمه حضوريا،علي كل من،سعديه متولي،وسويلم راشد،باحاله أوراقهم الي فضيله مفتي الجمهوريه..
وعلي حسام الصادق،بالاشغال الشاقه المؤبده..
رفعت الجلسه..
صاح محمد،يحيا العدل،وخلفه سولاف،يحيا العدل..
اقتربت ناديه،من القفص الموضوعين به
نظرت لها سعديه بكره،
وقالت..
جايا تشمتي فيا يابت فريده أني كانت النار اهون عندي،ولا انك تنتصري علي..وتمني عليا..

ناديه،بتهكم،يعني أنقذتك من النار،وبردو اتمنتيها،تصدقي أنا غلطانه،فعلا،بس معلش،بردو،كفايه عليا ان ابني مشلش ذنبك،مع ان كان سهل اسيبك جوه،بس قولت لا مش هضيع عمري وعمر ولادي بانتقام عقيم،ما انتي عشتي عمرك تدوري عالانتقام.خدتي ايه..؟
سعديه بغل،خدت روح جوزك اللي مش هترجع ابدا،أني اللي سجيته دم الحيض ياجل مايودع الدنيا،بس اتأخر،جولت اريحه بدري بدري..
ناديه بتهكم،يا عيني عليكي،وعلي آخرتك،بجد شفقانه عليكي،انتي ازاي كدا،أنا جوزي في الجنه ونعيمها عشان مأذناكيش في حاجه،انما انتي واللي ذيك ونظرت لحسام وسويلم بكره،جحهنم وبئس المصير..
سويلم،بحزن،سامحيني ياخيتي،انا مش طالب غير السماح عاوز امو*ت مرتاح
تنهدت،بحزن مسمحاك ياسويلم،ربنا يرحمك..
اقترب كيان،من عمته،يالا،ياعمتي..

ملهاش لازمه الوقفه هنا..
سويلم،سامحني ياولدي،وخلي خوك يسامحني..
ربتت ناديه علي كتف كيان،مسامحينك يا سويلم..
صح ياكيان،ابتسم ياكيان بحزن،قائلا،صح ياعمتي..
صاحت سعديه بغل،كنت عاوز تحرج ستك ياكيان..
كيان بسخريه،للاسف معرفتش ياستي،في آخر لحظه،مطاوعنيش قلبي،مهما كان،ماانتي بردو ستي،واللي واقف جمبك دا،اكل معايا عيش وملح،وأنا مش ربنا عشان احرقكو
أنا كنت متفق مع عمتي،علي كل حاجه،احنا كدا كدا،كنا هنحرق الدوار،عشان الآثار اللي تحته،ودم الابرار،اللي قت*لتيهم ياستي بدم بارد..
وأظن،في اللحظه الحاسمه،لقيتو اللي خرجو..
حسام،بحزن،سامحني ياكيان،كنت متأكد انك استحاله،قلبك يطاوعك تعمل كدا،واديني خدت جزائي.

كيان بتهكم،بتسمي،الاشغال الشاقه،جزاء،انت كان عدالك المشنقه،انت حاولت تقت*ل روح بريئه،مأذتكش في حاجه،كان ذنبه ايه محمد،جاي تق*تله
يالا،ربنا يتولاك،انا عن نفسي،سامحتك..سامحتكو كلكو..
رفعت عينها وحطت عالجد،الجالس برزانه
سعديه بغل،وحرقه،أني عشجتك انت،ياراشد،وانت عشجتها،لو رجع الزمن بيا كنت جتلتها بايديا،وجطعتها جطيع..
رفع رأسه لها،بحزن.قائلا..
وأني لو رجع الزمن بيا لورا،كنت اتخليت عن الدنيا بحالها وخدتها ومشيت،اني كنت عارف انك حيه،بس متوجعتش انك شيطان رجيم..
أدار وجهه،وصاح بهم..
يالا ياناديه،يالا كيان،يالا دول ميستهلوش،السماح..

بالسياره..
محمد،الحمدلله ياماما،انكو خرجتوهم،قبل ماينحرقوا،بجد كنت خايف،أنا كنت بس عاوز أعيشهم حرجه الجلب عالدنيا..
الجد،بابتسامه،عفارم عليك، يامحمد،احنا يابني مش جد عذاب الاخره،دي برديك روح،
(ولا يعذب بالنار الا رب النار..)
محمد وهو يقبل يد جده،لولا انك فهمتني ياجدي،كنت وقعت بالغلط دا،بس بردو،نفسي يبقو عبره،لمن يعتبر..
الجد بهدوء،متجلجش ياولدي،ربك بالمرصاد..
محمد،بس مقولتليش ياكيان،انت خرجتهم ازاي..
كيان،بابتسامه،يابني اللهم احفظنا،ستك كانت عامله اوضه كدا للخزعبلات بتاعتها الاوضه دي،بتوصل للمقبره علطول،مينفعش تتفتح الا من برا،هي حاولت تفتحها،بس معرفتش،ولان اللي معاها،غضبو عليها بعد مو*ت سلوي،رجاله وجدي،اول ماالنار ولعت ادتهم رنه،دخلو،وسحبوهم،وبرا كان راضي مستنيهم في البوكس،وانتهي الموضوع،انسي هما خدو جزاءهم..

محمد وهو يستكين للخلف،بجواره سولاف،عندك حق..
كدا الواحد يعرف ينام،بأمااااان.وأخيرا..
نظرت له وابتسمت،فهمس لها،بحبك
خجلت وخفضت رأسها
فضربته امه، وهمست، عيب،جدك قاعد..
محمد باستنكار،ماشي..
اديني اتلميت أهوو.
ــــــــــــــــــــــــــــــــــــــــــــــــــــــــ
بعد شهرين..
مالك يافريده
نظرت له وصمتت
جلس بجانبها،في ايه مالك؟
تنهدت،وقالت،
كيان،أحمد،عاوز يشوف الولاد..طلبهم كام مره،وفي كل مره بطلع بحجه جديده..
انا مش عارفه اصرف ازاي؟
كيان،بهدوء،رغم الثوره بداخله،مازال،اسم ذلك الشخص يثير الذوابع به
طب تعالي،نخرج،نتمشي شويه بالعربيه.
فريده،دا وقته مليش نفس..

ابتسم،ومد يده يتحسس بطنها المنتفخه،طب لو قلتلك هنروح الكوخ انا وانتي وسليم وسيليا،والمفعوصه دي..
ابتسمت وهي تعانق يده التي تسير بحنان علي بطنها،بجد،مع انك كنت رافض،حد يدخله غيرنا..
ابتسم،ومد يده ليجذبها،مهو ولادنا،هما احنا،عشان كده مسموح لهم هما بس يشفوه،يالابقي،قبل ماجدك يقفشنا،وكالعاده يمنع سليم وسيليا،يخرجو معانا…
ابتسمت،عندك حق،يالا دا جدك مستحوذ عليهم بطريقه صعبه،أوي..
بعد نصف ساعه،كانو يجلسون علي تلك الاريكه أمام الكوخ،وسليم وسيليا،يلعبان بسعاده،امامهم..
قهقه،وهو يري سليم،يصف لاخته،كيف يذهب من هنا،لوجدي بالجبل..
ماشاء الله سليم،له مستقبل مع مطاريد الجبل
ضربته علي صدره التي تضع راسها علية،وكأنه خلق لها..
اخرس،ابني هيبقي ظابط اد الدنيا..

ضحك،وقال،احلي ظابط ان شاءالله
تنهدت وسكتت،فعلم ما تفكر به..
حرر شعرها،ومد يده يعبث به،هامسا بأذنها،بحبك..
قبلت صدره،وردت عليه،وانا كمان..
ـ تنهد، وقال
خليه يشوفهم يافريده..،متحرميهومش من ابوهم
ابتلعت ريقها،ونظرت بتردد له،بس..
ـ كيان بهدوء،مبسش، اسمعيني،عارفه يافريده،لو كان طلب الطلب دا في وقت غير دلوقت،يمكن كنت قومت الدنيا وقعدتها،ومخلتوش يشوفهم،لانه ببساطه ميستحقهومش..
الابوه مش كلام وبس،دي مشاعر فطريه بتنولد جواكي،من اول مابينحط بذرتها
ابتسم،وقال،عارف مش فاهمه حاجه؟

فريده،ببساطه،انا حاسس باللي هو فيه،لان جربته وعشت فيه،كلمه بابا اللي بسمعها من سليم وسليم،بتخليني طاير من الفرحه،كنوز الدنيا متسواش عندي حاجه،اد كلمه بابا اول مايشوفوني ويجروا عليا عشان احملهم..
لما بيتعبوا بحس انا اللي تعبان،أنا حاسس،بيه جدا،وخصوصا،لما يكون عارف ومتأكد ان ولاده نسيوه وبينادو لغيره بابا..
خليهم يروحو يافريده،بدل مايجي اليوم ويروحو من ورانا،خليهم يروحو بارادتنا..
خلينا نبدأ بالخير،وبلاش الاولاد ندخلهم بمشاغلنا،بكره هننزل القاهره ان شاءالله،طالت قعدتنا هنا،والشركه بقالي كتير مش متابعها
يقدر ياخدهم،ويجبهم ينامو في حضنك آخر الليل
تنهدت براحه،وشددت علي أحضانه..
ربنا يخليك ليا ياكيان..

متعرفش،ريحتني ازاي
ابتسم وقبل راسها، ويخليكي،ياقلب،كيان
ـــــــــــــــــــــــــــــــ
جلست بجانبه،بهدوء،تزوجا منذ شهران
بقلبه حنيه العالم،أحيانا يبدو،رجلا ناضجا،والكثير طفلا تائها،عشقته وقبلت به كما هو،بغلطاته القديمه وذنوبه،هي رأت به جانبا لم يره احد،ولم يحاول احد ان يخرجه للنور.
احمد شخصا حنونا،عطوفا،ارتكب العديد من الخطايا،ولكنها سامحته،من منا بلا خطيئه
تنهدت من شروده،الدائم تعلم مابه،مدت يدها وجذبته بهدوء لاحضانها،وكالعاده استجاب لحضنها الدافئ
مد يده وحاوطها من جميع الجهات،ترك نفسه لاحضانها،تفعل به ما شاءت،هي الوحيده المسموح لها ان تري ضعفه..
لا يخجل منها،هي ذاته،وهل يخجل شخص من ذاته
أغمض عينه،واستسلم لدفئ يديها التي تسير علي رأسه.
همست،وحشوك؟

تنهد،أوي،الضنا غالي اوي،معرفتش قيمتهم الا لما بعدو عني،اد ايه كنت مغيب،انا لما بفتكر اني اتنازلت عنهم بكل خسه ببقي عاوز أمو*ت نفسي
أنا مستحقهومش،بس غصب عني،نفسي أشوفهم..
دول ولادي،والله بحبهم،بحبهم اوي يادينا..
ابتسمت وقبلت راسه،عارفه ياقلب دينا..عارفه..
رن جرس الباب،فاستقام،هشوف مين..
أومأت له،ومدت يدها تتحسس،بطنها،بابا حنين اوي،أكيد هيفرح بيك،زي اخواتك متقلقش..
فتح الباب وصدم،مما أمامه.
أحمد بصدمه،انت.؟
كيان بهدوء،
جاي عشان أتكلم معاك شويه، ممكن.؟
ابتلع ريقه وأشار له بالدخول، اتفضل
دخل كيان، ولمح دينا، فابتسم لها، اذيك يادينا.؟
دينا، بابتسامه، ازيك ياكيان، اتفضل..

أومأ وجلس، تركتهم دينا، عن اذنكو، هعملكو حاجه تشربوها.
أومأ احمد لها.. ودخلت
صمت تام حل عليهم..
وتكلم كيان اخيرا..
طبعا مستغرب زيارتي دي،عموما ياسيدي هخش في الموضوع علطول
انت طلبت تشوف الولاد،مش كده
هز احمد راسه،واجابه، بتريث، أيوا
كيان،تمام..أنا معنديش مانع انك تشوفهم،بص يااحمد اللي فات بحلوه ومره،ملوش لازمه اننا ننبش فيه،اللي بينا دلوقت الولاد
وانا يهمني مصلحتهم،واهم حاجه،انهم يطلعو أسوياء نفسيا،مش عايز يجي يوم وسليم يسألني،ليه يابابا منعتني من بابا الحقيقي..
او يسألني فين بابا..؟

عشان كدا،نتفق اتفاق،هسمح ليهم يجولك،بس ياريت تقفل، علي اللي فات،ولو حصل وسألوك،اي حاجه،عنك وعن والداتهم،ياريت تقول زي مااحنا بنقول،سوء اتفاق
ومن انهاردا،كل شهر هجبلك ولادك يقعدو معاك الاسبوع اللي هنجيه هنا،القاهره،لان صعب عليا اسيب البلد حاليا.
ايه،رايك؟
احمد بفرحه،طبعا موافق،ولو حتي يوم واحد انا موافق.
متشكر جدا..
كيان بابتسامه بارده،تمام،كدا متفقين،تقدر تنزل معايا تاخد الولاد،هيقعدو معاك الاسبوع دا،ان شاءالله،طول اليوم هيبقوا عندك بس اسف،آخر الليل لازم تجيبهم ينامو في حضن فريده
متقدرش تنام بعيده عنهم..
أحمد بحزن،عارف،ان روحها فيهم،خلاص تمام،موافق..

ــــــــــــــــــــــــ
كانت تجلس بالسياره تنتظره ان يهبط،خائفه وبشده ان يفتعل كيان مشكله معه..
لمحته يخرج اخيرا من البنايه وخلفه احمد
كان سليم،وسيليا يلعبان بالمقعد الخلفي..
لمح سليم والده آتيا خلف كيان،فصرخ بسعاده،بابا احمد،بابا اهو ياماما..
نظرت لابنها الذي اندفع،فاتحا قفل الباب وخرج مهرولا لابيه…بحزن..
بابا..
رآه يأتي مهرولا،له،فضحك وامتلأت عينه بالدموع،فتح ذراعيه له،يستقبل طفله..
حبيب بابا،وحشتيني اوي ياسليم..
سليم بفرحه،وانت يابابا،وحشتيني جووي،جووي