سيما : يعني كنت عم تلعب بس ماحدا دايقك .
عبود مارد عليها ودخل عالببت ولحقتو سيما وراحت عالمطبخ وسخنتلو مي ليتحمم .
طلع عبود من الحمام وريحة النضافة طالعة منو ضحكتلو سيما وقت شافتو نضيف وصارت تنشفلو بشعرو وتقلو شايف كيف بتطلع حلو لما بتضلك نضيف لا بقى تلعب بالتراب ماشي قول اي
عبود : اي
سيما: تعا معي محضرتلك مفاجأة …..ودخلت هي واياه على الغرفة التانية وقالتلو شفت شو اشتريت وقت كنت بالسوق .
كانت شارية تختين ومسابل ومخدات وخزانة وكومودينا صغيرة مع مراية .
سيما :
شو رأيك حبيبي هيك صار عنا غرفة نوم مارح ننام عالأرض مرة تانية.
ضحك عبود وطلع عالتخت وصار ينط عليه ويضحك ومبسوط كتير .
سيما دمعت وقت شافت الفرحة بعيون عبود .
سيما : يلا تعا معي خلي الغرفة نضيفة وشوف شو عملت كمان الفرشتين ياللي كنا اننام عليهن حطيتهن بالصالون بنصير هون بنقعد ووقت النوم بندخل لجوا شو رأيك .
عبود عم يضحك ومبسوط متل طفل صغير .
بعد بوقت طويل تحسن شغل سيما اكتر واشترت طقم صالون وطاولات واشترت اغراض للمطبخ وتقريبا صار بيتها جاهز بس ناقصو اشياء بسيطة ، لكن ضلت متغلبة مع عبود كان يطلع كتير من الببت وماتعرف لوين عم يروح ويغيب بالساعات احيانا واحيانا يرجع كلو طين وتراب وشعرو وسخ ومو نضيف …لكن سيما ماكانت تزعل منو لان بتعرف انو عالبركة وما عم يتصرف بوعي .
اجت وحدة من الجارات لعند سيما لتاخد المخلل ياللي طلبتو وسألتها سيما ازا بتعرف حدا بدو يبيع تلفزيون مستعمل لعبود لحتى يلتهي فيه ومايطلع من البيت ووعدتها الجارة تسأل وتردلها
*❴🔢❵الـــبـــــــــــ❴الثالث❵ــــــــــــارت بعد يومين اجت لعندها الجارة وقالتلها انو في وحدة بدها تبيع التلفزيون بسعر مناسب وبالفعل اشترهتهن سيما وفرحت عبود فيه .ولاحظت انو طلعاتو قلت كتير لكن كان يطلع احيانا لما يمل ويغيب برضو وتصير سيما اتدور عليه بكل مكان شي تلاقي بساحة الضيعة وشي تلاقي بالسهل عم يلعب مع الولاد وشي بالمزارع يعني كان معزبها شوي ، وضلت تحن عليه وتهتم فيه وماتنقص عليه شي وتتعامل معو كطفل صغير بدو رعاية واهتمام .
وبيوم كانت سيما عم تطبخ ودق باب البيت وكان عبود عم يحضر افلام كرتون وعم ياكل بوشار ،فتحت سيما الباب وكان رجال جهم وباين الرقي عليه لابس بدلة رسميةو نضارات شمسية …
الرجال : مساالخير .
سيما : مساللخيرات اهلا وسهلا …
الرجال : حضرتك سيما طواحين ؟
سيما : اي انا مين حضرتك ؟
الرجال: انا كنت رفيق ابوكي الله يرحمه ..
سيما : اهلا وسهلا عمو تفضل .
دخل الرجال وقعد بالصالون مع عبود سلم على عبود لكن عبود مارد عليه وضل عم يتطلع عالتلفزيون .
سيما :
اهلا سهلا شو بتحب تشرب .
الرجال : قهوة وسط ازا ممكن
سيما : على عيني .
عملت القهوة وضيفت الرجال وقعدت معو واعطت لعبود.كاسة عصير .
الرجال : عفوا منك بس مين هالرجال اللي قاعد .
سيما : هاد جوزي عبود .
الرجال: بس عفوا قلة زوء منو اني سلم عليه ومايرد علي ولا كأني موجود .
سيما : انا اسفة عمو بس جوزي عالبركة ومابيعرف يحكي منيح يعني فيك تقول على نياتو مابيعرف الناس منيح ومابيعرف شي .،بقى لا تاخد على خاطرك منو .
الرجال :ايوااا لا عمي ازا هيك الموضوع شي تاني انا اللي اسف .
المهم بنتي كيفك طمنيني عنك وكيف توفى ابوكي .
سيما : الحمدلله انا منيحة وابي الله يرحمه كان تعبان كتير ومايقوم من الفراش لحتى اجت منيتو وراح لرحمة ربو ….بس عمو انا ولا مرة شفتك مع ابي وولا مرة اجيت لعنا مابتزكرك .
الرجال : اي عمو انا من زمان كتير ماشفت ابو رياض وكنت برات البلد ولما رجعت حبيت اجي وزورو ولما رحت عبيتكن قالولي انو مات وانك انتقلتي عبيت تاني .
بس عمو عندي سؤال ازا مافيها غلبة
سيما :
لا عمو تفضل اسأل.
الرجال: انو انتي ماشاء الله عليكي متل فلقة القمر ومو ناقصك شي ليه لتتجوزي رجال مسكين وعالبركة .
سيما : نصيب عمو .
الرجال : يعني ابوكي جبرك عليه .
سيما : لأ عمو بابا الله يرحمه ماجبرني عليه اصلا انا تجوزت بعد مامات ، بس متل ماقلتلك نصيب .
الرجال : والله قصتك حاسها غامضة شوي والا مستحيل بنت عسل متلك تقبل بهيك جوازة صح والا كلامي مو مزبوط .
سيما تنهدت وقالت :
قصتي طويلة وانا رضيانة بكل اللي ربي كتبلي اياه وماني زعلانة بالعكس انا كتير مرتاحة ومبسوطة .
الرجال : طيب ومو معزبك ماعم يغلبك .
سيما : ابدااااا بتعرف عمو عبود احلى شي بحياتي صحيح هو مسكين بس انا كتير بحبو وما عم اتخيل حياتي من دونو تعودت عليه وتعلقت فيه بكفي انو عم يونسني .
الرجال : الله يجزيك الخير يابنتي والله اجرك عظيم عند ربنا انك عم تهتمي بهالمسكين ….طيب عمو انتي من وين بتصرفي من وين بتجيبي طلبات بيتك .
سيما :
انا بشتغل بعمل مخلل وببيع لتاجر بالسوق والجارات عم يوصوني والحمدلله شغلي ماشي منيح وساترها الله ببركة عبود .
قام الرجال ليروح وطلب من سيما انو ازا بتحتاج شي ماتتأخر وتطلب منو واعطاها رقمو .
مرق اربع شهور على جوازة سيما وعبود وسيما عم تتعلق فيه اكتر واكتر لكن كانت تستغرب احيانا من عبود من هدوئو واحيانا تحسو عم يفهم عليها وعم يفهم كل شي حواليه لكن ترجع وتغير رأيها وقت تشوفو عم يلعب مع الولاد ووقت يرجع موسخ حالو .
خلصت سيما شغلها وطبخت ونضفت البيت ودخلت لتتحمم وطلبت من عبود يضل قاعد بالببت ويتطلع عأفلام الكرتون وعملتلو بوشار لأن كان يحبو كتير واعطتو عصير .
طلعت من الحمام وكان عبود قاعد عباب البيت وماشاف سيما انها شافتو تركتو قاعد ودخلت عالغرفة تلبس وكانت لافة المنشفة عحالها وصارت تنفض بشعرها وتنشفو ولسا مالبست راحت لعند الخزانة اتطول تيابها والتفتت لاقت عبود قدامها جفلت وحطت ايدها عألبها وقالتلو خوفتني ماحسيت عليك …عبود واقف عم يتطلع بسيما وشعرها مبلول وجسمها مبلول قرب منها وضل عم يتطلع فيها ….سيما استغربت انو شو صرلو وليه هيك عم يتطلع فيها ضل يقرب وصارت ترجع لورا لحتى مابقي شي بينها وبينو صارت تتنفس بسرعة وعيونو معلقين
بعيونها وفجأة ضرب الحيط بأيدو وصرخت سيما ووقعت عالتخت …😧😧😧
كانت حاطة ايدها عراسها خايفة
من تصرف عبود الغريب .
التفتت لعندو لاقتو ضارب عنكبوت اسود كبير كان داخل من الشباك مكان ماكانت واقفة سيما وفهمت شو عمل عبود كان خايف عليها وكان العنكبوت قريب كتير منها.
ارتخت مفاصلها وقت شافت العنكبوت وكانت تخاف منهن ..قعد عبود حدها عالتخت وضحكلها ، حطت ايدها عوجهو واعتزرتلو لأنها خافت منو وحست انو عم يفهم عليها بقي عم يتطلع فيها وعم تتطلع بعيونو اللي بيسحرو وحست انو نظراتو مو نظرات عادية وانو في شي ماعم تفهمو …
سيما : عبود ليه بحسك عم تفهم عليي عم حس ا
نو في شي غريب في شي ماعم افهمو نظراتك ضحكاتك بعض من تصرفاتك ماعم افهمها في شي مو واضح ياريتك بتقدر تفهمني …عبود انا تعودت عليك مابتخيل حالي بدونك عم تفهمني حبيبي انتي اللي مصبرني على حياتي هي .
عبود عم يتطلع فيها بتمعن وغرقان بعيونها الحلوين .
قطع صمتهن دقت الباب وقامت سيما لتفتح الباب ونسيت انها لسا بالمنشفة رجعها عبود وراح هو يفتح الباب كانت رفيقتها عندليب .
دخلت وسلمت على عبود وصارت تتغزل في وبجمالو وسألتو عن سيما .
سيما لساتها واقفة مكانها عبود ماخلاها تطلع بالمنشفة في شي ماعم تفهمو شو هو …شو هو .
لبست تيابها وضبت شعرها وطلعت لعندليب ياللي كانت عم تحكي مع عبودوهو ماعم يرد عليها .
سيما : هلا والله بالست عندليب شو والله لساتك متزكرة بيتي والا شفتي حالك لأنك انخطبتي .
عندليب : تضربي وليه لشوف حالي عأساس مبسوطة كتير يعني .
سيما : يوو ليش مو مبسوطة كان طاير عقلك وقت انخطبتي .
عندليب :
اي بالأول …يااختي عقلو مو مريحو بدو يتحكم فيي من هلأ على وين عم تروحي ومع مين عم تحكي ومن هالحكي .
سيما : طيب وشو يعني بلكي بحبك وبغار عليكي مافيها شي بضلو رجال وبطبيعتو بحب التسلط اكيد .
عندليب عم تتطلع بعبود : ااااااخ لو انو بنص جمال عبود ويتحكم فيي ويتسلط علي قد مابدو والله رضيانة …بس يخرب بيتو لا محضر ولا منضر وشايف حالو كمان .
سيما عم تضحك :
ولك حاسدتيني عليه (وقربت لعند عبود وحضنتو )لك هاااااد اااخ شو بعشقو حبيبي واتطلعت فيه وقالتلو عاملتلك كبة وورق عنب بدك تاكل اصابيعك وراهن اي بدي اياك تاكل كتيييير اي حياتي .
وراحت هي وعندليب عالمطبخ ليحطو الغدا وبقيت عندليب وتغدت معهن .
بالليل وهنن نايمين فاقت سيما عصوت كلاب قريبة كتير من شباك غرفتها خافت وقعدت حصة بالتخت وضلت خايفة لان صوت الكلاب كتير عالي ومخيف .
قامت وراحت لعند عبود وفيقتو وقالتلو عبود انا كتير خايفة صوت الكلاب كتير قريب ماعم اعرف نام خليني نام جنبك عالتخت قربت منو ونامت عالتخت عندو ولزقت في ضل صافن فيها وكانت اول مرة من اربع شهور بتنام حدو كانت ريحتو كتير حلوة ونضيف ووجهو ناعم عندو لحية خفيفة وحلوة حطت راسها عأيدو وضمتو لألها وغفيت بحضنو .
فاقت الصبح عصوت البياعين والناس رايحة جاية بالشارع وكانت لساتها بحضنو لعبود وكان غرقان بالنوم ولوتحركت اي حركة رح يفيق وماحبت تفيقو لأن الوقت بكير كتير وقالت شو رح يقوم يعمل خلي نايم احسن .
قبل الضهر دق باب بيت سيما فتحت الباب وكان ابو حسن (الناطور).
سيما : خير ياطير من عند هالصبح .
ابو حسن : كيفك ياسيما وكيف جوزك عبود وكيف عايشين .
سيما : مرتاحين من شوفتك بس هلأ عكرتلي مزاجي شو جابك شو بدك ياناطور .
ابو حسن : جاي اتطمن عليكي بتضلك بنت هالضيعة وحبيت شوف كيف عايشة وشو عامل معك هالأجدب .
سيما : اولا لا تحكي عنو اجدب هاد اشرف وانضف منك وتانيا انا عايشة بفضل الله وببركة عبود صح اتطمنت علي يلا انقلع من هون ولا بقى ترجع …وسكرت الباب بوجهو .
اجى عبود عصوت سيما راحت لعندو وقالتلو : دخيل هالريحة الحلوة تؤبر البي ريتك يلا تعا لنشرب القهوة سوا .
وبيوم كانت سيما بالبي,,ت وعبود طالع ومابتعرف سيما لوين عم يروح سمع عبود شباب الضيعة وهنن عم يتغامزو وقت شافو: اجى الأجدب هو عم يروح ويجي ومو دريان شو عم يصير ببيتو ههههههههه هلأ فكركون بكون حسن اخد اللي بدو اياه من سيما والا لساتو عم يناغشها هاد ازا قبلت .
واحد تاني: وليه لحتى ماتقبل عندها واحد اجدب اكيد ماخلتو يقرب منها بجوز تكون تربت وندمت انو ماقبلت بحسن .
عبود مشي عادي ووقت صار بعيد عنهن ركض بسرعة على بيتو وسمع صراخ سيما : ولك ياحقير ياواطي بعد عنيييي عبوووووود ياعبوووووود وينك..ولييييييي.
عبود دخل عالبيت وهجم على حسن وصار يضربو بوكسات وصار يدفشو ويخبطو بالحيطان ويرمي عليه كل شي قدامو وكان رح يقتلو لولا سيما اللي ماخلتو لأن بتعرف انو رح تنحرم منو حتى لو كان اجدب ومسكين …مسكها عبود وعطاها تياب لتلبس لان حسن كان عم يمزعلها تيابها .
جرجرو عبود لحسن وضلو يشحطو لساحة الضيعة وضربو قدام الناس وتجمعت هالخلق وماحدا قدر يقرب منو وقت شافو كيف جان ومعصب بزقت سيما على حسن واخدت عبود ورجعت عالبب,,ت وارتمت بحضن عبود وصارت تبكي وتقلو ليه هيك عم يصير معي ليه انا ياعبود شو بدهن مني .
غيرت سيما قفل الباب وحطت قفل جديد فوق القفل القديم .
كانت الدنيا نص ليل سمعت سيما صوت ناح شباك غرفتها قامت لتفتح الشباك وماحست الا شي طبق عتمها ولزقت بالحيط كانت الغرفة عتمة من ريحتو وجسمو عرفت انو عبود وقلها :
شششششش واشرلها عالشباك انو في حدا برا وانو ماتفتح الشباك .
ضووالقمر كان عاكس على عيون عبود كان لزقها لسيما وجسمو لزق بجسمها حست بشي غريب وانها حابة تقرب منو اكتر وتحركت جواها مشاعر غريبة كل مابتقرب منو ياترى شو هيي حط ايدو عرقبتها وايد عخصرها وضل عم يتطلع فيها نسيو انو في حدا برا وضلو هيك حصة طويلة لحد ماحسو انو صار هدوء كتير .
رجع
ت سيما عتختها وعبود عتختو .
تاني يوم سيما قالت لعندليب شو صار معها وقالتلا بشو عم تحس وقت بكون عبود قريب منها .
عندليب : ولك جدبة ليكون الرجال بدوووووو
سيما: لك لاااا شو عم تحكي عبود عقلو متل الاطفال مابظن انو بفكر بهيك شغلات.
عندليب : ولك ياهبلة هي غريزة عند كل الرجال يعني بجوز يكون …وماعم يحسن يفهمك
سيما : لا معقول مابظن .
بس مابعرف يادودو ليه حتى انا لما بقرب مني بحس بمشاعر غريبة تجاهو بحس انو في شي ماعم اقدر استوعبو شي ..شي عم يقلي كمان انو فهمان عليي واحيانا بحسو مو فهمان شي .
يتبع**
( ربيع عمري) الجزء الاخير
سمعت سيما صوت عالي وناس كتير عم تحكي عبود ماكان بالبيت بعتتو لعند عندليب لتتفق معها على شروة خضرة طلعت سيما لتشوف شو صاير ، قربت من الناس وسألت ست كبيرة قاعدة
سيما : خير خالة شوفي شو صاير بالضيعة .
المرة : عم يقولو مزرعة ابو حسن الناطور احترقت والله اعلم .
سيما ضحكت وقت سمعت بالخبر وقالت : يامنتقم ياجبار انت بس اللي قادر عليهم ياربي ورجينا فيهم عجائب قدرتك .
المرة : ولك بنتي شمتانة فيهم .
سيما :
هاي مو شماتة هاد انتقام ربنا ربنا شابف وعارف شو عمل هالواطي باهل الضيعة وشو عمل معي بس ربك كبير ومابينسى حدا .
رجعت سيما عالبيت وعبود مارجع انشغل بالها عليه وضلت تروح من شباك لشباك عأمل تلمحو .
بعد صبر رجع عبود وكانت سيما على اخرها من خوفها عليه وسألتو : وينك حبيبي لهلأ اتأخرت كتير كل هاد لتنادي عندليب شو صار معك .
عبود : ناطور احترق نار نار كبيرة .
سينا : اي ان شاء الله لجهنم اللي تحرقو وتحرق ابنو الله كبير ياعمري الله يزيد عليهن اكتر .
تعى تعى حبيبي خليني حط الغدا اكيد بتكون جوعان.
مرق اسبوع عالحادث تبع الحريق وسيما كل ماشافت حدا بالضيعة بتصير تدعي على الناطور قدامو لحتى يوصلولو الحكي ويعرف انو سيما شمتانة فيه .
بنص الليل فاقت سيما وعبود على صوت صياح قوي بالضيعة طلت من الشباك ولاقت هالناس رايحة جاية عم تركض واللي شايل سطل مي واللي اخد واعات كبيرة والي شايل براميل وعم يركضو بهالضيعة متل المجانين ، سألت سيما خير ان شاء الله شو صاير بهالضيعة كني ربنا عم ينتقم من هالناس المتجبرة بس ياترى عند مين هالمصيبة هالمرة .
طلعت سيما لتشوف وحاول عبود يمنعها حست انووخايف عليها ضحكتلو وقالتلو :ماتخاف عليي كل اهل الضيعة فايقين ومارح يصرلي شي بعدين انت معي مو انت رجالي تعى معي لنشوف شو صاير .
ضحك عبود لما سمع منها انو رجالها ومشى معها شافت عندليب وركضت لعندها سيما : شوفي عندليب لك شو صاير هالمرة كمان .
عندليب : ييييي ياسيما لو تعرفي شو صاير
سيما : ولك يلعو البك شو بتكتري حكي لك قولي شو في .
عندليب : المخازن تبعون ابو حسن احترقو كلهن وصارو فحمة سودة .
سيما :
للللللللللليش الهي وسيدي مولاي الله بيحرقك بغضبو ياابو حسن متل مالك عامل بهالناس ‘ وشو ياللي حرق المخازن ماعرفتي .
عندليب : هشششش ولك انتي مجنونة بدك حدا يسمعك ويروح يخبر الناطور .
سيما : ماانا هاد اللي بدي اياه بدي حدا يتجرأ ويوصللو حكي ودعواتي عليه ….ليش فكرك انا خايفة منو ولك عندليب الله مو الو لحالو الله بعدي اسمو اسمو الحق اسمو العدل وحقي مارح يضيع وثقتي بربي كبيرة .
عندليب : طيب طيب خلص اسكتي ماعاد لسانك يفوت لحلفك .
سيما : هلأ جاوبيني ماعرفتي شو سبب الحريق .
عندلبب :
عم يقولو بجوز يكون سببها الكهربا مابعرف كيف بقولولها هي .
سيما : مو مهم المهم انو يحترق البو للناطور .
عبود واقف وعم يسمع لسيما ولعندليب .
مضى وقت طويل وكانت الناس شي عم يكفي بالحريق وشي قاعد عم يتفرج …بين واخيرا الناطور عليهن وصاح بملات صوتو : شو يااهل ضيعتي ليش مو الكل ساعد بتطفاية الحريق والا مبسوطين باللي صار .
صار الكل يتطلعو ببعض .
ابو حسن : بس انا بعرف مين كان معي وساعدني ومين ماقرب ومد ايدو …..شو سيما ماشفتك بين هالناس ياللي عم بتطفي بالحريق كني مبسوطة باللي صارلي .
سيما : اويها يامنتقم ياجبار اويها يامعمر ومخرب الديار اويها تنتقم من ابو حسن وتنتقم من كل مين ظلم وجار ولللللللللليش .
ابو حسن طار عقلو وقت سمع زلاغيط سيما وراح لعندها ليضربها ورفع ايدو لكن ……..عبود كان اسرع منو ومسكلو ايدو وزورو وقلو : لأ سيما اضرب لأ سيما .
ابوحسن : شو ياااااا صارلك رجال ويدافع عنك شو يااجدب والله صرلك حس وصوت وتحكي .
سيما حطت ايدها عخصرها وقالت : رجال غصب عنك مو متلك اقل مافيها هاد عالبركة والبو لألله مو متلك الله مابتعرفو.
ابو حسن قرب من سيما :
بتعرفي انا اصلا من الخطرة الماضية شاكك انك انتي ورا كل ياللي عم يصير بس لحتى اتأكد والله لخليكي عبرة ياسيما .
سيما: ههههههههههههههه ولك ياريت خطرتلي شغلة الحريق كنت عملتها من زمان ومااستنيت حدا يفرحني لحتى شوفك عم اتدور مال المجنون .
ابو حسن : ماشي ياسيما ماشي رح ضل ورا القصة لأعرف مين السبب .
حسن : سيما معقول تكوني انتي ياللي عملتي فينا هيك .
سيما : ليك من ناحية انو انا مو انا بس انا بقول الله يسلم ايدين ياللي عمل هيك فيكن وحرقلكن قلبكن على رزقكن ومالكن الحراااام ياولادين الحرام .
حسن : سيما اخرسي انتي زودتيها كتير ها .
سيما : لأ ليك انا خفت كتير ها ….روح روح انت وابوك ابكو بعيد روحو الله ينتقم منكن ويخلصنا منكن على اهون سبب .
الضيعة كلها مانسيت اللي صار ومانسيت ابو حسن كيف هدد سيما وماكانت سائلة عنو وعن تهديداتو .
في وزارة الداخلية .
الضابط المسؤول : ومين هي سيما ياللي عم اتدافع عنها وخايف عليها .
عبد المولى : سيدي هي بتكون زوجتي .
الضابط : ايوااااا
هلأ هاي هي البنت ياللي اختارتك وفضلتك على ابن الناطور.
عبد المولى : نعم سيدي انا خايف عليها كتير انا سمعت انو ناوي بهالفترة ينتقم منها بس ماعرفت لسا لشو عم يخطط سيدي الله يخليك انا بدي طالع سيما من الضيعة بأي شكل .
الضابط : عبد المولى انت نسيان انك بمهمة سرية وازا طلعت سيما انت رح تطلع معها وهي مارح تتركك لحالك.
عبد المولى :
سيدي انا عندي حل ..هلأ انت بتجي لعنا عالضيعة عأساس انك بتعرفني وبتعرف اهلي وبدك تجي تاخدني لحتى تعرفني على عيلتي وهيك سيما مارح تقبل انو تتركني روح معك بتقلا انك رح تاخدها هي كمان بماانها زوجتي المهم ياسيدي مابدي سيما اتضل تحت عيون الناطور ليقوم يعمللها شي وقتها مابعرف شو بيطلع معي ويمكن اقتلو .
الضابط : كل هالقد خايف عليها ؟
عبد المولى :
سيدي بتسدقني ازا بقلك اني بحياتي مااهتميت بحدا متل هالبنت بتعرف ليش لأنها اهتمت فيني وانا اجدب وماخلت حدا حتى يحكي عني هيك واخدت بالها مني وحبتني وماقرفت مني متل هالناس واللي شفتو انو البنت كتير نضيفة والبها ابيض وهي ياللي بوجودي بالضيعة حسست الكل اني رجال وجبرتهن كلهن يحترموني وماحدا يحاول يزعلني او يقرب مني .
الضابط : شوي تانية رح تكتب فيها شعر .
عبد المولى : …..اي ياريت يطلع بأيدي ماكنت بقصر .
الضابط : خلص عبد مايكنلك فكرة بالكتير يومين ومارح خلي سيما اتضل ساعة وحدة بالضيعة بس وين رح تروح فيها .
عبد المولى : رح ابعتها على بيتي تقعد مع امي وانا رح خبر امي بأي قصة لحتى توافق وتقتنع انو تبقى عندها .
بعد يومين اجى الضابط وعم يسأل عن بيت سيما وماكانت موجودة بالببت كانت بالسوق عم تودي طلبية مخلل للتاجر .
بقي الضابط قاعد مع عندليب وعبود بالبيت لوقت رجعت سيما وشافت باب بيتها مفتوح .
دخلت البيت وكانت خايفة على عبود انو يكون صاير معو شي .
سيما : مرحبا .
عندليب : اهلين سيما ليش اتأخرتي .
سيما : لحتى خلصت حساب مع التاجر شو في ومين هالرجال هاد .
قربت سيما وسلمت عالضابط وقعدت جنب عبود .
الضابط : مرحبتين اهلين بنتي .
سيما : اهلين فيك مين حضرتك ؟
الضابط : انا ابو شريف انا بعرف عيلتو لعبود .
سيما ضحكت وقت سمعت : بتعرف اهلو ليش وينهن ليه ماعم يسألو عنو .
الضابط : اهلو مو هون مسافرين بس في ناس من عيلتو هون وكانو عم يدورو عليه ولما عرفت مكانو خبرتهن واجيت لحتى اخدو لعندهن .
سيما وقفت وقالت :تاخد مين عبود مارح يروح لمكان هاد بيتو واللي بدو اياه بيجي لعندو .
الضابط :
بس عفوا مين حضرتك لحتى عم تحكي هيك .
سيما : انا مرتو ومارح خلي حدا ياخد عبود مني فهمان عليي .
الضابط : انا ماكنت بعرف انوومتجوز بس يابنتي هو عندو اهل واهلو بدهن اياه والقانون معهن .
سيما : قانون …اي قانون هاد ياللي بيسمح لأهل يتركو ابنهن ويتخلو عنو وهو مسكين ومابيعرف يدبر حالو .
الضابط : هنن ماتركو هو كان ضايع منهن من سنين وماكانو يعترو عليه .
سيما مااقتنعت بالكلام بس وقت اتطلعت على عبود شفقت عليه وقالت بحالها ليش هالمسكين مابصير عندو اهل متل بقية الناس وبيفرح هو فيهن كمان .
هديت سيما شوي وصار الضابط يقنع فيها بكلام حلو وموزون وقالتو بالأخر انها مابتقدر تعيش بدونو واقنعها انها تروح معو واقتنعت اكتر وقت سمعت انو الناطور حاطط ببالو عبود ليحرق البها عليه لأنو اغلى شي عليها .
طلعت سيما من الضيعة مع عبود والضابط ياللي رجعلهن لياخدهن بالليل بدون ماتحسس حدا وماكان حدا بيعرف بمكانها ولا حتى عندليب لكن سيما فكرت بنص الطريق انو معقول تكون هي لعبة من الناطور لينتقم منها وخافت كتير وماارتاحت الا لشافت انها وصلت على مغفر شرطة ودخل معها عبود والضابط .
اجى مسؤول واخد عبود وقالو انو بدهن يعملولو شوية فحوصات ليتأكدو انو ابن الجماعة اللي عم يدورو عأبنهن .
سيما ضلت خايفة على عبود وبقيت حصة طويلة قاعدة بمكتب لحالها …واخيرا اجى شرطي وطلب منها تروح معو لغرفة العميد .
دخلت سيما على غرفة كبيرة كانت عتمة شوي وكان في رجال واقف عند الشباك وعم يحكي بالموبايل .
خلص الضابط مكالمتو وسأل سيما : شو بتحبي تشربي.
سيما : ولا شي شكرا .
الضابط مسك سماعة التلفون: ياابي جيبلي تنين قهوة وكاسة ليمون باردة .
ماكانت شايفة شكلو بس خيالات وبس سمعانة صوتو .
ضل عم يتطلع من الشباك ويسأل سيما شلون تجوزت عبود وشو السبب وشو ياللي صار معهن وعن ابو حسن وليه حاطها براسو كل هاد وسيما عم تجاوبو وهي خايفة انو لشو كل هالتحقيقات .
سيما: معلش اسأل سؤال.
الضابط :
تفضلي .
سيما: عبود وينو من زمان اخدو ولهلأ مارجع طمني عنو الله يوفقك والله انشغل بالي كتير .
الضابط: كل هالقد بتخافي عليه ..
سيما : ماعندي غيرو خاف عليه هو كل شي لألي وكل شي حلو بحياتي .
واخيرا قعد قبالها لكن مووشايفة منو شي .
سيما :ليه ماعم تشعلو الأضوية هون .
الضابط: سيما عبود قريب منك كتير .
سيما : قريب مني وين يعني بالغرفة التانية .
الضابط: لأ اقرب من هيك اتطلعي حواليكي منيح بتشوفي .
صارت سيما تتطلع حواليها وقال