ربيع عمري كامله لعشاق الروايات العربيه

#ربيع_عمري
الجزء الاول
عم تكبر سيما وعم تحلى يوم عن يوم وابن كبير الضيعة عم يزيد اعجابو فيها اكتر لحتى تحول الاعجاب لحب التملك صار بدو اياها باي شكل مابهمو كيف المهم يحصل عليها .
صاار حسن يلاحق سيما من مكان لمكان لحتى اتضل قدام عيونو وليشوف ازا كانت بتح,,ب. رجال تاني او لأ.
سيما كانت منتبهة عليه لكن مطنشتو لانها مابتطيقو ودايما بدايقيئها .
حسن حاكى ابو بموضوع سيما بالبداية ابو رفض لكن مع اصرار حسن وافق .

راح ابو حسن ليطلب سيما رسمي من أبوها وكان ابوها رجال كبير ومريض وما كان كتير رضيان عن هالجوازة لان بيعرف حسن و همالتو وزعرنتو بالضيعة وانو مدلل ابو وبيعمل اي شي يزعل الناس ويحرقهن كمان بس ليرضي رغبات ابنو .
رجعت سيما من شغلها وشافتهن عندهن بالب,,يت .
ابو حسن: ياماشاء الله شو كبرانة وحليانة ياسيما معو حق ابني يجن فيكي هيك تعي تعي عدي جنبي .
سيما قعدت عند ابوها وباست ايدو وقالتلو : خير شو جابكن لهون كيف تنازلتو واجيتو على قن الجاج تبعنا مو كنت بتقرف منو سيد حسن .
حسن :

كنت عم امزح معك انتي الواحد مابيعرف ياخد ويعطي معك بالحكي .
سيما : خلاصتو ليش انتو هون؟
ابو.حسن: هيك انتو بتستقبلو ضيوفكن ياابورياض.
ابو رياض: قومي يابي اعمليلهن فنجان قهوة .
سيما : ماعنا قهوة تناسبهن قهوتنا مو.طيبة .
ابو حسن: مابدنا شي نحنا جايين لناخد جواب شو قلت ابو رياض.
سيما : اي وشو بدكن ماضل عنا شي لتاخدو ماضل غير تاخدو ابي معكن .
ابو حسن : لا نحنا بدنا اياكي انتي .
سيما سكتت شوي : انا شو يعني انا .
ابو حسن:

انا جاي اطلبك لابني حسن وانتي بتعرفي قديه هو مع,,جب فيكي شو قلتي .
حسن قرب منها : والله ياسيما الا عيشك عيشة الاميرات وكل شي يكون تحت امرك وخدمتك.
سيما : هاد اللي ضل ولك انت مابتستحي على حالك لك انا كم مرة بهدلتك بنص الشارع لك انا مابطيقك ومابطيق اسمع صوتك ولا اسمك كمان بدك اياني اتجوزك ليش ماضل رجال غيرك .
ابو رياض : بابا عيب الجماعة ببيتنا .
سيما : قصدك قن الجاج مو هيك كنت تقول سيد حسن امشي اطلع برة انت وابوك ولبقى تيجو لهون برااااا.
ابو حسن:

هيك ياسيماوانا يالي كنت جاي انشلك من الفقر انتي وابوكي .وساويكي خانوم وانسانة محترمة .
سيما: انا محترمة غصب عنك فهمان وهاد الفقر ياللي عم تحكي عنو انت السبب فيه وقت شردتونا واخدتو بيتنا لتكملو مشروعكن وعطيتونا هاد القن عواضو وقلتو انو بيتنا مابيستحق اكتر من هيك.
وهلا بكل عين وق,,حة جاي بدك تجوزني لابنك ،انتو ماعدتو استحيتو ……لساتكن واقفين اطلعو لبرا برااااا ولا ترجعو لهون توس,,خو بيتنا اي .
ابو حسن وهو طالع : ماشي ياسيما والله الا اخليكي تندمي طول عمرك على قلة زوءك معنا انا تقلعي,,ني من هالخرابة هي .
سيما :

اواااااام اواااام هلأ بتوسخولنا الخرابة انقلعووووووو.
حسن: هيك وانا متت لاقنعت ابي ليجي يخطبلي اياكي وهيك بتعملي .
سيما: انت ماسمعتني وقت قلعتك انت وابوك ولك روح انقلع انا بكرهك وبكره هالضيعة ياللي حاوية اشكالكن .
ابو رياض : ولك يابنتي ليه هيك عملتي انتي مابتعرفيهن لهدول عندهن استعداد يحرقونا ونحنا بالبيت.
سيما: يابي اكتر من القرد مامسخ الله يعملو ياللي بدهن اياه مابهمني ،المهم انت ابو رياض اخدت الدوا والا كالعادة عم تتدلل لاعطيك اياه انا .

ابو رياض رجال كبير ومري,,ض مابقوم من الفر,,,,,,اش وعايشة سيما مع ابوها لحالهم امهامتوفية من خمس سنين وهي ياللي بتشتغل لتجيب أغراض البيت وتجيب ادوية ابوها .
ابو حسن رجال متسلط بياكل حقوق الناس واي شي بيعجبو بالضيعة بحط عينو عليه ولازم ياخدو لو بالغصب .
سيما مابتحبو لاجل هالشي وانو كل اهل الضيعة نفس الشي مابحبو وهي خصوصي مابتحب ابنو ياللي اخد عوايد ابو وانو كل شي بدو اياه لازم يحصل عليه ومن بين هالشغلات بدو يحصل على سيما باي شكل.
مرق اسبوعين وكانت سيما تعبانة ومو مرتاحة وكان حسن كتير يدايقها بكلامو وتصرفاتو .

رجعت من شغلها دخلت عالبيت,, وراحت لعند ابوها لتعطيه الدوا كالعادة وص,,رخت سيما صر,,خة قوية وصلت لعند الجيران ،كان ابوها مسلم الروح زعلت عليه كتير لان مابقالها حدا بهالدنيا غير رب العالمين.
قامو الجيران باللازم وبمراسم الدفن وتكفلو بالعزا كامل،حاول حسن وابو يعملو لسيما شي لكن رف,,ضت وبشدة حتى انها رفضت عزاهن وقلعتهن من بيتها .
مرقو الايام بسرعة ورجعت سيما لشغلها لكن ابو حسن مانسي المواقف ياللي عملتهن سيما معو ومع ابنو وقرر ينتقم منها ليعلمها شلون تتعامل مع اسيادها .
رجع حسن مرة تانية طلب ايد سيما وقال بحالو هالمرة رح تقبل لان مابقيلها حدا بهالدنيا.

وكالعادة سيما رفضتو وبهدلتو قدام اهل الضيعة ،ابو حسن عرف شو عملت سيما من جديد وانغ,,اظ من تصرفاتها وقال بحالو فكرت انو انكسرت شوكتها بعد مو,,ت ابوها لكن كل مالها عم تتنمرد شو ماحد عم يقدر عليها .
ابو حسن بيوم وقت العصر جمع الناس كلها بساحة الضيعة وقت رجعة سيما من شغلها وقفت سيما مع هالناس لتشوف لشو هالتجمع ماكانت بتعرف انو هي مكيدة لالها

.
ابو حسن :انا جمعتكن هون لقلكن انتو بتقبلو يااهل ضيعتي انو يكون بينا وحدة مو نضيفة وسمعتها مو.منيحة
نحنا عايشين مع بعض بدون مشاكل ومابدنا يكون بينا بنت مو نضيفة لانو وحدة وسخة رح توسخ تنتين وتلات واكتر ليفلتو كل البنات واكيد انتو مابترضو بهيك شي مو .
اهل الضيعة صارو يتهامسو ويحكو انو شو صاير ومين هي اللي سمعتها مو منيحة ،ومن بينهن سيما كانت تسأل نفس السؤال .
ابو حسن : انتو بتوافقوني انو هالبنت لازم يااما تتقلع من الضيعة يااما بنلاقيلها عقاب يناسبها ويناسب فعلتها الوسخة .
اهل الضيعة مع بعض :

اي طبعا بنوافقك .
ابو حسن بنظرات كلها حقد ولؤم وموجهين صوب سيما: تعالي لعندي سيما.
سيما : وليه لحتى اجي لعندك شو بدك مني .
ابو حسن : تعي لهون ……خلص بقى كشفتك وماعاد فيكي تخبي حالك اكتر من هيك …افعالك الوسخة صارت واضحة لا بقى بعدين تجي وتسوقي علينا الشرف اي ….انا بحمد الله انو ماصار نصيب بينك وبين ابني او ايواااااا هلا فهمت ليه كنتي ترفضي لحسن كل هالوقت لحتى مايكشفك ويعرف انك وحدة وسخة وواطية وبلا اخلاق وبلا شرف.
سيما : انتي مع مين عم تحكي ….
ابو حسن :

عم احكي وكلي اسف مع اشكالك .
سيما : ولك ياواطي هاد الحكي موجه لألي ولك كل ياللي كنت عم تحكي عني انا .
ابوحسن : اي عنك انا بالبداية كنت مفكرك شريفة بس بعد اللي سمعتو واللي اكدولي اياه الشباب صرت اقرف انطق اسمك مو بس اتطلع فيكي .
سيما : ولك واحد متلك الوسخ انا اشرف منك ومن كل عيلتك ياحقير .
ابو حسن : ههههههه اي هيك يعني .
اهل الضيعة عم يتهامسو مع بعض انو معقول سيما تعمل هيك شي مستحيل .
ابو حسن :

تعا يا جابر وياكمال واحكو لأهل الضيعة شووعملتوومع سيما ليلة مبارح والأسبوع اللي مضى .
صارو جابر وكمال يحكو بصوت مسموع انو سيما طلبت منهن ليلة مبارح يروحو عبيتها بماانها صفت لحالها وخليلها الجو وفيها تعمل اللي بدها اياه .والاسبوع الي مضى شافوها مع رجال غريب وهو داخل لعندها عالبيت وما طلع لوش الصبح وووووووووو.
سيما صارت تصرخ :

ولك ياواطي منك الو انا هيك عملت ياكلاب الناطور (الناطور اللي هو ابو حسن ).الله لا يوفقكن صرتو تتمقطعو فيي لاني صفيت بدون رجال يدافع عني ويحميني من لسنتكن النجسة انتو مابتخافو من الله لك كل واحد فيكن يروح يدور ببيتو ويشوف شو فيها عيوب ويتطلع بحالو والا شفتو انو مافي مني امل بدكن تعملولي فضيحة اه .
ابو حسن : وليش لحتى مانسدق انتي لحالك بالبيت وبصراحة اكتر من واحد شافك بترجعي عالببت متأخرة وين بتكوني .
سيما :

انا مو مضطرة قلك وين بكون بس رح قول لكزبك قدام الكل لما بروح متأخر بكون عند خالة ابتهال بتعلمني عالخياطة والتطريز بدي يكون في بأيدي صنعة منيحة .
ابو حسن : حلو وينها ابتهال تعي لهون ، شو ياابتهال مزبوط الحكي انو سيما عم تجي لعندك وتروح متأخر لتتعلم عندك الخياطة .
ابتهال :……
سيما : خالة ابتهال احكيلهن اني بجي لعندك كل يوم احكي ليه ساكتة .
ابتهال ساكتة وراسها بالأرض .
ابو حسن : احكي ياابتهال ليش ساكتة اهل الضيعة ناطرين تحكي .
ابتهال :

لأ هي مابتجي لعندي هي بتقلي غطي علي واللي بيسألك عني قولي اني عم اجي لعندك لأتعلم الخياطة ومابعرف لوين بتروح .
سيما مصدومة وصارت دموعها غصب عنها تنزل من عيونها : شووووو عم تحكي خالة ابتهال ليه هيك مووحرام عليكي هلأ انا ماعم اجي لعندك كل يوم لأتعلم الخياطة خافي من الله في اخرة وبدك تنسألي .
ابو حسن عم يتطلع بأبتهال نظرة تهديد انو ازا بتحكي غير اللي فهمتك اياه رح تشوفي مني العجب .
ابتهال وصوتها عم يرجف :

لا ليش الكزب انتي ماكتتي تتعلمي شي مابعرف لوين كنتي تروحي الله يستر علينا انتي تغيرتي كتير من بعد موت ابوكي .
صارو اهل الضيعة يتطلعو بسيما نظرات اش,,مئزاز وقرف والشاطر يالي بدو يحكي عليها ويطلع هو الشريف .
جنت سيما وصارت تص,,رخ : اكيد هاد كلو منك لأني ماوافقت على ابنك ولأني قلعتك من بيتي بس الحق مو عليك الحق عاللي بسدق امثالك وبسمعلك واجت لتروح مسكها ابووحسن وقلها شو بتفكري دخول الحمام متل طلوعو مابدك تاخدي حسابك .
ابو حسن : يااهل الضيعة كيف بتحبو نعاقب هي الحشرة نرميها برات الضيعة والا عندكن اقتراح تاني .

صار كل واحد منهن يقترح اقتراح شكل اخر شي قلهن ابو حسن طبعا من تفكير مسبق : انا عندي حل ورح يكون عقاب وترباية لأي وحدة بتفكر تعمل متل سيما .
اهل الضيعة : شوو .
ابو حسن : ليش مابنجوزها.
واحد من الرجال : ومين ياللي بيقبل يضب وحدة بلا شرف متل هي .
سيما : واحد متلك قليل شرف.
سكتها ابو حسن وماخلاها تكمل وقال :

اكيد ماحدا منا رح يضبك.عندو …شو.شباب مين بحب ياخد هالو,,سخ,ة لعندو لتروقلو مزاجو ……اغلب الشباب رفعو ايديهن قالتلهن سيما :لو اني وسخة متل ماعم تحكو كان ماواحد فيكن قتل حالو عليي وقالت :ولك بقبل بعبود المسكين ولا بقبل بواحد فيكن .
صار الكل يضحك .
ابو حسن : اي اي هاد اجدب ومابيعرف شي وهاد اكبر عقاب لألها شو قلتو .
الكل : اي والله مو

غلط خرجها بتستاهل اصلا الاجدب وكتير عليها هههههههه .
سيما : الله لا يوفقكووووون ياولادين الحرام بدكن تتحكمو فيي وتجوزوني على كيفكن انا بورجيكن .
مسكوها شباب متل الحيطان وربطوها وراحو جابو عبود الاجدب وجابو الشيخ ليكتب كتابهن .
اهل الضيعة شي مسدق الحكي ياللي انحكى عسيما وشي مشكك وشي مو مسدق بس مافيو يحكي لان بيعرفو ابو حسن وجبروتو وشو بيطلع معو .
اتفقو مع الشيخ على كل شي وجهز الاوراق وقعدو عبود وسيما مربوطة وعم تصرخ من جواتها وعم تبكي متل المجنونة وجبروها توقع بالتهديد وحاكاها ابو حسن :

ازا مابتوقعي ياحقيرة والله الا هالمرة جد ابعتلك كم ازعر يعمل فيكي العمايل ومايتركوكي الا وانتي حامل بالحرام وجيب نص اهل الضيعة تشهد عوساختك هاااا شووقلتي، انا حذرتك قبل هيك الا خليكي تندمي وماسدقتيني .
ماتركلها مجال تحكي لأن بتعرفو بيطلع معو اكتر من هيك .
صارت سيما الحلوة الأمرة زوجة عبود الأهبل وعطوهن بيت بنص ساحة الضيعة لحتى يبقو قبال الكل .
شباب الضيعة :

نيالك ياعبود مين قدك شو بدك احسن من هيك هي اجتك عروس متل القمر لعندك بس بتخبرنا بكرة بالصباحية شو عملتو اي طمنا عوضعك …..وصارو يضحكو وكان في منهن حاسدو للأجدب عبود عهالجوازة ومنهن متمني يكون اجدب لحتى تصحلو بس ……
حسن جن جنانو من ابو وقلو : ليه هيك عملت يابي انت بتعرف انو سيما مو هيك وانها اطهر واشرف وحدة بكل بنات الضيعة ليه هيك شوهت سمعتها وجوزتها للأجدب عبود .
ابو حسن حط ايدو عكتف ابنو وقلو :

هاد رد يااهبل على عمايلها معك وعلى تقليعتنا من خرابتهن وقت انضربت على قامتي ورديت عليك ورحت اطلبلك اياها والا شو كنت مفكر رح مرقلها اياها بلا حساب مو الناطور ياللي بيسكت على حقو …..
حسن : اي ماشي انا معك انو تربيها وتأدبها بس مو تجوزها للأجدب عبود كنت جازيتها وجوزتني اياها الي بماانك حسنت تجبرها .
ابو حسن :

شو جنيت انتي انا فوت هيك شكيلات عبيتي واعملها كنتي واعمللها قدر وقيمة فشرت بنص عينها خليها اصلا عبود كتير كمان عليها بس حابب شوفها بكرة بالصباحية كيف شكلها وشو رح يعمل عبود معها هاهاهاهاهاها
سيما وعبوددخلو عالبيت وما كان في غير فرشتين وحرام ومخدتين وكان البيت مكون من غرفة وصالون صغير ومطبخ وحمام وكان فاضي من العفش .

قعدت سيما عالأرض وصارت تبكي عاللي صار معها وتتزكر كيف شوه سمعتها وكيف اهل الضيعة ياللي بحبوها سدقو كلامو بكل بساطة وانو ابتهال كيف افترت عليها وكزبت انها مابتروح لتتعلم عندها الخياطة ، لكن مسحت دموعها بعد وقت طويل وتعب كتير وتحلفت لكل واحد فيهن انو مارح تنسالهن اللي عملو فيها وخصوصي الكلب الناطور ابو حسن .
عبود قاعد قبال سيما وعم يتطلع عليها وهي عم تبكي وماقرب منها وماحاكاها ولا كلمة .
قامت سيما غسلت وشها وراحت لحتى تنام وقت رجعت شافت عبود نايم عالارض وكامش حالو شفقت عليه وغطتو بالحرام ونامت بعيد عنو بدون غطا .

تاني يوم فاقت سيما وكانت كتير مكتئبة
لكن ماكان عبود بالبيت وسمعت صوت ناس عم يحكووبصوت عالي قامت واتطلعت من الشباك وشافت شباب الضيعة ماسكين عبود وعم يسألو بس مافهمت عن شو .
وقت شافها عبود عالشباك رجع عالبيت ، راحت سيما لعندو وقالتلو شو كانو بدهن منك اه وليش لتطلع من بكير مابصير تطلع بدون ماتقلي اي .
عبود عم يهز براسو .
مرق الوقت بسرعة وسيما حست انو عبود جاع وبدو ياكل راحت عالمطبخ ولاقت تلاجة وفيها شوية خضرة عملت اكل من هالموجود وطعمت عبود وحاول يسألها مشان تاكل بس مارضيت .

مرقو تلات ايام وسيما وعبود ماحدا عم يشوفهن بنوب وقررت سيما تمشي بحياتها طبيعي وترضى بنصيبها وقررت انو تغير من عبود قامت وسخنتلو مي وحاولت انها تحممو لكن هو رفض حست انو خجلان منها وتركتو يتحمم لحالو وقت طلع وخلتو يلبس لحالو ومشطتلو شعرو ونضفتلو ادني ولبس تياب نضيفة كانت باعتيتهن رفيقتها عندليب تياب لألها ولعبود .
ضلت سيما حصة عم تتطلع بعبود ياللي نصدمت بشكلو انو كل هالجمال مخبى ورا الغبرة والوسخ والشحار اللي معبي كل جسمو ماسدقت عيونها انو هيك شكلو .

قربت لعندو واتطلعت بعيونو ياللي كان لونهن رمادي غامق واسعين وبيلمعو متل النجوم وطولو وشعرو الناعم قالتلو : لك عبود لك شو هالجمال حبيبي انت متل القمر بتجنن ليه هيك عامل بحالك مخبي كل هالحلاوة بالوسخ والشحار لك ماعم سدق انو هاد انتي اللي كنت من يومين .
عبود اتطلع بسيما وعم يسمعلها وحست انو عم يفهم عليها وحست بشي غريب ناحو .
سيما : اقعد لقلك عشغلة بدي منك تسمعني منيح اي .
عبود : اي
ضحكت سيما وقالتلو : انت فهمان عليي وسامعني مو .
عبود : اي
سيما :

حلووكتير بدي منك ماتطلع من البيت بدون ماتخبرني وازا طلعت ماتبعد كتير بدي اياك قريب مني اي وماتحاكي ولا حدا بكل الضيعةةالا رفيقتي عندليب لأن هي الوحيدة ياللي ماسدقت الحكي عني اي وبدي اياك اتضل نضيف هيك وماتوسخ حالك ماشي حبيبي ..
عبود عم يتطلع فيها ومركز بعيونها : اي
طلبت من عبود يناديلها عندليب .
اجت عندليب

لعندها وقالتلها : يويل البي عليكي شو صار معك .
سيما : مو مهم انا رضيانة بنصيبي وكل شي بوقتو حلو ماتخافي علي والله لأخد حقي من كل اللي افترو علي ….هلأ مو هاد موضوعنا بدي منك تجيبيلي خضرة .
عندليب : خضرة ….لشو لألك للبيت يعني .
سيما : لأ مافهمتي علي بدي اعمل مخلل وبيع .
عندليب : ليه يعني .
سيما : ياالله شو حوبة بدي اشتغل لكان من وين بدي جيب واصرف وعبود هاد مابدو اكل ولبس وغيارات .
عندليب :

صحيح عسيرة عبود لك شو هاد هلأ هاد عبود المعفن الوسخ اللي ريحتو طالعة ولك شو هالجمال اللي عندو سبحان الذي خلقو وين كان مخبى جمالو كسبتي في اجر وبكفي بتتنعمي بهالجمال كل يوم صبح ومسا صحيح هو اجدب بس جمالو بعوض شوي .
سيما : اول شي لا تحكي عنو معفن واجدب ووسخ جد عم احكي مابسمح لأي حدا انو يحكي عليه كلمة مو منيحة هلأ صحيح هو عالبركة بس صار جوزي ومابسمح بكلمة غلط بحقو شو فهمتي وهالحكي بتفهمي لكل اهل الضيعة ماشي .
عندليب :

سيما مو قصدي والله بس انا انصدمت فيه انو كيف كان وكيف صار .
سيما : قصدك او موقصدك لحتى ماتعيديها مرة تانية….المهم ماتنسي تجيببلي خضرة للمخلل اي .
راحت عندليب وقامت سيما عالمطبخ وعملت غدا ووقت جهز نادت على عبود اللي كان قاعد عباب البي,,ت والرايح والجاي عم يتطلع فيه انو مين هاد وكيف كان وكيف صار .
جابت عندليب سناديق خضرة شي بيتنجان وشي خيار وفقوس وفلفل حد وحلو لزوم المخلل وجابتلا كمان مرطبانات .

بلشت سيما تعمل هالمخلل وتعطيهن لعندليب اللي كانت تجيها كل يوم وتبعتهن لتاجر يببعهن ويعطيها اجرتهن وصارت سيما تعطي لعندليب حق الخضرة ويضل المربح لألها.
بيوم قررت سيما انو خلص لازم تطلع وتشوف الدنيي وانو لازم تشتغل بأيدها وتنزل عالسوق .
نزلت عالسوق مع عبود واخدت مقاسووبكل شي وجابت لألها شوية تياب وشوية اغراض للبيت وراحت لبياع الخضرة ياللي كانت تتعامل معو عندليب وراحت للتاجر اللي بياخد المخلل وتعرفت عليه وعرفتو على حالها .
وهي راجعة من السوق شافها حسن راح لعندها ركيض ونادالها :

سيما …..سيما كيفك شو اخبارك ليه ماعم تطلعي من الببيت ماعم شوفك بنوب كيف عايشة مع هالاجدب .
سيما وقفتو وقت قال عن عبود اجدب : مابسمحلك ها اوعك تحكي عنو اجدب هاد احسن منك ومن ابوك ومن كل اهل الضيعة فهمان بعدين انتو شو بدكن مني ماخلص ابوك انتقام مني شو بعد بدو اه بتقلو مايفكر انو هو هيك كسرني لااا غلطان كتير انا بعرف كيف اخد حقي منكن بس كل شي بوقتو حلو ومسكت بأيد عبود وقالتلو :هاد الأجدب جوزي وما بسمح لأي حد يحكي عنو هيك بدكن تحترمو ان قلتو وان قلتو لأ فهمان .

رجعت سيما عالبي,,ت وطلبت من عبود يدخل يتحمم وراحت لتشوف شغلها .
يوم عن يوم صار يتحسن شغل سيما وصارو نسوان الضيعة يجو ويطلبو من عندها مخلل وصارت تعمل وتبيع للتاجر ولنسوان الضيعة رغم انها متدايقة منهن بس قالت مضطرة بدها تعيش وتعيش عبود معها .
سيما عم تعد بالمصاري اللي وفرتهن من تجارتها وطلبت من عبود يضل قدام بالبيت ومايطلع بنوب لحتى ترجع من السوق .

عبود لحقها بس بدون ماتنتبهلو وضل ماشي وراها كأنو عم يحرسها ووقت رجعت عالبيت ماكان موجود قلقت عليه وبعد شي ساعة رجع عالببت كلو غبرة ورمل وشعرو منكوش متل زمان جنت سيما ولما دخل عالبيت سألتو بخوف مين عامل فيك هيك حدا ضاربك حدا عمل معك شي طمني احكي اي شي .
عبود : عبود بلعب عبود بلعب .